سؤال لمتابعين أسعار الاكسبلورر في السعودية وغيرها

[رواق]

السلام عليكم

مبروك عليكم المطر اللهم زد وبارك :)

سؤالي عن الفورد الاكسبلورر .. بعد رحله بحث وتقصي طويله ( لي الآن ست شهور بحث وتقصي كني دبوس ) لقيت انه أنسب سياره لي حسب مواصفاتي :

دفع رباعي ومتانة + شكل حلو + عائلي + مواصفات فخامه داخلية معقولة ( يعني سيارة بر وديرة ) + سعر مناسب وهذا الأهم

لأني ناوي أشتري مستعمل رايح عليه سنة أو سنتين ونظيف ... طبعا اللاند كروزر والسفاري مامثلهم لكن حتى اللي راح عليهم سنتين أسعارهم نار ، اليوكن بعيرالحجم وأحسه ناعم ودلع زياده عن اللزوم ، شلة : فورتنر و الباث فندر والاكستيرا حلوات لكن أحسهم أقل فخامه من الاكسبلورر .. حتى أشكالهن ماتملا العين زي الاكسبلورر ، شيروكي وباجيرو وطقتها ماطرت أبداً :o
( اللي عنده خيار آخر مايمنع انه يقترحه )

وأرجو اللي عنده علم انه مايبخل على اخوه المسلم سواء أنا أوي أي أحد يشوف هالموضوع .. والأسئلة هي :

1 - كم الأسعار التقريبية للاكسبلورر موديل 2007
2 - سمعت ان أسعار الامريكي في الامارات أرخص بواجد هل هالحتسي صحيح ؟
3 - هل تتوقعون اني ممكن القا 2007 ماشي 30 الف مثلاً او حتى أكثر بس يكون اخو الجديد ؟
4 - لو صبرت إلى نزول 2010 هل تنصحوني اخذ 2008 أو 2007 ؟ يعني فيه فروقات محرزة سواء الشكل او غيره بين 07 و 08 ؟

الحقيقة انا إذا جزمت أقدر ادبر 50 - 60 الف ريال .. وابغا اشوف اجزم وادبر من الآن أو أستخير و أصبر ...

ياليت اللي عنده خبر يدلي بدلوه وخاصة رابطة ملاك الاكسبلورر ... وإذا شريت الموتر سجلوني معكم في الرابطة والوعد محطة خزام :D

[السنع كله]

اخي الفاضل احما نفس همك الجديد بحدود97المستعمل الامريكي امس في صالة البيان خريص ماشي 20الف مايل امريكي حادينه 85نظيف لكن سعره مونظيف 6سلندر رصاصي جنوط16امعجبني لولا سعره حار نسيت اقول موديله 2007وجدت عند غيرهم بحدود السبعين الف لكن مكروفات جدا اخي الكريم العجيب ان المستعمل والله غالي وغالي ايا كانت السيارة كنت حاط بالي ان لم اجد بلور على كراون فكتوريا موديل 2007وفوق ماودتها تنزل عن 68الا قليلا والنظيف فوق السبعين وليت مواصفات كامله واشوفني اصبر يعدي الموديل او تصدي او هو ضدي تحدي وانا قده

[قلب الاكورد]

اخوي انا معاي اكسبلورر 2008 طبعا فاكه
اخوى والله حلو جدا وانا جزمت عليه لانه مافيه سيارات مثله ا نار ودورت مالقيت وكان معي كروان فكتوريا2005 وبعتها واخذته اخوى الموتر حلوو جدا جدا فيه ممكيف وسيددي وكل شي مثبت سرعه وفيه ميزات كثيرة مرة يعني منب قادر اكتبها بس فيه عيب واحد اذا كنت راعي بر ترا حلو بس احيين تحكك الحية احيننا مو دايم ترا الموتر قوى وسلامتك اخوى

[القاصي1]

مرحبا بك في عالم الاكسبلورر :D :D
...المواصفات مقابل السعر ..تعتبر خيار ممتاز
وانا معي 2008 اكس ال تي اب قريد
من مميزاته ....دفع رباعي .... سي دي ... مثبت سرعه ...مكيف للمقاعد الثلاثه ...نظام التركشن تراك ...وهو نظام ثلاثي للتحكم بالميلان ومانع انزلاق ونظام ثبات الكفر المتعلق في الهواء ... ثلاث صفوف من المقاعد ...ازرار تحكم من المقود ...وغيرها من الامور الاخرى .
وضمان الوكاله 200,000 او خمس سنوات .

