قطع غيار سيارات تركب على سيارات ثانية ، تبادل خبرات

[مروووق]

السلام عليكم ورحمه الله وبركاته

لمحبي تبادل المعلومات الميكانيكية والكهربائية مثلي ، ودي نستفيد من خبرات بعض ونستفيد ونفيد احد متوهق او مظطر لقطعة معينة ومو محصلها بالسوق. وفيه قطعه من سيارة ثانية تختلف كليا ممكن تركب مكانها وتؤدي نفس الغرض، طبعا من واقع تجربه شخصيه او معلومة 100% لا نوهق خلق الله.

على سبيل المثال :


* جيب دوج درانقو موديل 2003 يركب عليه دفرنش خلفي حق اي كابرس من موديل 1986 الى موديل 1990

* طرمبة بنزين الفورد كراون فكتوري موديل 2003ا ( داخل التانكي ) تركب على المرسيدس موديل 1988 بدون ترهيم. وكذلك على الدايو موسيو موديل 2000

* منظم الهواء الي في النيسان صني + مكسيما من موديل 2001 الى 2005، الي يركب في الهوز حق البخاخ ممكن تفكه و تنفخه بـ هواء وترجعه مكانة و تنتهي مشاكلك اذا السيارة تطفي فجأة. مايحتاج استبدال :) ،،، بشــــــــــــــــرط انك تفك اصابع البطارية قبل تبداء الشغل ولما تخلص تشبك الاصابع ... عانيت من كثر ما اغيره لين اكتشفت هالمعلومه

* راديتر ابو 5 صفات حق كابريس صابونه يركب على اي شفر ثاني بشرط استخدام نفس الجرايد الجانبية الاصلية لليسارة نفسها. لايقصون عليك يقولون مايركب

* جنط الجمس (شنبر) حق موديل 1980 ابو 6 مسامير يركب على البليزر موديل 2008 :)

فـ ارجوا من الجميع التفاعل للاستفاده من خبراتكم في مثل هذي المعلومات

تحياتي

[لن أمل من العطاء]

هذا موضوع مهم جدا

وتشكر جزيلا لك اخي

وقطع كثيره جدا جدا تركب على بعض الامريكي لبعضه والياباني لبعضه الاوروبي لبعضه

اخوي معاه سوبر بان 1999 واكتشفت ولكن اريد ان اتأكد او يتأكد اي عضو ان كمبروسر الهايلوكس 2006 يركب على الجمس 1999

شكرا لك اخي مره اخرى

[مديون1]

افضل موضوع قد قرأته
الرجاء التفاعل يا شباب
جيب متسوبيشى من 83الى 89 قطع الجيب الهونداى جلوبر تركب عليه من مساعدات وعكوس
جيب اسيزو تروبرمن 90 الى 93 تركب طرمة البنزين حقت كابرس 86
وان شاء الله ابحث اكثر فى هذا الموضوع
والله موضوع رائع نرجوا ان يشارك اهل الخبره وخاصه المخضرمين من اعضاء المنتدى
شكرا للصاحب الموضوع على طرحه

[مروووق]

العفو جميعا و اشكر لكم مشاركاتكم

ومعلومه اعرفها وتوي ذكرتها ، الكمبريسور حق المكيف في مرسيدس بنز العادة يكون حق احد سيارات تويوتا من نفس السنة. يعني بنز موديل 83 يركب عليه كمبريسر مكيف كريسيدا 83 مع اختلاف شكل الاهواز . بس الكمبريسر نفسه نفسه

وكذلك الكبريتر حق الـ ليمينز 1976 يركب على الكابرس 1988. طبعا عشاق الترهيم والشفرات القديمة يعرفون ا لليمينز :) وهو من بونتياك و هذا شكلة

http://www.fawcett-movie-cars.com/70_79_cars/1976lemansrear.jpg

[باب هداج]

ماشاء الله موضوع في غاية الروعه والأبداع

[أبو مسفر]

صراحة موضوع ممتاز ويستاهل التميز
لانه بيصير مرجع لاي قطعة بحل بها راعيها وما لقاها

وممكن انه يركب قطعة سيارة لسيارة ثانية

ونبي تفاعل من الاعضاء لأضافة اي قطعة تركب لاكثر من سيارة

[مرقاب]

طرمبة الكدلك تركب على الباترول اللي من موديل 97 وتحت ومادري عن التاليات ان كانه تركب

[مروووق]

الله يحييكم جميعا شاكرا لكم تفاعلكم :)

اخوي مرقاب ، قصدك طرمبة الزيت ؟ ولا البنزين ؟ لمجرد الايضاح اذا سمحت

[عاشق دلة]

بالنسبة للقطع التي تقع خارج المكينة مثلا (كمبرسر المكيف.الدينمو.علبة الدريكسون...الخ
فأتوقع انها تركب لسيارات اخرى ولكن بتعديل قاعدة التركيب (التوليف للقطع )
الي يروح حلب يشوف العجب في فن الاختراع بالنسبة للسيارات القديمة
تحياتي للجميع

[الجنك]

بالنسبه للسلف حق الجالنت والمازدا واحد موديل 90-93

[أبوالمثنى]

طرنبه بنزين اليوم الي دايما تخرب تستطيع ابدالها بطرنبه vx.r وباذن الله معد تخرب

شكرا على الموضوع الرائع

[khaled99]

ونيت الجمس الصغير luv اللي هو اصلا ايسوزو لكن مكتوب عليه GMC

مكينته دايو 4 سلندر بنزين 2.2 الظاهر حقت الليقانزا...<<ما اخس من ذي الا اختها..ههه

والسلف - الكلام عن luv - خرب علي وغيرته بسلف لومينا 2002

والله الموضوع كويس...وننتظر إثراءات الشباب للموضوع

[حرب]

احييك على هذا الموضوع الرائع00
جميع موديلات الباترول البخاخ00
يوجد خرطوش خارج من البخاخ الى قربة الهواء وسعره تقريباً من 200 ريال وطالع بينما يركب عليه خرطوش الكابرس نفس النوعيه وأفضل بالنسبه لليونه وعدم التيبس والانشقاق بسعر 40 ريال فقط00
دينمو الكهرباء (باترول)جميع الموديلات:
(الوات) قوة الدينمو الاصلي للباترول من 80 وات واقل بينما دينمو المكسيما من 2004 وما فوق 110وات ويركب على الباترول بتعديل بسيط بالقاعده الي فوق فقط وهذا طبعاُ يفيد لمن يحتاج الى كهرب زياده مثلاُ :
الي مركب مراوح كهرب عالية السرعه وانوار غازيه
مركب ثلاجه خارجيه كبيره التي تستعمل للكشتات00
وعسى الله يقوي الجميع00

[مروووق]

الله يعطيكم العافية جميعا واحييكم على المشاركة بالمعلومات للجميع

ومعلومة اخرى ان الكويل والبوبينه حق اللاندكروزر من 81 الى 85 ممكن تركب له حق مازدا 626 نفس الموديلات تقريبا.

[مهوس صيد]

موضوع حلو وانا ابي منكم خدمه عندي هايلكس موديل 98 خربت علبة الباور وما حصلتها الا في الوكاله فشنو يركب بدالها

[دايت]

طرمبة البنزين حقت الشيروكي اذا خربت بدلها بطرمبة في اكس آر الكبيرة مب الصغيرة وماركتها دونسو..

وبرضوا تركب ع الجموس..

[راعي العشــه]

موضوووووو ممتاااااز جدا ويستحق المتابعه

عندي لكزس400 سابقا خرب اتوماتيك المرووحه
وركبتلها اتوماتيك مروحة vxr وممتازه من دون ترهيم وفوق هذا ارخص من اللكزس

[الستانس]

عندك جميع قطع غيار الجالوبر تركب على الباجيرو حتى مديل 2001

وعندك عروه الباب الداخليه حقت الربع يركب بدالها حقت الهايلوكس ولو تغير اللون

الخراطيش الداخليه يمكن تحصل بديل لها بسهوله

لي البنزين عند المكينه يركب عليه لي الغاز

[حلال المشاكل]

طرمبة مرسيدس 500 اس موديل 90 تركب على الجمس من91 الى99

طرمبة المرسيدس ب500 ريال
والجمس ب120 ريال على ما اعتقد

[aassem34]

اغلب قطع غيار اللكزز gs300موديل 97قطع كراون وطرمبة البنزين حقت الكابرس او الجمس تركب للباترل القديم

[صلاصل]

طرنبه بنزين اليوم الي دايما تخرب تستطيع ابدالها بطرنبه vx.r وباذن الله معد تخرب

شكرا على الموضوع الرائع

ركبت طرنبة بنزين فكسار على دوج داكوتا وضبطت

[رش المطر]

جيب الديهاتسو الربع فيروزا
م91
الدبل ماهو موجود في السوق ولا التشليح
والدبل داخل في الجربوكس ولازم يتغيرالدبل مع الجربوكس
في حل يا اخوان
جزيل الشكر لصاحب الموضوع
وكل من شارك وأثرى هذا الموضوع

[محمد بن سعيد]

انا كان معي كامري امريكي كنت اركب لها قطع اي اس 300 2001 تقريباً نفس القطع

[المغترب979]

مكينة المازدا 626 موديل 96 الى 2000 تركب على كيا كلارس من نفس الموديل
جربناها على قير تماتيك وضبطت بس صادفتنا مشكلة الهواء حق المكينه وهي شغاله مو صافيه فيها تفتفه بس تحتاج مهندس يضبطه بس

[ابوقاسم]

مشكور اخوي على طرح الموضوع المفيد
وخذ هذي ممكن تفيدك
صبابات المكينة للهايلوكس 84 تركب لها صبابات الامريكي لكابرس الثمانينات والفارق في السعر كبير تقريبا يكون 10% من قيمة الياباني
تحياتي

[السفير2006]

السلام عليكم
واللف شكر لصاحب الموضوع
كرتير الددسن يركب عليه كرتير مرسيدس موديل 87
ومجرب 100%

وقماش او الفحمات الاماميه للفرامل الهيلكس من 98 إلى 2005 انصح بتركيب

فحمات صناعة سعوديه تقريب السعر من25 إلى 35 ريال

[فهد بن مشبب العاصمي]

جنوط الجيب الدايو مقاس 15 تركب على الددسن وشكلها مناسب جدا واخف من جنوط الوكااله

وجنوط البليزر مقاس 15 تركب على الددسن ايضا وشكلها اطيب لكنها ثقل جنوط الوكاله

مساعدات مرسيدس تركب على الهايلكس من موديل 2005 وتحت سلام سلام

وجنوط المرسيدس ايضا تركب على الهايلكس وميزتها اخف بكثير من جنوط الوكاله واعرض ..

وجنوط البرازيلي تركب على الباترول وجنوط الباجيرو ايضا تركب على الباترول ..

