اريد حلا (( سفاري 98 ))

[راعي الرقبى]

ياجماعه انا شريت سفاري موديل 98 وكل شيء فيه تمام ماعدا برود العزم عند ما :no2: اكون ماشي 140 او 160 وتجني طلعه بسيطه اويعرضني الهوا يضعف العزم بسرعه ويعشق من جديد وبعدين تزيد السرعه وصل الى السرعه الاولى وبعدين يرجع يضعف العزم يعني طول الطرق جالس يعشق نبي فزعتكم يجماعه .

فيه واحد نصحني اغير بواجي سبور وسلاك بواجي سبور والثاني يقول اعدت برمجه من الوكاله.

[قناص قول وفعل]

انشاء الله يفدونك الاعضاء

[ابوسعودد]

من واقع تجربه اكثر من ثلاث سيارات نفس الموديل ان المشكله في السياره نفسها عدم تطابق الماكينه مع البدي
يعني الموتر ثقيل والماكينه ضعيفه بالنسبه للسياره
وكانت هذي مشكله حلوها في ال 2002 وحطو له ماكينه 4800 وراحت المشكله
وانا من وجهة نظري انك ماتسوي شي لازم ترضى بنصيبك والله يرزقك من واسع فضله عشان تشوف لك فتك من الوكاله . تحياتي لك واي استفسار انا حاضر للنشاما

[هاوووووي صيد]

مساء الخير اخوي

أنا معي نفس موترك ومشاكل العزم كثيره

1-البواجي
2-صفاية البنزين وهي لا تأثر كثيرآ في العزم فأنا أقيس على موديل موترك

3- وزن الديلكو بجهاز الشراره
4- وهذه النقطه المهمه وإن شاء الله تكون هي الحل لمشكلتك وهي

أن تفحص(دفع) طرمبة البنزين وفحصه بسيط جدآ بس مجرد فك لي وتقوم به أي ورشه

والله يعينك ويسهل أمورك

[مواسي الطعوس]

الباترول التماتيك من 98م حتى 2001م طبعه ضعيف .

** انت شف كم يمشي بالنمره 1 وايظا 2 يمشي 140 والله لو هو 400 حصان .

** النفود مايضبط الا بالثقيل 1 و2 فقط . يمشي بواحد الثقيل مثل الربع التويوتا ب 3 .

** في الخط هناك بعض الاشياء تفيدك وحسب خبرتك تقدر تسويها :

1/ تركيب هدرز كامل مع دبه امريكيه علشان تكتم الصوت .

2/ تركيب مروحه كهرباء او تماتيك التيما القديمه .
3/ تركيب فلتر رياضي .
4/ بواجي مع اسلاكها رياضيه .
5/ تركيب فرارت .
6/ رفع الموتر قليلا من الخلف . او تنزيله من الامام اذا ما انت راعي بر دايم ((بقص الياي))
7/ الكفرات تكون نحيفه نوعا ما مع ارتفاعها مثلا : دنلوب 265/ 75 / 16 خفيف مره على السفاري .


*** كلم احد من اللي يروحون للامارات يمكن عندهم برمجه له . اذا له برمجه هي افضل الاشياء .

[هاوي البر 999]

السلام عليكم
اخوي اوزن البلوف وماجاك علي خاصتاً النيسان لازم توزن البلوف كل سنه او كل ستة شهور

البلوف مع الديلكوا مع بلتين بواجي ودق سلف بس يبيلك واحد شاطر مهندس
هذا كثر شي في النيسان والله الموفق إلى سواء السبيل

[بوعلي الشرقيه]

خذ الذبده خل مكانيكي جيد يشيك علا صفاوة الموتر أذا قالك صافي مثل الساعه فمعناته هذا عزمه

[راعي الرقبى]

انا شاكر جزيل الشكر لتعاونكم معي وابداء ارائكم واقتراحاتكم

انا غيرت البواجي واسلاك البواجي وفلتر القير وفلتر الهوا ولازالت المشكله
في مهندس قال يمكن الثلاجه او غطى الثلاجه واللة مدري بس ذبحني لوا القى زبون يشتريه مسوي خير فيني لاني اكره الورش ولاني فاضي000 وشكرا

[احمد1976]

اخوي انا عندي واحد نظيف سوبر سفاري فيه نفس الكلام رحت الوكالة عندنا في الكويت قالو هذا طبيعي لا تغير شيء عزمه ظعيف نصيحة لا تخسر شيء, ويدلك انه طبيعي انه قاعد يمشي فوق 140 لان لو كان فيه شي بالبواجي من الاساس مايوصل الممشى هذا

[سهيل تميم]

اذا كنت تعبي بنزين 91 جرب وغيره الى 95.

انا موتري كنت لارقيت عليه مرقا (طعس) لاوصلت نصه يضعف عزمه ويبدا يقول تر تر تر :)

وواحد من الشباب نصحني اغير الى 95 ومن يومها والموتر زاين عزمه خاصه بالنفود..