تحمية أو تسخين السيارة ...بين ماقاله الخبراء ومانفعله نحن...!

[صالح707]

موضوع شيق وكبير وتم الأخذ والرد فيه كثيرا,, ولكن لأهمية الموضوع خاصة في هذا الوقت نبي نتناقش فيه شوي ونستفيد من خبرات الأعضاء هنا ...

هذا يحمي لين توقف الحراره على الطبيعي.
وهذا يحمي لين يرتفع امبير الحراره إلى الربع..
وهذاك يحمي لين يرتفع الامبير شوي ويدوس...
وهذاك مايحمي ايده على القير قبل دقة السلف :D

وش الصح وش الخطأ ووش المقبول

نظراتكم ورؤياتكم بهالموضوع...
وهذا حوار تم نقله من موقع حديث السيارات الشهير cartalk.com قرأت فيه التالي وهذا إقتباس من الحوار :




TOM: Actually, what you've been told is correct, Carolee. Modern cars don't need to be warmed up at all. Nor do older cars.


توم : ما سمعت عنه صحيح ، لا تحتاج إلى تسخين على الإطلاق.


RAY: If your car starts and doesn't stall when you put it in gear, it's ready to go. In fact, the best way to warm it up is by driving it.


راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها.


TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.


توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة.


وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )



Start, run for 15-20 seconds, put it in gear and go. Drive like an old woman until the temp needle starts to move.


شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...


وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...


http://www.motorpoint.com.au/warm-up-the-car.asp



عموما لا شك أن عندنا في السعودية تسخين السيارة يعتبر من الأساسيات في أسلوب المحافظة التقليدي على السيارة ، ولكن الغرب معروف ان عمر سيارتهم أطول بكثير والبرودة عندهم لا تقارن بالبرودة عندنا ، ومع ذلك يتعاملون مع سيارتهم بهذه الطريقة ....


للأمانة تم نقل الحوار وترجمته فقط من موقع آخر
وللمشرف حق حذفه او تعديله حسب نظرته.


اعتقد واتمنى ان يكون نقاش ثري بالمعلومات للجميع
تحياتي...

[غالي]

والله ماعرفنالهم اخوي

هنا ناس قالوا نحمي وناس يقولون لا

وانا امشي على الوكاله

يقولون 5 دقايق تقريبا وامش

والله اعلم

[أبورهف]

مشكور على هذه المعلومات القيمة :good:

[ابوناصر2]

التحميه ضروريه للسياره كان معي ياطويل العمر التيما جديده وزي ماتفضلت اشغل ونامعشق كلها سنه الا أسمع صرقعة في المكينه وأمر ورشه قالي تكايات البلوف وبعدها صرت لازم أحمي السياره لين يتحرك انبير الحراره لو شعره إلا اذاكنت مستعجل

[durar]

ارى انه في المناطق التي تكون الحرارة اكثر من الصفر لا داعي لتسخين السيارة
شغل وامش بهدوء

[شاهي ربيع]

, والله ياحبيّبي أنا من طلعت على الدنيا أشغل وأمشي لكن أمشي بشويش لين أشوف الحراره ارتفعت لمكانها الطبيعي.
ولا قد واجهتني مشاكل
الشي الاخر اعرف بعض الاشخاص يشغل ويدوس بنزين يخلي الكمبريشن على 3 :d عشان تحتمي بسرعه
للمعلوميه هذا بيخرب عليه (السبيكه) داخل المكينه وتصليح السبيكه يحتاج الى توظيب!!


ارجع لنقطتي اللي هي شغل واصبر لك شوي دقيقه كذا وامش مهدي لين ترتفع الحراره وامش سواقتك العاديه.