وهناك اختلاف بين 2007 و 2008 في لون الصدامات و والتحكم من طرق المقود مثبت السرعه والتحكم وصوت الراديو .


تحياتي

[طالب هدد]

لو تبي تجيبه من امريكا الحين بيكون فيه فرق الى 7 الاف او عشره الاف ريال عن اسعار الصالات هنا بس شرط يكون واحد ثقه يعني معرفه تامه لك يجيبه ولا بلاش .

الاستاندر تحصله في امريكا وبرضو يجي دبل و سي دي موديل 2004 تقريبا بـ 42 الف ريال

وتحصل سيارات نضيفه بينما يفرق معك هنا اذا بتاخذه من الصلات الى 58 الف او 55 الف

واشوف لو انك تبي فل كامل ريح بالك واشتر من هنا لأن الفرق مو مستاهل حق الانتضار ويمكن تتخيش في السياره ومن ناحية الاستاندر لو تعرف احد يجيبه لك فياحلاوه على الطراوه لأنه يمكن حتى تحصل اقل من 42 الف اذا الي تعرفه شاطر وله خبره .

وسلامتك

[Dead]

سعره بالكويت جديد 2009 ب6400 دينار ما يعادل 82000 ريال تقريبا ... هذا للxlt كامل المواصفات مخمل

في مستعملات عند الوكيل عليهم كفاله موديل 2005 على 3000 دينار مايعادل 38000 ريال

[هدااج 2008]

لو سمحتو سعر 2008 ستاندر بس ابيه بدددون دبل
كم سعره

[قطب 999]

http://www.q8car.com/ford-used-car.gifالكويت

[رواق]

ألف شكر لكم يالربع

الأسعار في الكويت ممتازة جدا مقارنة باللي هنا

[biN 6naF]

و الله اخوي اعتقد ان الاسعار عندكم ف السعوديه ارخص من عندنا ف الامارات

شفت لك وحده ف دبي موديل 2007 مطلوب فيها 65 الف و قابل للتفاوض
مواصفاتها
Description:

Ford Explorer
Balance of manufacturers warranty still available
Excellent Condition
Serviced every 5000 Km
Ready to go now
Aluminium wheels
CD Player
Airbags
reversing sensor
tinted windows
40K only on the clock
price negotiable to sensible offers

[رواق]

اخوي بن طناف .. زي منت شايف اخونا السنع كله يقول 2007 بـ 85 الف

وانت تقول نفس الموديل بـ 65 الف

فرق عشرين الف ممتاز جدا ( وان كنت اتوقع ان فيه سوء فهم بالموضوع او خطأ لأن الفرق كبير جدا )

وأتوقع ان اللي عرضته انت أنظف

لكن هل هو دبل ولا ؟؟ يمكن مهوب دبل عشان كذا أرخص

[biN 6naF]

اي صح .. بس انا قارنت اسعار الامارات و اسعار الكويت
و عن الدبل ؟؟ و الله ماقدر افتيك لاني ماعرف بس انا شفت الاعلان و قلت افيدك
و هذا رباط الاعلان
http://www.dubizzle.com/classified/autos4x4s/2009/3/25/ford-explorer-great-value/?from_search

و شكرا"

[NOYEB]

سعر الأكسبلورر يبدأ من 94000 ريال

[abo hasan]

نصيحتي لك خذ 2006 مايفرق ولاشي عن ال 2007
وراح يناسب سعرك اكثر

والله انك اخترت موتر رهيب انا ضار لي 4 اشهر ادور عن شي يناسبني
شفت ال 2006 وعجبني عملي جدا والاسيات تسدحها كلها ماعندك مشكلة مو مثل اليوكون
ال 2006 سعره بين 55 وال 65 في الشرقية