مشاكل اليوكن 2009

[gxr2001]

السلام عليكم و رحمة الله



يا أخوان الفزعة


صاحببي له رغبة بشراء يوكن 2009


الفزعة الي نطلبه جزاكم الله خير هي لأصحاب الخبرة بتلك السيارة


ذهبنا للجميح و سئلنا عن السيارة و أشياء أخرى كالتالي :


بماذا يتميز 2009 عن 2008


كان الجواب القير 6 غيار + ما يسمى بالقيرين تماتيك و يدوي ما أدري و ش أسمه كأنه أسمه توبرونيك


و السعر على ما أعتقد 145000 ألف أما الدنلي فأعتقد قال يزيد 40 الف طبعاً مميزات غير و صراحة روعة


سؤال ما هي العيوب التي ظهرت في المديلات السابقة


كان الجواب من العيوب في المديلات السابقة أنطفاء الطبلون في موديلات أعتقد قال من 2002 إلى 2006


أيضاً حساس القير و يقول عولج حساس القير في الدفة الثانية من موديلات 2008


سؤأل ماهي عيوب 2009 رغم أنه جديد قد لا يتضح عيوب جوهرية في هذا الموديل على الاقل لحداثته


كان الجواب ظهر عيب واحد و هو في بعض السيارات بعد فترة لا تفتح حبة باب السائق عند الفتح بالريموت أي


أنك تفتحه بالمفتاح و يقول هذا داخل ضمن الضمان فيتم تصليحة لتعبر نفسك لحين قدوم القطعة من المصنع خلال


اسبوع تقريباً ثم تركب لك الجديدة .


سؤال على ذكر الضمان ماذا يشمل الضمان عندكم ؟


كان الجواب على المحرك


قلت له المحرك فقط .


قال يا عزيزي أقصد أي شي يطلق عليه محرك يعني ما كينة السيارة - القير - الدبل - و مكينة رفع الزجاج و


هكذا


أما الفزعة التي أريدها من الأعضاء الكرام هي :
أولا هل كلامه صحيح بالنسبة للي جربوا ضمان الجميح
ثانيا هل المشاكل الواردة سابقاً و طريقة صيانتها و تلافيها كما يقول في المديلات الحديثة صحيح أم لا
ثالثاً من كان لديه زيادة أو ملاحظة أو أي شيئ في الموضوع فلا يبخل علينا
رابعاً ما رأيكم باليوكن بدون تعصب رجاء و من يريد الاجابة فضلأ يضع مديل السيارة التي قاس عليها حكمه و السبب سواء أيجاب أو سلبية و لكم الشكر
خامساً ماهي اسعار اليوكن بدول الخليج هي أقل أو أكثر و هل الموصفات متساوية أو فيه فرق مع الشكر

[برق4]

سلم لي على اليوكن عزلله انه موتر وينومسك وانت مرتاح طبعا انا لدي يوكن 2007

[دله وفنجال]

السلام عليكم...

اخوي اليوكن لايعلا عليه الجديد ممتاز ممتاز ممتاز بس عيبه الحيه الامامي وأنه طامن شوي يحك بسرعه وتكسر الحيه والصاجه البلاستك الي فوق الكفرات من داخل الرفرف ...

ولا الباقي خذ موتر قوة وراحه وشكل والحمد لله مافيه خرابات قويه يعني شكليه والربع الي معهم يمدحونه مره ولاشافو منه شي مع ان الي معهم مديلاتها 2007 وعلى قولك اول مديل والعيوب واجد...

ارقد وامن...واذا فلوسك زايده خذلك دينالي وخل عنك الي تحته يكفيك المكينه 441 حصان 6200 cc ... والله يعطيك خيره ويكفيك شره ومبروك مقدماً ...

[أبو فهد11]

شف يالغالي أنا راح اتكلم من ناحيه تجربه

وهو عن التاهو 2008 الموتر ما شاء الله تبارك الله

وانا شخصياً افضله عن اليوكون لعدة اسباب :

اولا/ رخص القيمه مقارنه باليوكون
ثانياً: نفس المواصفات وممكن يكون افضل لأن الفل من 2008 في التاهو يوجد شاشه
أما الفل من اليوكون ما يوجد شاشه ما عدا الدينالي
ثالثاً/ وهذه النقطه من اصحاب اليوكون يشتكون من نور السياره بإنه سيء
أما التاهو ما يحتاج مدح بصراحه لأنه شمعتين

