كيف تنتع السيارة ونت لوحدك

[صبي الحزم]

سلام الله عليكم وبعد : أحببت أن أشارك بتجربة يعرفها معظمكم أكيد اكثر مني ولكن رغبت في تسطيرها بالمنتدى 000
*قد تخونك بطارية سيارتك بعض المرات وأنت لوحدك ولا تشغل السيارة فتحتاج لمن يساعدك إما باشتراك أو بالدفع (تنتعها) ولا تجد من يعينك 0(راحو هل الفزعات)
خاصة بالخليان ولا تستطيع دفعها لوحدك فما العمل ؟؟
اتبع الآتي : <فقط للقير العادي>

1- ثبت السيارة جيدا بحجارة اوغيره حتى لاتتزحلق
2- ارفع احد الاطارات الخلفية (الكفر)لسيارات الدفع الخلفي او الامامية للدفع الامامي
3- افتح السويتش (مفتاح التشغيل ) –خل اللمبات الحمرا مضاءه – ثم عشق القير بنمره 2 او 3 0
4- الخطوة هذي تبي له ولد نشيط 00 وهي ابدأ بتدوير الاطار للامام ؛ امسكه مثل ما تمسك الدركسون ( المقود)تقريبا ودوره 000 ستلاحظ ان السيارة اشتغلت
· ملاحظة : اذا كنت لاتستطيع تدوير الكفر انقل القير الى نمره خفيفة

وإنشاء الله ما تحتاجونه0
وللامانة العلمية هذه الطريقة اخذتها من شيباننا (كبار السن)ايام الغرابيل وشكرا لطولة بالكم

[أيمن]

تسلم يا بعدي ..
والله طريقة رهيبة لو كانت صحيحة ..
لأني أول مرة أسمع بها ..
الله لا يحوجنا لها جميعا .. وبانتظار مشاركات مثيلة يا غالي .

تحيتي

[الشقردي]

هل صحيح ان القير التوماتيك اذا كانت بطاريته فاضية ودحدرته الى ان يوصل سرعة اربعين
يشتغل؟؟؟؟؟؟؟؟؟؟!!!!!!!!!!

[الجافي]

اخوي العزيز صبي الحزم تحياتي 00000

اشكرك على هذه المشاركه وقد مرعلي هذا الموقف وانا في النفود وكنا ثلاثه عملنا هذة الطريقه وانهدت حيولنا والسيارة مادرت عنا واعتقد ان هذه الطريقه تنفع مع السيارات الصغيرة اما الجيب فهذا صعب وايضا قالو لف على الكفر حبل عدة لفات ثم اسحب الحبل كأنك تشغل ماطور وجربناها على الجيب ولاحيات لمن تنادي واحسن شي هو انك تأخذ الجهاز الي يخزن كهرب من البيت ويفيدك في مثل هذه الموقف خصوصا ان حجمة صغير وعمله كبير .
وانصح جميع من يذهب للبر وخاصة اذا كان المكان بعيد ان يحتاط ويأخذ كل مايحتاجة حيث ان في وقتنا الحاضر توفر كل شيء ولا يهمك الي يقول انك ( حريص) فأنه يأتي اليوم الذي يقولون عنك ان عندك حق .
واسف على الاطاله وادعو الجميع الى المشاركة في حصر الادوات التي يمكن ان يحتاجها هاوي الرحلات وسوف ابدا بنفسي انا .
والله يحفظ الجميع من كل مكروه .

مع تحيات
الـــجــــــافـــــــــــــــي

[تالي الاولين]

.


من جد تبي واحد نشيط

الله يخلف علينا

بس يمكن الى قلت الحيله يطلع النشاط


صبي الحزم طريقة ممتازه يعطيك العافيه


.

[ابوفيصل9]

الله يعطيك العافيه

[الهاوي2008]

وعليكم السلام

الف شكر للفكرة

[ابو ايمن]

ماقصرت يالنشمي

ذكرتنا بالطريقة .. وهي طريقة سليمة ومجربة

بارك الله فيك

وان شاء الله مايحتاجها أحد ..

لك مني تحية عطرة

[abdulrhmank]

طريقة سهلة اذا احتجناها ................لا قدر الله.............................................. .شكرا وبيض الله وجهك ....راعي علم سنع.

[salih100]

بصراح اول مره اسمع فيها ,,,,,,,,, الله يعطيك العافيه ع المعلومه

[عاشق الهدد051]

اول مرة اسمع فيها لكنها فكره حلوه

[mhm-191]

عزه الله انها فكره منتازه
لاهنت ..