موضوع شيّق شكراً لكاتبه

[ford]

ياشباب مكينة السياره وغيرها من مكاين الوقود اسمها مكينة احتراق داخلي يعني داخل المكينه درجة الحراره عاليه والحراره مع السنين تفتت البساتم . انا مادري وش الطريقه المثالية للتحميه لكن اميل لراي اللي يقول شعل دقيقه وامش علي مهلك ثلاث دقايق الين يرتفع الامبير واهم شي بالذات في المناطق الحاره لاتحمي اكثر من اللازم واذا وقفت عند بقاله والا تطق حنك مع واحد من العيال لازم تطفي السياره واغلب الناس ماتهتم لهذا الشي لان عواقبه ماتبين الا علي مدي سنين

[H5N1]

إذا دعست للسيارة بقوة وهي باردة رايح تدور السبيكة وتحتاج توضيب
إسأل مجرب !!!!!!!!!!

[سعد الاحمد]

بالنسبة لي .. لا اتحرك بالسيارة حتى تكمل دقيقتين على الاقل في ايام الصيف ...
وفي ايام الشتاء لا اتحرك قبل 4 الى 5 دقائق حتى اتأكد من ان الزيت ارتفع داخل المكينة وتم تسخينة بطريقة تساعد المكينة في السير بشكل طبيعي ...


وهذا ديدني منذ تعلمت القيادة والحمد لله ...


حسب ما اعرف من حديث بعض الميكانيكيين لي بان السيارة لابد وان تأخذ وقتها في التسخين وخاصة اذا كانت باردة ... اي لها مدة لم تشتغل يعني من 5 ساعات وطالع وخاصة في ايام الشتاء ..


طبعا السيارات تختلف ... فتسخين سيارة قوة مكينتها 4 سلندر يختلف عن تسخين سيارة قوة مكينتها 8 سلندر ..



فالتحرك بالسيارة بعد التشغيل على طول وهي باردة سيؤدي مع تكرار ذلك بشكل يومي الى خروج صوت في بلوفها (طقطقة) حيث ستختلف وزنيتها ... وربما يقفل احد بساتمها (البستم) وخاصة في السيارات الامريكية .. وهذا يعني زيارة الميكانيكي بين الحين والآخر ومن تبدأ مشاكل المكينة ...


ماذا يضر لو ينتظر الشخص من 2 دقيقة الى 4 دقائق حتى يتأكد من تسخين مكينة السيارة بشكل سليم حتى تستمر معه لسنوات طويلة دون مشاكل ...


هذه وجهة نظري وانا اطبقها دائما والحمد لله ...

[عاشق هلوكس]

مشكورين على المعلومات وجزاكم الله خير

[بدوي جنوبي]

, والله ياحبيّبي أنا من طلعت على الدنيا أشغل وأمشي لكن أمشي بشويش لين أشوف الحراره ارتفعت لمكانها الطبيعي. ولا قد واجهتني مشاكل الشي الاخر اعرف بعض الاشخاص يشغل ويدوس بنزين يخلي الكمبريشن على 3 :d عشان تحتمي بسرعه للمعلوميه هذا بيخرب عليه (السبيكه) داخل المكينه وتصليح السبيكه يحتاج الى توظيب!! ارجع لنقطتي اللي هي شغل واصبر لك شوي دقيقه كذا وامش مهدي لين ترتفع الحراره وامش سواقتك العاديه. موضوع شيّق شكراً لكاتبه


هذا الكلام السليم
وانا اسويه من زمان
سيارتي موديل 2003 z71 طبعا 8 سلندر
ولو اطاوع المحرك يحتاج 10 دقائق حتي يحمى
وانا في المنطقه الوسطي حاليا
اشغل السيارة اذا مره كثرت دقيقتين وامشي لكن بشويش
ما اتعدى سرعة 60 كلم
حتي يرتفع انمبير الحراره الي الربع بعدين ادعس :redcar:
اما فتره الصيف ما اعترف بشئ اسمه تحميه نهائيا
كلها 20 ث حتي يرتفع الزيت لاعلي المحرك وبعدها اتحرك
واكبر غلط اللي يدعس بنزين عند بداية التشغيل :alarm:

والسيارات اللي تحتاج تسخين اغلبها الموديلات القديمة لان
محركاتها مصنوعه من حديد الزهر الصلب
وما يحتر بسرعه ولا تمشي السيارة الا بعد الاحماء

(والتحمية الزائدة مجرد صرف للوقود) .:(

[بن شمروخ]

مشكور اخي الغالي على الموضوع .... فعلا هذا الموضوع ارائه كثيرة جدا والكل يطبق مايراه صحيحا في نظرهـ ....