أما العيوب :
أولا/ فيه صوت هواء بسيط من الابواب مع دخول بعض الهواء ( 2009 ما ادري يالغالي لأن الموتر ما زال تحت التمرين وتــوه ماشي 500 كـ فقط ما شاء الله تبارك الله )
ثانياً/ الجنط العشـــــرين على الموتر اللي مع الوالد سابقاً إذا مال الكفر الخلفي
سواءً الايمن او الايسر تسمع صوت حك في الربل الاســـود ( 2009 ما ادري هل هم حلوها أولا والوالد معه 2009 وإلى الأن الامور تمام ولا فيه اي مشكله والموتر ما زال ولله الحمد جديد 500ك فقط ) وفيه واحد أعرفه معه دينالي 2008 نفس المشكله


وأما عن الضمان :

بإختصار شديد أنت إذا لك لسان بتأخذ حقك أما إذا كنت هادي وما خذ الامور تياسير ( يروح حقك سلام )

أنا صارت للوالد مشكله وكتبتها هنا في مكشات مع الوكاله بخصوص بوية السياره 2008 كان على الكبوت

بقع بيضاء تقريباً وكان لون الموتر ذهبي والحمد لله قدمت شكوى حتى طلعوا واحد جديد ولله الحمد 2009


والأهــــــــــم أنتبه لا يكون في الموتر رش بويه قبل الإســـــــــــتلام والله يكتب لك ولزميلك اللي فيه الخير



تقبل مروري يالغالي

[طبعي شمالي]

اعتقد اخوي ابو فهد ماقصر

وبالنسبه لضمان الجميح كلامهم صحيح عن تجربه شخصيه لان معنا سوبربان 2007

ونور التاهو والسوبربان شمعتين مثل ماذكر اخوي ابو فهد

[gxr2001]

سلم لي على اليوكن عزلله انه موتر وينومسك وانت مرتاح طبعا انا لدي يوكن 2007

يامال العافية

السلام عليكم...

اخوي اليوكن لايعلا عليه الجديد ممتاز ممتاز ممتاز بس عيبه الحيه الامامي وأنه طامن شوي يحك بسرعه وتكسر الحيه والصاجه البلاستك الي فوق الكفرات من داخل الرفرف ...

ولا الباقي خذ موتر قوة وراحه وشكل والحمد لله مافيه خرابات قويه يعني شكليه والربع الي معهم يمدحونه مره ولاشافو منه شي مع ان الي معهم مديلاتها 2007 وعلى قولك اول مديل والعيوب واجد...

ارقد وامن...واذا فلوسك زايده خذلك دينالي وخل عنك الي تحته يكفيك المكينه 441 حصان 6200 cc ... والله يعطيك خيره ويكفيك شره ومبروك مقدماً ...


بيض الله وجهك


شف يالغالي أنا راح اتكلم من ناحيه تجربه

وهو عن التاهو 2008 الموتر ما شاء الله تبارك الله

وانا شخصياً افضله عن اليوكون لعدة اسباب :

اولا/ رخص القيمه مقارنه باليوكون
ثانياً: نفس المواصفات وممكن يكون افضل لأن الفل من 2008 في التاهو يوجد شاشه
أما الفل من اليوكون ما يوجد شاشه ما عدا الدينالي
ثالثاً/ وهذه النقطه من اصحاب اليوكون يشتكون من نور السياره بإنه سيء
أما التاهو ما يحتاج مدح بصراحه لأنه شمعتين

أما العيوب :
أولا/ فيه صوت هواء بسيط من الابواب مع دخول بعض الهواء ( 2009 ما ادري يالغالي لأن الموتر ما زال تحت التمرين وتــوه ماشي 500 كـ فقط ما شاء الله تبارك الله )
ثانياً/ الجنط العشـــــرين على الموتر اللي مع الوالد سابقاً إذا مال الكفر الخلفي
سواءً الايمن او الايسر تسمع صوت حك في الربل الاســـود ( 2009 ما ادري هل هم حلوها أولا والوالد معه 2009 وإلى الأن الامور تمام ولا فيه اي مشكله والموتر ما زال ولله الحمد جديد 500ك فقط ) وفيه واحد أعرفه معه دينالي 2008 نفس المشكله


وأما عن الضمان :

بإختصار شديد أنت إذا لك لسان بتأخذ حقك أما إذا كنت هادي وما خذ الامور تياسير ( يروح حقك سلام )

أنا صارت للوالد مشكله وكتبتها هنا في مكشات مع الوكاله بخصوص بوية السياره 2008 كان على الكبوت