وهذا اللي في بالي واي شيء اذذكره بكتبه هنا

تحيتي لكاتب الموضوع والاخوان

[(مواصل)]

طرمبة البنزين لليوكن الجديد تركب للباترول الجديد بفرق السعر الباترول 1200 اما الامريكي 180
مساعدات الجيب الشاص تركب على النيسان باترول اربع بيبان ورا واريح من مساعدات بلده
هذا مايحضرن ولا تذكرت انزل والله يوفقنا واياكم

[مروووق]

الله يعطيكم العافية جميعا

وأشكركم بمشاركتكم هالمعلومات المهمة جداً جداً و توفر قروش :) علينا و على غيرنا

وفي بالي اشياء كثير بس ماتحضرني. اول ما اذكر بجي اسدحنا هنا

تحياتي للجميع و تقديري

[مروووق]

ايه ذكرت معلومة

بالنسبة لفحمات البريكات للامريكي شفر او جمس بشكل عام ، لا جيت تشتري عندك دائما 3 خيارات - اصلي ، امريكي ، تقليد
اشتر الامريكي. تراه افضل من الاصلي و يشد اكثر . الاصلي غالي على الفاضي. و طبعا التقليد انحش ابعد عنه . وكذلك ينطبق على الياباني ، تحصل اصلي و ياباني و تقليد

[شفر 10]

معلومة قد تكون مفيدة

اذا دورت شيء وما لفيته وعجزت

روح محلات قطع المعدات الزراعية (بشرط تكون القطعة معك للتطابق) وتشوف العجب

لكن بعض القطع يبغالها تعديل شوي

[أبشروا بالخير]

موضوع يستحق التثبيت

[GMC79]

يثبت الموضوع

[أبو مسفر]

طرمبة البنزين لليوكن الجديد تركب للباترول الجديد بفرق السعر الباترول 1200 اما الامريكي 180
مساعدات الجيب الشاص تركب على النيسان باترول اربع بيبان ورا واريح من مساعدات بلده
هذا مايحضرن ولا تذكرت انزل والله يوفقنا واياكم


معلومة قيمة وفرق السعر حوالي 90%
ياليت ياخوي تذكر موديلان الباترول الجديد
والامريكي هل هو فورد ؟ أو دوج ؟؟

[shehab450]

موضوع قيم جدا شكرا لكاتبه وكل من ساهم فيه

[ابوعابد2500]

جيب ديهاتسو روكي موديل 91 او 92 ما كينته نفس ماكينه هايلوكس 84

رحت لمحل يبيع قطع غيار ديهاتسو ابي اشتري اصلاح كبليتر قالي 200 ريال اصلي

رحت لعبداللطيف جميل لانه هو وكيل ديهاتسو الان قال 250 ريال

بس الصراحه طحت بواحد اجودي ابن حلال من حقين عبداللطيف

قال يابو الشباب لا تتعب حالك رح الى اقرب محل يبيع قطع غيار تايوتا

وقله يعطيك اصلاح كبليتر هايلوكس 84 وعطاني رقم الماكينه وقالي اسكت لاتقوله جيب ديهاتسو

وبالفعل رحت واشتريته ب 50 ريال وركب مثل العسل

[الستانس]

نسيت اذكر :
مكينه الهايلكس تحت 90 تركب عليه مكينه الكرسيدا بدون توليف وعزم أكثر
وواحد قريب لي مركبه على 88 بس مدري 6 سرندل ولا 4

[محمد باحاج]

مشكورين

أنا ركب لي المهندس مكيف هايلوكس(مااعرف موديله) على باجيرو 94 وبدون ترهيم
فرق في السعر كبير جدا ونسيت كل مشاكل التكييف الى أن بعت السيارة وتبريد رائع.

وسمعت أن مكيف التويوتا ؟ يركب على bmw 740 ولم أتأكد من ذلك

[ابوسعودد]

موضوع رائع جدا .... وفكره طيبه

[مروووق]

الله يعطيكم العافية جميعا. والحمدالله الموضوع اثار اعجاب الكثيرين. والله يجعل المعلومات الي تطرحونها في ميزان حسناتكم لفائدتها للغير ولنا ولكم بدل نصب الورش والوكالات علينا.

معلومة اعطاني اياها الوالد الله يطول بعمره ، ان بواجي المرسيدس موديل 88 نفس بواجي الكابرس موديل 90 . و ممكن تركب عادي. و هي تختلف طبعا عن البواجي الكبيرة مثل حق التويوتا. و كذلك بواجي الصني موديل 2003 تركب عليها عادي. بدال ماتشتري بواجي مرسيدس اصليه اشتر بواجي صني بنصف السعر

دفرنش الشاص الخلفي موديل 78 يركب على اللاندكروزر موديل 84 مع مساميره مادام انه سست مو يايات.

دفرنش النيسان لوريل القديم ابو 4 مسامير وجنوطها تركب على الكريسيدا بدون ترهيم وكذلك جنوط الصني تركب على الكريسيدا ابو 4 مسامير

[ابومحمدالشرقي]

شكرا للاخوان على المضوع المتميز بنسبه لمشاركتي هي ان المرسدس والجكور والبي ام من 80 الى 90 تركب عليهم مكينة الامريكي والقير والمكيف الكابرس مع تعديل كراسي القير واكثر ناس فاهمين فيها السواريه والبنانيين وبرضه الروزرايز نفس الشي

[محمد باحاج]

شكرا للاخوان على المضوع المتميز بنسبه لمشاركتي هي ان المرسدس والجكور والبي ام من 80 الى 90 تركب عليهم مكينة الامريكي والقير والمكيف الكابرس مع تعديل كراسي القير واكثر ناس فاهمين فيها السواريه والبنانيين وبرضه الروزرايز نفس الشي

نعم صادق

عرفت مهندس في جده جالد في خلق الله أصحاب الرولزرويس والجاكوار إصلاح كلتش ودسك وفحمات في الوكالة روز ب 6000 وطالع وعنده ب 3000 ريال 50% والزبون مبسوط
والدعوه كلها بطيخة وإصلاح كابرس ب 300 ريال :confused:
(ورزقكم في السماء وما توعدون)

وعنده أسرار أخرى لا يفصح عنها لأصحاب (الفيراري ) إصلاح وتوضيب فوق 10000 ريال
لأنه مافي وكالة والقطع طلب وشحن وأسعار فلكية.

اشترينا مرة أنا وصديق سيارة (مازيراتي)قديمة ومهملة ب 2000 ريال لون أحمر
أخت اللي في الصورة

http://www.stufffromthe80s.co.uk/images/maserati-biturbo-1988.jpg
قلنا يمكن نحييها وعجزنا في توفير البساتم إلا بطلب من إيطاليا $$$$

دلنا صاحب المخرطة على محل قطع (برادات) ثلاجات الخضرة الكبيرة وورانا مثلها وطابقناها 100% قيمة السلندر الواحد 80 ريال ;)

نفضنا السيارة وكشخنا فيها وانباعت ب 16000

[ayaqaz]

موضوع قيم جدا ..

حبيت أسجل حضوري..

وفقني الله و أياكم لما يحبه ويرضاه..

[مروووق]

الله يعطيكم العافية جميعا

للرفع
للرفع

[المارينز]

موضوع رائع ومميز بارك الله فيكم جميعا

[وليد الامارات]

الموضوع جيد ويستاهل الرفع ...

[مروووق]

للرفع يا شباب :d

استفيدو و افيدوا اخوانكم

وخلوها تصصصصدي قطع غيارهم عندهم :d

[مخاوي العريس]

مساعدات الشاص أو الربع تركب على الباترول اللي تحت 2005 ومن فوقه والله ما ادري
طبعا الخلفية وترى سعرها تقريبا النص

[كاشت وحداني]

موضووووووووووووووووع رائع فعلا ً

[مروووق]

التريل بليزر + الانفوي + الاسوزو اسكندر

تتراكب قطعهم مع بعض. كلتش المروحه والبريكات والجنوط لانهم بالاساس نفس السيارت بس نازله بأسماء مختلفة. توي اكتشفت ان الاسوزو اسكندر هو نفسه التريل بليزر

http://www.seekautoadvise.com/images/isuzu_ascender.jpg

http://newcarbuyingguide.com/images/articles/reviews/isuzu/2007IsuzuAscender01.jpg

http://image.automotive.com/f/roadtests/9287168/129_0402_11z+2004_Isuzu_ascender+front_interior_vi ew.jpg


نفس الانفوي من داخل بالضضضضضضبط :)

[كعمور]

الله يعطيكم العافية الجميع وتقبلوا مروري

[احترت فيك]

ديلكو الكرسيدا يركب على الاند روفر
ودينمو الجيب لاندركروزر موديل 94 يركب على البي ام الحوت 2005
تخيلو الدينمو حق البي ام 7000 ريال وحق الجيب 600

[حسين السبيعي]

مشكور صاحب الموضوع وجميع من تفاعل معــــــــــــــــــــــــــه

[kuw82]

ماشاء الله

موضوع قيم صراحه

والشباب طلعوا موهينين شغالين ترهيم:)

[راعي سمحه]

فيول بمب الترول v8-vxr يركب للجمس وبدون مشاكل

[(مواصل)]

معلومة قيمة وفرق السعر حوالي 90%
ياليت ياخوي تذكر موديلان الباترول الجديد
والامريكي هل هو فورد ؟ أو دوج ؟؟

ابشر طال عمرك ماطلبت شي
الباترول الي يجي بخاخ من ميل 93 الي مديل 2005 بس المهم انه يكون بخاخ
لان واحد من الشباب جرب على مديل 92 وواحد قريبي جرب على 2000 واخر واحد ركبه على مديل 2004 فتك سفاري
هذا بالنسبه للعوامه طبعا الي داخل التانكي
انا اقصد طال عمرك لليوكن الجي ام سي
الفورد والدوج الله يمتع بايامك مايقال لهن يوكن :no2: :j
بالنسبه للمساعدات بعد الفر كبير بين سعر مساعدات النيسان والجيب الشاص (تويوتا) خلفي
اتمنى اني قدرت اوصل المعلومه

[مكشاتي كوكتيل]

شكراً لك على هذا الموضوع الرائع ولو أن جميع منتديات السيارات تكتب مثل هذا الموضوع الرائع ويقوم فريق بتجميعها وتصنيفها في ملف اكسل لأصبح ذو فائدة عظيمة.

خذ عندك. خرب عندي عكس الأكسنت موديل 2002 وحصلته بـ 1400 ريال وبعدين أخبرني هندي صاحب محل قطع غيار إن عكس الميستوبيشي لانسر يركب عليها وأجود منه وبسعر 600 ريال وبالفعل ركبته وله معي الحين أكثر من 4 سنوات بدون مشاكل.

[شاص2007]

موضوع ممتاز ويستاهل التثبيت

[بدران9]

هذي المواضيع اللي عليها الكلام...

فكره عبقرية يامروق وليت نشوف التفاعل معها...

او بالاصح ليت المشرفين يحطون الموضوع لو اسبوع في الصفحة الرئيسية (( اخترنا لكم ))

حتى يتفاعل الجميع مع هذا الموضوع الجميل...

نداء للمشرفين بتعليق الموضوع في الصفحة الرئيسية.

تحياتي لك يامروق

[برق خاطف]

يعطيك العافيه يامروق
موضوع ممتاز ويستاهل التثبيت ....

عندي سؤال للجميع ( عن كفر سبير لليوكن بدل الاسبير العريض .. طبعا 6 مسمار ... )
ممكن احد عنده خلفيه يدلني ويذكر لي ويش الي يناسب من انواع الاستبنات اللي تركب علي اليوكن ..
مع الشكر الجزيل

[يحيي بن حمد]

بارك الله فيكم

[bader_ls]

موضوع مفيد جدا . لاصحاب الشيروكي + الجراند شيروكي تركب عليهن مساعدات ايسى دلكو ميه ميه و اوتومتك المروحه يركب اوتومتك جمس مع تغيير البراغي بحجم اكبر هذا الي يحضرني الان والشكر لمروق على الموضوع

[طال ليلي]

مشكورين علي المعلومات الرائعه والمفيده.....