لكن هذي معلومة من احد المهندسين في ميكاتيكا السيارت في القطيف ...

يقول بخصوص تحمية السيارة
--------------------------
طبعا السيارت القديمة تحتاج الى تسخين في الشتاء الى مدة لا تقل عن دقيقتين او 3 دقائق لان اذا ماحميتها يمكن القير مايلقم معك او يمكن من تعشق بالاول تطفى .....

لكن السيارات الحديثة ( تسخن السيارة لمدة دقيقة واحدة ثم عشق القير وامش على الراحة الى انت تشوف الامبير صار فوق الربع .....
وعندك السيارت الالمانية والانجليزية يعني السيارت الفخمة الي سعرها فوق 200 الف ...
يقول شغل وانتظر 30 ثانية وامش لكن ايضا امش على الراحة لين يرتفع الامبير....
--------------------------------

ايضا انه السيارات الي تبرد بسرعة ومتعبة في التسخين هو اغلب سيارات النيسااااان .... وبالاخص الموديلات الي تحت الـ 2002

وشكر

[aooa]

انا ما عندي صبر اقعد احمـــــــــــي السياراه خاصه في الشتاء

واعتبر 30 ثانيه مناسبه وبعدها امشي على مهلي مشي خفيف لين تصير الحراره على النصف وبعد كذا ازيد من السرعه تدريجيا


ولكن بعد هذه البروده الزائده قررت اركب ريموت تشغيل السياره عن بعد والحمد لله اشغلها وانا بالبيت واذا جيت امشي القى حرارتها مرتفعه وتمام التمام

انا موتري موديل 2000 اما بعد هذا الموديل خاصه في التويوتا لا يركب عليه هذا الريموت لان فيه حماية على المفتاح ....

[لن أمل من العطاء]

, والله ياحبيّبي أنا من طلعت على الدنيا أشغل وأمشي لكن أمشي بشويش لين أشوف الحراره ارتفعت لمكانها الطبيعي.
ولا قد واجهتني مشاكل
الشي الاخر اعرف بعض الاشخاص يشغل ويدوس بنزين يخلي الكمبريشن على 3 :d عشان تحتمي بسرعه
للمعلوميه هذا بيخرب عليه (السبيكه) داخل المكينه وتصليح السبيكه يحتاج الى توظيب!!


ارجع لنقطتي اللي هي شغل واصبر لك شوي دقيقه كذا وامش مهدي لين ترتفع الحراره وامش سواقتك العاديه.

موضوع شيّق شكراً لكاتبه

اتفق معك اخي العزيز وانا استخدم هذي الطريقة

[الضامي 2007]

دقيقه كافيه وبعدها امش بشويش بسرعه لاتزيد عن 40 وبعد ما توصل الحراره لمكانها الطبيعي امشي 200 على طول :)

[وادي غران]

بارك الله بك أخي صالح على الموضوع.

بالنسبة لي أشغل السيارة وأتركها حتى ينزل مؤشر عداد دورات سرعة المحرك إلى الرقم 1 ثم أتحرك بسرعة لا تتجاوز 60 كلم بالساعة إلى أن يبدأ مؤشر الحرارة بالتحرك من مكانه, وبعدين حط رجليك الثنتين :p.

الخبراء لا ينصحون بالتحرك الفوري بعد تشغيل السيارة مباشرة لأنه يضر المحرك حيث أن الزيت قبل التشغيل يكون كله نازل ومستقر في أسفل المحرك وبعد التشغيل يبدأ بالدوران حول المكابس لتسهيل حركتها ومنع احتكاكها مع بعضها.

