شوركم يالربع ... أشتري ديماكس مستعمل ولا جديد !!

[هبوب الصبا]

السلام عليكم

الجديد غالي ويطيح من قيمته كثير عند البيع ..

والمستعمل ماتضمنه .. حتى لو فحص كمبيوتر .. يمكن كل راس نفود معتليه .. او يبطي عليه مايغير زيته راعيه .. او او ..

نبي تجاربكم يا أهل العرف

وسلامتكم

[غرامي نجد]

تبغى نصيحة اخو

خلك من المستعمل فكلك وكاله وريح بالك موتر تضمنه ولا موتر تفكر في خراباته

والله يباركلك فيه ويعطيك من خيره ويكفيك شره

[L I M I T E D]

الصلاة خير من النوم

[Magellan]

يٌقال أن 2006 ونازل أفضل من الجديد
يتحمل أكثر
لكن العلم من أصحابه

[عاشق البر511]

هبوب الصبا
والله انا ودي اخدمك لاني انا بصراحه قد جربت السياره ديمكس والسياره غير عمليه صح ان سؤالك جديد او مستعمل
موديل السياره كان ٢٠٠٤
العيوب
اذا راعي طلعات بر واجد يبيلك كل شعر فلتر ديزل لان السياره يضعف عزمها ما تتعدي ١١٠
العيب الثاني الدبل كل ثلاث اشهر لازم اروح الوكاله عشان اغير قطعه في الدبل وقيها ٣٥٠ وماتقدر تصلحها في ورشه ثانيه وفيه نقطه لما تخرب القطه وتصلحها الخراب يكون معك علي خاصه وقت المطر اذا ماء فصل القير
المشكل الاكبر القطعه حقت الدبل اذا خربت القير معاد يعشق يعني يفصل القير وقد احصلت معي مرتين في البر
واعذرني علي كثرالكلام وانا والله ودي انفعك

[هبوب الصبا]

تبغى نصيحة اخو

خلك من المستعمل فكلك وكاله وريح بالك موتر تضمنه ولا موتر تفكر في خراباته

والله يباركلك فيه ويعطيك من خيره ويكفيك شره


يعطيك العافيه اخوي الخمشي على دعواتك الطيبه ..


طيب لو حصلت واحد نظيف وماشي شوي وطايح من سعره كثير مهوب احسن من الوكاله اللي يضربون ضرب ؟؟
لأنه راح ينزل من سعره أكيد فخله ينزل عند راعيه ولا ينزل عندك .. ولا لا ؟

[هبوب الصبا]

الصلاة خير من النوم


أحسنت القول

[هبوب الصبا]

شكرا ماجلان على مرورك ومشاركتك يعطيك العافيه يلأجودي

[هبوب الصبا]

يٌقال أن 2006 ونازل أفضل من الجديد
يتحمل أكثر
لكن العلم من أصحابه


هبوب الصبا
والله انا ودي اخدمك لاني انا بصراحه قد جربت السياره ديمكس والسياره غير عمليه صح ان سؤالك جديد او مستعمل
موديل السياره كان ٢٠٠٤
العيوب
اذا راعي طلعات بر واجد يبيلك كل شعر فلتر ديزل لان السياره يضعف عزمها ما تتعدي ١١٠
العيب الثاني الدبل كل ثلاث اشهر لازم اروح الوكاله عشان اغير قطعه في الدبل وقيها ٣٥٠ وماتقدر تصلحها في ورشه ثانيه وفيه نقطه لما تخرب القطه وتصلحها الخراب يكون معك علي خاصه وقت المطر اذا ماء فصل القير
المشكل الاكبر القطعه حقت الدبل اذا خربت القير معاد يعشق يعني يفصل القير وقد احصلت معي مرتين في البر
واعذرني علي كثرالكلام وانا والله ودي انفعك


غريب .. كلامك يناقض كل اللي جربوه كلهم يمدحونه ..
وإنتقادك ينحصر بس في الدبل والظاهر انها برمجه فقط والوكاله يلعبون على خلق الله
ووشلون يطفي وقت المطر وهو ديزل !!

