صقار جديد ومتحير(((لا تخيبون املي فيكم)))

[jjjjjjjjjjjjj]

السلام عليكم ..
(((ماخاب من استشار))))
انا يا جماعة دخلت المنتدى من فترة واعجبني كل مافيه من مواضيع واعضاء ماشاالله
انا عندي استفسار بسيط:..
انا ابي اشتري صقر ومحتار وش النوع المناسب والعمر المناسب بالنسبة للفلوس الي معي((1500فقط)):confused: :confused:
ابي مشورتكم ورايكم مايخيب
وهل الوقت ذا مناسب لان الصيف جااااي
والطير الي ابيه اهم شي يكون متوالف مع البشر
والي عنده اي نصيحة لا يبخل علي
وآآآسف على الاطالة
ت.ح.ي;)

[jjjjjjjjjjjjj]

:( :( وينكم ياجماعة..

[jjjjjjjjjjjjj]

للرفع
للرفع

[من درابك]

1500 والله ما أظني تجيبلك
طير زويين
انا مبتدء مثلك وأنتظر رد المحترفين في هذا المجال

[ابو نايف 3993]

1500
تجيب لك ياوكري ولا شاهين لاكن انصحك بالوكري
لانه من افضل الطيور للتعلم ودخول عالم الصقور
والوقت هذا الطيور تربط يعني اي واحد معه طير ماراح يستفيد منه طول فتره الصيف
ولو بتشتري اللحين راح تكون قيمه الربطه بنفس قيمه الطير
لذلك انصحك بانك ماتشتري الى مع بدايه الوقت او بدايه الموسم
وهو بيكون انشاء الله في رمضان ان الله احيانا
واذا اخته اول الوقت طبيعي انه ماراح يكون متوالف يعني يبيله شغل شوي
وافضل شي انك تاخذ صغير بالسن ولاكن لو تاخذ كبير بيكون موالف افضل من الصغير لانه بيكون متعود على الناس هذا البيتي اما الوحش لا اذا اخذت فرخ راح يكون اسهل من القرناس وبتجيب راسه اسرع من القرناس وهذا مهوب شرط لان الطيور انواع واطباع

وانشاء الله ان الطيور بتوسع صدرك

[jjjjjjjjjjjjj]

انا ابي طير عادي جدا ما اشرط انه معلم على الهداد انا بدربه
بس المهم الوقت هل هو مناسب او لا
وللمعلوميه 1500تجيب والسوق مليان

[jjjjjjjjjjjjj]

اخوي(ابو نايف)
والله انك وسعت صدري بكلامك مثلك والله نادر
لكن استفسار بسييط
المربط هل لازم اني اودية لمربط
يعني ماينفع اني اهتم فيه عندي في البيت
وهل الصقور ماتتحمل الحر..؟

[ابو نايف 3993]

اخوي(ابو نايف)
والله انك وسعت صدري بكلامك مثلك والله نادر
لكن استفسار بسييط
المربط هل لازم اني اودية لمربط
يعني ماينفع اني اهتم فيه عندي في البيت
وهل الصقور ماتتحمل الحر..؟

لا عادي تربطه ولو في حوض نخله الي هو الوكري بس لازم تكون منتبه له والحر يضره بس لما يكون في ضلال وترش الارض الي عنده كل يوم عادي

بس اهم شي اللعلف لاينقص عليه ابد ولو تروح للمستشفى حق الطيور الي بالرياض وتاخذ منه الصوص لانه يكون فيه البروتينات والفيتمينات الازمه للطير وسعره رخيص على ما اعتقد

[jjjjjjjjjjjjj]

الوكري هو الي يجي صدرة اشقر(ابيض وبني)
والمستشفى وينه فيه
وهل ينفع اعلفه من حمام الصطح وهل لازم يصير منتف بما انه في وقت تدريب

[jjjjjjjjjjjjj]

وينك ياابو نايف ..