[منصور الغامدي]

من واقع تجربة هناك اختلاف في عزم السيارة من ناحية التسخين 0
فالافضل التسخين عند عموم الناس ومتعارف عليه قديما 0
يااخي زيت الطبخ وهو عالنار لا زم يسخن شوي مابالك بزيت داخل مكينة كلها تروس وغيرها0

[مروووق]

الهدف الاساسي من التحميه ان الزيت يطلع فوق للبلوف و يغطيها تماماً . وهذي العملية اعتقد 3 ولا 4 دقايق كفاية عليها

عن نفسي بجميع السيارات الي اشتريتها سواءً وكاله ولا مستعملة. لازم تشتغل 5 دقايق سواء صيف او شتاء

واتفق 100% مع اخوي سعد الاحمد في كل كلمه قالها و هذي هي نظرتي بالظبط. بس ماعرف اسوي اقتباس ههههههههههههه

السيارات الالمانية والفخمه فيها طرمبة زيت ، فـ دقيقة او 30 ثانية كفاية للزيت انه ينضخ للبلوف. فـ ماتحتاج تحميه. هذا سر السيارات الالمانية والفخمه. اما السيارات ابو 4 سلندر مثل الصني والكورولا مافيها طرمبة زيت. لازم تنتظر الزيت يطلع فوق

ولا مصيرك طقطقة البلوف وتنعدم البساتم.

اشغل هالـ 4 دقايق بقراءه آية الكرسي وأدعيه الصباح والمعوذات وبتحصل الـ 4 دقايق خلصت :)

تحياتي للجميع

[وادي غران]

انا ما عندي صبر اقعد احمـــــــــــي السياراه خاصه في الشتاء

واعتبر 30 ثانيه مناسبه وبعدها امشي على مهلي مشي خفيف لين تصير الحراره على النصف وبعد كذا ازيد من السرعه تدريجيا


ولكن بعد هذه البروده الزائده قررت اركب ريموت تشغيل السياره عن بعد والحمد لله اشغلها وانا بالبيت واذا جيت امشي القى حرارتها مرتفعه وتمام التمام

انا موتري موديل 2000 اما بعد هذا الموديل خاصه في التويوتا لا يركب عليه هذا الريموت لان فيه حماية على المفتاح ....


انتبه أخوي تسويها .. :no2:

تشغيل السيارة وتركها في حالة تشغيل وأنت بداخل البيت يجعلها عرضة للسرقة .. الحرامي يكسر زجاج السيارة ويأخذها على طبق من ذهب :p

ليتك تخبرني وين بيتكم .. أفكر أسويها .. :D تراي أمزح :p

[محمد6655]

ليش العجله خمس دقايق وبعدها حرك0000000

[1000 طين]

التحمية بالنسبه لي أشغل وامشي لكن ما أدوس الضغط ما يتعدى 2

والحمد لله السيارة صار لها 6 سنوات وماجاها شييء


وبالنسبة للوالد ما يعرف التحمية
لكن ما يسرع
والحمد لله السيارة لها 11 سنة وما جاها شيء

[مكشاتي كوكتيل]

يارجال مايمديك تعدّل شماغك على المرايه وترش رشتين عطر وتلبس النظارة وتشغل الشريط (أكيد كلكم ياأشرطة إسلامية ياقصائد نبطية يعني مافيه أغاني إن شاء الله)إلا والسيارة محتمية واستعد للإنطلاق.

وبعدين نفسياً إكتشفت إني أكون اهدأ في القيادة إذا انتظرت شوي قبل لا احرك السيارة على العكس تماماً من إني اشغل وامشي على طول (جربوها وراح تتأكدون بأنفسكم)

[راعي الطلعات]

انا افضل تحمية السياره الى 5 دقائق

[شقاوي بر]

اولآ السيارات القديمه لازم تحما مزبوط والا تجيب العيد مكاينها
ثانيآ السيارات الجديدة فيها بلف حراره تحما اقل شي دقيقتين
ثالثآ والله ذولا الجانب خراطين ولاعندهم سالفه لانهم مايجربون السيارات زي دول الخليج حنا نكرف السياره صح ونطلع امكانياتها وهم كل سنه سيارة جديده
اما بانسبة لي شخصيآ عندي جيب 79 مقفص والله مايتحرك لين يحما منكيفه
ههههههههه سامحوني على الاطاله

[حسين السبيعي]

كلام صحيح التسخين مهم جداَ وخصوصاَ في ايام البرد واناضد عدم تسخين السياره سو كانت جديده او قديمه صيف او شتاء ولكم جميعاَ جزيل الشكر عموم الزملاء

[مشعل العيسى]

إذا دعست للسيارة بقوة وهي باردة رايح تدور السبيكة وتحتاج توضيب
إسأل مجرب !!!!!!!!!!


