أدلي بدلوك بتركيب الدف لوك [الأرشيف]

مشاهدة النسخة كاملة : أدلي بدلوك بتركيب الدف لوك

باتروليك

09/02/2009, 11:01 AM

السلام عليكم ورحمة الله وبركاته,,,

لا أحد ينكر فوائد الدفلوك وخاصة أنا لأني كنت أسمع عن فوائده لكن ما توقعت أهميته العالية ألا بعد
ما تعلقت ابسيف :D الله لا يوريكم مكروه :( .
والمشكلة أن معي أعيالي وبرض خلى ما أحد حولك :j . وكفر قدام من جهة السواق بالهوا الطلق :D وكفر ورا الرديف برضو بالهوا :D . ودوس ولفلفه :no2: ولا نفع والمشكله الكلام هذا قبل أذان المغرب بتقريباً بنص ساعه يعني الموضوع فيه تحدي أو بمعنى أصح :( صيااااااح :( . ما أطول عليكم
نزلت و أول ما سويت نسمت الكفرات إلى 10 وبديت أحفر بديني ورجليني وبراسي وبكل ما اوتيت من قوه يعني كني اسبح الفراشة
والإيمان نزل علي دعاء وقنوت ودموع >> واحد من الشباب يقولي أنك اتحفر وبالك على ماء الأيديتر.
والحمد لله بعد الحفر تفاجأت أني حفرت دركال تحت الموتر وخاصة حفرت من جهت كفر ورا اللي من جهت السواق حتى حسيت أن الموتر بدا ينزل وبدا الكفر يا خذ راحته وبامكانه يدور أو يتحرك بعدين ركبت وسميت بالله وعطيته ذيك الدوسه اللي طلعت أنا ومرتبتي قبل الموتر ولا وقفت الا بزفلت . وبعد هذه القصة عزمت أني اركب دف لوك أو أني ابيع الموتر واشري موتر فيه دف لوك شد بلد . علما أن الموتر عزيز علي شاريه جديد ومتحسف ابيعه .
وأعيد و أكرر أعتذاري على الإطاله آملن منكم المشاركة الكريمة المعتادين عليها .:)

ابوطاقية

09/02/2009, 11:26 AM

الحمدلله على السلامه
بالنسبه للدفلك فعلا مهم جدا للدفع الرباعي ويوجد نوعين واحد يشتغل على الكهرب وهذا يجي مع السياره وكاله والنوعيه الثانيه يجي بظغط الهواء ومن انتاج شركة ARB الاستراليه .
بالنسبه للتركيب بالامكان تركيبه بدفرنس خلفي والا امامي والا بالجميع حسب الميزانيه
الي يركبونه اذكر فيه محل بجدة وكذلك فيه الاخ الصمعاني بالقصيم واتذكر موضوع لواحد من الاخوان بالمنتدي عملها بالرياض

http://www.arb.com.au/resources/images/products/airLockers/Air-Locker-studio-RD116.jpg

باتروليك

09/02/2009, 11:58 AM

الله يسلمك ويعطيك العافية أخوي أبو طاقية,,,
وسؤالي عن السعر وهل هو مجرب وناجح وش الفرق بين الكهرب والهوا؟
وشكراً

لن أمل من العطاء

09/02/2009, 03:35 PM

شد البلد ياتي كهرب ويلتي ميكانيكي

والتوليف ياتي هواء

كادر

09/02/2009, 09:21 PM

ياليت اي احد ركب الدفلوك يفيدنا بتجربته

ابودعسان

09/02/2009, 09:38 PM

انت ماقلت لنا وش موترك يالغالي

SE.3500

09/02/2009, 10:53 PM

يا جماعة تراي تحمست مع الموضوع
الي عنده شي يدلي بدلوه

ابن العطشيه

09/02/2009, 11:03 PM

اخوي انا معاي الدفلك والله لو الدفلك كان معشت الى الان ولا شفتني جاي لم المنتدى اعطيه شهاده وبقوووه

ابوسفان

09/02/2009, 11:35 PM

شف واحد اسمه الخل الوفي في منتدى تويوتا العربية منتدى فورتشنر مركب والظاهر انه بالشرقية

ابوضرار

09/02/2009, 11:46 PM

يا جماعه كيف نركب الدف لوك ؟؟!!

