المساعد الشخصي الرقمي

مشاهدة النسخة كاملة : استفسار بخصوص كفرات البالون لاني تعبت من الدوران


ابو ناصر2020
17/03/2009, 11:36 AM
انا محتاج كفرات بالون مقاس 825 جنط 16 يوكوهاما او دنلوب او من النوعيات المعروفه


انا من فتره وانا ابحث عن المقاس هذا وكل مكان يقولون مو موجود

وقالو فيه نوعيات صينيه و تايلاندي الي هو زينكس نبي الي عنده خبر لاهنوت

او كفر الزينكس التايلاندي كيفه مع الاستخدام هل فيه رجه او ثابت مثل الكفرات الثانيه وسعره الله لايهينكم يارب
alwweed66
17/03/2009, 12:22 PM
هلا (أبو ناصر2020) ركب ماكسس 900 وارتح من التدوير كفر معروف ومجرب000وتقبل تحياتي
ابو ناصر2020
17/03/2009, 12:35 PM
مكسس 900 مركبه على الباترول بس انا ابي بالون للفورتشينر وكبير عليه 900 احتاج 825


الله يجزاك خير يارب على المداخله
alwweed66
17/03/2009, 12:51 PM
طيب يأبو ناصر أنت سبق وأن جربت هذا المقاس من الكفرات (البالون) أو أحد من الشباب تعرفه ومدحهن لك 00لأني والله خايف تتوهق بهن00 والله يوفقك
المعاون
17/03/2009, 01:21 PM
مرحبا يابوناصر
اذا كنت تبقي النصيحه , اترك عنك البالون وعليك
يلمكسس 850 \ 16 حجري
تراه مجرب وهو احسن الموجود
والخيار لك
عريدان
17/03/2009, 01:31 PM
وش صلر باسعار الكفرا تراها بدبي نازله حوالي النصف.. ممكن أهل المارات يعطونا أسعارهم؟؟؟
ابوسعودد
17/03/2009, 01:53 PM
ابوناصر لاهنت ابي منك صوره للفورنشر بعد ماتركب البالون ان شاء الله تعالى
ابي اشوف شكلها عليه لاهنت .
محنك
17/03/2009, 01:58 PM
هلا ابوناصر .. أحلى تحيه لك
أحلى تحيه للفورتشنر
عندي لك كفر فك وأفك مع الحصى ومسكت ومقاسه مناسب
وانا شخصيا استخدمه من سنوات اولا للحصى والعاذر الشوك لايعلى عليه
ثانيا / مقاااااااسه نفس مقاس ال 85 ..
وهو بالون دنلــــــــــــــــوب اندونيسي مقاس (((( 255 )))) على 90 / جنط 16 / 8 غاط لاتاخذ غيره لان ال 900 كبار على الكوارين وعلى الدركسون وبتحك ويمكن ماتركب أساسا على الفورتشنر ..
جربته في مناطق وعره ومارج معي ابد .. ومابنشر ومعجبني ,, وانا اركبه على شاصات وعلى باترولات .. لان ال 900 رفيع وانا احب الطامن ...
رأي شخصي ..... !!
محنك
17/03/2009, 02:09 PM
أخووي المعاون .. مع التحيه .. الكفلر المكسس ال 850 فك وأفك مع الحصى ومسكت للوعر والضلع والشوك
و8 غاط ومايرج مثل البالون . بس مشكلته انه ماينفع للنفود حتى لو نسمت .. إلا النفود .. إلا النفود مايصلح له .. ومايمشي الجيب بالنفود اذا ركبتاه إلا بشحط ...
لكن خل عنك عزالله انه كفر .. والله ياهو كفر
الدبل الثقيل
18/03/2009, 12:29 AM
الأخ المعاون والأخ المحنك ... الكفر الماكسس اللي تقولون .. مقاس 850 حجري ... وين ألقاه وكم غاط هو ؟ والدعسه هل تطلع صوت ؟ وكم سعره ؟
وجزاكم الله خير .
ابو ناصر2020
18/03/2009, 08:16 AM
الله يجزاكم خير يارب


اخوي المحنك : الكفر الي تقصد هو الي يجي على الشاص الخليجي شد بلد او بالون مثل الكفرات العاديه


اخوي معاون : انا احتاج بالون اما الحجري ماينفع لانه مايمشي برمله
ومشكورين على ردودكم
راع الحيزى
18/03/2009, 08:52 AM
السلام عليكم يا ابو ناصر
قبلك سألت نفس السؤال وجاوبوني الشباب مشكورين وقالو لي تحصله عند محلات الجمله في الغرابي !
لكن الغرابي بعيد علي لأني في الشرقية....وسألت بنشري أتعامل معاه وقال لي اجيبهن لك من الموزع وفعلا إتصل على الموزع وحصلناها عنده بحدود على ما اذكر 375 ريال للكفر الواحد.