كلامك سليم اخوي ...

انا امس مدخل سيارتي للورشة يبغى لها توضيب قير ... والظاهر السبب اني اشغل وعلى طول امشي ما اعترف بشي اسمه تحميه.... وهذا اتوقع اللي عدم القير ...

انا اعرف واحد من الشباب ماشاء الله عليه ... في الشتاء يجلس ثلث ساعة يخلي سيارته تحمي والصيف خمس إلى عشر دقايق وماشاء الله تبارك الله سياراته ممتازه جداً ... ودايم يوصيني احمي السيارة لكن ما عندك احد مشكلتي ما سمعت كلامه وهذا اللي حصل ( توضيب قير ... ) والحمد لله على كل حال ...

[P A J E R O]

مشكور على المعلومات

بس أعتقد من ناحيتي إن أول تشغيله هي أهم شي لازم تخليها تحتمي على الآخر لان كم لها ساعه ما إشتغلت بالذات في هالبرد تلقى الزيت بارد جدا


أما ثاني تشغيله يعني إذا طفيتها وشغلتها بعد ثلاث ساعات أو أربع إنتظر ثواني ثمن إمش على الخفيف إلين ما يرتفع الإنبير على المستوى الطبيعي ثمن إدعس .

وشكرا

[ابو شهد جدة]

كل السيارت لازم تسخنها قبل لا تمشي واذا ما سخنتها مع مرور الزمن بتروح عليك جلود البلوف وتبدأ السيارة تدخن.

يعني لازم اقل شي تنتظر 5 دقائق الى ان يسخن الزيت ويصير اقل كثافة.

[ayaqaz]

في كثير من ألحيان لا أعترف بالتحمية..

بعد تشغيلي للسيارة أنتظر الى أن تنطفيء لمبة الزيت ثم بعدها أبداء بالتحرك ولكن لا أسرع هذا في غالب الأيام..

أما في الأيام الباردة أشغل السيارة وأنتظر من دقيقة الى دقيقتين بالكثير ثم أبداء بالتحرك بدون أن أسرع بالسيارة..

ولله الحمد والمنه الأمور تمام ولا يوجد مشاكل والحمد لله..


أبوعبدالرحمن..

[بـلـيـهـان 1]

ما عليك منهم ..

خذ العلم ..

الواجب بنظره عقليه تحميه السياره خصوصا في ايام البرد و بوقت بين 5 - 10
دقايق و يكثر وقت التحميه في السيارات القديمه أكثر من غيرها أنا من ناحيتي 10 - 2- دقيقه لسيارتي جمس 79 لأنها قديمه

التحميه عباره عن تسخين للزيت الموجود في المكينه لإنطلاقة افضل وكفاءه أعلى و جوده افضل و اذا الزيت البارد تبي تحتك الكرنكاك و الستروكر كاملا ً و تخبط

لا بد لا بد التسخين

تحياتي لك

[ابو زايد2009]

بالنسبة للسيارات الامريكية ارى انه لازم تحمي حتى ترتفع الحرارة للطبيعي ولا شوف دايم جلد البلوف تخرب فيه بسبب عدم التحمية

[طحنون]

تخيل لو يجيك شخص وانت نايم وبطريقه مفاجئه يعطيك امر بالقيام بسرعه من فراش لتنطلق بااسرع من سرعه الصوت اكيد انك بتدور اقرب عجره او اقرب قدر ظغط علشان تتفاهم معه بمثل الطريقه اللي امرك بها
الزبده لازم انك تحمي السياره اقل شي 300 دقائق علشان يحمى زيت الماكينه ويتم تزييت العامود والتاكايات
البساتم وكذلك يدور زيت القير للقير التماتيك وتدور دوره الماء بشكل صحيح لا تنسى ان هناك طربه الماء
علشان تدفع الماء بشكل صحيح
وفيه ناس تقو ول انا مااحمي سيارتي بالصيف لان السياره لا زم انك تحميه

[بالون]

طيب ياجماعه والديزل؟؟؟
انا موتري جيب ديزل تايوتا موديل 2000قالو اصحاب الخبره اذا شغلت
وطفت لمبة الزيت شغل او اذا سمعت دقه خفيفه شغل وتكون السياره احتميت
100% وش رايكم؟؟ بالون بالون...