قطب 999

09/02/2009, 11:49 PM

بالنسبه للدفرنس الخلفي ممكن تشد على الهندبريك ثم ترخيه على دفعات يمسك الكفر اللي يدور بوش وتنتقل الحركه للكفر الثاني ..اذا تأزمت الامور

RJA

10/02/2009, 12:26 AM

وعليكم السلام ..... هلا اخوي , اولا الحمد لله على السلامة ...
زي ماتفضلت ... الدف لوك جدا ضروري خاصة لراعين البر والنفوذ والجبال .
في نظري افضل الانواع اللي على هوا ARB

http://www.arb.com.au/resources/images/products/airLockers/Air-Locker-studio-RD116.jpg

http://www.arb.com.au/resources/images/rollover/air_compV2.png

ويباع عند الرماية اللي بطريق المدينة بالنسبة لجدة .... وسعره بالنسبة للربع والشاص 4000 ريال تقريبا مع الكمبروسر (الدفرنس الخلفي فقط)
وتركيبه عند ورشة العالمية في الصناعية الشمالية من 1000 _ 1500 ريال مع تثبيت الكمبروسر داخل الكبوت

وهذا فيديو تعريفي ....

http://www.arb.com.au/products/arb-air-lockers-accessories/

وتقبل مروري وتحياتي

باتروليك

10/02/2009, 09:20 AM

اشكر الجميع على المشاركة الكريمة...
لكن يا أخوان على كلام الغالي Rja يطلع سعره 5000 ريال تقريبا . لكن يصلح اغير دفرنس ورا من التشليح وركب دفرنس فل كامل موجود فيه شد بلد ؟ توقعون ارخص ؟افضل ؟
لأني ما أخفيكم دف لوك الهوا ما ارتحت منه .

ابونايف الروقي

10/02/2009, 10:00 AM

ما انصحك تغير دفرنس ..

الدفلوك اذا ما يجي شد بلد والا ما ينفع ولا اثق به ..>>> وجة نظر

فريد2000

10/02/2009, 10:43 AM

سلام
لاتروح ولاتعلق بالسيف ولاتحتاج دفولك
يعني لاتعلق الجيب وهو مايتعلق
سوي دفلوك لقيادتك ... يعني امشي بطريقه احترافيه في النفود وصدقني ما راح تحتاج لاي دفولك

مو مهم

10/02/2009, 10:54 AM

ياجماعة وشو الدف لوك

اللي فهمته من كلامكم إنه يخلي العزم على كفر واحد صح ؟

باتروليك

10/02/2009, 11:16 AM

ياجماعة وشو الدف لوك

اللي فهمته من كلامكم إنه يخلي العزم على كفر واحد صح ؟

اهلا بأخي العزيز
الدف لوك يخلي كل الكفرين يدورن ولا يسمح للكفر بالوقوف .

الرسام

10/02/2009, 11:25 AM

يا جماعة اهمية الدفلوك ما يختلف عليها اثنين ولكن من وين تركبه
تقدر تشريه من عند الرمايه وتركبه يطلع عليك بـ 5000 ريال تقريبا
او تغير الدفرنش بدفرنش فيه دفلوك مع التمديدات وهاذا يكلف 3000 ريال وفي الامارات يضبطونها و في القصيم عند الصمعاني

BigBlock

10/02/2009, 03:14 PM

السلام عليكم
انا معي باترول 2003 ركبت دف لوك اتماتيك يجي على الباترول الياباني فقط, ركبته بنفسي سهل تركيبه ,الدفلوك كلتشات يعني لا ليات ولا كهرب...لا تشغل ولاتطفي..تغير الكرونه فقط.

هايبر

10/02/2009, 03:59 PM

SE.3500

10/02/2009, 04:40 PM

BigBlock
ممكن توضح أكثر لأن معي باترول

ابو صقر 111

10/02/2009, 04:48 PM

ترى عفريتتة الشكمان ممتازه جدا في مثل هذا الوضع حيث ترفع السياره بالعلالي وأنت تستطيع تتصرف وشكرا للجميع

باتروليك

11/02/2009, 09:06 AM

الى الان ما ذكرة نوع سيارتك .للإخوان اللي يستفرون عن الدفلك الرابط المرفق فيه معلومات عنه :
http://www.mekshat.com/vb/showthread.php?s=&threadid=3269&highlight=%C7%E1%CF%DD%D1%E4%D4

اشكر الجميع على المشاركة واوضح لأخواني أن موتري باترول ربع .

باتروليك

11/02/2009, 08:26 PM

رايكم يا جماعة أحد جرب وغيرالدفرنس لأن اقرب ما له تغييرة دفرنس