[الصمان 2]

جزاك الله خير على هذه الطريقة




.

[أبو عبد الوهاب]

الله يجزيك الخير...

[مطعوس]

مشكوووووووووووور وماقصرت حركه حلوه

[بن دويش]

يعطيك العافية على هذه الفكرة...

[عبدالاله 123]

انا وواحد من الشباب فضت البطاريه علينا من المحول بالنفود وبالنسبه للنفود لاتدف ولاهم يحزنون المهم حفرنا حفره بالنفود قدام الكفرات ونطلنا الموتر بوسطه عطت دقت سلف كهرب بالدينمو واشتغلت السياره الموتر كان طبعان ام عزيز وخذ يا دف وما تدف يادوب طلعت من حفرتها

[راعي الصطحه]

يعطيك العافيه على هيك معلومه

وتقبل تحياتي

[AL-Hadbani]

معليش سؤال


في حال إني لفيت الكفر وبدت تنتع السيارة

راح تطفي لأن السيارة معشقة ومافيه بنزين يرفع هواء السيارة ؟؟؟؟

[ابوسعودد]

اعتقد اني قريت موضوع مشابه لهالموضوع ولكن اكثر الردود كانت تقول انها طريقه غير مجديه .

[الربذي]

انا وواحد من الشباب فضت البطاريه علينا من المحول بالنفود وبالنسبه للنفود لاتدف ولاهم يحزنون المهم حفرنا حفره بالنفود قدام الكفرات ونطلنا الموتر بوسطه عطت دقت سلف كهرب بالدينمو واشتغلت السياره الموتر كان طبعان ام عزيز وخذ يا دف وما تدف يادوب طلعت من حفرتها
ياليت توضح اكثر اخوي نبي نفهم مافهمت ماعليش ..............

اما اخونا صاحب الموضوع اخونا صاحب الموضوع وعليكم السلام
ملاحظة ان شاء الله تكتب ان شاء الله ولاتشبك النون والشين بارك الله فيك لانها تغير المعنى

اما فكرتك فهي فطره رائعه ومنطقيه بس انا جربتها بالحوش وبصراحة مافيه اي استجابة ابد ابد يمكن تبي واحد قوي هههههههه
واذكر الجيوب اظن 83 و84من تويوتا قدام السياره تحت الشبك فيه فتحة للهندل لطواري اذا ماعندك احد يعني هندل مثل السيارات ايام زمااااااااااااااااااااااااان

[monsixnet]

مشكور على النصيحه باقى التجربه

يمكن احد يفيدنا!!!!!!!!

[الذيب مصلوخ]

مشكوووووووووووووووووووووووووووووووور

[حوات جده]

مشكور اخي صبي الحزم

[قصي]

بارك الله فيك
هل الرفع للكفرتين ولا وحده

[طالب هدد]

صراحه أول مره اسمع فيها ذا الحركه والله لا يحوجنا لها والصراحه الشيبان مشالله تبارك الله ماخلو شئ على قلة علمهم ألا تحصل حسن الدبره والألمام بالأمور فيهم فطره وهذا مانفتقده هذه الايام فينا وفي اجيالنا التي تبدو انها اسواء منا ألا من رحم ربي

[ابو ســــاره]

الطريقة صحيحة 100% وانا مجربها اكثر من مره بس لازم معك حبل والقير يكون بالرابع .والعملية لا تحتاج الا لشخص واحد والصعوبة تبداء في بداية تحريك الكفر بس في اول لفه بعدين راح تشتغل السيارة والكفر المعلق راح يدور عند اشتغال المكينة كأن السيارة تمشي فض السيارة ونزل الموتر .

[متفائل.1411]

من جد تبي واحد نشيط

الله يخلف علينا

بس يمكن الى قلت الحيله يطلع النشاط

[بو علي العلوي]

والله يا زينها من حركه ...مشكور أخوي...

[خواتم]

شكرا

لو غيه احد يعملها و ينزلها بالصور يكون افضل

[برق القصيم]

يطيك العافيه اخوي على الموضوع المفيد
وانا شفت بالتلفزيون باحد الدول الافريقيه يستخدمون نفس الطريقه ولكن يستخدمون حبل او (واير) ويقومون بلفه على الكفر اليمين الخلفي بعد رفعه طبعا ثم يسحبون الحبل بقوه مره واحده وتشتغل السياره وكان نوع السياره على ما اذكر جيب شاص