المساعد الشخصي الرقمي

مشاهدة النسخة كاملة : عندي مشكلة في سيارة شروكي 2003 وأبي فزعتكم


ابومدى
10/01/2009, 02:18 AM
مشكلة عند صديق لي
النوع/ شروكي-ليبرتي-6 سلندر
الموديل/ 2003 - قير اوتوماتك
المشكلة/ يطفي اذا دعس بريك بقوة ( عند اشارة مثلا) ويرجع يشغله مرة ثانية ويشتغل عادي , والموتر صافي ولا فيه حاجة
ابوطاقية
10/01/2009, 02:24 AM
افحص الماخوذ كمبيوتر وتبين علته
ماجد محمد
10/01/2009, 02:25 AM
السلام عليكم
هلا بك اخوي
خل خويك يشوف الباكم لا يكون فيه تنسيم اويكون خربان من الداخل او البلف حق الباكم واللي الموصل للباكم من الثلاجه على العموم فيه محلات خاصه في الباكم في صناعية الخرج يشوفونه لك لانها صارت معي في فورد وغيرت الباكم
والله يوفقنا واياكم الى مايحبه الله ويرضاه
ابومدى
11/01/2009, 01:16 AM
مشكورين ياشباب على تفاعلكم

وان الله اراد وحل خويي مشكلته بلغتكم للفايده ولكم جزيل الشكر
سوبر VTC
12/01/2009, 12:03 AM
اخي الكريم
الله يهديك اخوي
اي كمبيوتر و خربطة و لعب على الناس
اي كهربائي يقولك كمبيوتر تراه كذاب
الحل كالتي باذن الله
اولا
اذا كنت تدق سلق ثم تولع لمبة المكينة
ثم
اذا تركت المفتاح تطفى اللمبة
فالخراب يكون
من حساس الاار بي ام
اللي هو حساس الدعسه
وظيفة هذا الحساس
له وظيفتين
تحمية السيارة في الصباح ثم اذا احتمى الموتر نزل انبير الضغط او البنص او الكمبريشن
الى وضعه الطبيعي اللي هو تحت الواحد
الوظيفة الاخرى لهذا الحساس
اذا كنت مسرع مثلا ثم وصلت الاشارة يكون الانبير فوق الواحد
من اجل ما يطفى الموتر ثم اذا فضيت القير او وقفت ينزل تحت الواحد
و هذا هو الطبيعي
احتمال الخراب الاساسي
يكون من الفيش الانثى اللي يركب على نفس الحساس
احد الزملاء قبل شهر بالضبط صار عنده نفس مشكلتك بالضبط لدرجة ان خرب عليه السلف و غيره بواحد مستعمل من التشليح
طبعا فحص كمبيوتر عند المحلات و لا طلع بنتيجة
الشخص بنفسه
بعد جهد و تعب
حصل سبب العطل
من نفس الفيش
لقى نفس المكابس اللي بداخل الفيش متوسعه
فقام و جاب سكروب و ضيق المكابس و جعل الفتحات ضيقة
و كبسه بالحساس
ثم شغل الموتر
و ما شاء الله اشتغل من اول دقة سلف :good:
الموتر شيروكي تماتيك م2000
انا اقول ان شاء انك نفش مشكلة الرجال
تحياتي لك
ابومدى
06/02/2009, 12:30 AM
ابشركم يالربع .. الشروكي (2003 - ليبرتي - اوتوماتيك - 6 سلندر) اللي كان يطفي مع البريك انحلت مشكلته , والفضل لله ثم بفضل ردودكم وتفاعلكم مع الموضوع .


كيفية التصليح باختصار


1- فحص كمبيوتر 100 ريال


2- حساس الكيلو 130 ريال


3- شغل اليد 200 ريال


سبب المشكلة / حساس الكيلو (في الدفرنش) خربان ..فعلا كان الكيلو مرة يشتغل ومرات مايشتغل .


مكان التصليح / الدمام – الخضرية (صناعية السيارات)

جزاكم الله خير والله يخلي لنا هالمنتدى واعضاءه