[أقلط]

تسلم يمينك اخوي

معلومة مهمة لاصحاب الكابرس . جميع قطع الرودماستر تركب عليه

لاحظت رجوع الناس للكابرس القديم من موديل 90 وتحت .واحببت افيدهم بهذه المعلومة

تحية وتقدير

[أبو ياسر العمراني]

ودي أركب رديتر للقراند شيروكي 6 سلندر أكبر من رديتر الوكاله لأنه رصه واحده
هل أجد رديتر يركب عليه . ولكم الشكر

[straitlaced]

موضوع مفيد أتمنى من المشرف تثبيته

[khd_1984]

موضوع يستحق التثبيت بكل جدارة
والله يحفظكم،،،

[khd_1984]

((ديلكو الكرسيدا يركب على الاند روفرودينمو الجيب لاندركروزر موديل 94 يركب على البي ام الحوت 2005تخيلو الدينمو حق البي ام 7000 ريال وحق الجيب 600))
ملاحظة: ارجو التوضيح عن ديلوك الكراسيد ( كم سرندل )ويركب على الاند روفر

[مروووق]

الله يعطيكم العافية جميعا :)

وبإنتظار مشاركاتكم

[الآسيف2]

مووضوع راائع

بلف الحرارة للكابرس يركب ع الفكتوريا والمراكيز موديلات 97 وتحت ويخليك تنسى الحراارة

قطع الهايلكس يركب على الفور رنر 93-96 ومعروف قطع الهايلكس ارخص من الفوررنر

[fahad-k6]

دينمو المستوبيشي جلنت سعره 800 ريال

ركب بداله دينمو سدرك ياباني بحوالي 140 ريال

اهم شي بدل البكره عشان السير يركب صح

[fahad-k6]

مكينه الكابرس تركب على الجاقور

[أبو ياسر العمراني]

بلف الحراره حق الكابرس يركب على الشروكي

[حسين السبيعي]

ياشباب عندي جمس 91 دبل مالقيت له رمنات الهوب والعكس الامامي فهل له بديل اوكيل متخصص في الرمامين ولكم تحياتي

[Cool 3la 6ooL]

فلنجة الرنج روفر كثير خرابها واذا غيرتها بوحده اصليه بترجع تخرب ثانيه في اقل من سنه
الحل انك تركب فلنجة بي ام ارخص واجود

[السنع كله]

ماعندي اضافة لكنه موضوع شدني وقرأت كل المشاركات شكرا لصاحب الموضوع وليته يثبت لتتم الفائدة منه

[مربط القعاسي]

اشكرك على الموضوع الرائع
بالنسبه لي جربت الصوفه حقت الباثفندر صوفه العكس لا اعلم كم سعرها فلاكن صوفه العكس حقت الباترل تركب عليها وسعرها 15 الى 20 ماتذكر بالضبط
الثانيه رمان البكرة الى في هايلكي 2006 وفوق دايم يخرب يطلع صوت وفي الوكاله من 200 الى 250 بحكم ان السيارة جديده

المهم يركب عليه اي رمان يكون نفس الرقم ونا جربته ومركبه على سيارتي وسعرة 10 ريالات فقط
هذا ولله اعلم

[ابو ريان الصقر]

يعطيكم الف عافيه والله الموضوع يستحق التثبيت

[خشم الرثمه]

ودي أركب رديتر للقراند شيروكي 6 سلندر أكبر من رديتر الوكاله لأنه رصه واحده
هل أجد رديتر يركب عليه . ولكم الشكر


في الصناعيه الأولى بالرياض ممكن تفصل حسب الطلب رصتين أو ثلاث..ولكني ما أنصحك فيه وبالنسبه للجراند شيروكي أفضل شئ أديتر بلده أبو رصه الألمنيوم..هو الأفضل للتبريد ولكن ضع ماء الأديتر الأصلي من الوكاله .. هذا من واقع تجربه

[خشم الرثمه]

ياشباب عندي جمس 91 دبل مالقيت له رمنات الهوب والعكس الامامي فهل له بديل اوكيل متخصص في الرمامين ولكم تحياتي


هناك محلات متخصصه بالرمان البلي والصوف بأنواعها وأحجامها .. وموقعهم بالرياض الصناعيه الأولى بعد ماتطلع كبري دوار الخرج وتنزل منه تجد على اليمين 3 أو 4 محلات متخصصه..موفق

[abw1122]

بالنسبه للصلبي حق الباثفندر يركب عليه حق الددسن
تمما لو الفرق بالسعر كبير
الباثفندر قيمه الواحد اكثر من 200 ريال للواحد اصلي
الددسن 75 ريال للواحد اصلي

ودمتم بود

[ذيب الذباحية]

انا مركب قير لكزس م 95 على شروكي 96 وكثير من الناس يتوقع انه ديكور القير ( عصا القير ) والصحيح القير نفسه وماشاء الله قوي

[راعي الركيات]

انا مركب قير لكزس م 95 على شروكي 96 وكثير من الناس يتوقع انه ديكور القير ( عصا القير ) والصحيح القير نفسه وماشاء الله قوي


علي كذا مكينة اللكزس تركب علي قير الشروكي اذا عندك المعلومه ياليت تفيدناء

[][ســهم][]

السلام عليكم
عندي جيب لاند جي اكس 2003
فيه جلد الشدادات وعمود التوازن الخلفيه معدومة
وسعرها في الوكالة غالي جدا لأنها متجي لحالها يجي معها العمود كامل
اذا فيه جلد تركب من نوع اخر
وشكرا

[برنامج]

موضوع موسوعي
شكرا لكاتبه وشكرا لمن شارك

[ابو التوليف]

السلام عليكم
اما بنسبه لي اللكزس 400 فتركب الاقمشه الاماميه حقة الكامري السته سرندل على الكزس مجربه
ويركب السير حق الالتماء 2005 على اللكزس السير حق المروحه والكمبرسر وعلبة الدركسون
وتركب طربة البنزي حقة الكامري 2005 على اللكزس طبعن طربة الكامري اصغر من طرمبة اللكزس ويبغالها شوية توليف كل اللي ذكر مجرب شخصيا

[ابو التوليف]

السلام عليكم
اما بنسبه لي اللكزس 400 فتركب الاقمشه الاماميه حقة الكامري السته سرندل على الكزس مجربه
ويركب السير حق الالتماء 2005 على اللكزس السير حق المروحه والكمبرسر وعلبة الدركسون
وتركب طربة البنزي حقة الكامري 2005 على اللكزس طبعن طربة الكامري اصغر من طرمبة اللكزس ويبغالها شوية توليف كل اللي ذكر مجرب شخصيا

[faris2006]

موضوع رائع

[حسين السبيعي]

ياشباب عندي كنبروسر جمس موديل 91 جيم وش احسن كنبروسر يركب عليه

[ابو التوليف]

ياشباب الكمبرسر حق اللكزس400 موديل 92 وش الكمبرسر اللي يركب عليه

[عقاب الربع]

ماشاء الله تبارك الله

موضوع مهم جداُ ويستاهل التثبيت

بصراحه استفدنا من هالموضوع كثيررررررر وخاصاً اللكزس

تقبلوا مروري

[rpk]

شكرا للأخوان على الموضوع بالنسبه لفحمات الهايلوكس الدفرنسيين 2006 سعرها في الوكاله 180 وتركب عليها فحمات فكس ار 97 وسعرها 85 ريال والسلام

[صوب الحيا]

>>>...........

[ناصر الدهمشي]

عزالله هالموضوع ريحنا كثيــر

وفر علينا كثيــر بس عساها تكون معلومات صحيحة وغير متناقلة


والله يجزاك الجنه يامروق عليه

وياليت من الاخوان المشرفين يعملون على عمل تفرعات وتجميع لهذا الموضوع القيم

مثلاً موضوع بأسم (( قطع غيار تصلح للباترول ))

[ابو التوليف]

بارك الله فيكم وفي ايفاداتكم

[ذيب الذباحية]

قير اللكزس 400 يركب على قير شروكي م96 واتوقع قبل الموديل هذا وبعده ايضا.. .
وانا بنفسي مركبه وما شاء الله قوي

[ابو التوليف]

قير اللكزس 400 يركب على قير شروكي م96 واتوقع قبل الموديل هذا وبعده ايضا.. .






وانا بنفسي مركبه وما شاء الله قوي


هلا والله ذيب الذباحية لكن ياليت توضح وش قصدك من القير هل تقصد الجربكس

وياليت توضح لنا هل يركب جربكس الشروكي على اللكزس

والله يعطيك العافيه لما قدمة

[ناصر الدهمشي]

تذكير تذكير موضوع برأي يستاهل

[ابو محمد 200]

للرفع

موضوع يستاهل

[مروووق]

الله يعطيكم العافية جميعا

واتحفتونا بمشاركاتكم والله يجعل فيها البركة علشان نستفيد و نفيد غيرنا :)

تحياتي

[التعـ King ـديل]

من واقع تجارب

مساعدات الشاص مركبها على باترول 95 خلفيه

مرايات الددسن الكهرب ال 98 وفوق تركب على الباترول 97 وتحت اذا كانت مرايتك عادي

موجوده على موتري شوفوها بالتوقيع

علبه زيت الددسن تركب على الباترول وارخص بكثير الددسن ب 150 ريال والباترول ب 400

طاره الماكسيما ودوده الماكسيما تركب على الباترول والعكس صحيح مركبها على باترول 97 حقت

ماكسيما 2000 وفيه امور راح استذكرها وارجع لكم

[أبوحمد 505]

الله يعطيك العافية
وشكرا على الموضوع
اللي أعرفة أغلب قطع غيار سيارة الدايو تركب على الهونداي أكسنت والعكس صحيح
لأن المصنع واحد

[مخاوووي الليل]

موضووووووع في غاية الرووووعه
ويستحق التثبيت

الباكم حق التيما من 90 الى 95 او 94 تركب على الباترول من 88 الى 97 وانا مركبه
والكلبريتر برضو يركب حق التيما للجيب وفي قطع واجد حقت التيما تركب على الباترول بس والله ماعرفه
ورخص بواجد

والف شكر لصاحب الموضوووع والاخوان الاستفدنا منهم بحجات وااااجد

[alfawzan]

الله يعطيك العافيه

وماقصرت

[الثائر]

الكرسيدا ولكل الموديلات تقدر تركب لها دينمو 200إل ,
دينمو ال200إل 150ريال والكرسيدا 700 ريال !!

والله يرحم أيامك يالكرسيدا

[برق الليل]

صراحة موضوع يستحق التثبيت وهذا طلب لإدارة الموقع ليكون مرجع لكل زائر وعضو لمنتدى مكشات الغالي

تحياتي

[ALOTAIBI]

يالربع عندي كابرس موديل 1996 سعة المحرك 5,7 لتر . الموتر ما يسوى من دون مكيف بلشت بالكومبرسور ما فيه اصلي بالسوق والا الوكالة وركبت التجاري المتوفر ما يكمل اسبوع , والمستخدم اركبه ما يطول , ودي انهي هذه المعاناه بالاصلي او ارهم عليه , واذا ما فيه اصلي وش الي يترهم عليه ويطلع مثل حق بلدة

في انتظاركم

[صلهامه]

الشيء اللى مايعرفه الأكثريه اذا يبى قطع غيار ان سيارات الشركة الواحده تركب على بعض , يعنى سيارات تويوتا تشترك بالكثير من قطع الغيار ونيسان مثل وكذلك اذا الشركه مثل شيفورليه يوم اشترت دايو طلعت سيارات مثل ايفيو وابيكا وغيرها وهذى تتراكب مع قطع الدايو القديمه واللى ما يعرفه الكثير ان الدايهاتسو تركب عليها قطع من تويوتا .
اهم شي اذا بغيت قطع غيار لا تقول ابى قطعه لسيارة موديل كذا وفيها زيت شل وفيها صدمه مع اليمين قصدى لا تعطيه موديل السيارة تحديدا , قول للبائع ابى القطعه الفلانية واذا ما طابقت ابى ارجعها وتبى تلاحظ مدى تشابه القطع .
الخطأ الشائع بالسوق انك تطيح بناس ما هى فاهمه ولازم يبيع عليك نفس رقم القطعه الموجود , وهذى بعد ملاحظه ثانية القطع للشركه الواحده احيانا تتشابه بالشكل بس تختلف برقم القطعه والسعر يختلف مثل مكينة الهايلكس اربعه سلندر والكرسيدا اربعه سلندر القطع متطابقة 100 % بس رقمها يختلف حسب كتالوج الوكالة ( مثال ).
( نكته ) رحت لوكالة اودى وفلكسواجن قال لى المهندس عندهم معجون وجه اصلى جب واحد , ويوم دخلت عليهم قلت ابى معجون قال لى الهندى ايش سيارة قلت له مرسيدس قال الهندى ما يجى المعجون لازم يحط سيارة اودى والا ما يجى كويس بعدين خراب عاد ما ودى اعلمكم وش صار بعدين هههههههههههه .

