ارجوا الافادة ...؟

[& ضـــــيغم &]

السلام عليكم ورحمة الله وبركاته

اخواني ارجو منكم ان تفيدوني جزاكم الله خيرا ...

عندي طير قرناس طبعه هادي وراكد وطلاع ولله الحمد .. ولكن هناك مشكله بوقت العلف اذا دعيت الطير ومسك العلف يكوش على العلف ومايخليك تاخذه بالهين ويحاول يضرب الدس ويمسك اليدين وتصير عيونه
علىاليدين وبعد العلف مايلبس البرقع بالهين ارجوا الافاده جزاكم الله خير ..

[عناز]

الظاهر ياضيغم ان الطير خذا هالطبع من اللي صقر الطير اول مره...ارجوا مايكون انت... وذلك بسبب الطريقه التي يأخذ بها العلف من الطير...بالعاميه يمزر العلف من الطير...أخوك عنــــــــــــاز

[مارشال]

الأخ & ضـــــيغم & تحيه طيبه وبعد
حسب ما سمعنا واثبتو ان هذا الطبع عادة يكون في الطيور التفريخ
ارجو التعقيب على هذا الرد
تحياتي - جراش

[& ضـــــيغم &]

اخوي عناز مشكور على تجاوبك.. الطير خذيته قرناس وحش من الامارات .. والحمد لله

هذا طبعه من خذيته .. وانشالله اني ماخرب طبوع الطيور..

اخوي جراش الطير ماهو تفريخ .. فارسي ارقط .. واكيد ان صقاره الاول مكسبه عالعاده

ولكن لعل وعسى هناك طريقه تنسي الطير هذا الطبع .. ولكم شكري .

[نشوان]

أخوي ضيغم..
أعلف طيرك على يدك, وخل العلف بالمقاس اللي تبي لجل ماتنحد انك تسحب علفه. واستمر على هالحالة الين يهون عن هالطبع بأذن الله.

[الفيتو]

السلام عليكم ورحمة الله وبركاته


الطير يا ضيغم انسى انه يجي هادي ..... لا عاد تحلم وهذا رايي الشخصـــي
إصبر عليه إن فعله فعل بن هـــادي ..... وإنكانه أمحق فخله لفارس ينصي
فكه وتلقى العوض من رب العبادي ..... طلاع يلحق خريش للوحش يعـصي


والسلام

[راعي مزيون]

السلام عليكم اخوي ضيغم

عندي حل بسيط عشان يتعود الطير على البرقع

وهي انك تحط العلف في برقع الطيرالى ان يتعود يدخل راسه فيه

وكم مره تكررها مع شوية سياسه

الى ان يوالف البرقع ولاعاد يجفل منه ويهون امره ان شاء الله .

;)

[أبو رداد]

اخوي ضيغم اضم صوتي الى الاخ (الفيتو)