يوسف الخليفة1
08/05/2009, 06:01 PM
http://www.mekshat.com/pix/upload03/images114/mk67513____________.jpg
كفيت يا سليمان واقفلت كسبان=وهيضت قلب اللي مولع له سنين
اشوف خرجك يا فتى الجود مليان=ما هي غريبه يا سليل العزيزين
يا راكبن هلّي كما الطير شيهان=لا دلا يومي في سريع الجناحين
يقودها شبلن عليه السنع بان=رايح لقفرا بين طعس ومطامين
في عزلتن فيها من الصيد ضبان=معه خويه يم الاقفار مقصين
في تالي الذرعان ولشمسها شان=يوم استحر الجو عقب الحميمين
مدوها حول الفجر من قبل الاذان=في تالي الدلجه لما نورها يبين
معهم زهابن ما ظهر فيه نقصان=الكاتم ودله معاها ابريقين
وامعلباتن فيها زيتون واجبان=ناسن على ما قيل بالبر ذربين
وخرازتن شقرا بها طاب نيشان=من نوع برنو وارد تشيك ومشطين
ورصاصن استنقر صناعة امريكان=مخرومن العبرود يفرا الوريدين
راحوا فلاتن فوقها الضب شبعان=فيه العقنقل كنه الجيك لترين
في سهلتن منباتها اليوم حوذان=وطوالعن عقب الحيا قبل شهرين
والعرفجه تلقا بها الغصن ريان=لجل السلايق تستوي بين جنبين
لذابن بقاع القدر صفر الالوان=وتزابدن باكبودها لينها تزين
ويحط فوق الزيت ليمون الافران=ويلحقها ثومن والبصل بس فصين
واعويدي والماجي وذرة خولنجان=وابزار وهيلن خالطن فيه دارسين
ومن الطماط اللي نما دون بستان=باظلال محميه نشت بين خوين
واليا نجض يلحق من الرز شعلان=يفرش عليه من اصفر البيض جمعين
واليا استوا النثري عقب فتره ولان=يكبه بصحنن ضواه الكريمين
واسماط فوقه ملقح التمر مليان=والتيم والبيبسي معه طاسة لبين
هذا تمام القول في كف ميزان=وان بانت الزله عسى ربنا يعين
نطلب عسانا في نعيمن وريحان=في جنة الفردوس بين البساتين
( يوسف الخليفة )
كفيت يا سليمان واقفلت كسبان=وهيضت قلب اللي مولع له سنين
اشوف خرجك يا فتى الجود مليان=ما هي غريبه يا سليل العزيزين
يا راكبن هلّي كما الطير شيهان=لا دلا يومي في سريع الجناحين
يقودها شبلن عليه السنع بان=رايح لقفرا بين طعس ومطامين
في عزلتن فيها من الصيد ضبان=معه خويه يم الاقفار مقصين
في تالي الذرعان ولشمسها شان=يوم استحر الجو عقب الحميمين
مدوها حول الفجر من قبل الاذان=في تالي الدلجه لما نورها يبين
معهم زهابن ما ظهر فيه نقصان=الكاتم ودله معاها ابريقين
وامعلباتن فيها زيتون واجبان=ناسن على ما قيل بالبر ذربين
وخرازتن شقرا بها طاب نيشان=من نوع برنو وارد تشيك ومشطين
ورصاصن استنقر صناعة امريكان=مخرومن العبرود يفرا الوريدين
راحوا فلاتن فوقها الضب شبعان=فيه العقنقل كنه الجيك لترين
في سهلتن منباتها اليوم حوذان=وطوالعن عقب الحيا قبل شهرين
والعرفجه تلقا بها الغصن ريان=لجل السلايق تستوي بين جنبين
لذابن بقاع القدر صفر الالوان=وتزابدن باكبودها لينها تزين
ويحط فوق الزيت ليمون الافران=ويلحقها ثومن والبصل بس فصين
واعويدي والماجي وذرة خولنجان=وابزار وهيلن خالطن فيه دارسين
ومن الطماط اللي نما دون بستان=باظلال محميه نشت بين خوين
واليا نجض يلحق من الرز شعلان=يفرش عليه من اصفر البيض جمعين
واليا استوا النثري عقب فتره ولان=يكبه بصحنن ضواه الكريمين
واسماط فوقه ملقح التمر مليان=والتيم والبيبسي معه طاسة لبين
هذا تمام القول في كف ميزان=وان بانت الزله عسى ربنا يعين
نطلب عسانا في نعيمن وريحان=في جنة الفردوس بين البساتين
( يوسف الخليفة )