المساعد الشخصي الرقمي

مشاهدة النسخة كاملة : شوركم ..... يأهل ونشات السيارات ....... ؟؟ لاتبخل علينا بمشورتك .


سنافي وبس
26/02/2009, 02:44 PM
السلام عليكم :

كتب احد الاعضاء موضوع عن ونش WARN متنقل يركب في الهوك الخلفي للسيارة .

http://www.mekshat.com/vb/showthread.php?t=140897

وبحثت عن هذا النوع من الونشات ذهبت الى السليماني للسيارات لكونه المتخصص في بيع الونشات والوكيل لعديد من الماركات العالمية واشهرها WARN وجدت اللي في نفس الموضوع الي كتب في مكشات وجدته (( عفش وثقيل )) والقاعدة كبيرة .
وانا ابحث عن النوع اللي يركب في الهوك لانه عملي اكثر من اللي يتثبت في السيارة لكونك تستطيع نقله امام السيارة او خلفها وتستطيع تقله من سيارة في سيارة ...
سؤالي :
وجدت عنهم نوع مثبت فيه القاعدة اللي تركب على الهوك ب 2700 ريال ووزنه 2750 كجم اي 3 طن الا .

هل هذا الوزن مناسب لسحب السيارة علما انه من المعلوم انه لو وضعنا بكرة سحب لتضاعفت قوة السحب الى الضعف .

هل تنصحوني بهذا الوزن ؟؟؟؟؟ علما
- ان القاعدة في غير هذا النوع ب 900 ريال تباع لوحدها وتركب عليها اي ونش.... والصيني منها ب650 والترهيم برا ممكن يكلفك 500 ريال .
- يعني قيمة ونش 3طن ونص ب 3100 + قاعدة ترهيم ب 500 ريال + سلك طويل من عندهم ب 750 ريال
السلك ممكن ارهمه من خارج المحل . لكن اهم شي وزن الونش وطاقته هل هي مناسبة مع وجود البكرة .
؟؟؟؟؟؟؟ والله ضربه .... اشيروووو على يا اهل الونشااااات لالالالالالالاهنتم اخوكم في حيرة .
ابوطاقية
26/02/2009, 07:21 PM
هذا تلفون الوكيل بالرياض يمكن تحصل عنده غرضك
Dealer Name:Faiz Al Sulaimani & Sons CompanyPhone:+966 1 454-1230Fax:+966 1 456-2504Address:Mursalat-King Abdul Aziz Road
Riyadh, SA 11492 Installs Products:YES
سنافي وبس
27/02/2009, 03:43 AM
هذا تلفون الوكيل بالرياض يمكن تحصل عنده غرضك
Dealer Name:Faiz Al Sulaimani & Sons CompanyPhone:+966 1 454-1230Fax:+966 1 456-2504Address:Mursalat-King Abdul Aziz Road
Riyadh, SA 11492 Installs Products:YES

الله يصلح قلبك انا عارف انه عند السليماني سواء بالرياض او جد ... انا سوالي هل حجم اللونش مناسب ومجرب ؟؟؟؟ شكرا لك
الثويرات
27/02/2009, 11:26 AM
انا اشير عليك انك لاتركب اقل من 4 طن
سنافي وبس
27/02/2009, 03:58 PM
انا اشير عليك انك لاتركب اقل من 4 طن
انت لو تشوف ابو 4 طن ... وابو 2750 الفرق اللي بينهم لا يذكر لكن الكلام على القاعدة الوذفة في ابو 2750 كجم .... وبعدين البكرة ما خلت شي .....؟؟؟؟؟؟
سنافي وبس
28/02/2009, 12:07 AM
بعد البحث في النت عن اكسسورات الونشات في بعض المواقع الامريكية وجدت هذه القاعدة تركب على اغلب انواع ونشات warn ومخفية وبدون زوائد وكأن الونش مثبت بالسيارة

