أحتاج لرايكم في هذه السيارة

[شمســـان]

السلام عليكم
اخواني الأعزاء سيارة فورد فئة f150 4x4 وهذه صورتها
http://www.theautochannel.com:8080/media/photos/ford/1997/97_ford_f150_xlt_4x4.jpg

من لدية خبرة وافيه عنها فل يرشدني مشكورا
أهم العيوب وأهم المميزات وهل هناك فئة أفضل للبر من حيث القوة والمتانة,

ياشباب لايخفاني أن الشاص أفضل بكثير لكنني لأأتحمل قسوته لذا فأنا أبحث عن البديل المشابة والمريح,
فهل الفورد يؤدي الغرض , وان كان هنا ماهو أفضل من الفورد ارجو المساعدة

(على فكرة الباجيرو عندي وما أبدله لكني أحتاج لسيارة حوض)
وجزاكم الله خيرا

[رياض]

اسلام للجميع

اخوي الغالي .... فورد عموما خرابها كثير وقطع غيارها غالي

اتوقع الياباني لايعلا عليه ........................والله اعلم


اخوك رياض

[الخبير]

السلام عليكم
فيه سيارة ثانية يا الباجيرو ممتازة تتحمل مثل الشاص ويمكن أكثر هي الباترول صحن ممتاز و تحمل و راحة وقطع الغيار اقل من الفرد .

[الشقردي]

انا ما أدري عن استخدامه وتحمله لكن اذا ما أعجبتك راحة الباترول الصحن شف هذا لنه في عتقادي انه يتحمل اكثر من الفورد وقطعه اكثر انتشار على ما أظن .

[الشقردي]

انا ما أدري عن استخدامه وتحمله لكن اذا ما أعجبتك راحة الباترول الصحن شف هذا لانه في عتقادي انه يتحمل اكثر من الفورد وقطعه اكثر انتشار على ما أظن .

[أيمن]

بالفعل يا اخوان ..
الباترول الصحن ما مثله بل - في رأيي أفضل من الشاص - من نواحي ..
سعره، وخفته، وراحته، وأمانه من الانقلاب أكثر ..
لكنه ما يتحمل مقل الشاص يعني "الكرف" الواجد ..
وكذلك ما يشيل مثل ما يشيل الشاص ..

تحيتي

[الخبير]

السلام عليكم
شاص النيسان يا جماعة تراه ممتاز وما يعرفه إلا النادر .
النيسان اكبر دفرنس و تحمل اكثر ، هذا بالإضافة إلى سنن التروس في النيسان اكبر .

[^-^ طير شلوى^-^]

وش تبي بالفورد امريكي خايس ماينفع ويصرف...

خذ لك جيب والله احسن...

وهذ نصيحتي.. وطع شوري..

[العبرود]

الاخ / الباجيرو
انا صراحه ماعندي جواب لسؤالك لكن ودي اسألك عن الجيب الباجيرو اكثر الناس يقولون انه مايتحمل طلعات القنص وانه مجرد طلعه ويرجع وكله اصوات كما ان قطع غياره نار, ارجو الرد الله لايهينيك

[أبوسليمان]

أنا مع الاخوان
مالك الى باترول بيك أب(صحن)
وانكان مايعجبك شكله خذلك جمس
(ونيت) ازين من الفرد

أخوك
أبوسليمان :heart: :heart: :heart:

[فتى الصحرا]

انا مع بوسليمان طع الشور تراك ماتندم
وانا اتمنى ان احصل على سياره جمس ونيت ابو رفرف 4X4 حتى وان كان موديله قديم تراه مطلوب والي يعرف او عنده يدلني عليه وله جزيل الشكر

او نيسان بيكب صحن تراني ابحث عنه من زمان

ولكم جزيل الشكر

اخوكم ابو عبدالله

[zz822zz]

تلقى في معارض القصيم باترولات حوض واجد.............

[مـدحـدر]

خذ جمس قطاع عشرة

1500 كبر الشاص ومريح وتماتيك ودبل وحوض

[NissaN 1990]

أخوي عليك بالجمس الحوض أو الجيب الشاص النيسان لأنه رخيص وقوي وقطعه متوفره أما عن الفورد أنا أعرف واحد معه ويمحده ويقول أنه أقوى من الشيصان كلها وأوقوى من السيارات اليابانيه وبعدين خرب عليه العكس وخذا أكثر من شهر في الورشه وقلتله وين موترك قال مالقينا له قطعه وطلبناها من الوكاله وبعد البهاذيل جابها من التشليح وكنسل الطلب من عند الوكاله .....

[الساهر2003]

حشرا مع الناس عيد
لو فيه خير ماتركه الطير

[أبو LAMeS]

تحياتي لك أخوي الكريم
صدقني يا أخي أن أغلب من رد عليك لم يجرب السيارة مع أحترامي لهم ومن تكلم في غير فنه أتى بالعجائب
بالنسبة لي لم أجرب السيارة لكن اللي أعرفه ومتأكد منه أن السيارة في أمريكا تعتبر رقم واحد يعني هي المفضلة لمن عنده أشغال شافة مثل أهل المزارع
وعندك هنا في السعودية أسأل موظفين أرامكو عن هاذي السيارة بالذات
إذا السيارة عاجبتك توكل على الله ولا تنسى صلاة الإستخارة وهذه صور للسيارة هدية مني لك

http://www.moq3.com/img/up112007/GdO32187.jpg

http://www.moq3.com/img/up112007/bxG32247.jpg

http://www.moq3.com/img/up112007/jS032327.jpg

[بدوي جنوبي]

يا اخوان انتو تردون علي موضوع صار له

اكثر من 6 سنوات الله يهديك يا اللي رفعت الموضوع