[عاشق البر511]

غريب .. كلامك يناقض كل اللي جربوه كلهم يمدحونه ..
وإنتقادك ينحصر بس في الدبل والظاهر انها برمجه فقط والوكاله يلعبون على خلق الله
ووشلون يطفي وقت المطر وهو ديزل !!

مو السياره الي تطفي المقصد القطعه حقت الدبل اذا وصلها ماء يفصل القير معاد يعشق مره يعني السياره تكون شغال وماتقدر تمشي فيها مره. ومن ناحيه الفلتر حق الديزل اذا وصله اغبار يقل عزم السياره يعني معاد تتعدي 110

[شاص1988]

اخوي اشتر جديد ولا تشاور احد

[هبوب الصبا]

شكرا للجميع
وشكرا لك اخوي الشاص
لازلنا ننتظر المزيد من الأراء

[مهل]

نصيحة مجرب انحش
لاتشتري مستعمل ولا جديد طرمبة الديزل كهربائيه قيمتها في الوكاله عند اليمني 18000 بعد التخفيض وما يصلحونها عندهم لو خربت يرسلونها لأبوظبي في الامارات
عندي 2004دماكس ماشي 160000 توي مطلعه من اليمني بسطحه مايمكن اصلحه بهالقيمه واذا حبيت تشتري تراي بياع
بعد هالصفعه من اليمني لو يقولون خذ موديل جديد بعشر الاف مابغيته

[Magellan]

أخوي مهل وش نوع هالطرمبة
هل يوجد فيها زئبق أحمر !!!

[شاص1988]

اخوي انت موديل موترك 2004 قديم لان من 2007 الدفعه الثانيه يجيك اطرمبه وحده وفلتر الديزل واحد وبعدين يخوي 2007الدفعه الثانيه هاذهو عندي مقال شي مع كثر الجور الي اليجاه وصابر يخوي ان كانك بتاخذ مستعمل لا تاذخ الى 2007 ىالدفعه الثانيه وفوق ولا اخذلك جديد وريح بالك وبعطيك علم ترى 2007 الدفعه الثانيه وفوق متماسك وصبور ويكد

[بو خليفه]

البديل اشتر ددسن دفرنشين

او ايسوزو شرط الماكينه تربو ديزل على فكرة سعر الجديد 74 الف ريال 2009م من اليمنى

[ملف علاقي]

ارجوقبول مشاركتي إذاودك تشتري وماسبق جربته لاتتوهق مثلي اناطول عمر استعمل ثمان سرندل بانزين وشفت شكل الدماكس وعجبني ورحت العيسي وطقيت واحد فل كامل ديزل 73500الف وجربته واول إسبوع صار الموتر مايلف دركسونه رجعته عليهم وحولوني علي الرشه في شارع الجامعه خلف رعاية الشباب وركبولي طرمبة دركسون جديده علي الضمان وجلس معي شهرين وماتحملته عندي انه ضعيف وبعته 61000الف ماشي 8000الاف لذلك نصيحتي دور واحد ماشي قليل وإذا ماناسبك لوبعته ماتخسر كثير مو مثل الجديد 0

[شاص1988]

اخوي الي متعود على الثمانيه سرندل اكيد مرح تتبرمج مع الاربع سرندل وبعدين اخوي الي يقول اطرمبة الديزل خربان ترى اطرمبات الديزل تتوضب لان سعرة غالي وعندكم محلاواجد في الصناعيه توضب طرمبات ديزل وتى اطرمبات الديزل حقت التريلا تتوضب وترى الطر مبه ماتخترب الا من الديز الي يصب في التانكي لان في محطات الله يهدين وياهم يخلطون الديزل مع الماء وفي الاخير المستهلك اهوالي ياكله

[هبوب الصبا]

اخوي المهل
شكرا لمشاركتك ونصحك ... ولكن .. أكثر اللي جربوه يقولون نادر ماتتعطل وبعدين سعرها 12000 او 10000 بس أتوقع ممكن عبيت من محطه ديزلها مخلوط بماء يعني غش بس لازم تشوف اللمبه اللي في الطبلون على طول وقف ونظف الفلتر قبل تخرب ولو كنت في سفر

شكرا ماجلان

شكرا الشاص
بتشكركن كتير .... ههه