صوت قرقعة في عمود الكردان وعمود الدبل في الباث فيندر

[سيف العدالة]

بعد إجراء فحص كمبيوتر في الوكالة

قال المهندس أن فيه مشكلة في عمود الدبل وعمود الكردان

وتغييرها يتجاوز 5000 ريال

وقال : روح للمخرطة وهم يضبطوها لك .

انقدح عندي أسئلة :

1) ما هو عمود الدبل والكردان والصليب ؟
2) هل تضبيطه في المخرطة له تأثير على الموتر ؟
3) ماهي المخرطة التي تنصحوني بها ؟ ( في العروبة أو ام الحمام )
4) كم التكلفة التقريبية ؟
5) إذا وديته للمخرطة كيف بيكون طريقة شغلهم ؟

والله إني أعرف أنكم ما تقصرون في الرد .

[ابومحيميد]

مساء الخير يالغالي

فيه ورشة بالصناعية القديمة متخصصين بالشغلة ذي

اسمه ورشة وحيد أو الوحيد والله اني مانيب متاكد بس اسال عنه بالصناعية والورشة معروفة بتحصله ان شاء الله

تقبل مروري

[عالي الحوم]

يمكن تركيب فرار يغنيك عن ذلك .

[صدى الاهات]

والله وحيد الصفدي ما انصح فيه قد وديلته موتري وانطلق علي العامود عقبها باسبوع
شف وانا خوك انت عندك قرقعه ورجه اوول شي على شان تاكد فك عامود الدبل ولا اقولك اسمع واانا خوك شف فيه ورشة اسمها ورشة الجابر الرجال الي فيها سعوودي واجودي وابن حلااال يعني يقولك مافي موترك لازود ولانقصان وصف ورشته تعرف وكالة بي ام دبليو الي بطريق خريص عقب الوكاله جيك وكالة كياا بعد كيا ادخل يمين وامش عقببها شوي لين تجيك براحه والحين تبنا عقبها تلقى ورشة الجابر وان شالله بيفيدك الرجال وشغله معروف اتمنى اني افدتك

[بدوي جنوبي]

ياخي العمدان هاذي
تطلع رجه مو قرقعه

اتاكد من ورشة ثانيه قبل الاصلاح
تحياتي

[المنبسط]

أول شي فك العامود,ثم جرب السيارة بدون عامود الدبل وهو صغير طوله أقل من متر فإذا كان من العامود فهو من احد أمرين :
1-إما من الصليبات حقته وهذي يعرفها المهندس إذا فك العامود
2- من العامود نفسه وكثيرا ما يخرب بسبب عدم التشحيم لأن كثير من الناس لا يدري ان العامود فيه مشحم
اتمنى اني افدتك وقد حصلت لي وغيرت الصليبات وزان الموتر بنسبة80%
أخوك المنبسط