بقع بيضاء تقريباً وكان لون الموتر ذهبي والحمد لله قدمت شكوى حتى طلعوا واحد جديد ولله الحمد 2009


والأهــــــــــم أنتبه لا يكون في الموتر رش بويه قبل الإســـــــــــتلام والله يكتب لك ولزميلك اللي فيه الخير



تقبل مروري يالغالي



كفيت و وفيت يا بو فهد الله يرضى عليك


اعتقد اخوي ابو فهد ماقصر

وبالنسبه لضمان الجميح كلامهم صحيح عن تجربه شخصيه لان معنا سوبربان 2007

ونور التاهو والسوبربان شمعتين مثل ماذكر اخوي ابو فهد



ما قصرت . سلمك ربي




الله يبارك فيكم جميعاً يا مال الجنة

[ابوعيسى1]

انا اقول لا تقرب الامريكي كله كليك ((تويوتا وبس))

[ملاعب الذيب]

اسمع الكلام اللي يجمد على الشارب انا شريت يوكن 2005 جديد واستعملته سنتين ونصف الموتر ممتاز بس مشكلته الرئيسيه في الرمل ما يزبن من جد 0اما على الخط ممتاز ورزه مسكت 0 لاتقول ما تعرف تسوق في الرمل لانه كان معي سفاري وكنت ما اخلي طعس الا ارقاه 0 يوم شريت اليوكن فشلني من جد 0 واكيد الاخوان بيشاركوني الراي0 وبخصوص الضمان خلك علك ولزقه تاخذ حقك وكتنك حبيب وسمح احسنلك لا تروح لهم 0

[الاصيل الاول]

احم ما ادري بس ما اعجبني

[رويشم]

السلام عليكم ورحمة الله وبركاته
اخوي اذا تبي تشتري يوكن الله يباركلك بس انتبه من لان بيطفي عليك هذا ما صادني توني مطلع لي تاهو 2009 والله بس استلمته من مستودع التوكيلات ورحت الى البيت هذا الكلام في الليل اصبحنا الصباح شغل ياولد قال ما اشتغل عجزت الى إن اتصلت على الهاتف المجاني وجات لي صطحه وحملناها وديتها الوكاله وتعرف واحد ما مشيت عشره كيلو متر والله وصراخ داخل الوكاله الى ان هدوني وجلسني المدير عنده في المكتب وفحصولي السياره قالي عندك حساسات خربانه وشيك في قطع الغيار موجوده ولله الحمد فيا اخوي انتبه من هذا الشئ انشأالله مايصيدك مثل ما صادنا ونأسف على الائطاله

[أبو فيصل 99]

>>


>>


>>

غير اللاندكروزر أو الفتك لا تدوّر مع احترامي للأخوان يعتمد عليها بعد الله لكن الأمريكي بأي وقت ينكبك

>>

>>

>>

>>

[ERIC7]

بالنسبة لي معي يوكون 2009 sle ماشي حتى الان 50 الف
مشاكل الحمد لله مافيه مشاكل كثيرة اذكر اول ماطلعته كان فيه تهريب زيت الدركسون والسبب الوجه وتم تغييره بس الموتر قعد اسبوع لان القطعة غير متوفره
بالنسبه للقفل حق الباب انا اللي متأكد منه مديل 2008 من الجميح كلها تخرب ويصلحها الجميح على طول
لاكن نصيحه التاهو lt افضل وارخص من يوكون sle ليش
المكيف في التاهو صحيح موب لمس لاكن فيه تحكم منفصل للمكيف الخلفي على عكس اليوكون من قدام وبس ولا تتحكم بالمروحة والتبريد للخلف بشكل منفص يكون مربوط مع الامامي بينما التاهو منفصل
الانوار الواطي والعالي في التاهو منفصله على عكس اليوكن شمعة وحدة يعني نور اليوكون سيء مقارنة بالتاهو
السعر في التاهو ارخص من اليوكون الفرق تقدر تحطه في تظليل او شاشه وخلافه
نصيحة الجنط 17 افضل من 20 مع اني ماجربت العشرين واهل العشرين يمدحونه لاكني ما افضله للي راعي بر واذا انت راعي بر شل الربله اللي تحت الصدام مباشرة لاني تركتها الين عفطت الصدام وطلقت صاجات الربل اللي فوق الكفر وكسر في الصدام والسبب اني طاوعت الناس شلها على طول واجدعها في المستودع اذا انت راعي بر طبعا
يمكن فيه اختلافات ثانيه لاكني ما انتبهت لها