[ابو شهد جدة]

طيب ياجماعه والديزل؟؟؟
انا موتري جيب ديزل تايوتا موديل 2000قالو اصحاب الخبره اذا شغلت
وطفت لمبة الزيت شغل او اذا سمعت دقه خفيفه شغل وتكون السياره احتميت
100% وش رايكم؟؟ بالون بالون...


شوف اخوي

اي سيارة ديزل لازم يكون فيها سخانات داخل المحرك وهذي وضيفتها تسخن الزيت قبل التشغيل وعادتاً تاخذ دقيقه حتى تتم عمليه التسخين
ومن بعدها تقدر تشغل السيارة.

وللمعلوميه اي سيارة ديزل لازم بعد اي مشوار طويل تتركها فتره بدون ماتطفي المحرك لأنه لو طفيتها راح تتمدد البساتم والله يعينك على التوضيب.

[لن أمل من العطاء]

الهدف الاساسي من التحميه ان الزيت يطلع فوق للبلوف و يغطيها تماماً . وهذي العملية اعتقد 3 ولا 4 دقايق كفاية عليها

عن نفسي بجميع السيارات الي اشتريتها سواءً وكاله ولا مستعملة. لازم تشتغل 5 دقايق سواء صيف او شتاء

واتفق 100% مع اخوي سعد الاحمد في كل كلمه قالها و هذي هي نظرتي بالظبط. بس ماعرف اسوي اقتباس ههههههههههههه

السيارات الالمانية والفخمه فيها طرمبة زيت ، فـ دقيقة او 30 ثانية كفاية للزيت انه ينضخ للبلوف. فـ ماتحتاج تحميه. هذا سر السيارات الالمانية والفخمه. اما السيارات ابو 4 سلندر مثل الصني والكورولا مافيها طرمبة زيت. لازم تنتظر الزيت يطلع فوق

ولا مصيرك طقطقة البلوف وتنعدم البساتم.

اشغل هالـ 4 دقايق بقراءه آية الكرسي وأدعيه الصباح والمعوذات وبتحصل الـ 4 دقايق خلصت :)




تحياتي للجميع

اشكر لك مداخلتك


ولكن لتعلم ان كل المحركات لاي شركة ولاي سيارة يجب ان يكون بها طرمبة او مضخه للزيت ولا يمكن للمحرك ان يعمل بدونها
فهي ليسيت صفة للالماني او السارات الفخمه


يكفيك ان محركات جنرال موتورز لا تبدأ بالدوران حينما تكون الطرمبةعطلانه

تفاديا لضرر المحرك (تخبيط)

هل هذا موجود بالالماني او الياباني

اعتقد ان الاجابة لأ

[صالح707]

بالبداية اشكر الجميع لتفاعلهم بالموضوع اللي كان فعلا شيق مثل ماتوقعت...

تقريبا الأغلبية اتفقت على عدم صحة سالفة ( دق سلف وامش )
لضررها على المكينه مع مرور الوقت وحاجتها للتوضيب

وتقريبا الاغلبية ايضا اتفقوا على ضرورة تشغيل السياره والانتظار من 1 دقيقة إلى 5 دقائق
واتفقوا كذلك على ضرورة التحمية الطويله ( من 10 دقائق وفوق للسيارات القديمة بفصل الشتاء )

وذكر كذلك اختلاف وقت التحميه من سياره لأخرى حسب حجم المكينه ونوع السياره.

هذا مايعني صحة او شبه صحة المقولة بضرورة الانتظار لدقيقه إلى 3 دقائق بالكثير ومن ثم المشي البطيء بسرعه لاتتعدى ال60 حتى ترتفع الحراره لمعدلها الطبيعي..

