المساعد الشخصي الرقمي

مشاهدة النسخة كاملة : سؤال عن الددسن الدبل


مدرس بالغصب
02/01/2009, 04:37 PM
السلام عليكم سؤالي عن الددسن الدبل هل احد جربه وهل تنصحوني به وما هي عيوبه وكم سعره افيدوني ولكم مني كل الشكر
مساير الليل
02/01/2009, 04:52 PM
والله وأنا آخوك أنا معي واحد الآن ماشي 100 آلف مديل 2005

ماشاء الله السياره في البر خفيف نفس وشايل روحه ولايرده شي أهم شي غير كفرات البلد"السلق" لعريضه وويبيض وجهك

في الديره ماشاء الله مريح مقارنة بالونيتات
صرفية البنزين حلوه مره أعبيه بـ30 ويمشيني 460

لكن عيبه الوحيد ثقيل في الخط شوي لاناطحك هواء يرداء مشيه

والشي الثاني المرتبه الخلفيه ضيقه شوي

وبوجه عام السياره حليوه تقضي لزومك
مدرس بالغصب
02/01/2009, 06:27 PM
الف شكر يا اخي الكريم انا عندي ددسن عادي 97 وللاسف ماينفع ودايم يوهقنا ولا اقدر اشتري جيب بس ياليت تقولي عن سعره
مساير الليل
02/01/2009, 11:39 PM
والله سعر الجديد مادري عنه
بس المستعمل مثل مديل موتري يتراااوح النظيف من 47- 50
وادي الريمة
03/01/2009, 12:23 AM
كان عندي موديل2003 جلس معي5سنوات بعته وشريت 2007جديد ب62الف0بس مثل ماقال اخوي مساير يبرد عزمه عندما تسقط وانت على الخط خاصه اذا صار محمل او قابله هواء0وفيه المرتبه الخلفيه ضيقه00اما العزم في الرمل مسكت خاصه اذا غيرت كفراته وبيكون اريح اخف مطبات0 وهو اقتصادي وسعره مناسب000000
viv999
03/01/2009, 12:26 AM
الصراحه موتر انصحك وبقوه مستعمل
وادي الريمة
03/01/2009, 12:39 AM
وسعر الجديد2008ب70الف000لاكن اذا نويتا تشتري جديد اصبر شوي علشان المقاطعه وعلشان ينزل سعره00
مدرس بالغصب
03/01/2009, 04:49 PM
مشكورين بس لازلت ارى ان سعره غالي وعلى قولتكم ( خلوها تصدي ) والله المستعان
شاص1988
03/01/2009, 05:46 PM
شف اسوزو ديزل اقتصادي مراتبه وسيعه من ورا يشيل عمره في الرمل ورخيص واذ عزمت ترلى له وكيلين اليمني والعيسى رح العيسى ارخص بواجد من اليمني
مدرس بالغصب
03/01/2009, 10:36 PM
الاخوان : هل ددسن الدبل 4سلندر او 6 افيدونا وشاكر على الردود _ اما الايسوزو الديزل يقولون عمره قصير وصوته مزعج والله اعلم
عا سبيل بر
04/01/2009, 09:18 AM
الاخوان : هل ددسن الدبل 4سلندر او 6 افيدونا وشاكر على الردود _ اما الايسوزو الديزل يقولون عمره قصير وصوته مزعج والله اعلم


ماشاء الله الأسعار تقول شريطية

بس أبسال مع أخوي مدرس غصب <<< الله يعينك

سمعت أن الددسن ينقص زيته بعد مده ... فهل الكلام ذا صحيح أم لا


تحياتي ،،،
بو خليفه
04/01/2009, 09:50 AM
اشتر ددسن ولايهزك أحد فهو أفضل من الهايلوكس وانا مجرب الدفرنشين موديل 99 و 2001م جداً ممتاز و روعة
عيال وايل
04/01/2009, 10:30 AM
توكل على الله واشتر والشباب شارو عليك

بس اصبر علشان المقاطعه


الله يوفقك
مدرس بالغصب
04/01/2009, 11:08 AM
بالنسبه للددسن بشكل عام وعلى حسب علمي ان زيته ينقص اذا الماكينه انفكتوانا جربت هذا شخصيا فبمجرد فكي للماكينه بسبب انشعار الراس صارت تنقص
العوفي97
04/01/2009, 11:17 AM
الددسن 4*4 ( 4سلندر )
وانا عندي 4*4 2007 بس غمارة وحدة والحمدلله لاينقص زيته ولافيه اي مشكلة
ويازينة مع الطعوس
بس زي ماقالو الاخوان جربكسه واسع شوي يعني يطشه الطلوع
لاكن موبالحيل
والين بالحيل عن الهايلكس
وادي الريمة
04/01/2009, 07:03 PM
الددسن الدبل هو4سلندر000انا استخدامي له 5 سنوات ومشى معي 200كيلو واغلبها في البر وخاصه في النفود ولم يينقص زيته نهائيا000وللمعلوميه اي سياره يجيها كرف لازم ينقص زيتها0 توكل واشتر ددسن000


