المساعد الشخصي الرقمي

مشاهدة النسخة كاملة : أفكر في شراء طراد وأريد بعض المعلومات منكم لا هنتوا


سلاح
25/05/2004, 10:53 PM
السلام عليكم ورحمة الله وبركاته

أخواني الأعزاء
والله أفكر أشتري لي طراد
وأتمنى من أهل الخبره انهم يجاوبوني عن الأسئلة التالية

1-أيش أحسن طراد من حيث الحجم والأداء؟

2-الأسعار تقريبا للجديد والمستعمل؟

وأرجوا من لديه أي إضافات تساعدني أن يضعها ولكم خالص الشكر والتقدير


أخوكم
ســـــــــــــــــــلاح
سلاح
29/05/2004, 01:12 AM
وينكم يالمكاشيت
معقوله
أربع أيام ولا رد واحد

مع أني متأكد أنكم معذورين يمكن مشغولين
بس تكفون إلي يقدر يفيدني يا أخوان يجاوبني على أسئلتي
gulfhunter
29/05/2004, 11:09 AM
السلام عليكم ورحمة الله وبركاته

ياريت لو توضح طلبك شوي .... مثلاً للصيد أو للنزهه..... طول القارب ....ميزانيتك........

2. الأفضل الجديد طبعاً.... لكن اذا لزم المستعمل يفضل مكينه جديده أفضل وياريت موديل جديد وخل عنك اليماها القديمه ..... وعليك بال ايفنرود الجديده موصفاته ممتازه........ واذا جيت تشتري قديم انتبه وشيك على السباحه..............

عليك بالظاعن 24 قدم ......................
راعي الفُلك
29/05/2004, 12:12 PM
السلام عليكم ورحمة الله وبركاته

بسم الله الرحمن الرحيم

أخي العزيز سلاح الطراريد تختلف أسعارها مع إختلاف نوعها وحجمها ومواطيرها وتجهيزاتا .

1- بالنسبة للقالب : أفضل قالب الياماها الياباني القديم صناعة اليابان وليس الوطني أو صناعة الأمارات مع إحترامي لصناعة الوطنية لكن الإماراتي أفضل من الوطني ، وميزة اليامها خفيف على سطح الماء مثل البلون أي أنه ليس ثقيل ونصفه التحتاني غاطس كله ، ولديه صدر عريض في المقدمه مما يساعد في كسر الموجة ، وفي حالة لاسمح الله ضربت في شعب ولا مرجان فأن نسبة الضرر على أسفل البوت أقل من 20%
وتمت تجربته في مرسى البحر الأحمر في جدة فقد تم رفعه ورميه من مسافة 8 متر على سطح البحر عادي .
ويوجد أنواع أخرى مثل الضاعن جيد و كييلو جيد
2- المواطير : الياماها ممتازة بس مشكلتها الدخاخين تجيب الغثيان , الهوندا ممتازة البنزين لحال والزيت لحال وتغيير الزيت مثل السيارة . وكلها ياباني

طبعا الجديد غالي والمستعمل أرخص حسب الإستخدام .

عندي لك طراد طوله 8.25 م مجهز بالكامل مطلوب فيه 41000 ريال . دفعوا فيه شباب من وزارة المواصلات 35000 ريال كاش و 5000 ريال عند نقل الملكية ، أذا انت صامل ولك رغبة أرسلك التفاصيل
سلاح
29/05/2004, 05:14 PM
والله مشكووووووووورين وماقصرتوا يالربع

طبعا الطراد أبيه للصيد

وكفيتوا ووفيتوا أخواني
الرماي
27/06/2004, 02:55 AM
بسم الله الرحمن الرحيم
الطراريد انواع واشكال


والاهم الميزانيه في شراء الطراد


مثلا طراد 12قدم المنيوم مع مكينه يوصل سعره مستعمل بالكويت 350 دينار

وطراد حوالي 40 قدم 30000 دينار ((هذا ينقاله يخت))

وانت وميزانيتك


وعلى فكره اذا مقصدك من صيد الطراد ورع من فتره
لاتشتري وتتعب نفسك بطلعه وطلعتين وبعدين تمل
وقعد على الساحل واحدق على راحتك لا طراد ولا عوار راس
gulfhunter
27/06/2004, 08:56 AM
حياك الله يالرمادي

كم أسعار المكاين عندكم المستعمله

85 ياماها
115 ياماها
140 ياماها

وجزاك الله خيراً
الغربي
02/07/2004, 03:32 AM
السلام عليكم ورحمة الله وبركاته
يوجد لدية مكينة ياماها اخت الجديد 15 حصان لفك الازمات لو تعطلت في البحر
وانا بعد ادور طراد رخيص وجاد وشراي وحسب ماعرفتة من اخواني الصيادين اذاكان مستخدم
اهم شي تكون السباحه سليمة ( الجزء الارضي اللى تحت ) واتمني من الاخوان اللى عندة طراد نضيف 16 قدم مع مكاينة او بدون مو مشكلة اهم شي سعر ممتاز
الرماي
11/07/2004, 05:02 AM
السلام عليكم ورحمة الله وبركاته
السعار في الوقت هذا عندنا نار
السعر غالي بالنسبه للمكينات المستعمله

اذا تبي النصيحه غير الجديده لا تاخذ
والسبب اذا خربة المكينه في البحر انزل من الطراد ورد السيف تاشيره :)

ويقول المثل حط افلوسك بالشمس وقعد بالضلال
gulfhunter
11/07/2004, 09:50 AM
السلام عليكم ورحمة الله وبركاته

مشكور يالرمادي وماقصرت

الغربي .................. بكم ودك في المكينه 15
غواص الخليج
19/07/2004, 10:46 AM
عندي طراد 18 قدم امريكي عليو مكينة جونسون 115 حصان فيه مظلة متحركة و خزان بنزين المنيوم و تريلة مجلفنة بالكامل و الطراد بحالة ممتازة و السعر 15000 ريال
aziz1_19
24/06/2007, 01:47 AM
عندي لك طراد ممتاز 18 قدم الوضان والماكينة 85 حصان aziz_5431@hotmail.com
khalidmib
24/06/2007, 01:24 PM
الاخ غواص الخليج

اين موقعه حتى اتمكن من رؤيته قبل الشراء؟؟