الدف لوك

[مشتاق11]

مافائدة الدفلوك مايسمى بالهزاز مت يستخدم وكيف يستخدم لاني شغلته وانا في تغريزه ما سوى شي السيار ه فكسار قير عادي 2003

[النحيف]

السلام عليكم ورحمة الله وبركاته

الدوف لوك هو قفل تفاضلي للدبل وعمله أنه يوزع الدوران على العجلات الأربع بالتساوي ( تقريباً ) فلو لاحظت عند التغريز ان الكفرالأمامي الأيسر والخلفي الأيمن غالبا ما تكون هي اللي تتحرك بعد تشغيل الدبل ولما يثولث الموتر وتشغل الدوف لوك يتوزع الدفع على العجلات الاربع وبإذن الله تطلع السياره .

أما انه ما لاحظت الفايده فهذا يعتمد على نوع السيارة و طريقة التشغيل .

بعض السيارات ما يشتغل الا مع الثقيل وبعضها مع الخفيف .

أرجو إني أفدتك

[لن أمل من العطاء]

السلام عليكم ورحمة الله وبركاته



الدوف لوك هو قفل تفاضلي للدبل وعمله أنه يوزع الدوران على العجلات الأربع بالتساوي ( تقريباً ) فلو لاحظت عند التغريز ان الكفرالأمامي الأيسر والخلفي الأيمن غالبا ما تكون هي اللي تتحرك بعد تشغيل الدبل ولما يثولث الموتر وتشغل الدوف لوك يتوزع الدفع على العجلات الاربع وبإذن الله تطلع السياره .


أما انه ما لاحظت الفايده فهذا يعتمد على نوع السيارة و طريقة التشغيل .


بعض السيارات ما يشتغل الا مع الثقيل وبعضها مع الخفيف .



أرجو إني أفدتك



شكرا لك على المسارعة اخي النحيق للرد على تساؤل اخينا

لكن لدي بعض التوضيحات

وهي
1- الدف لوك (قفل الدفرنس ) يكون بين الكفر الايمن والكفر الايسر في الدفرنس الواحد سواء خلفي او امامي
2- الدف لوك قد يكون للدقرنس الخلفي فقط وقد يكون للدفرنس الخلفي واخر للامامي
3- الذي يجعل الفوة متساويه بيم الدفرنس الخلفي والدفرنس الامامي هو قفل الجيربوكس وهو المتعارف بين الناس بالدبل الصغير والذي يكون عليه حرف X بالانجليزي

اتقد ولا اجزم
الجي اكس ار يكون مجهز بقفل خلفي فقط ويكون على الفرار اخاص فيه الحرفان FR واعتقد الفي اكس ار وليس كل انواعه يكون FF و FR


في اكس ار
عندما نضغط على اقفال الدفرنس الامامي والخلفي ونلغي عمل الترس التفاضلي هو ما يعرف بالدبل الصغير نكون قد حصلنا على تزيع متساوي للقوة بين الكفرات الاربع

اتمنى ان اكون قد وفقت في التوضيح

تحياتي اليك

[Nasser-ahah]

شف أنا معي Gxr 97
ولما أشبك الدبل يكون مكتوب Diff Look وصورة دائرة على الجير
يعني الظاهر إنه يقفل الجير موب الدفرنس اللي ورا
أو اللي قدام

[ناصر الدهمشي]

اللي اعرفه عن الدف لوك ينفعك اذا تعلق الموتر

يوزع قوة دفع الدبل للأربع كفرات بنفس المستوى

وان مانفع دور لك احد يسحبك :)

ونحن بالخدمه

[زرود538]

اخي فائدته انه يربط المحورين الايمن والايسر مع بغض سوا الامامى اوالخلفي وتلاحض
عندما تلف الدركسون يمين اويسار لايمكن ان يلف الابصعوبه من اجل ذالك يكون استخدامه عند الضرورا فقط
وعند ما تريد فصله تكون وانت ماشى باعتدال وتلف لفه بسيطه يمين وشمال حتى تنطفى الاشاره
هذا والرجو قد وضحتلك

[لن أمل من العطاء]

هناك نوعين من اغلاق الترس التفاضلي

1- هناك ترس تفاضلي خاص بالدفرنسات
2- هناك ترس تفاضلي خاص بالجيربوكسات

اغلاق عمل الترس التفاضلي الخاص بالدفرنسات يكون العمل فيه بين الكفر الايمن والايسر سواء للدفرنس الامامي او الخلفي

بعض السيارات تكون مجهزة فقط بقفل خلفي والبعض امامي فقط والبعض امامي وخلفي

وبعض السيارات تكون مجهزة بقفل خاص بالجيربوكسات

القفل الخاص بالجيربوكسات يكون عمله التنسيق بين الدفرنس الامامي والخلفي كاملا وليس لكل كفر ويوزع القوة بالتساوي

[ابو خطاب]

بهل فايت لقيت لي في اكس ار مغرز . . وقبل اسحبه بالجمس .. قلت خل اجرب اشغل الدف لوك لانه من موديلات فوق 2005 .
بالثقيل ما دار الا كفر بكل دفرنس بس لما نزلت القير على L سمعت صوت طقه صغيره وبعدها مشى الموتر وطلع من مكانه .. يبدو الله والعالم ان الدف لوك ما يشتغل الا بالثقيل+ L .

[متعب السليمي]

اخواني انا عندي جي اكس قير عايدي
اشغل الدف لوك ماتشتغل النمبه مدري وش السالفه
شكيت براعيه الاول انه مركب المفتاح ديكور هل هذا صحيح الموتر بدون ونش
ارجو افادتي

[عاشق السيل]

الشباب ماقصروا ،، واللي أعرفه فيه سيارات دف لوك للدفرنس الخلفي فقط وفيه للدفرنسين كلها ،،

وليست كل تغريزة يطلعها الدف لوك !! التغريزة اللي تشوف فيها كفر يدور والثاني ثابت ( بنفس الدفرنس ) حط الدبل الثقيل مع الدف لوك وإن شاء الله تطلع السيارة ،،،،

تحية عطرة للجميع ......