ولكن اعتقد ان كثير من الناس لازالت راسخه في فكرهم تحمية السيارة لوقت طويل وهذا ماتعلموه من السيارات القديمه ويعتقدون انه ينطبق على السيارات الجديدة نفس الشيء,,

(وانا يامحدثكم كنت منهم يعني لازم احمي السياره لين توصل الحراره للربع على الاقل)( معلومه : سيارتي 8 سلندر 2005)
وكلامكم وكلام الخبراء ينفي صحة هالمقوله ووجهة نظري كذلك.

شكرا لكم
واتمنى ان استنتاجاتي هذي تكون صحيحه..
ولايعني هذا نهاية الموضوع ولكن ننتظر المزيد من الآراء المقنعه التي قد تغيّر وجهات نظرنا في هذه المسأله..
تحياتي,,,

[ربيعان]

شكرا لك على الموضوع

انا سيارتي هايلوكس2005 واحمي السيارة من 10 -15 ساعة وما امشي الا اذا الا اذا تعدى امبير الحرارة خط ال C...

وشكرااا

[عآشق الحره]

تسخين السياره حسب قول الوكاله 8ثواني لvxr2001 فوق الألفين عامه
اعرف واحد بتبوك معه 97 يشغل السياره قبل صلاة الفجر وبعدها يمشي :eek:

[كرملا]

شكراً على هذا الموضوع

[حلو الذكريات]

بنسبه لصيف اخليه 3 دقايق

والشتاء 4 او الين ما يرتفع الانبير على الخط

[Magellan]

بالنسبة لي موتري تويوتا وشفر يعني ياباني وأمريكي
والتحمية 3 دقايق ثم أمشي بشويش
وسلامتك

[سلومي سار]

بعض الكتلوجات تقول شغل وانتظر .... وبعدها امش


طب ليه الانتظار ( من شان طرنبة الزيت ترفع الزيت من الكرتيل وتوزعه على اجزاء المكينه ) وبعدها حط رجلك

يعني وقت تقديري من عندك

وحاول يكون مشيك عادي وهادي


لان وضيفة الزيت عمل مرونه لاجزاء المكينه بدون ضرر


اذا شغلت موتري وتاكدت من دورة المكينه بسلاسه توكلت على الله ومشيت يعني اقل من دقيقه

[طارق الحربي]

مدام مافيه ضرر من وقوف السياره الين تصل الحراره للدرجه الطبيعيه

ارى ان الوقوف افضل :)

[مب لازم]

طيب انا موتري جمس سوبربان مديل 1994
ووقت التحميه يعني خمس دقايق اشوف انها كافيه بس بدون دعس على دواسة البنزين

بس انا هاللي يقول السيارات القديمه يبي تحميه على الاقل 10 دقايق الى 15دقيقه هل فيه ضرر على سيارتي؟؟ حتى لو كان المكان قريب مثل البقاله ؟؟وبدن الظغط على دواسة البنزين؟؟

[العابر سبيل2]

جزاك الله خيرا على هذا الطرح المفيد الذي يحتاج اليه الجميع وللفائدة فقد خرجنا من الموضوع بفائدة كبيرة وبأراء متقاربه ارى ان من انسبها تحمية السيارة في مدة لاتزيد عن دقيقة ثم التحرك بسرعه معقوله حتى يرتفع المؤشر الي الحرارة الطبيعية رعـــــاك اللـــــه

[فارس الديره]

تحمية السيارة مهمة خصوصاً في وقت الشتاء ... حتى الأنسان يحتاج الى تحمية عندما يريد ممارسة أي نشاط رياضي وبالشتاء يكون قدر التحمية أكبر لتفادي حدوث الإصابات .
وحسب معلوماتي والتي تطرق اليها بعض الاخوان أن التحمية ضرورية ولكن يكون الامر وسط
لاتكون تدق سلف ثم تنطلق
ولا تكون من يشغل ويجلس فترة طويلة في السيارة تزيد على ربع ساعة .
واتوقع التحمية لاتتجاوز كما ذكر الأخوان من دقيقة الى ثلاث دقائق بالكثير