تقبل تحياتي
ابو ناصر2020
18/03/2009, 09:07 AM
السلام عليكم يا ابو ناصر
قبلك سألت نفس السؤال وجاوبوني الشباب مشكورين وقالو لي تحصله عند محلات الجمله في الغرابي !
لكن الغرابي بعيد علي لأني في الشرقية....وسألت بنشري أتعامل معاه وقال لي اجيبهن لك من الموزع وفعلا إتصل على الموزع وحصلناها عنده بحدود على ما اذكر 375 ريال للكفر الواحد.

تقبل تحياتي


حياك الله اخوي بس وش نوع الكفر الي تقصد

انا موجود برياض وامس بالغرابي وماحصلت نفس المقاس الا صيني نوع جديد غير معروف

اتمنى تفيدن عشان اروح للغرابي اشوف المحلات المقصوده


جزاك الله خير يارب
الجيب الريو
18/03/2009, 09:10 AM
أشوف الشاهين ما مثله
للرمل ولغيره
معي من 4 سنين وما لاحظت عليه خلاف
ابو ناصر2020
18/03/2009, 10:41 AM
مشكور اخوي الرابو على المداخله


كفرات الشاهين حليله بس ماتعطيك مثل البالون وصغير حجمه مره ويابسه


ننتظر ردودكم ياخوان
محنك
18/03/2009, 10:42 AM
يابوناصــــــــــــــــــــــر ... اللي أقصده بالون الله يحييك .. ومايجي على الشاص شد بلد .. اللي يجي على الشاص شد بلد مقاسه 95 / 225 / 8 غاط ,, لكنه مهوب بالون .. يحتوي على حديد ..
ونقشه رمليه ومطبه قااااسي لأنه حديد و 8 غاط ونحيف جداً وغير راسي ..
لكن اللي أنا أقصده بالون نايلووون ..((( مــــــقاس 255 / 90 / 8 غـــاط)))) .. نفس رفع ال خمسه والثمانين تماما ..
وشكله حلو , .. ويملى الجنط . ويمســــــــح من كثر الاستخدام مثله مثل البوالين الثانيه ..
اخـــــــــــــــونا الدبـــــــل .... المكسس الحجري نقشته مهيب حجريه تجيك الدعسه مخططه زي كفرات الـــدينــــا .!!!. لكنه مناسب جداً جدً للحصى والجلد تبنشر الحصاة مابنشر ......... نقشته ماتطلع صوت شي خفيف مايذكر أبد . وتراه ثقيل شوي .
ومكتوب عليه 8 غاط وجنبه قوي جدا ويجي منه مقاس 750 أيضا وكلها نايلون و8 غاط .. ويوكووهــــــاما مطلعه نفس النقشـــه و 8 غاط بمقاس 750 بس قليل تلقاه ينقطع ويرجع ومسكت بصراحه . اليوكوهاما مكتوب عليه التصنيع تايلند , بس مضبوط ..
وسعره الحجري 850 قبل اسبوع ب 450 ........ عند وكيله / خـــــــالد بن ظافر الهاجــــــــري الوكيل الوحيد لكفرات ماكسس .. بالمملكه والموزع باوزير . ومحلات الكفرات الاخرى ,
ابو ناصر2020
18/03/2009, 10:52 AM
هلا ابوناصر .. أحلى تحيه لك
أحلى تحيه للفورتشنر
عندي لك كفر فك وأفك مع الحصى ومسكت ومقاسه مناسب
وانا شخصيا استخدمه من سنوات اولا للحصى والعاذر الشوك لايعلى عليه
ثانيا / مقاااااااسه نفس مقاس ال 85 ..
وهو بالون دنلــــــــــــــــوب اندونيسي مقاس (((( 255 )))) على 90 / جنط 16 / 8 غاط لاتاخذ غيره لان ال 900 كبار على الكوارين وعلى الدركسون وبتحك ويمكن ماتركب أساسا على الفورتشنر ..
جربته في مناطق وعره ومارج معي ابد .. ومابنشر ومعجبني ,, وانا اركبه على شاصات وعلى باترولات .. لان ال 900 رفيع وانا احب الطامن ...
رأي شخصي ..... !!


الله يعطيك العافيه يا المحنك

بس الكفر الي تقول كم سعره وين احصله الله يعطيك العافيه يارب ومشكور
محنك
18/03/2009, 11:35 AM
الغرابي ... إسأل عنه كل المحلات ... لين تحصله .. وسعره في ال 400 وفوق .
................... وركب كفر واحد امامي فقط .. وجربه .... ولف الدركسون وتأكد مايحك . وشف الشكل ,,, إن جاز لك ولا رجعه ,,,,
ابو ناصر2020
18/03/2009, 04:41 PM
الله يجزاك خير يارب اخوي محنك وان شاء الله بكرا بروح للغرابي وسأل عنه


مشكور يارب ولعل وعسى احصله يارب