ونصيحه لاتشتري اسوزو لان واحد اعرفه كان معه اسوزو باعه واشترى ددسن0 ويقول السبب الصوت والدخان000000
مدرس بالغصب
06/01/2009, 10:43 PM
لازال الجدل قائم بين الباترول الحوض والددسن الدبل واتمنى منكم المزيد مع جزيل الشكر
أبا مجاهد
06/01/2009, 11:26 PM
الباترل الحوض مشكلته غماره والشكل لك عليه

اما الددسن غمارتين وركبله كفرات وجنوط باترل والدبل يجي مرفوع مثل الجيب وشكل 100%

حلا الباترل انه والله اعلم الشاص 6 سلندر يعني قوه طيبه

اولا واخيرا عليك بالاستخاره والتوفيق من الله
الربذي
03/02/2009, 08:25 PM
انا معي عراوي !!!!!!! دبل2007 له اسبوع مركب له كفرات رن وي صيني ورحت لنفود عليه صراحه ماهو شي بالنفود مادري عشاني متعود على الباث 98 يعني يلفلف فيك غصب بالنفود وعزمه مافيش عزم ابد ولايقوم الا بواحد لاوبدل الثقيل وتراه الهواء 20 بعضهم يقول حطه 10 وشوف والبعض يقول غير الكفرات اعرض شوي ركب جنوط بالثيندر اخف
من السفاري
وعلى العموم حلو بس ترا ممشاه مع الطريق رحت عليه للقصيم من حائل وانا جاي كان بوجيهنا هواء ومحمل معي العائله وعليه شد وتوانك ومقدمية السياره مرتفعه مايجيب الا 155 الا بالنزلات يجب 165 وصراحه معذور 4سلندر ومحمل ودبل ووجهه وهوا زينه منه ..............وتراانا حدي 150 وبس مازيد لكن كنت مستعجل .................................................. ......................
ياليل خبرني
03/02/2009, 09:26 PM
والله انا انصحك فية والله موتر ممتاز جدا انا اعلرف واحد معة 2006 يمدحة مررررة
كل مكان يروحبة للنفود والصمان ويسافر علية والله صراحة موتر موديل 2009
بمعرض نجد بالنسيم ب75500

تقبل مروري ,,,,,,,
مدرس بالغصب
03/02/2009, 09:30 PM
السلام عليكم شكرا على الرد ولكني الى الان محتار بين الددسن الدبل وبين الباترول الحوض وماقصروا الاخوان ولكن لم يحسم الموضوع الى الان اذا كنت جربت الثنتين اعطنا العلم وشكرااااا
الربذي
04/02/2009, 08:32 AM
تبي قوة وتحمل وشيل اكثر وعزم اقوى بلا تردد(دونت هستيت ) الباترول الحوض بس عليه ندره شكله مهدد بالانقراض قليل جدا جدا ليه لااعلم .
AL-Hadbani
04/02/2009, 11:16 AM
شف وانا اخوك اسئال مجرب ولاتسئل طبيب

بالنسبة للمديلات الجديدة

الهايلكس حتى لو كانت قديمة 4*4 احسن من الددسن

إلي معي 4*4 مديل 2006 ومركب عليه بواجي واسلاك سبور .....

بس الددسن ددسن ((((( إذا كنت راجع لبيتك ومستعجل وناطحك هواء تمل منه وودك تحرقه )))

الهايلكس ليس لها مثيل والله إن القديمة تشطفني على الخط وانا معطيه كل الدعسة بتدرج بعد


هج وانا اخوك اصرف لك

شف توقيعي
الربذي
04/02/2009, 11:30 AM
شف وانا اخوك اسئال مجرب ولاتسئل طبيب

بالنسبة للمديلات الجديدة

الهايلكس حتى لو كانت قديمة 4*4 احسن من الددسن

إلي معي 4*4 مديل 2006 ومركب عليه بواجي واسلاك سبور .....

بس الددسن ددسن ((((( إذا كنت راجع لبيتك ومستعجل وناطحك هواء تمل منه وودك تحرقه )))

الهايلكس ليس لها مثيل والله إن القديمة تشطفني على الخط وانا معطيه كل الدعسة بتدرج بعد


هج وانا اخوك اصرف لك

شف توقيعي
طيب هل زاد عزمها بعد الاسلاك والبواجي انا دابله كبدي وناوي اركب عليها زيادات
اخوي هل الي معك ددسن وهل جربت تشيل الدبه الصغيرة الي تحت السواق لانها يمكن تكتمه
والغريبه ان العاديه بدون دبل تمشي معقول 160و170 بدون مشاكل