[jjjjjjjjjjjjj]

للرفع
للرفع

[صقار الأسياح]

اخوي انصحك ما تاخذ طير الآن خلها مع بداية الموسم كان الله احيانا وعافانا وهذا جوالي اذا بغيت معلومات 0555069006 اوقات الاتصال الصباح وقت الدوام وبعد المغرب

[jjjjjjjjjjjjj]

ماتقصر اخوي ((صقار الاسياح))

[jjjjjjjjjjjjj]

ماودنا نزعجك
بس الي مرغبني في الشراء ان السوق نازل ذي الفترة

[نسيم المطر]

الان اخوي باقي على وقت الربطة 15يوم
تكون الطيور في هذا الوقت أرخص اما في بداية الموسم فالسعر بيرتفع كثير وانا انصحك تشري طير في هذا الوقت الوكري يكون راسه من فوق فيه لون احمر وحجمه أصغر من الحرالتام اي تقريبا بحجم المثلوث الحر الصغير وبدون دعوج العلف حمام قوقسي جرابيع اي علف لكن لابد تحطه في محل ظل وعنده ماء وكل ليلة عطه ثلث حمامة العلف وقته بعد العشا
ابحث و دور الوكري اللي حجمه كبير لان الوقت بدا يحتر
وشكرالك

[jjjjjjjjjjjjj]

ما تقصر اخوي_نسيم المطر_
معلوماتك وافية لكن عندي سؤال هل لازم اشيك على الطير عند البيطري
وهل يوجد سوق في الرياض غير الي في الديرة (حراج مثلا)
ومتى وقت نوم الطير وقومه والعلف لازم يكون منتف
انتظرك على احر من الجمر

[ابو نايف 3993]

اخوي الاخوان ماقصروا وبيض الله وجيهم

والمعلومات واضحه انت توكل على الله بس واشتر

[نسيم المطر]

لايوجد سوق في الرياض غير سوق الطيور ماغيره الا اذا رحت الى احد عن طريق أحد
الطير لاينام وهو يتفاهم مع نفسه
علشان لايصير مكان الطير وسخ نتف العلف
ونصيحة أخ الى أخ ان طعت شوري وانا اخوك زد خبرتك بمخالطة أهل الطيور وبكثرة قبل ان تشتري الطير ومن خلال زيادة معرفتك تسطيع معرفة الحالة الصحية للطير وكذلك معلومات قيمة اخرى
وشكرا لك

[صاحب هدد]

والله يا اخوان اني مثل راعي الموضوع ودي بطير بس ما اعرف فيها شي بس لقيت لي رجال راعي لزوم نحسبه والله حسيبه انه صدوق عنده وكري طوله 15 وعرضه 14 سم علومه صايد كراوين وحمام وطير سبوق وراكد وريشه كامل يقول 2500 ريال هل سعره مناسب والا غالي وافيدونا بمعلومات كافيه كمبتدئين في تربية الطيور ((( وانا رجال اللي يبيني افيده بتربية الببغاءات الأفريقيه يبشر بعزه ههههههههه )))


وجزاكم الله الجنه

[بن حويرب]

الاخوان ماقصروا وبيض الله وجيهم

[jjjjjjjjjjjjj]

ماقصرتوا ياجماعة والله يعطيكم العافية بصراحة منتدى متميز اعضاء متفاعلين وفيهم حب الخير للناس اتمنى ان يستفيد من الموضوع اكبر عدد من المبتدئين
واشكر كل من اضاف اي معلومة
ت.ح.ي

[قناص QTR]

انا من وجهت نظري لا تشتري طير الحين لانه وقت رباط الطيور يعني خلنا نقول بتشتريه بـ1500 ورباطه مايعادل نفس القيمه ماستفدنا شي وانا انصحك تشتري طير اول الوقت ولا هناك قصور فنشامى الي قبلي الي عطوك المعلومات ...
وتقبل تحياتي ...
قناص Qta

[شاهين الميلان]

http://www.mekshat.com/pix/upload/images41/mk8675_1yu1.jpghttp://www.mekshat.com/pix/upload/images41/mk8675_2yu2.jpghttp://www.mekshat.com/pix/upload/images41/mk8675_lanner.jpg



انا حبيت احط لك بعض صور للوكري للتوضيح اكثر يالغالي وترى انا انصحك تشتري الحين لأن الاسعار منخفضه وحاول انك تشوف اسعار السوق بشكل متواصل..
لكن وش رايك بالفروخ الي بالصوره الاولى؟
كأنه فرو خرفان مو ريش طيور خخخخخخخ

[..@القناص@..]

1500 ريال تجبلك وكري قرنااس .. والوقت والله يالغالي
مهب منااسب خااصه اذ1 صرت بتربطه بالبيت عندك امراض
وووو.. الخ؟
وقيمه الربطه 1500

[jjjjjjjjjjjjj]

ما قصرتوا ياجماعة على المعلومات القيمة ومنكم نستفيد

[jjjjjjjjjjjjj]

للرفع
للرفع

[صقار الخبر]

اخوي هذا ايميلي لن الكلام هنا ما ينفع و ابشر بأي معلومه بغيتها algeneral-502@hotmail.com