المساعد الشخصي الرقمي

مشاهدة النسخة كاملة : عندي استفسار عن الياي الاسترالي ؟؟


المغترب55
08/03/2009, 04:48 PM
السلام عليكم

هلا بالغالين

انا معي لاندكروزر gxr2002

واسمع عن الياي الاسترالي ولا اعرفه؟

يقولون انه مقاسات ( يعني قاسي ووسط وليّن)

انا عندي كم استفسار بس ارجو منكم الرد عليها:

1/ وش احسن انواعه علما باني راعي بر ومكاشيت بس ما ابي شي يرفع خلفية السيارة بشكل ملفت ويخرب شكلها
2/ كم اسعاره ؟
3/ وين القاه يباع فيه بالرياض؟
4/ هل هو يرفع السيارة من الخلف بشكل كبير ؟ ام انه بنفس المستوي ؟
5/ هل مطب السيارة يتغير ؟ للاقوى او للاحسن؟


واسف على الاطاله ولكم جزيل الشكر
المبدع22
08/03/2009, 05:52 PM
يا اهل الخبرة
رررررررررردوووو
حتى انا ابي اركب ياي للـباترول فتك
ايها احسن ياي الوكالة او الإسترالي ؟
مع اني راعي بر خفيف وراعي خطوووط
وهل هو قوي على الموتر او لا ؟
المغترب55
08/03/2009, 08:23 PM
اخوي المبدع

حياك الله ولا زلنا ننتظر

ارجو الرد من اهل الخبرة
أبو لينا
08/03/2009, 08:38 PM
بالنسبة لجيب الاندكروزر :
يجي مقاسات
862 يرفع السيارة 2سم عن مستوى السيارة العادي يصلح للي مهب راعي حمل واجد
865 يرفع السيارة 4سم عن مستوى السيارة العادي ويصلح للي حملة واجد مرة
من ناحية المطب تقريباً مثل حق الوكالة
وفية مقاسات ثانية اكبر بس بعتبر مطبهن قاسي
ونصيحة خذ الأول علشان ما يأثر على القير وهو الأقرب لمستوى الياي حق الوكالة
أبو لينا
08/03/2009, 10:19 PM
شيء ثاني
إذا جزمت تركب واحد تأكد ان قاعدة الياي راكبة صح في مكانة ولا تراك تتسمع صوت طقة قوية عند كل مطب كبير . صارت معي يوم ركبت واحد مقاس (862) بغيت ارجعة لكن رجعت لم الميزان وعدلة لي وصار تمام
المبدع22
08/03/2009, 10:24 PM
يعني وش اركب ...؟
استرالي او ياي الوكالة للباترول ؟
وأيهم أفضل سعر ؟
دانكن
08/03/2009, 10:33 PM
الباترول غير الياي الى استرالي اقسى شي بسيط ..

.
المبدع22
08/03/2009, 11:01 PM
الف شكر لك
بنوتميم
08/03/2009, 11:08 PM
كانك تبي ياياسترالي للاند كروزر فهو موجود بسعر اقل من الجديد
ونا مستعمله لمده شهرين فقط او اقل
وكانك صامل ارلي على الخاص
سلام عليكم ....
المغترب55
09/03/2009, 09:53 PM
ابو لينا

الف شكر لك على التوضيح

دانكن حياك الله


بنو تميم شكرا لك وتمت المراسله على الخاص


لكن عندي استفسار ياجماعة الخير:

كم سعرهن جدد؟
ووين احصلهن فيه في الرياض؟؟

ولكم كل الشكر مقدما
shaheenshah
09/03/2009, 11:32 PM
تلقاها عند الرماية
المغترب55
10/03/2009, 10:24 PM
shaheenshah (http://www.mekshat.com/vb/member.php?u=38135)

شكرا لك
بس هل الرماية هم اقل الاسعار عندهم

وشكرا
أبو لينا
11/03/2009, 12:27 PM
انا اخذهم من الرماية 540 ريال من حوالي 8 شهور ما أدري عن أسعارهم الحين
ابو علي 400
11/03/2009, 12:49 PM
أخوي المبدع22 أسئل مجرب ولا تسئل دكتور ركب ومجاك عندي الياي رقم 3 مع مساعد استرالي اصفر وتحياتي للجميع
المغترب55
11/03/2009, 05:10 PM
ابو لينا

الف شكر على التوضيح

ابو علي حياك الله
سامي 4800
11/03/2009, 05:23 PM
انا معي فتك ومركب عليه ياي استرالي لمة 6 شهور تقريباً
و كعكات اماميه 2 سم
ومع الوقت اليايات الاستراليه لانت مع الوقت بشكل ملحوظ
فكيتها وركبت كعكات
انصحك بالكعكات احسن وارخص مع العلم ان قيمت الكعكات الخلفيه 100 ريال بس
ابن عكاش
11/03/2009, 05:42 PM
الأخ ابو لينا ودي اسألك انت تقول ان الياي يأثر على القير هل حصل لك او لواحد تعرفه لأني مركب اللي رفعه 4سم انتظر ردك لاهنت
المغترب55
12/03/2009, 12:58 PM
سامي يعطيك الف عافية

انا فعلا فكرت في اني اركب كعكات وبس
لانها اررخص ومدام ان الياي الاسترالي نفس قساوة الوكاله تقريبا
فليش التغيير والخساير الكعكات تؤدي نفس الغرض

بس لوسمحت وين القى الكعكات فيه في الرياض

اتمنى تفاعل باقي الاعضاء
بخبرتهم
المغترب55
13/03/2009, 10:07 PM
للرفع

وشكرا
المغترب55
14/03/2009, 09:00 PM
للرفع
وشكرا
مهتوي
14/03/2009, 09:43 PM
سامي يعطيك الف عافية

