الفزعة ياهل الخبرة تراني حاير بين كبيرين

[غاوي رومانس]

السلام عليكم ورحمة الله وبركاته

شحالكم اخواني المكشاتية؟


ياخواني الكبار انا اخوكم الصغير
ومحتار بين موترين

انا عندي مبلغ حدود الخمس والثلاثين

وابا اشتري لي موتر للمكشات

وفي نفسي اشتري الباترول 97 او96

بس الشباب كلهم يقولون لي خذ لك كروزر احسن لك

بالنسبة لي مافي اي مشكلة اخذ لي كروزر او باترول
بس انا عاجبني الباترول

يقولون ان الباترول قطع غياره ناااار فأتمنى من اصحاب النياسين يعطوني فكرة عامة عن
قطع الغيار وان كان هي غالية ولا معقولة بالنسبة للباترول 97 او 96

وعلى فكرة انا اذا ودي اخذ كروزر ابا موديلة فوق الـ 2000 مابي موديل اقدم...


تكفون يالرياجيل ابا مشورتكم

[( الزاهر )]

اسعد الله صباحكم بالخير ......
اجل فكره البيع والشراء لبعد شهر مايو 5 / 2009
وتراك كسبان .......

[غاوي رومانس]

صبحك الله بالنور والسرور
ياخوي
زاهر الشيخي

علشان الصيف قصدك؟

[بواسامه]

اختيارك مستعمل وكلها قديمه
خذ وجرب واحكم بنفسك
واذا تبي شوري خذ نيسان بالذات للقديم
وللجديد خذ تويوتا

[ابوسعودد]

انا مع اخوي ابو اسامه اذا بتاخذ باترول خذ 97 واذا كروزر خذ 98 وفوق
ومن ناحيه قطع الغيار اعتقد ان الاثنين كلها مافيها مشكله من ناحيه الاسعار اهم شي انها متوفره
تقبل مروري والله يكتب الخيره

[أمير المصفحات]

السوبر ازين لك من ناحيتي

وأنت بككيفك

[غاوي رومانس]

بو اسامة

تسلم على الشورة وانا مثل ماقلت لك اذا باخذ كروزر
باخذ فوق الالفين بس مااتوقع اشوف كروزر رخيص مثل الباترول
بس حبيت استفسر عن قطع الغيار بالنسبة للباترول 97 او 96

اذا هي زينة ورخيصة ولا لا؟

[غاوي رومانس]

قولك كذا ياخوي

بوسعودد

يعني تقريبا اسعارهم متقاربة من بعض
هذا اللي اباه من ناحية السعر
لان رغبتي في الباترول اكثر من الكروزر

تسلم لي ولاهنت يالغالي

[غاوي رومانس]

امير المصفحات

لاهنت على المشورة

وبو جمُاس ماعليه كلام
وليش لا يمكن اخذ لي سوبر

لاهنت يالغالي

[راعي المجهم]

قبل 6 أشهر وضبت مكينة نيسان 97 توضيب كامل

كلفني 7800 ريال مع شغل اليد وقطع أصلي وياباني

وفعلاً القطع غاااالية جداً وخاصة قطع البودي

كما أن صرفية البنزين راح تزعجك يشرب شرب الويل

[نجد 1]

السلام عليكم ورحمه الله وبركاته

قبل كل شى اخوى ( استخر)
وبالنسبه لى افضل النيسان

[غاوي رومانس]

الله يبارك لك فيه ياخوي

راعي المجهم

بالنسبة لصرفية البنزين لازم

ايش تتوقع من سيارة التانكي للبانزين صغير وبساتن المكينة كل واحد اكبر من الثاني
شي طبيعي تسرف بنزين

علشان كذا فيها قوة وعزم
بالنسبة لقطع الغيار انا سبق وكلمت رجال نشمي مثلك وشرواك
قال لي الباترول والكروزر الفرق بينهم في اسعار القطع فرق مو كثير
يعني مو مشكلة تاخذ لك باترول

والعلم عند الله

ومشكور على النقطة اللي وضحتها

[غاوي رومانس]

امرت بخير اخوي
نجد

والخيرة فيما اختاره الله

لاهنت والله يطيب مقدارك

وانا معجب كثير بالنيسان بس ياخوك الناس كلها على الكروزر
ماادري ليش؟؟

[عاشق البسمه]

اجل دامه معجبك,,, وهذي دراهمك,,,, ترا النيسان يبي يطربك,,,

[غاوي رومانس]

قولك كذا ياخوي

عاشق البسمة

ماقصرت ولاهنت
ومشكور على المرور والرد

[طلآل]

السلام عليكم ,,

اخوي الغالي دام بالخاطر باترول طقه ولايهمك كلام الناس اخذ الي يجوزلك وبخاطرك لاتاخذ شي على كلام الناس لانك لو تاخذ شي بخاطر غيرك مهو بخاطرك بتكرهه بعد فتره لان بخاطرك باترول وتبيه توكل على الله واشر باترول تراه طيب وبالبانزين طقه تانكي احتياط

[غاوي رومانس]

صدقت ياخوي طلال

والله مافي الا كذا اخذ اللي بخاطرك وخل كلام الناس
بس اهم شي اعرف ايش مشاكله وحلوله وبصراحه كل المشاكل وحلولها حصلتها
في هالمنتدى الطيب وبصراحه الشباب السنايدية ماقصروا في الخبرات والمعلومات

مثلك وشرواك ينشرون بفلوس الدنيا

مشكور على المرور والتشريف

[patrol2006]

السلام عليكم
اخوي من ناحيه قطع الغيار السيارتين ما تطلب قطع والاسعار قريبه من بعض
وانا انصك بالنيسان لانه اكثر شبابيه غير انه صبوور

[غاوي رومانس]

شوركم وهداية الله

تسلم يمناك اخوي ولاهنت

وانا حصلت لي واحد
بس مكتوب عليه كنج روود

الظاهر انها دفعه خاصة او شي

ماادري عنها