[HAS5SAN]

بارك الله فيكم

[زايد4]

بارك الله فى الجميع الحقيقه ياخوان طريقه مجربها وناجحه 100% وهى لاتقول لراعى المحل ابغى قطعة غيار لسيارة الفلانيه الموديل الفلانى ولاكن خذ رقم القطعه المكتوب عليها وعطه راعى المحل يعطيك نفس القطعه لاكن لسياره ثانيه وربما ارخص فى القيمه والفائده الثانيه ربما تسئله عن قطعه لسياره ويقولك ماعندى هالمديل او هالنوع لاكن اذا اعطيته الرقم دخله فى الجهاز وحصل لك نفس القطعه لاكن لسياره ثانيه ..............بالتوفيق

[خشمً طيب]

ياجماعة عند كمبرسر السفاري باترول 99 خربان و قيمته بالوكالة غالي من يدلنا على بديل جزاه الله خير

[ملف علاقي]

تحياتي للجميع ياالربع عندي سياره فلكس واجن قديمه والبريك الأمامي مايعمل مصدي الكليبر واليات محروقه وكذلك ماحصلت جنوط تركب نفس المقاس الي عنده حل لايبخل علينا الله يوفق الجميع0000

[د ك م 586]

مساعدات الشاص أو الربع تركب على الباترول اللي تحت 2005 ومن فوقه والله ما ادري
طبعا الخلفية وترى سعرها تقريبا النص
مساعدات الشاص ال2000الاماميه والخلفيه كلها تركب على جميع موديلات الباترول من 88 وفوق وسعرها تقريبا 300 ريال
مساعدات الباترول من 88 الى 2001 سعرها تقريبا 380 ريال
من 2002 وفوق سعرها تقريبا 680 ريال
وللمعلوميه مساعدات الشاص قويه جدا وقاسيه يعني اللي موب راعي مطامر ومقانيص ماانصحه بتركيبها لانك بتكره الموتر بالديره والخط وخصوصا ان كان ربع وتحت ال97 موديله لان وزنه خفيف جدا
اما ان كان اربع ابواب وخصوصا من 98 وفوق فيمكن تحمل الفرق في الراحه ولكن يضل هناك فرق

[د ك م 586]

الشيء اللى مايعرفه الأكثريه اذا يبى قطع غيار ان سيارات الشركة الواحده تركب على بعض , يعنى سيارات تويوتا تشترك بالكثير من قطع الغيار ونيسان مثل وكذلك اذا الشركه مثل شيفورليه يوم اشترت دايو طلعت سيارات مثل ايفيو وابيكا وغيرها وهذى تتراكب مع قطع الدايو القديمه واللى ما يعرفه الكثير ان الدايهاتسو تركب عليها قطع من تويوتا .
اهم شي اذا بغيت قطع غيار لا تقول ابى قطعه لسيارة موديل كذا وفيها زيت شل وفيها صدمه مع اليمين قصدى لا تعطيه موديل السيارة تحديدا , قول للبائع ابى القطعه الفلانية واذا ما طابقت ابى ارجعها وتبى تلاحظ مدى تشابه القطع .
الخطأ الشائع بالسوق انك تطيح بناس ما هى فاهمه ولازم يبيع عليك نفس رقم القطعه الموجود , وهذى بعد ملاحظه ثانية القطع للشركه الواحده احيانا تتشابه بالشكل بس تختلف برقم القطعه والسعر يختلف مثل مكينة الهايلكس اربعه سلندر والكرسيدا اربعه سلندر القطع متطابقة 100 % بس رقمها يختلف حسب كتالوج الوكالة ( مثال ).
( نكته ) رحت لوكالة اودى وفلكسواجن قال لى المهندس عندهم معجون وجه اصلى جب واحد , ويوم دخلت عليهم قلت ابى معجون قال لى الهندى ايش سيارة قلت له مرسيدس قال الهندى ما يجى المعجون لازم يحط سيارة اودى والا ما يجى كويس بعدين خراب عاد ما ودى اعلمكم وش صار بعدين هههههههههههه .
معليش مافهمت عليك وش لون اقول ابى القطعه الفلانيه يعني اقول ابي كلبريتر لازم احدد نوع السيارة وموديلها الا ان كان قصدك اخذ القطعه معي ولو اني سويتها كم من مره ومع ذلك يسالك الحضرمي وش السياره وكم موديلها
يعني لاحددت لارقم قطعه ولا نوع السياره ولا مواصفاتها

[د ك م 586]

بارك الله فى الجميع الحقيقه ياخوان طريقه مجربها وناجحه 100% وهى لاتقول لراعى المحل ابغى قطعة غيار لسيارة الفلانيه الموديل الفلانى ولاكن خذ رقم القطعه المكتوب عليها وعطه راعى المحل يعطيك نفس القطعه لاكن لسياره ثانيه وربما ارخص فى القيمه والفائده الثانيه ربما تسئله عن قطعه لسياره ويقولك ماعندى هالمديل او هالنوع لاكن اذا اعطيته الرقم دخله فى الجهاز وحصل لك نفس القطعه لاكن لسياره ثانيه ..............بالتوفيق

الله يجزاك خير
يعني افهم من كلامك انه ممكن يكون هناك قطعه لاكثر من سيارة من اكثر من شركة برقم واحد (بكود واحد)
اللي اعرفه(وممكن اكون مخطي) ان كل شركه لها ارقام قطع تخصها بل ان قطع كل سيارة لها اكواد تخصها
يعني ممكن تحصل مثلا فلتر هواء لددسن يتطابق تماما مع 200ال ولكن كل قطعه تختلف بالرقم
ودنا نتاكد من هالمساله عشان نستفيد اكثر

[صقار شياهين]

بسم الله الرحمن الرحيم موضوع رائع اتمنى من المشرفين الاعزاء تثبيته وعندي بعض المعلومات البسيطة اتمنى انها تفيدكم :
1-مساعدات الشاص الامامية والخلفية موديل 200 وفوق تركب على الباترول من موديل 98 وفوق بدون ترهيم
2-مساعدات الجي اكس 97 تركب على الباترول 98 وفوق مع تلحيم الحلقة بدل المسار في احد الجهات فقط.
3-دينمو الدوج القديم يركب عليه دينمو الجمس القديم
مساعدام ربع تويوتا 2000 الأمامية تركب على الباترول99
4-كمبرسر مكيف للجيب تويوتا جي اكس ديزل موديل 90 --91 مقاس15 هو نفس حق الهايلكس مع اختلاف بسيط في الغطا الخارجي تستطيع تركيب الغطى الأول في نفس الكمبرسر

[حسين السبيعي]

ياشباب تكفون كمبرسر يركب علي جمس صالون موديل 91 مكينه 350 لان مافيه اصلي في السوق

[سوبر152]

دينمو الكهرب قوة 100فولت ماكسيما يركب على الباترول 98

[شغوف]

اقتراح ..

أقترح يا إخوان لو كل سيارة يفرد لها موضوع بالبديل اللي ممكن يركب عليها ..

لأن الموضوع كذا فيه تداخل ، ويصعب الرجوع إليه عند الحاجة ..

يعني مثلا ( سيارات تويوتا - أو نيسان - أو ميتسوبيشي ) كل وحدة مع بعض ..

وش رأيكم ؟

[تمساح نجد]

السلام عليكم
بلنسبه لأى كمبريسور سياره يركب عليها كثير من الكمبريسورات فك الكمبريسر القديم ودور نفس الشكل ان حصلة اختلاف بسيط يترهم راس البكره ويركب عليه او يترهم له قواعد ويتغير مكانه شى بسيط انا مرهم كمبريسرين عند وشة متخصصه كمبريسورات فورد ميركورى 99 مركب عليه كمبريسور هوندا 94 ثلاجه مشاء الله الثانيه سكودا اوكتافيا ديزل 2004 مركب كمبريسور باص تويوتا ما شاء الله ثلاجه بلنسبه لقطع السياره سكودا اوكتافيا اكثر قطع السيات والاودى فكس واجن نفس بعض بلظبط خاصه لصحاب الاودى خذ القطعه معك ودور مثلها سكودا ولا فكس واجن

[nayf]

موضوع يعادل 10 مواضع من ناحية الفائده لك الشكر
رجاء رجاء من المشرفين تثبيت الموضوع حتى يتم شحنه
با المعلومات المفيده الموضوع هام يا اخوان

[ff-19]

عندي الكمبرسور حق المستوبيشي ونيت 93 متعطل وسعره غالي اي الكمبرسور يصلح له

[الضرغام11]

يشكر صاحب الموضوع ..

موضوع مفيد جداً..

عندي استفسار بخصوص تمتيك المروحه للفتك هل فيه بديل يركب على طول؟.. والرديتر هل فيه بديل بحيث يكون اكبر احس ان الرديتر صغير؟ ..

وأخيرا الدينمو هل فيه دينمو اقوى ويركب بدون ترهيم؟..

[الشبح777]

موضوع جميل جداً ومفييييييييييد ويوفر على الناس قيمة قطع مبالغ في اسعارها وانا راح ابحث في المواقع الاجنبية عن مواضيع مشايهه ولو حصلت شي راح احطه على طول

[abo-lma]

بيض الله وجه صاحب الفكرة

وبيض الله وجيه أخواني المكشاتيه لتفاعلهم مع الموضوع

[خشمً طيب]

هل يوجد كمبرسر يمكن ان يركب بدل كمبرسر الباترول الـ99 بخاخ تكفون تراى الحر ذبحنا و البناء ذبحنا و الكمبرسر الوكاله غااااااااااااالي

[abonora]

بيض الله وجه صاحب الفكرة

وبيض الله وجيه أخواني المكشاتيه لتفاعلهم مع الموضوع

[عاشق السناف]

معلومه


نوع السيارات >ديير<

معضم قطعه تركب على الهايلوكسااات



ومشكور على الموضوع

[abo-lma]

يالمكشاتيه الله يسعد مساكم

بالنسيه للباترول 94 وش القطع اليي تركب عليه لاهنتو

من واقع تجربه علشان ما نتوهق تكفون

[abo.a]

الله يوفقكم واكتسبت اشياى جديده

[زيزو]

للرفع للفائدة

[هكر نت]

موضوع جميل جداً ..

بالنسبة لفحمات البريك حقات اللكزس تركب عليها فحمات الكامري فحمات الكامري بـ160 واللكزس بـ 320 بس يختلف الشعار !!!!

