المساعد الشخصي الرقمي

مشاهدة النسخة كاملة : عندي مشكلة في السفاري ابغى فزعتكم


المفيدي
14/04/2009, 11:28 AM
يار بع ابغى الفزعة اشتريت سفاري 2007 واكتشفت ان فيه رجه اذا زاد السرعة عن ال130 تهز الابواب من هز السيارة ابغى ورشة في الرياض متخصصه في السفاري لحل المشكلة تكفون لاتبخلون
هويدي
14/04/2009, 11:45 AM
مشكلتك امرها سهل بأذن الله

رح لميزان العضيب وخلهم يرصصونه ارضي وهم بدورهم بيشيكون على الكفرات احتمال انها منصفطه من كثر الوقفه او تحبيل بأحد الكفرات او عفط في احد الجنوط او الجنوط تجاريه الاحتمالات كثيره

وعلشان نفيدك والشباب اكثر ياليت تجاوب على الاسفسارات التاليه : <= حشا اختبار :D

الموتر شاريه مستعمل ولا جديد ؟

هل قمت بتغيير الكفرات ؟ او تركيب فرارات ؟
ساري 111
14/04/2009, 12:53 PM
ترصيص .. اوحدى الكفرات عندك مهب مضبوط
غاوي رومانس
14/04/2009, 12:59 PM
اما الموتر يباله ترصيص كفرات

ولا احد الكفرات فيها اورام خبيثة ههه الله يبعدنا عنها

او انك مركب جنوط ماهيب اصلية وتسوي الرجة

تأكد من اللي قلت لك وان شاء الله مافي الا كل خير
العيد
14/04/2009, 01:03 PM
ترى الرجه طبيعية فيه لكن اذا زادت عن الحد المعقول ممكن تشوف الورش المتخصصة في الباترول والله يعينك
سديراوي 13
14/04/2009, 05:57 PM
شف اخوي المفيدي (http://www.mekshat.com/vb/member.php?u=91518) المشكله عندك من الكفرات او عمود الدبل
العود&& الازرق
14/04/2009, 08:10 PM
غير مسااااعد الذرااااع تقبل مروري
الشمطري
14/04/2009, 08:20 PM
تأكد من مساعد الدركـــــــــــــــــــــــسون
ABO AL-HESH
15/04/2009, 08:38 AM
اخوي قبل تصلح اي شي حط هواء الكفرات 35 وجرب
سيف الظفير
15/04/2009, 09:30 AM
مشكلتك امرها سهل بأذن الله

رح لميزان العضيب وخلهم يرصصونه ارضي وهم بدورهم بيشيكون على الكفرات احتمال انها منصفطه من كثر الوقفه او تحبيل بأحد الكفرات او عفط في احد الجنوط او الجنوط تجاريه الاحتمالات كثيره

وعلشان نفيدك والشباب اكثر ياليت تجاوب على الاسفسارات التاليه : <= حشا اختبار :D

الموتر شاريه مستعمل ولا جديد ؟

هل قمت بتغيير الكفرات ؟ او تركيب فرارات ؟







:good::good::good::good::good:


لاهنت يا اخوي على تقديم المعلومة لأخوااااااانك
لا يكثر
15/04/2009, 09:31 AM
عزيزي رجة السفاري تجي من عدة اشياء ولكن لا بد لك من التجربه التسلسليه:-

اول شي توديه للعضيب يسوون له ترصيص ارضي لان الباترول دائما يعاني من الرجه وتجربه
ثاني شي في حال انه ما صلح فمالك الا تعرضه على مختص والا كل شخص سوف يهتف لك بتغيير شي او اخر و 2007 يعتبر جديد بنظري فقط تاكد من الكفرات
المفيدي
15/04/2009, 10:05 AM
بيض الله وجيهكم ياربع ولكن للايضاح افيدكم بان الموير توني شارية
وركبت له كفرات جديدة
علما انه كان فيه رجه ولكن بعد الجديدة زادت الرجة
ارجوا التواصل لانني على وجه سفر قريب
المفيدي
15/04/2009, 10:07 AM
ترى الرجه طبيعية فيه لكن اذا زادت عن الحد المعقول ممكن تشوف الورش المتخصصة في الباترول والله يعينك
اخوي هل لديك معرفة بورش متخصصة بالباترول
امل منكم الرد السريع
برق تميم
15/04/2009, 10:09 AM
شيك على الجنوط يمكن فيها عفوط ورصص عند العضيب او المجد افضل ترصيص ارضي

وان غيرت مساعد الدركسون عند الرمايه يكون افضل ان شاء الله تنتهي المشكله
مخطور
15/04/2009, 10:21 AM
افحص الاعمده السفليه
1- عمود الدبل
2- عمود الكردان واحتمال من العمود الخلفي يمكن كان راعيه الاول مايشحم العمدان وبيكون عندك المشكلة في الصليب فقط حقه تقريبا 180 ريال وشغل اليد 100 ريال اذا كانت المشكلة من العمود الخلفي
لازم تفحصة اذا ما راحت المشكلة بعد الترصيص
الشمطري
15/04/2009, 10:30 AM
شيك على الجنوط يمكن فيها عفوط ورصص عند العضيب او المجد افضل ترصيص ارضي

وان غيرت مساعد الدركسون عند الرمايه يكون افضل ان شاء الله تنتهي المشكله

كلام سليم 100% :good:
فكسه
15/04/2009, 11:51 AM
اقول اخوي شكلك ضاربلك رصيف رصص وشف الجكط لايصير جايه ضربه تراء فيه ورشه اتصلحهم
راعى البتو
15/04/2009, 03:13 PM
اخوى الله العالم انه ترصيص او اذا كان مع مطب تجي الرجه مساعد الدركسون
1988
16/04/2009, 01:38 AM
اخوي بالنسبه للورش بالرياض كثييييييييييييييييييييييره بس وين المنصح بالنسبه لي انا جربت لي رجال بالصناعيه القديمه ايقاله ابو صالح التركي الرجال ماشاء الله رح للر جال واعرض عليه المشكله للمعلوميه ترى الرجال متخصص باترول ارجو من الله العلي العظيم ان يكتب اجرك والله اعلم
1988
16/04/2009, 01:44 AM
بالنسبه نسيت اعطيك رقم جواله لاتقولون هذا منحاز لشخص اوغيره بس اشوف ان الرجال منصح بعمله 0504118191