يا أهل الخبره في الجيوب عندي جيب مسولي قلق عندكم حل ؟؟؟

[سلطان الصفرات]

السلام عليكم ورحمة الله وبركاته
يا جماعه الربع ايش الحل مع جيب جراند شروكي حرارته ترتفع بسرعه الي عنده حل يفزع يعلمني الطريقه وتخبرون جونا في السعوديه براد مره :j وجو لطيف:p

يقولون ان درجه الحراره في ا لرياض امس 49 درجه يا ساتر :rolleyes:

[غاوي رومانس]

اخوي سلطان الصفرات

الله يكون في عونك ويساعدك على المشكلة اللي ماتطلع الا بهالجو الحار

المهم نصيحتي لك اول شي ابتدي بالصغير

وهو انك تغسل وتسيخ الرديتر

وجربه وان شاء الله يضبط معاك

واذا ماضبط شوف الرديتر يمكن يكون نحاس اذا نحاس تراه مو زين

دور لك على رديتر المونيوم احسن منه

والله يلهمك الصبر على الحرارة

تحياتي

[ابوطاقية]

القراند شروكي دائما ياخذ المركز الاول بارتفاع الحراره
وزياده على ماقال اخونا غاوي
انتبه من سير المكينه لازم اصلي والا ترى اذا تقليد يرتخي مع الحراره

[سلطان الصفرات]

يعطيكم العافيه لكن دينموالمروحه عندي يشتغل ويفصل تتوقعون لو اغيره بيضبط وين احسن صناعيه في الرياض

[بن طريس]

وتأكد من غطا الاتيتر شوف الجلده منقطعه او السبرنق ضعيف

[راعي الركيات]

كم تاصل الحرارة عندك

[سلطان الصفرات]

الحراره توصل النص وتزود شوي ..

[Nasser-ahah]

الشباب يفيدونك

[mfash]

رجو من الشباب تصييخ الاديتر كل سنتين وثلاث سنوات لا ن الصداء يمنع الماء من التبريد

[mfash]

مشكلة الحرارة

سيارتي جمس 94 سعودي جميح مقاس 2500

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم جلست مع واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أخضر صناعة أمريكية يشتغل على الكهرباء أو أي جهاز مماثل له

بالتوفيق للجميع

[سلطان الصفرات]

الله يعطيكم العافيه طيب بالنسبه للدينمو المروحه يشتغل ويطفا لحاله يعني لازم تغيير

[العمدة 555]

اذا استخدام امريكي لازم تركب مروحة ثانية خذها من التشليح بسعر يتراوح مابين الـ 300 إلى الـ 400 لأن سعر الجديدة الأصلية 1800
وعلى فكرة الشروكي الحراره إلى النصف طبيعية ولكن اكثر من النصف إلى الثلثين لازم تركيب مروحة

[ffrr]

الشروكي مخلي خويه وحرارته مرتفعه مرتفعه لوتركب رديترقلاب

[قطب 999]

الشروكي مخلي خويه وحرارته مرتفعه مرتفعه لوتركب رديترقلاب
ههههههههههههههههههه اجل قلاب مره وحده

[شروركي 111]

ههههههههههههههههههه اجل قلاب مره وحده
هو صادق .......

[سلطان الصفرات]

يعطيكم العافيه في احد يخبر مكان صناعيه في الرياض وتشليح عليه الكلام ....