انا فعلا فكرت في اني اركب كعكات وبس
لانها اررخص ومدام ان الياي الاسترالي نفس قساوة الوكاله تقريبا
فليش التغيير والخساير الكعكات تؤدي نفس الغرض

بس لوسمحت وين القى الكعكات فيه في الرياض

اتمنى تفاعل باقي الاعضاء
بخبرتهم

السلام عليــكم.. بس ملاحظة .. من قال إن ياي الوكاله نفس قساوة الوكاله؟ هذا كلام غير صحيح .. انا معي VXR 99 مركب المساعدات الصفر (اولد مان) من الرماية قبل عيد الضحية ويايات ورى خمسة سانتي (يايات الخمسه سانت ترفع فعلياً ثنين سانتي ونص تقريبا), روفعته من قدام2 سانتي ...
أخي العزيز بعد ما أحمل العفش وهو 100 لتر يعني 100 كيلو + خيمه+ العزب + الركاب = يطلع رفعه رفع الوكاله.. . لكن حمل الأغراض اللي ذكرت بياي الوكاله .. بينزل الموتر .

بيرسى موترك بعد ما تركب اليايات والمساعدات .. بيقسى شوي في المدينه لكن في البر بيعجبك مطبه ((( مايقامز))))) وهذا هو المطلوب .

وسلامتك
المغترب55
15/03/2009, 05:29 PM
المتهوي

شكرا على الافادة

وما قصرت
المغترب55
17/03/2009, 05:39 PM
للرفع وشكرا
المغترب55
21/03/2009, 06:39 PM
للرفع وشكرا
بوعلي الشرقيه
21/03/2009, 07:05 PM
السلام عليكم مسا الخير بالنسبه لي أنا أول مره أشارك في منتدي ولا عندي خبره كافيه في ها الموضوع بس كنت أتصفح جوجل وأشوفكم يا شباب عندكم أسأله حول السيارات وأنا مكانيكي فأنا ماعندي خبره في كيفية التناقش في المنتدي بس عاظر أي واحد عنده أستفسار يأمر
بوعلي الشرقيه
21/03/2009, 07:19 PM
على العموم يا المغترب 55 أنا والله ماعرفت طريقه التواصل وياك لعدم الخبره في المتديات ولاكن هذا أيميلي لك وللشباب أي أستفسار أو أي عطال مكانيكي حاظرين ولو ترشدتني على طريقة التواصل أكون لك من الشاكرين alkrod@hotmail.com
ضامي الدلم
23/03/2009, 09:38 PM
ابو لينا

الف شكر لك على التوضيح

دانكن حياك الله


بنو تميم شكرا لك وتمت المراسله على الخاص


لكن عندي استفسار ياجماعة الخير:

كم سعرهن جدد؟
ووين احصلهن فيه في الرياض؟؟

ولكم كل الشكر مقدما

السلام عليكم

يوجد محل الرماية الي على طريق التخصصي من جهة الشمال في محطة نفط يوجد فية محل عندة الي تبي وراعيه نصوح يعلمك بكل شي والمقاس المظبوط
المغترب55
27/03/2009, 09:39 PM
للرفع وشكرا
ابو نواف المطرفي
28/03/2009, 02:34 PM
سامي يعطيك الف عافية

انا فعلا فكرت في اني اركب كعكات وبس
لانها اررخص ومدام ان الياي الاسترالي نفس قساوة الوكاله تقريبا
فليش التغيير والخساير الكعكات تؤدي نفس الغرض

بس لوسمحت وين القى الكعكات فيه في الرياض

اتمنى تفاعل باقي الاعضاء
بخبرتهم


الكعكات << حسب الطلب
ماتحصلها جاهزة
واللي يسوونها << المخارط
النفوذالكبير
29/03/2009, 11:58 AM
عليك با الياي الاسترالي arb والوكيل الرماية وعندهم ورشتين بالرياض بحي الشفا والتخصصي ولا تدور عند غيرهم لانهم الوكيل ...
المغترب55
07/05/2009, 08:51 PM
للرفع

وشكرا
الزين غالي
08/05/2009, 12:25 AM
السلام عليكم ورحمة الله
اخي الكريم شف وانا اخوك عندي لاندكروزر 2006 اول شي الموتر نازل لو حطيت جركل الموية واسطوانه غاز نزل ذنب الجيب شاورت وفكرت تبي الصدق الناس اهل الخبره نصحوني عن الكعكات لو تتحرك عن مكانها ينطلق الياي ويسويلك مشكلة لاسمح الله وابشرك امس مريت علي الرماية في شارع التحلية واخذت اول نوع 862 السعر 550ريال وللعلم علمني واحد شغال في الرماية يقول ان النوع الاول 862 يرفع الجيب 3سم من مديل 2004 إلى 2007 اما من مديل 1998إلى 2003 يرفعه 2سم والسبب ان المديل القديم اثقل شوي علي حسب كلامه والله اعلم وارسلني علي ورشتهم في نهاية شارع التخصصي في محطة نفط لقيت مهندس فلبيني ممتاز مره ركبها 75 ريال وتبي الصدق رفعت السيارة حلوه وسط شكلة زي رفعت الفي اكس ار بالهدروليك الوضع العادي والله اختلف الموتر كثير سواقته مطب السيارة مريح اول اخذ المطب تحس الجلد تدق في الدفرنس والحين من اروع ما يمكن مشاء الله تبارك الله .
واعتذر علي الاطالة وان شاء الله اكون وضحت الصورة كاملة واي استفسار اخوك حاضر
تحياتي