حركات ابو جميل :d

[WAW]

موضوع مفيد جداً

الله يوفق راعي الفكرة ويوفق جميع المشاركين في الموضوع

==========================
يستحق التثبيت

[النداوي الهدد]

موضوع جيد
اخذو هالمعومة لاصحاب اليوكنات 2000 و2001 و 2002 يركب عليها طرمبة vxr وادعيلي

[saudi_saudi]

أخواني انا عندي Bmw M5 والمكيف مايبرد رحت للوكاله قالوا كمبروسر وعملوها مشروع نصب وخاصة انها M5 ووطلعت منهم ورحت لواحد سوري في الصناعيه وركب لي كمبروسر كرسيدا مع تعديل بسيط وصارت السياره ابرد من اول ماشاء الله ثلاجه و5% من حسابات الوكاله
وللمعلوميه اخواني اغلب قطع السيارات تصنعها شركات خارجيه غير المصنع والشركات تبيع للجميع تويوتا ونيسان وغيره وهذا ينطبق على الامريكي والالماني
وتلاحظ هذا في الونيتات الصينيه مركبين لها مكاين هايلكس القديمه وتباع بارخص
لأنه من المستحيل ان يغير المصنع جميع القطع في كل موديل جديد , فالقطع المشتركه لجميع الموديلات كثيره وكل ماصار المستهلك مفتح يوفر على نفسه الكثير
موضوع جميل واتمنى يعمل جدول بالقطع المتشابهه ويثبت وتكون الفائده للجميع

[صدى الآهات]

والله غيرت طرمبة بنزين شروكي 1200 ريال

واشوف رد واحد من الاعضاء يقول ان طرمبة VXR تنفع بس مدري عن سعرها

يعني معقولة طرمبة VXR ارخص من الشروكي

[عبدالسميع]

السلام عليكم ورحمة الله وبركاتة .
ياجماعة المديلات القديمة تكون طرنبة البانزين أكثر شي برا التانكي ويكون نظامها بسيط وسعرها رخيص .
وكما هو معروف عن كثرة تعطل طرنبة السفاري وسعرها الغلي توفر على نفسك العناء وتكون مثل السبير .
لانها اول شي رخيصه وعمليه وسهل تركيبها .
طريقة التركيب تقص الهوز الي طالع من التانكي للمكينه وتشبكه في الطرنبه دخول وخروج وتشبكها على البطاريه.. سهله صح هذي تنفع للي يقنص برا البلاد وتكون مثل الاسعافات الاوليه .

[برق خاطف]

اخوي صدى الاهات....طرمبة االتويوتا Vxr تركب على الجموس والتاهو 100%.. وسعرها رخيص 250 ريال يابلاش..هذي نوع ياباني ومجرب . اسمها( دنسو).. لاكن من ناحية هل تركب على الشيروكي ماعندي خبر .

[اذاني]

معي باترول 98 سوبر سفاري

طلب الكهربائي مني الثيرموستات الحساس الي في الثلاجه الاماميه

قلتله غالي ب 350 ريال قالي روح جب حق هونداي واعطاني فاتوره الزبون الي شاري القطعه

وفيها الرقم قالي جب زيها جبتها من المجدوعي اصليه ب 120 ريال وركبها تمام التمام


هاذ للمعلوميه وساعده لاصحاب الباترول الي قطع غياره ترتفع مع ارتفاع الرز.هههههههه

واي شي بخصوص النيسان انا حاظر

[bader_ls]

يالربع عندي كابرس موديل 1996 سعة المحرك 5,7 لتر . الموتر ما يسوى من دون مكيف بلشت بالكومبرسور ما فيه اصلي بالسوق والا الوكالة وركبت التجاري المتوفر ما يكمل اسبوع , والمستخدم اركبه ما يطول , ودي انهي هذه المعاناه بالاصلي او ارهم عليه , واذا ما فيه اصلي وش الي يترهم عليه ويطلع مثل حق بلدة

في انتظاركم


يا خوي ترى كل ماكينه ولها رقم كمبريسر يركب عليها ويناسب قوتها وخصوصا الامريكي
وترى الرقم حق الكمريسر مكتوب على العارضه الي فوق الاديتر
خذ الرقم واشتر واحد بنفس الرقم .
وبعدين معلومه مهمه جدا . لازم تنضف المواسير حقت المكيف(الفريون) وتغير الفلتر تبعه
لكي لايخرب الكمبريسر مهما كان نوعه تجاري او اصلي .
بالتوفيق

[خشمً طيب]

معي باترول 98 سوبر سفاري

طلب الكهربائي مني الثيرموستات الحساس الي في الثلاجه الاماميه

قلتله غالي ب 350 ريال قالي روح جب حق هونداي واعطاني فاتوره الزبون الي شاري القطعه

وفيها الرقم قالي جب زيها جبتها من المجدوعي اصليه ب 120 ريال وركبها تمام التمام


هاذ للمعلوميه وساعده لاصحاب الباترول الي قطع غياره ترتفع مع ارتفاع الرز.هههههههه

واي شي بخصوص النيسان انا حاظر

تسلم يالغالي انا عندي باترول سوبر سفاري 99 تماتك و الكمبرسر خربان و غالي اذا فيه كمبرسر سيارة ثانية يركب له ياليت تفيدنا و شكراً لك سلفاً

[راعي الفروه]

مضوع جميل يشكرون عليه الاخوان
عندي لومينا موديل 2000 فيها الدينمو والكمبرسر وسعرها غالي بالحيل وش البديل المناسب ياهل الخبرة جزاكم الله خير الجزاء

[ابوياسمين]

بلف حرارة الباترول 99 يركب على الباثفندر 2001

[القناص]

قطع غيار الفلكس واجن
تلقاها عند سفاري وكيل (سيات) وسكودا وبريميرا بنص القيمة وهي نفس قطع فلكسواجن
سفاري في طريق خريص بالرياض

تحياتي موضوع صح

:)

[الشيروكي]

استفسار عن سير الكامري 2003 الى 2006 هل سير الامريكي يركب عليه او لا

افيدونا ،،،،،،،،،،،لان سعر سير الكامري غالي شوي 270 ريال وسعر سير الامريكي 50 ريال

[abo said]

تعطلت لدي سيارة فولفو 94 (940) 4 سليندر طرمبة بنزين في الساحل وهذه السيارة كما هو معلوم قطعها نادره وغير متوفرة المهم لقيت لي كهربائي وضع لها طرمبة بنزين بنز 300 او 280 موديل 86
والحال سالك ولله الحمد

[yfd]

مشاء الله الموضوع في قمه الروعه ..
انا اعرف واحد من حقين الترهيم ترهيم مو بسيط المهم يقول اغلب اغلب القطع تقدر تستبدلها فقط شويه ترهيم وتعديل

[صدى الآهات]

اخوي صدى الاهات....طرمبة االتويوتا Vxr تركب على الجموس والتاهو 100%.. وسعرها رخيص 250 ريال يابلاش..هذي نوع ياباني ومجرب . اسمها( دنسو).. لاكن من ناحية هل تركب على الشيروكي ماعندي خبر .


انا سمعت انها تركب على الشروكي

[ملف علاقي]

قطع غيار الفلكس واجن
تلقاها عند سفاري وكيل (سيات) وسكودا وبريميرا بنص القيمة وهي نفس قطع فلكسواجن
سفاري في طريق خريص بالرياض

تحياتي موضوع صح

:)
مشكور اخوي علي ردك واهتمامك لاكن طلبي قطع فلكس القديمه مره (الخنفساء) موديل 76 الي يحولونها بقي انا عندي مجموعة البريك الأماميه عطلانه

[بر الوالدين]

السيارة ( فورد قراند ماركيز موديل 98 )

وش القطع البديله اللي تركب عليه

مثل

( بلف الحرارة / الأديتر / المروحة / فحمات و قماشات / طرمبة بنزين / كتاوت / كويل )

[مروووق]

الله يعطيكم العافية جميعا

واتحفتونا بمشاركاتكم والله يجعل فيها البركة علشان نستفيد و نفيد غيرنا :)

للرفع ،،، للرفع

تحياتي

[تركي ينبع]

انا صاحب محل
وتشابه القطع من بعض السيارات قد يكون فيه تعاون من الشركات
والشي العجيب انه لانعلم اسماء تلك القطع الا بالصدفة
لانه نكتشف فرق اسعار بين الشركات
شكرا

[سيف الظفير]

فيه السنتر لوك الخاص بالباب الخلفي ممكن تركب له حق الفكسار ويترهم بطريقة بسيطة وبسعر 140 ريال في محل الوهيبي في العروبة مع العمل ان الوكيل يبيعه بـ 1100 ريال دون تركيب

[فتى الرابيه]

موضوع يستحق المتابعه وشيق جدا --- جزاكم الله حير

[احسن قناص]

الله يجزاء راعي الفكره خير وجميع المشاركين والمتصفحين والمسلمين انا عندي لاندكروزر93 gx
فيه الباب الخلفي اليده مصنوعه من البلاستيك وانا يدي خفيفه بالحيل لدرجة اني كسرته 3مرات في سنه واحده والمشكله انه مايباع وحده يعني لازم تشتري الديكور كامل وليته يسلم!! المهم اخذت اليده لوحدها من دون الديكور ورحت للصناعيه القديمه بالرياض وسالت عن الصباب (بالهجه السوريه)يعني الي يصلحون اي شي من نحاس او المونيوم بشرط تجيب القطعه المراد استنساخها وسويتها مع المكاسر ب70 ريال الله لايخسر مع ان الديكور كامل ب90 ريال ولكن انسى الكسر الى الأبد إن شاء الله (انا صلحت القطعه من نحاس لإنها اقوى من الألمونيوم) وبامكانكم ترهيم اي قطعه مصنوعه من بلاستيك قابل للكسر عند البنقاليه

[احسن قناص]

مرحبا بي مره اخرى
الى اصحاب القلوب الرحيمه اصحاب الجيوب لاندكروزر من 1990الى97
وما ادري عن باقي السيارات
وبمناسبة الحر الشديد الذي نعاني منه هذه الأيام في الصيف
اود ان الفت عناية الساده الكرام الى انه تم اكتشاف طريقه جديده تقلص من حدة غلى سعر الراديترات الألمونيوم وهو ان تبحث عن شخص يريد الذهاب الى دولة الكويت الحبيبه او يأتي منها وتوصيه وتعطيه 600ريال سعودي وتقول له فضلا وليس امراً وانت جي هات معك راديتر المونيوم جديد من الكويت الحبيب بدلاً من 1200 بعد الخصم وسلملي على حماية المستهلك هناك

[مروووق]

امس ركبت علبة الباور حق كريسيدا 88 على اللاندكروزر حق الشايب. موديله 81. وركبت مع كنسلة ماصورة وحده بس و تعديل برغي للقاعدة

طرمبة+صفاية البنزين حقت الفورد ركبناها قبل كم يوم بالخضرية على شبح موديل 97 (تركب عند الكارونة ورا) ركبت من غير اي مشاكل.

جاء الصيف ومشاكل الرديترات والحرارة كثرت :)

وعلى فكرة رديتر الكابرس الصابونة يركب عليه 5 أو 6 صفات. كل الي عليك انك ترهم الجرايد الجانبية ويسلك معك زي الحلاوة

للرفع يا شباب

[stranger]

قير الماكسيما الى موديل 99 يركب على الفان (دودج) carvan مع العلم انه اقوى من قير الدوج ولا يخرب اتمنى ان تكون المعلومة مفيدة:good:

[عاشق ابو نايف]

والله موضوع ممتاز مره مره يفيد ويستفيد

[أبوخليل00]

مافيه دمنو كهرب يركب على الباترول 97 أقوى من دينمو المكسيما ويركب بدون مشاكل ؟

[الضرغام11]

^^^
اخوي اسأل عن دينمو اللكزس سمعت انه يركب ..

