لاقي افلانش وش رأيكم االفزعة يا شباب

[راعي الحيسة]

محصل أفلانش موديل 2003 وش رأيكم كم يسوى !!!!!

وهل عليه ملاحظات ومشاكل اااااالفزعة يا إخوان :good: ولا :no2:

[AL-OTAIBI]

والله الأفلانش حلو بس مشكلته اذا غرز يبيلك دركتل عشان تطلعه<<اسأل مجرب خخخ
واذا طلعاتك للبر مو كثيره انا انصحك فيه
ينفع للنزهات البريه فقط


تحياتي

[راعي الحيسة]

عطه القاز ولا يخالف :director:

[المميـز]

بالنسبه للسعر يفرق مابين النظيف واللي مهب نظيف

يفرق مابين اللي ماشي كثييير ومابين اللي مهب ماشي الا القليل

يفرق بين اللي يجي فل كامل ( فتحه وجلد وشاشه ... الخ )

يفرق بين اللي عليه لوحات سعودي وواقف بمعارض

وبين اللي ماعليه لوحات وواقف في صالة عرض ( سيارات امريكيه )

وبين اللي يجي سياحي جدا

يفرق حتى باللون فيه ألوا مرغوبه ولها سعرها

( مع العلم يفضل ذكر ما وجدت حتى نستطيع الاجابه عليك )

ولنفرض ان اللي لقيته نظيف ولونه زين ومشيه معقول

ومواصفاته فل كامل
وماعليه لوحات

فلن يتعدى سعره 55 الف ريال سعودي

واذا كان مهب فل كامل فلن يتعدى 50 الف


لعل أهل الخبره يفيدونك اكثر مني :)

[بو جريس 73]

ما انصحك فيه يالغالي فمن واقع تجربته من قبل احد الأصدقاء وكان يعاني من1الرؤيه للخلف متعبه2وقت الغراز ثقيل مره 3 يصرف بنزين 3 طرمبة البنزين4 القرقعه 5الدبل كهربائي(دقم) وانصحك يا اخي العزيز تدور فورد قمارتين حوض صغير احسن F-150علما بأن صديقي شاريه موديل 2003 ماشي 12الف كيلو يعني موماشي شي واللحين اخذله فورد وحده مرتاح ما شكالي منه وموفق خير ان شاء الله وتقبل مروري اخي العزيز

[506]

لا توكل على الله وخذه

عز الله انك تبي تلقاه موتر
زين لديره والبر, بالنسبه للسعر من 55 الى 60 على حسب النظافه

تقبل مروري اخي..

[راعي الحيسة]

اشكر جميع الأخوة على ردودهم وفزعتهم .....

لكن هل يوجد له قطع غيار وخاصة البدي !!!!