كل الشكر لصاحب الموضوع ولمن تداخل وادلى بدلوه وأيضح خبرتة

[حر المجمعه]

مسكووووووووووووووووووووووووووووووووووووووووووووووو وووووووور

[al-7ayraan]

علشان كذا سياراتهم تجينا فيها طقطقة ولقلقه وجلد بلوف ...إلخ
لوبنسمع كلامهم بعد كان مانغير الزيت ونخليه لين ينقص ونزيده...
من واقع خبرتي المتواضعه في السيارات يجب تسخينها أقل شي 3 دقائق
في مثل هذي الأيام خاصة حتى لايترتب عليك مشاكل أنت في غنى عنها

[أبوناصر]

في كاتالوج الباث لا يحتاج لتحميه يكفي نصف دقيقه


وتمشي بالهون

[الدبل الثقيل]

خير الأمور الوسط .... لاتمشي مباشرة بدون ماتسخن .... وأيضا لاتطول في مدة التسخين..

[رجل كريم]

جميع كتيبات دليل المالك لاي سيارة يذكر بامكانية السير بالسيارة في حالة تشغيلها على الفور ولكن بسرعات خفيفة حتى يسخن المحرك . وهذا ما افعله منذ خمس سنوات تقريبا وقطعت خلالها سيارتي 260 الف كم ولا زالت بحالة ممتازة ولله الحمد والشكر .. بالطبع انا ضد ان يعمل المحرك حتى يرتفع مقياس الحرارة , بل السير فورا حتى في الشتاء ولكن بسرعات دنيا ريثما يسخن محركها .

[قيوم متولي]

مشكورررررررررررر

[وليد الامارات]

بصراحة يا اخوان الموضوع ممتاز ومهم
والردود اجمل
والحل ( انسخن ولا مانسخن ) ..؟

[هاي لكزز]

تبي تفتك من مشاكل البواجي و البساتم
حم السياره خمس دقايق وتوكل على الله ولا تجلد السياره الا بعد ما ترتفع
الحراره الى الحراره الطبيعيه

[سوبر VTC]

احذر

اذا حركت ودست بشكل مفاجئ

هذا يعدم عليك السبايك كما يعدم عليك البستم و ينشعر من

عند بنز البستم الصلب

لذلك يطلع البستم مع الجنب اي جنب السلندر

و الديزل حرك بعد ارتفاع الزيت بشرط عدم الدوس المفاجئ

يوجد جيب حوض ديزل ماشي 120000الف و صاحبه

ميكانيكي يمشي على طول و لا يحمي لكنه يريح الموتر

بنمر خفيفية حتى ما تدوس المكينة و تكون شاده

و سرعته ما تتعدا 70

تحياتي

[برووك طش]

معليش على المداخلة يصاحب الموضوع انا عندي مازدا موديل 79 بس ابي رقمك علشان اذا جيت اشغل الموتر ادق عليك علشان تعلمني متى امشي متى تحتمي والامور هذي علشان ان بصراحة خايف على المكينة واخوك قليل خبرة في السيارات شكراً

[شرشبيل]

انا اعطيكم وجه مقارنه حصل لي واشهد بذلك عليه ...
ابوي عنده وانيت جمس وعمي كذلك عنده وانيت جمس ابوي يسخنه عشر دقائق وعمي من دقت السلف يحرك وكان موديل وانيت ابوي 1980 وعمي 1982 ابوي وضب الماكينه سنة 1990 ــ وعمي 1991 ووانيت ابوي انباع سنة 2000 وعمي سنه 1998 بس نسبته محرك جمس ابوي 71% اما جمس عمي 67% ... مع العلم ان ابوي عمره ماتعدا سرعة 120كم اما عمي عمره مانزل عن 160كم وكان تبديل الزيت عن باب الديوانية ابوي عمي مع بعض .... وللعلم انباع جمس ابوي بعد سنتين من جمس عمي بسعر اكثر من سعر وانيت عمي
مع العلم ان عمي مكانيكي في المعدات الثقيلة في شركة نفط الكويت . وابوي متقاعد عقيد في الداخلية