[email man]

بارك الله فيك يامرووووق
وفي جميع زوار الموضوع الشيق والمفيد

[سيف الارواح]

طيب ياخوان عندي سؤال ويش اركب مقاعد مفصلة لددسن89 غمارتين

[سلطا ن]

بالنسبه لاصحاب الباترول اللي يشتكون من سوء التكييف
هنالك كمبرسر المكائن اليابنيه تبريدها ممتاز جدا
ولكم جزيل الشكر على المووووضوع الرائع

[معدي المرقاب]

روعه موضوع يستحق التثبيت ثبت يمثبت لانه فيه فايده ويبيى يصير زي الكتلوج وكلن يرجعله على طول الايام ونا اقترح انه يكون مجزاء مهوكل سيارة لحال لانها صعبة لاكن كل نوع ماركة يكون مستقل عن الاخر .البديل الرخيص ولاتلعب الوكالات على الضعيفين

[أبوخليل00]

بعد التجربة تبين أن حتى دينمو المكسيما لا يركب على الباترول 97 ....

[سيف الارواح]

تكفوووووووووووووون يارجال ابي فزعتكم في موضوعي


ويش اركب مقاعد مفصلة لددسن89 غمارتين

وفضل مقاعد تركب

[راعي المستوي]

السلام عليكم
موضوع رائع وبارك الله فيك

يا شباب ممكن مساعدة:
ناوي اركب مثبت سرعة على جيب باترول 2005 قير اوتماتيك - عادي وقال الفني لازم تجيب عصا مثبت.. رح للوكالة قالو مع الدركسون 3000 طلبية من اليابان !!!!!!!!؟؟؟؟؟؟
طبعا السفاري عصى المثبت على اليسار في الدرسون
ياليت احد يساعدني وين احصلها او بديل لها
وشاكر لكم

[خشمً طيب]

بالنسبه لاصحاب الباترول اللي يشتكون من سوء التكييف
هنالك كمبرسر المكائن اليابنيه تبريدها ممتاز جدا
ولكم جزيل الشكر على المووووضوع الرائع

حدد اي كمبرسر اللي يركب بالضبط انا عندي باترول 99/ 4500 ياليت تفيدني اذا فيه شي يركب 100% ولك جزيل الشكر

[فلاجكوو]

مشكور وماقصرت وجميع الاخوان ,,,,,,,,,

[أبوخليل00]

حدد اي كمبرسر اللي يركب بالضبط انا عندي باترول 99/ 4500 ياليت تفيدني اذا فيه شي يركب 100% ولك جزيل الشكر
كمبروسر الددسن 98 و99 يركب على الباترول 99 بس لازم يغير يستبدل البكرة

[احسن قناص]

up
up
ماقصرو الشباب ولكن نطمع بالمزيد المزيد والمفيد الجديد
للرفع الله يرفع عنا ذنوبنا جميعا ً بالمغفره
آآآآآآآآآآآآآآآآآآآآآآآآآمين!!!!!!

[سلطا ن]

بالنسبه للكمبرسون
يركب دايركت بعد تغييييير البكره
وتبريد ممتاز

[طويق2]

الشمعات الداخلية للأتوار الأمامية لمعظم السيارات(إن لم يكن لجميعها) تركب عليها شمعات osram الألمانيةhttp://tbn1.google.com/images?q=tbn:pr4JJ8PzC71m1M:http://drivingspirit.com/storage/2009/05/osram-nightbreaker-h4.jpg (http://images.google.com.sa/imgres?imgurl=http://drivingspirit.com/storage/2009/05/osram-nightbreaker-h4.jpg&imgrefurl=http://drivingspirit.com/osram-nightbreaker-headlight-bulbs/&usg=__y86yvHmdPDoTzv-RD1qLxQ0ioCQ=&h=300&w=500&sz=11&hl=ar&start=39&tbnid=pr4JJ8PzC71m1M:&tbnh=78&tbnw=130&prev=/images%3Fq%3Dosram%2Blight%26gbv%3D2%26ndsp%3D20%2 6hl%3Dar%26safe%3Dactive%26sa%3DN%26start%3D20) بسعر( من 10إلى15 ريال فقط ) بينما في الوكالات تباع علينا بأربعة أضعاف :eek: ، وتوجد لدى محلات قطع غيار المرسيدس، ما عليك إلا أن تكون الخربانة معك للمطابقة فقط . للمعلومية أنا أعتقد أن جميع لمبة أو جميع شمعة في السيارة سوف تجد لها منتج لدى شركة osram . والله أعلم

[abw1122]

الشمعات الداخلية للأتوار الأمامية لمعظم السيارات(إن لم يكن لجميعها) تركب عليها شمعات osram الألمانيةhttp://tbn1.google.com/images?q=tbn:pr4JJ8PzC71m1M:http://drivingspirit.com/storage/2009/05/osram-nightbreaker-h4.jpg (http://images.google.com.sa/imgres?imgurl=http://drivingspirit.com/storage/2009/05/osram-nightbreaker-h4.jpg&imgrefurl=http://drivingspirit.com/osram-nightbreaker-headlight-bulbs/&usg=__y86yvHmdPDoTzv-RD1qLxQ0ioCQ=&h=300&w=500&sz=11&hl=ar&start=39&tbnid=pr4JJ8PzC71m1M:&tbnh=78&tbnw=130&prev=/images%3Fq%3Dosram%2Blight%26gbv%3D2%26ndsp%3D20%2 6hl%3Dar%26safe%3Dactive%26sa%3DN%26start%3D20) بسعر( من 10إلى15 ريال فقط ) بينما في الوكالات تباع علينا بأربعة أضعاف :eek: ، وتوجد لدى محلات قطع غيار المرسيدس، ما عليك إلا أن تكون الخربانة معك للمطابقة فقط . للمعلومية أنا أعتقد أن جميع لمبة أو جميع شمعة في السيارة سوف تجد لها منتج لدى شركة osram . والله أعلم

معليش اخوي
جربت الانوار الالماني والياباني والكوري
كلها شهر الى 3 اشهر وتحترق والجيد الي يوصل الى 5 اشر
لكن الى في الوكاله 35 الوحده لكن سنتين مضبوطه

[طويق2]

معليش اخوي
جربت الانوار الالماني والياباني والكوري
كلها شهر الى 3 اشهر وتحترق والجيد الي يوصل الى 5 اشر
لكن الى في الوكاله 35 الوحده لكن سنتين مضبوطه

[طويق2]

معليش اخوي
جربت الانوار الالماني والياباني والكوري
كلها شهر الى 3 اشهر وتحترق والجيد الي يوصل الى 5 اشر
لكن الى في الوكاله 35 الوحده لكن سنتين مضبوطه


أنا أستخدمها لسياراتي ولا شفت منها أي خلاف ...بالمناسبة اللي تأخذها من الوكالة صناعتها شركة osram الألمانية .يعني الشركة هذه تصنع لمعظم أو كل السيارات ،وتبغى تتأكد شف شمعه الوكالة تلقاها osram الألمانية .
والله أعلم

[Topstars]

السلام

كان عندي باثفيندر 2002 اخترب علي منظم الهوا والثيرموستات ومروحة المكيف وكل وحدة سعرها من 500 ريال ل 700 ريال..

المهم رحة التشليح وركبت هذه القطع من التيما 2005 ومشت معي مظبوط..الحمدلله..

وكلها ب 150 ريال..

حبيت اضع تجربتي الوحيدة في مطابقت القطع..

وهنا تجربة زميلي:
زميلي عنده جاقور خربت قطعة ميكانيكية..راح لوكيل جاقور في السعودية قاله القظعه ب 5000 ريال..وهي قطعة مثلثة لتثبيت شي في المكينه..

المهم شال رقم القطعة وراح لشركة فورد وحصل نفس القطعة ب حوالي 500 ريال..

وركبها ومشت معاه ..

بصراحة أعرف واحد يبيع قطع غيار يقولي اكثر الأشياء الي في السيار غير المكينه والقير والبدي هي من شركات تصنع لكل ماركات السيارات بلا استثناء..

[العرمه]

دينمو القزاز حق الكرسيدا يركب للكامري لكن يرفع ببطء


فيه محل متخصص في جميع قطع مكيف السيارات بجميع انواعها اديترات كمبروسرات ليات وصلات مراوح مكيف كل شي كل شي ولجميع انواع السيارات
مكانه في الصناعية القديمة بالرياض اللي يعرف الضحيان اللي في الزاوية ومقابلة في الزاوية من جهة الغرب النهدي تويوتا

المحل مقطاع الشارع جنوب الضحيان مقابلة بالضبط مدري وش يسمون الشارع الاربعين مدري الكهرباء ما اعرفه لكن في اخر الشارع من جهة الغرب عند الاشارة يقع السالم لزجاج السياراة

[مروووق]

ذكروني الشباب على طاري الجاقور ، يقول لك مكينه + قير الكابرس الصابونة تركب على الجاقور مع قيرها بدون تعديل كراسي المكينه او القير

مجربه 100%

مشكورين جميعاً لمشاركاتكم. و نطمع بالمزيد :)

[ابوشجاع911]

سؤالي ياخوان هل يوجد مراوح كهرب تركب للكابرس موديل 2004 بدال شد بلده؟؟؟

[WAW]

مشكورين على المعلومات ،،،،،،، ولا تبخلون على اخوانكم بتجاربكم


تحياتي وأمنياتي

[abo-lma]

كمبرسر الجيب النيسان باترول 94

ظرب عندي وش البديل يركب ويكون كفو

[طخطيخ القريات]

السلام عليكم
طرمبة بنزين الفورد موديل 2000 تركب على الشاص ومجربة .و فرق السعر كبير خصوصاً بعد رفع أسعار قطع تويوتا الله لا يبارك بهم. طرمبة التويوتا 630ريال بينما الفورد 170ريال .تحياتي للجميع.

[abo-lma]

كمبرس النيسان الباترول

فيه كمبرسر يركب محله

[الرحال 2003]

السلام عليكم

عندي باترول 1999 طرنبه الما فيها طقطقه ابغيرها فيه بديل زجاكم الله خير

[مروووق]

للرفع بارك الله فيكم

[سلطا ن]

اخوي راعي الباترول هناك
كمبرسر المكائن اليابنيه ممتاز جدا وبارد جدا

[حواجز]

بلف الحرارة للاندكروزر الديزل يركب على البنزين، والميزة فيه أنه أقل تبريد في الصيف، حيث انه يفتح على درجة حرارة 67 أما وكالة اللاند البنزين يفتح على 82 ، وهذه مجربة على موديل 2002 Gx-r

[النيزك الناري]

موضوع رااااااااااااااااااااااااااااااااااااااااااااااااا ااااااااااااااااااااائع يستحق التثبيت الله يثبتنا على طاعته

[فتك ابوفهد]

موضوع ممتاز ومفيد
انا كان عندي باث فندر مديل 2001 مكينته 6 سرندل 3.000
وخبطت علي رحت التشاليح وحصلتها غاليه على 9000 تزود وتنقص
المهم بعد البحث اكتشفت ان مكينة الباث = مكينة السدرك
ولاكن السدرك يجي كربيتر والباث بخاخ
والحمد لله بعد البحث حصلت مكينة سدرك يابابيه بخاخ وسعرها 1700 ريال ومع التركيب كلفتني 2500 ريال في تعديل بسيط في القزوز
واستعملت السياره سنتين وبعتها وهي شغاله
وسلامتكم

[كسير الحظ]

رديتر اللاندكروزر موديل 96 يجي نحاس
يركب على الباترول (نيسان) اعتقد من موديل 97 وتحت

ميزته حسب ما اخبرني صاحب المعلومة انه اكبر وابرد للموتر
يعني تنسى الحراره
شرط تركب اصلي وابعد عن التجاري اذا تبغى ترتاح
هو اشتراه بـ 400ريال من التشاليح

+
معلومة ثانية قريتها كثير وهي
بلف الحراره(الي يركب بالكوع) ركب بلف ديزل نفس موديل موترك و (ميزته يسرع دورة الماء ما بين المكينة والرديتر)


تحية لاهل النيسان
ولا هانو الباقي

[ابوووهلا]