http://www.mekshat.com/pix/upload03/images102/mk9621_6495.jpg

لا للاستغلال وغلاء الاسعار ..... القاعدة اللي تركب على الهوك عند السليماني ب 900 ريال ووجدنا البديل ب 375 ريال اي ب 99.9 دولار تقريبا ,,, تحياتي . قريبا باذن الله اطلبها وناخذ ونش 3 ونص طن ....اللهم لك الحمد .
وحيد الصحراء
28/02/2009, 12:14 AM
الله يوفقك ونبي نشوف الونش مركب على القاعدة المطلوبة بعد الشراء لكي تتضح الصورة اكثر ومالك منا الا الدعاء ان الله يوفقك في طلبك وتتسهل امورك
سنافي وبس
28/02/2009, 12:29 AM
الله يوفقك ونبي نشوف الونش مركب على القاعدة المطلوبة بعد الشراء لكي تتضح الصورة اكثر ومالك منا الا الدعاء ان الله يوفقك في طلبك وتتسهل امورك
اللهم امين .. وفقك ربي وسهل دربك ... تشكراتي على التواصل ... وابشر بسعدك ... قريبا باذن المولى عز وجل .
راعي السيل
28/02/2009, 01:12 AM
السلام عليكم
الي يقول انه بيشتري القطعة من الانترنت ، والله انها بتكلفك شحن دبل سعر القطعة مليون مره! اجل 3 طن ؟!! انتبه وانا اخوك لا تتوهق بسعر الشحن ، الحين انا اتوهق اذا كان وزن القطعة 10 كيلو وانت بتشتري 3 طن!
ابوطاقية
28/02/2009, 08:13 AM
السلام عليكم
الي يقول انه بيشتري القطعة من الانترنت ، والله انها بتكلفك شحن دبل سعر القطعة مليون مره! اجل 3 طن ؟!! انتبه وانا اخوك لا تتوهق بسعر الشحن ، الحين انا اتوهق اذا كان وزن القطعة 10 كيلو وانت بتشتري 3 طن!

اذا بيطلبها عن طريق شركات الشحن السريعه اكيد بتكلف لاكن اذا طلبها عن طريق US POST بتكون رخيصه لاكن بتاخذ الارساليه تقريبا شهر
ammamm
28/02/2009, 08:34 AM
مجرد رأي

3.5 طن يعني 7 طن مع تدبيل الواير في اعتقادي كافية وزيادة

الميزة في هذا النوع أنك ممكن تركبه وقت الحاجة فقط وهو ممتاز لمن يستخدم السيارة في المدينة والبر بشكل دائم

أرجو أني أكون أفدتك
الدبل الثقيل
28/02/2009, 08:43 AM
السلام عليكم
الي يقول انه بيشتري القطعة من الانترنت ، والله انها بتكلفك شحن دبل سعر القطعة مليون مره! اجل 3 طن ؟!! انتبه وانا اخوك لا تتوهق بسعر الشحن ، الحين انا اتوهق اذا كان وزن القطعة 10 كيلو وانت بتشتري 3 طن!

الله يهديك .... الجيب وزنه دوبه يجي 3طن ...

المقصود ب3طن ... يعني ان قوة الونش تمكنه من سحب سيارة او اي شيء وزنه 3طن ..

وجزاك الله خير ...
عريدان
28/02/2009, 09:42 AM
لاتنسى أن لهذا النوع توصيلات كهربائية خاصه وتثبت في السيارة المحدده لمثل هذه الاستخدامات وهي تشبه توصيلات التريلات المسحوبه الصغيرة وهنا أيضا انت لم تحتسب التكلفه. أرجو إيضاح بعض النقاط والتأكد منها قبل شراء الجهاز نفسه...
الـ ع ـارض
28/02/2009, 10:32 AM
ماشاء الله عليك يابو محمد .... لقيت الحل للونش

نحتري التقرير والصور ... يمكن نوصيك تدبر لنا واحد
سنافي وبس
01/03/2009, 01:13 AM
السلام عليكم
الي يقول انه بيشتري القطعة من الانترنت ، والله انها بتكلفك شحن دبل سعر القطعة مليون مره! اجل 3 طن ؟!! انتبه وانا اخوك لا تتوهق بسعر الشحن ، الحين انا اتوهق اذا كان وزن القطعة 10 كيلو وانت بتشتري 3 طن!


اذا بيطلبها عن طريق شركات الشحن السريعه اكيد بتكلف لاكن اذا طلبها عن طريق US POST بتكون رخيصه لاكن بتاخذ الارساليه تقريبا شهر

الله يهديكم .... تراكم فاهمين غلط ..:confused: . انا باشحن قاعدة الونش فقط والا الونش مهنا ذاك الفرق عن امريكا ... :no2:


ماشاء الله عليك يابو محمد .... لقيت الحل للونش

نحتري التقرير والصور ... يمكن نوصيك تدبر لنا واحد

ابشر يابو فيصل باذن الله قريبا ... اشكر مرورك الكريم ... تحياتي
نجم الصحراء
07/11/2012, 05:26 AM
اول شي البكره ما تعطي ضعف القوة , بالكثير تشيل عن ربع الوزن , ثاني شي السيارة اذا مغرزة يصير وزنها مره ونص
hamido
07/11/2012, 08:07 AM
اذا بيطلبها عن طريق شركات الشحن السريعه اكيد بتكلف لاكن اذا طلبها عن طريق US POST بتكون رخيصه لاكن بتاخذ الارساليه تقريبا شهر
الله لا يهينك ممكن تعطينا الرابط وهل الفرق يسوى ووش الشروط
4x4ofroad
07/11/2012, 09:01 AM
يقولون الشيبان اذا كليت بصل كثر
ومن هذا المنطلق اقولك ركب ونش يشيل سيارتك وزود عشان ماتتحسف وغير كذا يطول عمر الونش حقك لانك لما تسحب فيه ماتكون استهلكت كل طاقته
هذي وجهه نظري والله يوفقك
خناصر
22/12/2012, 06:43 PM
يقولون الشيبان اذا كليت بصل كثر
ومن هذا المنطلق اقولك ركب ونش يشيل سيارتك وزود عشان ماتتحسف وغير كذا يطول عمر الونش حقك لانك لما تسحب فيه ماتكون استهلكت كل طاقته
هذي وجهه نظري والله يوفقك


وجهه نظر في الصميم و كلام منطقي أنا معك (انغراس السيارة في الوحل غير الرمل )
عبدالسميع
22/12/2012, 08:22 PM
شوف ونا أخوك الونش تقدر تضاعف قوة السحب فيه

حتى لو كان من النوع الصيني

تظيف لعملية السحب سلك طويل مع بكراة تحويل من النوع القوي . تجي أوزان مختلفة


http://im19.gulfup.com/5tMM1.jpeg


وهذي طريقة لعملها شوف شلون



http://www.youtube.com/watch?v=eycJ616L6DU


وهذي طريقة ثانية توجد موسيقى ... وط الصوت

http://www.youtube.com/watch?v=LiBcur1aqcg
تنومه1
22/12/2012, 09:50 PM
انتبه ثم انتبه وخذها قاعده عندك

1. يجب ان تكون قدرة الونش على اقل تقدير متساويه مع وزن سيارتك ( الصح انه يجب ان يزيد عن وزن السياره بالربع اقل تقدير ) .
2. الونش يركب لخدمة سيارتك يعني يتوافق مع وزنها حسب ما ذكرت سابقاً.
3. استخدام البكرات ومضاعفة الواير مرتين وثلاث حسب الطريقه الصحيحه تضاعف لك قدرة وقوة الونش ( لازم الساحب والمسحوب يشاركون في عملية السحب ولا يعتمدون على الونش فقط لأن ذلك يرفع من حرارة دينمو الونش وبالتالي عطل وخراب .
4. خذ الونش المناسب لسيارتك والواير لازم يكون طويل في حدود (30 م) ولا تعتمد على البكرات لانها ممكن تفقد او تضيع وبالتالي يكون عندك ونش كفو يساعدك بعد الله .
5. بالنسبه لكهرباء الونش سواءً من الامام او الخلف من الافضل ان يشبك مباشرة في بطارية السياره واثناء السحب لازم تكون السياره شغاله لانه يستهلك كهرباء .
نتمنى لك التوفيق .

عن قريب انشاء الله اعرض لكم مجموعة ونشات بما فيها الاسطوره ( WARN 8274 )
محسن اليامي
22/12/2012, 11:49 PM
موضوع يستحق المتابعه الله يعطيك العافيه على طرحه

وصارلي فتره افكر اركبه على باترول سوبر 98 لكني اجهل الحجم والمديل وطريقة التركيب

احد يفيدني
عذرا صاحب الموضوع
TwisToOoO
18/02/2013, 11:26 AM
هل فيه ورشة او محل معين يمكنني زيارته لترهيم وتركيب مثل هذا الونش لاني وبكل صراحه افكر فيه وبجديه من الامام والخلف

عارف ان الموضوع قديم بس مهم
المناعي2
18/02/2013, 02:37 PM
والله أخوي أنا ما أنصحك بأن يكون الونش متحرك لانه لقدرالله حبيت تنقله من الامام ألي الخلف أو العكس و أنت لوحدك أشوي صعبة لأنه فيه وزن و اذا كان في الصدام ثابت يكون الصدام كحمية له أثناء الدعمات الخفيفة أو الاحتكاك هاذا مجرد نصيحة و بتوفيق أن شاءالله