البطارية في الباث [الأرشيف]

عادل القرشي

10/05/2009, 06:11 PM

مساكم الله بالخير
عندي باث 2005 غيرت له بطارية اي سي ديلكو ومن يوم غيرتها بنفسي الأمبير الخاص بالضغط يطيح لين تطفي واذا دعستله دعسه خفيفه ينتعش الأمبير واشغل المكيف ومابه اخلاف لين مااطفي الموتر وأعيد الكره وبعض الأحيان ماتصير هذه المشكله وش رايكم افزعوا يالنشاما

النادر نايف

10/05/2009, 10:40 PM

تأكد أن البطارية 85 أمبير أسيديلكو
لأن إي بطارية للجيوب الأخرى تكون ثقيلة علية
مع أنها أقل أمبير تجي 80 لكن أكبر حجم

alfawzan

10/05/2009, 10:56 PM

غريبه

ان شاء الله الشباب راح يفيدونك

A.A.A_207

10/05/2009, 11:40 PM

انا نفس الشي بعد شريت السياره مستعمله فيها بطاريه( 55انبير كوريه ) وركبت (70 انبير نوع باقادر)الكترونيه ونفس مشكلة اخوي ومالقيت الحل ارجو من الاخوه الافاده.. ومعليش على الاطاله..

ترتر

10/05/2009, 11:48 PM

جرب وافصل اصبع البطاريه الموجب لمدة تقريبا ساعه او افصله بالليل وبالصباح اشبكه يمكن فيه مشكله بالكمبيوتر اثناء التركيب جرب بالطريقه الاسهل وان شاء الله تفيد

عرق جهام1

10/05/2009, 11:54 PM

الى الأخوه الأعزاء
معي باث 2005م ومركب بطارية اي سدلكو 70امبير من شهر ولا شفت في الظغط اي مشكلة وللمعلومية انة المرة الثانية لأن الأولا جلست معي سنة وسبعة شهور وهذي نادر ماتحصل في البطاريات بقاء لمدة اكثر .

عادل القرشي

12/05/2009, 08:24 PM

اشكر كل من رد على سؤالي لكن كيف اركب بطاريه اكبر من اللي مركبه عليه بمعنى في الباث 80 وانت تركب 85 أمبير كذلك جربت فصل البطاريه 24 ساعه وعدت وركبتها والوضع كما هو صرت الحين مطنش واحس ان الامور زانت مره تصيب ومرتين تخيب واشكركل من ساهم بالجواب مره اخرى

HAS5SAN

12/05/2009, 08:41 PM

يخوي هذى مشكلة في الدينمو وليس البطارية
والله أعلم
جرب أفصل البطارية وروح شوف الإمبير إذا نفس الحاله
فهى صحيح الدينمو
الله يكون بعونك