السلام عليكم
بلنسبه لأى كمبريسور سياره يركب عليها كثير من الكمبريسورات فك الكمبريسر القديم ودور نفس الشكل ان حصلة اختلاف بسيط يترهم راس البكره ويركب عليه او يترهم له قواعد ويتغير مكانه شى بسيط انا مرهم كمبريسرين عند وشة متخصصه كمبريسورات فورد ميركورى 99 مركب عليه كمبريسور هوندا 94 ثلاجه مشاء الله الثانيه سكودا اوكتافيا ديزل 2004 مركب كمبريسور باص تويوتا ما شاء الله ثلاجه بلنسبه لقطع السياره سكودا اوكتافيا اكثر قطع السيات والاودى فكس واجن نفس بعض بلظبط خاصه لصحاب الاودى خذ القطعه معك ودور مثلها سكودا ولا فكس واجن



أخوي وش اسم الورشه ؟؟؟؟؟؟؟؟؟؟وين مكانها؟؟؟؟؟؟؟؟؟؟؟

[ابوووهلا]

جيب الكزس والفي اكس ار علبة الدركسون -فحمات الفرامل_ المساعدات وثلاث أرباع الميكانيكيه تركب والفرق بالسعر كبير ومجرب

[قناص خلاوي]

كمبرسر الجيب النيسان باترول 94

ظرب عندي وش البديل يركب ويكون كفو

أخوي التشليح مليان كمبرسرات
دور لك كهربائي فاهم وخله يدور لك بالتشيلح
قيمة الكمبرسر من 150 ريال إلى 200 ما تزيد
والكهربائي الجيد يفرق بينهن ويختار لك الزين
وهالكلام عن تجربة

[kh_abushab]

عزيزي تمساح نجد
اشكرك كثيرا على مشاركتك
انا عندي سيار سكودا اوكتافيا 2002 والمكيف خرب علي وش هووو ومن خلال تجربتم ايش هو
نوع الباص تويوتا اللي ركبته وش موديله واشرح تجربتك في تبديل الكمبوسر

جزاك الله خير

[azu]

السلام عليكم
عندي اكورد 2006 تحتاج كراسي المكينة وهي غالية بالوكالة
هل يوجد بديل له ، وقربة المساحات مكسوره وعندهم 180 ريال
والشكر الجزيل لصاحب الفكره .

[wtwat2003]

السلام عليكم

أخواني لومينا موديل 2000 ايش يركب عليها كمبرسر مكيف سيارات ياباني أو كوري

مع العلم ان الكمبرسر في الوكاله كوري

[باترول93]

انا معي جيب باترول يقطع لوصل الضغط عند 3 يقطع غيرت بواجي وشفت اليات
الى الحين التقطيع معي لاشغلت مسا او صباح وبعد مامشي ريع ساعه راح التقطيع خفيف اتعبني
ولقيت الحل بليتين وضبط على طول راح التقطيع عنه

[إلياس المطلق]

رديتر اللاندكروزر موديل 96 يجي نحاس
يركب على الباترول (نيسان) اعتقد من موديل 97 وتحت

ميزته حسب ما اخبرني صاحب المعلومة انه اكبر وابرد للموتر
يعني تنسى الحراره
شرط تركب اصلي وابعد عن التجاري اذا تبغى ترتاح
هو اشتراه بـ 400ريال من التشاليح

+
معلومة ثانية قريتها كثير وهي
بلف الحراره(الي يركب بالكوع) ركب بلف ديزل نفس موديل موترك و (ميزته يسرع دورة الماء ما بين المكينة والرديتر)


تحية لاهل النيسان
ولا هانو الباقي

رائئئئع ,,
شكرآ إلك

[اكسبلورر2006]

رمان احدى بكرات السير حق اللومينا موديل 2000 يركب عليه رمان الفورد

اخذته من التقوى


تحياتي

[KFC]

*نبدا بالكمبروسرات : هونداي إلنترا نفس كمبروسر الفورد فيكتوريا .. (اختر الارخص)


الشيروكي : اذا خربت النحاسات حقت القير روح للجميح واطلب نحاسات قير عادي ليوكون موديل 96 والي حصل لي ان نحاسات الشيروكي موديل الفين صار فيه صوت مع التعشيق للثاني وصوت قرّه قلت اغيرها كلها دام اني فكيت القير وسألت عن النحاسات بالوكاله بعد مافرطت القير وطلعت كل حبه ب 375 x سته = 2250 ريال في المتحده
في الجميح 35 x سته = 210 ريال

* عاد يُعتقد ان القيرين متطابقين والعلم عند الله

*بالنسبه للكامري من 2003 - 2010 وخصوصاً الي جايه من طريق ابو جميل الكمبروسر صيني وتحصله بشارع العويضه بالصناعيه القديمه .. أخوه من أمه وابوه وبحدود 500

[قناص*07]

مساعدات الجيب الصالون الـ 89 Vx تركب على جميع الارباع التايوتا من موديل 85 الى 98 وصراحه ما جربت على الموديل الجديد. وتركب على الربع النيسان الخلفيه وهي ممتازه وتتحمل وعمرها اطول
علما ان سعر الاماميه 150 للجوز والخلفيه 170 للجوز وسلامتك.

[قناص*07]

اللي الى من علبة الدركون للدوده في الصالون التويوتا م 98 الى 2007 قيمته في الوكاله مبلغ فيه حول 900 ريال.
يركب بداله لي الكريسيدا م 88 وقيمته 130 ريال

[احساس الصمت]

بسم الله الرحمن الرحيم
وبه نستعين

أولاً أشكر أخوي مروووق على طرح هذا الموضوع القيم والمفيد بإذن الله

ثانياً نبدأ وعلى بركة الله بطرح بعض القطع التي تركب من سيارة لأخرى نذكر منها على سبيل المثال:

أ/هناك محل متخصص تخصص تام بسيور السيارات اسمه(الشايع)على شارع الريل بالغرابي عنده جميع أنواع السيور لجميع أنواع السيارات والمميز بهذا المحل ان أغلب الأنواع التي عنده أصليه 100% مثال على ذلك{طقم سيور لاند كروزرgxr2004}عنده بـــــ<50>ريال تقريباً وعن الوكالة بــــ<115>ريال تقريباً مع العلم بأن صناعتها(امريكيه)

ب/هناك سيارات أخرى من شركة( سانج يونج) وكيلها الزاهد للتراكتورات صناعه كوريه ومحركاتها{مرسيدس}أغلب القطع يركب لها القطع التابعه لشركة (هيونداي)مثل الفحمات وكذلك جميع فلاتر الزيت لجميع الفئات لنفس السيارات يركب لها فلاتر<مرسيدس أو بوش>وبنصف القيمه وأقل

ت/هناك سياره اسمها(ريكستون) من نفس الشركة(سانج يونج)الفحمات يركب لها فحمات(هيونداي<سنتافيا>وبأقل من نصف القيمه وكذلك فلتر القير يركب له حق سيارة (المرسيدس) بقيمة <25>ريالاً بدلاً من<180> ريالأ من عند الزاهد مع العلم بأن الأرقام التي مكتوبه عليها نفسها تماماً{مما يدل على أن الزاهد يأخذ القطع من الجفالي ويقوم بتغيير الكرتون ووضع أكياس مكتوباً عليها الزاهد بدلاً من الكراتين وذلك لإيهام الزبون}

ث/هناك سيارة أخرى اسمها(كايرون) من نفس الشركة سانج يونج الفحمات يركب لها فحمات(هيونداي العائليهH1)بقيمة <150 >ريال تقريباً بدلاً من<420> ريال تقريباً من عند الوكاله وكذالك بستم أوميزانية سير المروحة أو المكيف يركب له حق(BMW)بقيمة<70> ريال تقريباً بدلاً من <500> ريال من عند الوكاله

ج/هناك سيارة اسمها (موسو بيك أب) من نفس الشركة سانج يونج يركب لها مروحة وأتوماتيك المروحة لسيارة (لاند كروزر من98 وحتى 2007 سواءً صالون أوشاص)


هذا مالدي من بعض المعلومات{فإن أصبت فمن الله وإن أخطأت فمن نفسي والشيطان}



سبحانك اللهم وبحمدك أشهد ان لا إله إلا أنت
أستغفرك وأتوب إليك

[abo abd allh]

قير اللكزس 400 يركب على قير شروكي م96 واتوقع قبل الموديل هذا وبعده ايضا.. .


وانا بنفسي مركبه وما شاء الله قوي



اخوي بحكم تجربتك

الدبل يكون موجود ولا لازم يلغى

وكم سعر قير الشروكي واللكزس

وهل يركب على طول ولا لازم تحويله

[KFC]

ياشباب ابغى يـايـات تركب على الباترول 97 وتكون قويه مثل الاسترالي وترفع الموتر شوي وسعرها معقول وش يمكن يصلح

والي يخبر لي مستعمل استرالي بسعر زين لاينساني

[ن م ر]

اخوي بحكم تجربتك

الدبل يكون موجود ولا لازم يلغى

وكم سعر قير الشروكي واللكزس

وهل يركب على طول ولا لازم تحويله


قير الشروكي الـ 6 سلندر ياباني ... فلا تستغرب انه يكون متطابق مع اي سيارة يابانيه

[alanaziB52]

موضوع قيم ويستاهل الرفع

[سواق شيوخ]

%99,9 من قطع غيار الفورد اكسبلورر تركب على ميركوري ما ونتينير من كهربائيات وغيرة والعكس

[Rapture]

كامري 94

هوبات اي سيارة تركب عليها ؟

واي قطع ثانية ؟؟؟

[موتري لكزس]

تكفون يا رجال انا عندي لكزس وتعبت معها القطع نار ابي منكم تعلموني وش اقدر اولف للكزس 95 400
ولكم مني جزيل الشكر...

[almlgof]

الله يبيض وجيهكم موضوع يستحق التثبيت

[ABO-NaiF]

عندك اغلب قطع اللكزس حجم 300

يركب له قطع الكامري وبالاخص الكامري ال6 سرندل عن طريق تجربه مغير الفحمات حقت اللكزس وعلبه الدركسون حقات كامري من موديل 2002 وتحت

[موتري لكزس]

تكفون يا جماعة الخير انا عندي لكزس 400 م95وتعبت فيها المكينة ماشاء الله ممتازه بس المشلكة بالعظلات متعبتني والقطع نار اللي عنده خبره يعلمني .
ولكم مني جزيل الشكر .....

[موتري لكزس]

1-جلدة المقص ورا يركب لها جلدة سست خلفية حقن هايلكس وانا مجربها بنفسي.
2-الجلدة اللي تغطي الذراع الخارجي جلدت الكرسيدا او الكامري والله اني ناسي
3- اصلاح علبة الفرامل حق هايلكس م98
كل هالقطع مركبها انا على موتري لكزس 95 400

[FJ3230]

الكامري Le الأمريكية

موديل 97 .. 98

تقدر تركب عليها هوبات كرسيدا 91 لأنه هوبات الكامري الأمريكية غير متوفرة

للخلفية طبعا

[ابو ريان الصقر]

السلام عليكم ورحمه الله وبركاته
موضوع يستحق التثبيت
تل بليزر هل له قطع غيار بديله 2006
وشكرا

[جيبي جايزلي]

مساعد الكبوت للباترول 99 ربع سلقه الواحد 300 ريال وزود الله يخلف بس
يركب بداله مساعد كبوت فورد الموديلات القديمه

انا مركبهن مع بعض الترهيم البسيط جدا جدا

[ابرق نثيل]

قير الباترول من 2002 الى 2009 تبترونيك هو نفسه قير الانفنتي

صفايه البنزين الباترول نفس المكسيما

[شامخ ألهيلا]

معلومه عن الرومانات
ممكن الكثير يعرفها والبعض يجهل هالشي
في حالة خراب اي رمان عندك في سيارتك لاتروووووووح للوكاله ولاقطع الغيار

يوجد في كل صناعيه محل لبيع الرومانات

ماعليك سوا انك تاخذ رماانك الباايز ( الخربان ) وتعطيه راعي الرمانات ويخيرك بين انواع الصناعات
ولي اجود من رمانات الوكاله واقل سعر

[فيش]

بصراحة منتدى يغصبك أنك تشااااارك فيه ..





