شوف تويوتا وش سوت بالعميل ...

[محمد الجويسر]

السلام عليكم ورحمة الله وبركاته وبعد

اخواني المكشاتيين احب ان انقل لكم معاناة احد الاخون مع وكالة تويوتا واتمنى منكم المساعدة اذا احد يقدر الرجال ناوي يشتكي الوكيل للمصنع في اليابان المشكلة هي:-

اخون قدر الله عليه واحتاج الى رافعة بعمله حيث ان لديه مصنع ويلزمه التحميل والتنزيل المهم

اشتراء من تويوتا بالقصيم رافعة بتسعين الف ريال (( طبعا اشتراء من تويوتا ليس من اجل ان تويوتا هي الافضل بل لوجود فرع صيانه للرافعات بالقصيم ))

الان الرافعة حصل لها عطل وصارت ماترفع زين المهم ان العطل صوفه او زي كذا على حسب مافهمت
الرجال خوينا راح للوكيل ببريدة قال الوكيل والله فرع الصيانة بالقصيم اغلاق ولازم تروح الرياض

الرجال تفاجاء وقال انا شاري من تويوتا علشان فيه وكيل بالقصيم ولا كان شريت من شركه ثانية وريحت عمري

طيب اخوان اتصل على الوكالة بالرياض وقال ارسلو لي مهندس يصلح الرافعة قالوا ما نقدر ارسل الرافعة طبعا الرافعة ارساله للرياض مكلف

بعد اخذ ورد مع الشركة قالوا نرسل لك الفني بشرط يومية الني الف وخمسمائة ريال خوينا قال حشا يومية طبيب .

المهم مالكم بالطويلة هذا اللي صار واذا فيه احد يقدر يساعدنا نبي نشتكي الوكيل للمصنع باليابان الله لايهينكم لايبخل علينا

[صائد الخرب]

حسبي الله عليهم لعب على الناس والله لو الوكالات لقت رادع كان ما سوت فينا اللعب لاكن لو تراسلون الشركه الام في اليابان ومدعومه بالصور صدقني راح يتجاوبون
بس الي اسمع عنه ان عبد اللطيف له نسبه في اسهم الشركه الام يعني ضلعه قوي

[ابوعقل]

حسبي الله عليهم

والله نصب على العميل

هو وغيره من الوكلاء

الله يعينه

[adil33]

لازم يودي الرافعة للوكالة ...

[لن أمل من العطاء]

تابع الرد بالاسفل

[لن أمل من العطاء]

اولا الله يعينه

ثانيا المفروض يسأل قبل لا يشتري عن الصيانة وعموما الشركه ملزمه بالصيانه والاصلاح وتوفير قطع الغيار

يتوجه لفرع وزارة التجارة ويشرح لهم الوضع ويشدد على انه يريد الحل العاجل جدا

اذا لم يجد فايده وهو المؤكد

يختصر الجهد والمال ويرفع قضيه عليهم في اقرب محكمه لديه ويطلب في لائحة الدعوى الاضرار المرتبه على عدم اصلاح المعده وانه يطالب بالاصلاح وتعويض عن كل يوم لم يستخدم المعدة بسبب هذا العطل
يعد ذلك تنهال عليه اتصالات من شركة ابوجميل لتسوية النزاع والتنازل عن القضية وتنحل المشكلة لكن لا يتنازل عن القضية

اخيرا يضلح المعده عند متخصصين في المعدات فهم افضل من ابوجميل ويوثق كلامه بفواتير واوراق رسميه لكي يطالب الشركة بالدفع
قبل لا انسى يوثق كل شيئ بالاوراق حتى رفض الوكالة للاستلاو ويقولوا لازم تروح للرياض بالمعده او يجي المهندس يومية 1500 ريال

صدقني رايح ياخذ حقه كاملا مكملا

مثلي انا والمسألة هايلوكس غمارة ودعوى في المحكمه واطالب بتغيير السيارة كامله

[خوي الساري]

والله مشكلة ماههم الا البيع وقبض الفلوس فقط أما خدمات مابعد البيع فلا00000

[عبسي4800]

الله لايوفقهم الي يلعبون على الناااااااااااااس

[عيال وايل]

الله يكون بعونه ..... اخوي ياليت خويك يروح لحماية المستهلك بوزارة التجاره ويقوي قلبه

ويقدم شكوى عليهم ويقدم مستندات شراء الرافعه من القصيم وان مكتب الصيانه كان موجود

وقت شراء الرافعه وان شاء الله بيسر الامر .


تحياتي

[ع. بن عمار]

السلام عليكم ورحمة الله وبركاته
اشرح لكم معاناتي مع تويوتا
اول ما فكرت اشتري سيارة قلت لازم اشتري شي وكالته صح:good: وإذا انباع جاب سعر
اخذنا كورولا2008 والله لا يعده من موتر:mad:
لا مواصفات زي الناس ويوم خرب على الكمبرسر قالو انه مو تحت الضمان؟؟؟:confused: ليه لان جايتني صدمه في الوجه:confused:
قلت طيب الصدمه صحيح في الوجه بس على حد الوجه ما دخل شي قالو لا
المهم في نهاية الأمر دخلت سيارتي على الضمان بمساعدة اخ سعودي الله يوفقه محل ما لقا وجهه ولا لو اني صلحته على حسابي كان كلفني تصليح المكيف حوالى7000 ريال
الوكاد اني كنت ناوي اشتكي على الشركة عند الشركة الأم بواسطة موقعهم الرسمي : http://www.toyota.co.jp/en/index.html
بس ما لقيت قسم للشكاوي:(
عاد شف الموقع لعل وعسى انه يفيدك او تقدر تشتكي عن طريقه وإذا عرفت الطريقه عاد علمنا عساس الشباب يستفيدون لا حرمك الله الأجر

[محمد الجويسر]

مشكورين الاخون جميعا على تفاعلهم

بس ان شاء الله

لرجل ناوي يشتكي على ديوان المظالم اذا مالقى نتيجة من الوكيل

[ابراهيم2008]

الله يعينك عليهم

[صالح الحارثي]

سو لهم مثل الاسترالي اللي مرغ خشم وكيل تويوتا في استراليا بالارض... قرأت له موضوع هنا في مكشات وستجد به بعض الروابط الي يمكن تفيدك...

الله يكون معك.

[البوابه]

بسم الله الرحمن الرحيم

شكهم بشكوى على العنوان التالي ولا تنسى تكتب لهم رقم الشاسى للرافعه وتاريخ الشراء ووضع تلفونات صحيحه كي يتصلون بك

ان شاء الله بتسمع العجب و الخدمه بس ظبط الشكوى

http://www.toyotaforklift.com/about_us/contact_us/

تراني متعود على الشكاوي وسويت الطريقه في نيسان واتصلوا بي من جده بعد ماتصلت بهم نيسان وكانت خدمتهم بعد الشكوى ( انت تامر )

جرب

[بندر خلف]

حسبي الله عليهم

[مب لازم]

http://www.moq3e.com/t1243.html

ادخل الربط وبتحصل اللي تبيه

[G M C 511]

السلام عليكم ورحمه الله وبركاته
الله يعينك استغلال عيني عينك

[محمد الجويسر]

نشكرا الاخوان على تفاعلهم مع الموضوع

وماقصرتوا

وهذا رقم جوال صاحب المشكلة اللي يبي يستفسر او يقترح عليه اي شي يتصل على الرجال

ابو ناصر (0553354000)