ويعطيكم العافية على المواضيع الحلوة ..





وبالنسبة لي كتجربة في شعبان الماضي كنت مسافر إلى





صلالة وقد حمَّلت الأمتعة و الأغراض وقطعت من الخط





قرابة 120 كيلو وفجأة خرب علي المكيف !





وصار ينفخ هوا بس تقل سشوار .. هواء حار جداً





وبعد التردد وأخذ المشاورة رجعت إلى الصناعية في





الرياض ، وإكتشفت إن البلا في بلف الكمبرسر فهو يقفل





على زيت الفريون ..





وطبعاً الوكالة ماتبيعك هالبلف لوحدة تبيع الكمبرسر كامل





ويطلع لك بألفين وخمسمائة تقريباً ..





وبعد المشاورة ركبت بلف اسوزو ديماكس ..





وطلع ثلج ثلج ثلج .. و الحمد لله ..

[abo-lma]

بصراحة منتدى يغصبك أنك تشااااارك فيه ..




ويعطيكم العافية على المواضيع الحلوة ..




وبالنسبة لي كتجربة في شعبان الماضي كنت مسافر إلى




صلالة وقد حمَّلت الأمتعة و الأغراض وقطعت من الخط




قرابة 120 كيلو وفجأة خرب علي المكيف !




وصار ينفخ هوا بس تقل سشوار .. هواء حار جداً




وبعد التردد وأخذ المشاورة رجعت إلى الصناعية في




الرياض ، وإكتشفت إن البلا في بلف الكمبرسر فهو يقفل




على زيت الفريون ..




وطبعاً الوكالة ماتبيعك هالبلف لوحدة تبيع الكمبرسر كامل




ويطلع لك بألفين وخمسمائة تقريباً ..




وبعد المشاورة ركبت بلف اسوزو ديماكس ..




وطلع ثلج ثلج ثلج .. و الحمد لله ..





ماعلمتنى وشهي سيارتك اليي خرب مكيفها وغيرت بلفه ببلف ديماكس

[abo-lma]

يا أهل النياسين الباترول


عوامة التانكي خربانه وجيت أبي أغيرها لقيتها بــ 550 بعد الخصم

وشهي العوامة اليي تركب على جيب نيسان باترول 94

رحم الله والديكم جميعآ

[عنيد الجبيل]

يا أهل النياسين الباترول


عوامة التانكي خربانه وجيت أبي أغيرها لقيتها بــ 550 بعد الخصم

وشهي العوامة اليي تركب على جيب نيسان باترول 94

رحم الله والديكم جميعآ
والله عندي نفس المشكلة
وماادري وش اسوي
مدري في شي رخيص والا لا
زلا لقيتها في التشاليح
موديل 96 باترول

[جيبي جايزلي]

والله عندي نفس المشكلة
وماادري وش اسوي
مدري في شي رخيص والا لا
زلا لقيتها في التشاليح
موديل 96 باترول

نفس المشكله باترول ربع 99 العوامه فيها مشكله
ولا ادري كم قيمتها
وهلا يوجد بديل

[قناص خلاوي]

يا أهل النياسين الباترول


عوامة التانكي خربانه وجيت أبي أغيرها لقيتها بــ 550 بعد الخصم

وشهي العوامة اليي تركب على جيب نيسان باترول 94

رحم الله والديكم جميعآ

أخوي وش اللي خربان العوامة ؟؟
انا خربت معي باترول 95 بخاخ واشتريت تجاريه
ورهمت هذي من ذي والحمد لله شغالة من سنتين تمام
تأكد من خراب العوامة ممكن ماياصلها كهرب من الفيش
أو تكون العوامة مرتخية ولا توصل كهرب

[سوبر VTC]

المشاركة الأصلية كتبت بواسطة ذيب الذباحية http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=2682400#post2682400)
قير اللكزس 400 يركب على قير شروكي م96 واتوقع قبل الموديل هذا وبعده ايضا.. .
وانا بنفسي مركبه وما شاء الله قوي


ماقصرت
الشيروكي 6سلندر م2001 و تحت
قيره حق لكزس 300 مهب 400
طبعا مكتوب على القير من عند الجنب استكر اخضر
(شركة ايشن (اسيا) => صنع في اليابان)
قير شد بلد
مكينه و قير الشيروكي صناعه يابانيه
مثل السوزو امريكيه لكن المحركات من شركه يابانيه

[almlgof]

نرجو اتثبيت

[موتري لكزس]

معليش اللي يقول قماشات الكامري لومير تركب عاللكزس 400 من 95 وفوق
ما عنده ساله
أنا عندي شي جديد مساحات القزاز تركب بدلها حقت كابرس 2000 والسعر 30 ريال ايس ديلكو



وشــــــــــــــــــــــــــــــــــــــــــــــــ ـــــــــــــــــــــــــــــكــــــــــــــــــــ ــــــــــــــــــــــــــــــــــــــــراً
http://www.mekshat.com/pix/upload03/images131/mk137874_222.jpg

[يكفيني نظرة]

الهايلكس 2006 دبل=دفرنسين يركب له فحمات جيب شاص اصليات ب 70 ريال تقريبا مع العلم ان فحماته الوكاله ب 160 ريال وانا كنت ما اركب الا حقات شاص لحد مابعت السياره..
دعواتكم.
يكفيني بس نظرة

[ابو فيصل 99]

يايات السفاري 2004 تركب على السفاري تحت 97
وترفع الموتر فوق

[بن نقا]

ديمنو الكهرب حق اللومينا من 2003 وفوق يركب على الباث 2004 تجربة ...
طبعاً القلب ....

[شامخ ألهيلا]

معلومه اخرى خذ نفس مساحاتك
واتجه لقطع غيار ايس ديلكو

تجد جميع المقاسات عندهم

مساحات الاندكروزر عند الوكاله قيمتها فووق 150

وعند دلكوو

30 ريال لطقم

[شامخ ألهيلا]

يا أهل النياسين الباترول


عوامة التانكي خربانه وجيت أبي أغيرها لقيتها بــ 550 بعد الخصم

وشهي العوامة اليي تركب على جيب نيسان باترول 94

رحم الله والديكم جميعآ

اخوي خذ عوامة الاستاندر ارخص قيمتها بحوالي 100 ريال

[abo-lma]

اخوي خذ عوامة الاستاندر ارخص قيمتها بحوالي 100 ريال



السلام عليكم ورحمة الله

معليش ياشامخ الهيلا ياليت توضح ( عوامة الاستاندر ) وشهي ماعرفتها

وطرمبة البانزين بغيرها لانها بدت تون فيه طرمبه بديلة وعملية

موفقين خير

[شامخ ألهيلا]

السلام عليكم ورحمة الله

معليش ياشامخ الهيلا ياليت توضح ( عوامة الاستاندر ) وشهي ماعرفتها

وطرمبة البانزين بغيرها لانها بدت تون فيه طرمبه بديلة وعملية

موفقين خير

الاستاندر يعني الباترول العادي الابيض الساده الي بدون رفارف والقزاز هندل
لان اذكر معي باترول 94 وبهذلتني العوامه
وقالي قطع الغيار خذ حقت العادي وركبها فيه لان الفل كامل عوامته تجي فيها قطعه كهربائه وهي الي رافعه سعره
والقطعه على ماذكر خاصه بتوليع لمبة نقص البنزبن في السيارة

[مدرس بري]

مساء \ صباح الخير
موضوع مهم جدا
واشكر صاحب الموضوع وكل من شارك
عندكم بواجي الاندكروزر تركب على الباترول الكبريتر لان بواجي الباترول تحرق كل 6 شهور اما الاندكروزر سنة

[الكروان2009]

موضوع رائع ومميز بارك الله فيكم جميعا

[م.بندر]

السلام عليكم ورحمة الله وبركاته
ماشاءالله
موضوع حلو وجميل
جزاكم الله خير

قريت مره بخيمة السيارات
عن واحد من الشباب عنده باثفندر
وخربانه عنده دودة الطاره وقال ان دودة الزوزو تركب عليه
الصراحه بحثت عن الموضوع بقوقل مكشات ماحصلته
ياليت الي يعرف موديل الزوزو الي تركب دودتها على الباث 2002
لا يبخل علينا

[ابن طاحوس]

بيض الله وجيهكم
باثفاندر 2001 وش يركب عليه كامبروسر
الاصلي غالي والتشليح غالي

[moooj]

لكزس Gs300 موديلات التسعينات اغلب قطعها مع المكينة هي نفس التويوتا كراون :
طرمبة بنزين , منظم هواء , حساسات العادم , بخاخات وغيرها

اشكر صاحب الموضوع

[ابو النادر]

السلام عليكم
هل يركب على الباثفندر قير تماتيك قير سياره ثانيه

[ابو فيصل 99]

بيض الله وجيهكم
باثفاندر 2001 وش يركب عليه كامبروسر
الاصلي غالي والتشليح غالي

انا سمعت ان كمبرسر الددسن مديل 98 و99 يركب على البترول مديل 98 99
مع تغيير البكره
وانت خذ الكمبرسر ورح لتشلح وشف القواعد تركب ام لا وشف البكره تركب ولاتغيرها

[م.بندر]

السلام عليكم ورحمة الله وبركاته
ماشاءالله
موضوع حلو وجميل
جزاكم الله خير

قريت مره بخيمة السيارات
عن واحد من الشباب عنده باثفندر
وخربانه عنده دودة الطاره وقال ان دودة الزوزو تركب عليه
الصراحه بحثت عن الموضوع بقوقل مكشات ماحصلته
ياليت الي يعرف موديل الزوزو الي تركب دودتها على الباث 2002
لا يبخل علينا





يالله سترك

[خزان الوادي]

دعوة لجميع (العملاء والاعضاء )

(باقي 3 ايام )

للمشاركة بمسابقة المنتدى الشهرية لافضل 3 مواضيع للاطلاع على الشروط الرابط :
http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق
خزان الوادي

[ولد وايل]

قطع غيار fj والبرادو 6 سلندر والفوتشنر 6 سلندر نفس القطع 99%

[ولد وايل]

السلام عليكم ورحمة الله وبركاته
ماشاءالله
موضوع حلو وجميل
جزاكم الله خير

قريت مره بخيمة السيارات
عن واحد من الشباب عنده باثفندر
وخربانه عنده دودة الطاره وقال ان دودة الزوزو تركب عليه
الصراحه بحثت عن الموضوع بقوقل مكشات ماحصلته
ياليت الي يعرف موديل الزوزو الي تركب دودتها على الباث 2002
لا يبخل علينا





السوزو اللي اسمه رودو شكله شكل البايث فاندر موديل 2005 والله اعلم

[بونشاك]

بالنسبة للكسز دينمو القزاز النوافذ نفس دينمو الكرسيد والفحمات الامامية فحمات كامري والخلفية فحمات كروان طبعا تري الموديل اللي متاكد منه موديل 90 الفورد فكتورياموديل 95 كمبروسر المكيف كمبروسر مكيف هونداي اكسنت موديل 94 بس تغير المواسيراللندكروزر جي اكس ار موديل 99 بدل ماتغير الشدادات الخلفية غيرجلدباترول تركب

[مروووق]

للرفع ياجماعة الخير