عطوني رايكم يوكن ولا برادو

[عبد الله راشد]

السلام عليكم
ومساكم الله بكل خير انشاء الله
يا خوان انا بشتري موتر فحترت بين الموترين اليوكن فل كامل استخدام امريكي طبعا
ولا برادو فول كامل سته سرندل طبعا
اللي يقدر يفيدني وش الافضل ياليت والله
في السعر و الاصيانة والراحة واللي ماسك سعر عند البيع وكل شي بس انا قلت اعطيكم بعض الشغلات اللي جاية في بالي
مع العلم اني ادور موديل من 2004 او 2005 لسيارتين كلها
وياليت ولا عليكم امر تعطوني مواصفات البرادو لاني ما اعرفها بصراحة في هالموديلين
بس اليوكون الفل كامل الامريكي اعرفها
وشاكر لكم واتعبتكم معي شوي
لا تنسون في بحر كم السعر ومصافاتها البرادو
وشاكر لكم

[عبد الله راشد]

معقولة محد يعرف ولا محد فاضي يكتب ؟؟!!!!

[الربذي]

وعليكم السلام 00000000000000البرادووووووووووووووووووووو بلا منازع
وذا مشاويرك البريه قليله قد يكون اليوكن لكن اشوف البرادوا افضل تحمل ولايخسر ...............

[المارينز]

من جهة الراحه والامان اليوكن

ومن السعر عند البيع الياباني بشكل عام افضل

البرادو مرتفع بشكل كبير ويخوف عند السفر

للمعلوميه ماجربت البرادو بس اسمع عنه كذا والشباب يفيدونك اكثر مني

[عبد الله راشد]

وعليكم السلام 00000000000000البرادووووووووووووووووووووو بلا منازع
وذا مشاويرك البريه قليله قد يكون اليوكن لكن اشوف البرادوا افضل تحمل ولايخسر ...............

اشكرك خوي على كل ما قدمت

[ابوعقل]

اليوكن مريح وحجمه اكبر

والبرادو صغير

بعدين انا قريت موضوع انه يقلب بسرعه

واذا انت تبي تستعمل كم شهر وتبيع

خذ البرادو لأن ان شاء الله سعره ماسك

والله يوفقك ان شاء الله

ويكتبلك اللي فيه الخير


ابوعقل

[الاطار]

باالنسبه للقوه (((يوكون ))لامقارنه .
باالنسبه للراحه والثبات في الخط ((يوكون ))
باالنسبه للمنظر الجذاب والوقفه ((يوكون ))
باالنسبه للرخص المعقول ((يوكون ))
باالنسبه لقطع الغيار الرخيصه ((يوكون ))
___________
اما البرادو فااذا اني ناوي عليه فلا والله اروح للفكس ار وتوابعه من السيارات ابرك لي ....
وانا عندي يوكون موديل 99 والحمد لله مرتاح معه ويشرفني في كل المواقف والسفريات والتغريزات ....وسلام عليك ...

[الربذي]

باالنسبه للقوه (((يوكون ))لامقارنه .
باالنسبه للراحه والثبات في الخط ((يوكون ))
باالنسبه للمنظر الجذاب والوقفه ((يوكون ))
باالنسبه للرخص المعقول ((يوكون ))
باالنسبه لقطع الغيار الرخيصه ((يوكون ))
___________
اما البرادو فااذا اني ناوي عليه فلا والله اروح للفكس ار وتوابعه من السيارات ابرك لي ....
وانا عندي يوكون موديل 99 والحمد لله مرتاح معه ويشرفني في كل المواقف والسفريات والتغريزات ....وسلام عليك ...
كلام سليم وشكلك تستخدم جدول للمقارنه فهو حل ناجح
الافضل اخوي تستخير وترا فرق كبير بينهم يوكون اريح واجد والبرادوا ماهومريح الامان من الله سبحانه لكن اليوكن امن من البرادوا..........

[بدوي جنوبي]

اليوكن بلا منازع

[عبد الله راشد]

من جهة الراحه والامان اليوكن

ومن السعر عند البيع الياباني بشكل عام افضل

البرادو مرتفع بشكل كبير ويخوف عند السفر

للمعلوميه ماجربت البرادو بس اسمع عنه كذا والشباب يفيدونك اكثر مني

اشكرك اخوي على نصيحتك يالغالي

[عبد الله راشد]

اليوكن مريح وحجمه اكبر

والبرادو صغير

بعدين انا قريت موضوع انه يقلب بسرعه

واذا انت تبي تستعمل كم شهر وتبيع

خذ البرادو لأن ان شاء الله سعره ماسك

والله يوفقك ان شاء الله

ويكتبلك اللي فيه الخير


ابوعقل

اشكرك يا خوي على نصيحتك بس انا ناوي اكده لين يصدي يعني ما ابيه كم شهر وبس
ومقصرت يا خوي

[عبد الله راشد]

كلام سليم وشكلك تستخدم جدول للمقارنه فهو حل ناجح
الافضل اخوي تستخير وترا فرق كبير بينهم يوكون اريح واجد والبرادوا ماهومريح الامان من الله سبحانه لكن اليوكن امن من البرادوا..........

الله يجزاك خير ياخوي وما قصرت على مرورك العطر

[عبد الله راشد]

اليوكن بلا منازع

حتى في طلعه للبر يعني لو بغيت الصمان يوصلني ويرجعني وانا مرتاح ولا لك عليه في مشوار زي كذا ؟؟؟
وشاكر لك اخوي

[اكزت]

البرادو بلا منازع

[تسانيم]

والله البرادو وانت مغمض ولا يغرونك العالم اللي يقولون انه يقلب بلعكس انا مجربه والله انه انه راسي مره واي جيب يقلب لو استخدمته بانحنائات خطيره وفي النهايه استخر ربك.

[عبد الله راشد]

البرادو بلا منازع

ما قصرت اخوي وشكرك على مرورك الكريم وعلى نصيحتتك

[عبد الله راشد]

والله البرادو وانت مغمض ولا يغرونك العالم اللي يقولون انه يقلب بلعكس انا مجربه والله انه انه راسي مره واي جيب يقلب لو استخدمته بانحنائات خطيره وفي النهايه استخر ربك.
والله هذا اللي مخليني متردد انه يقولن ينقلب ما فهمت شلون ينقلب يعني شفنا جيوب انقلبت يوم انهبلوا اهلها
يعني هذا قصدهم اذا انهبلت بنقلب واذا انا اسوق بعقل وبركاده منيب منقلب بشتريه كان الدعوة تسذا
الله يكتب اللي فيه خير وصالح وشاكر لك اخوي الكريم على مرورك ونصيحتك

[المغترب55]

اخوي

انا معي برادوا 97م يعني قديم

ومعجبني مره ولو فكرت اغيره راح اشتري موديل اجدد
لانه بصراحه موتر
يكفيك انه ياباني وتويوتا بعد يعني نم واطمئن باذن الله
ياخي الامريكي ماله امان والله دايم يخرب عليك وبدون مقدمات
ومشكلة الامريكي مع الكهرباء سالفه بلحالها
تويوتا قيمته فيه
اما سعره:
انا معروض علي برادوا2005 تماتيك 6سلندر
فتحه مثبت مكيفين ثلاجه سي دي شاشه
ب72 الف ريال
ش
اتمنى اكون افدتك

[حمد الأسمري]

انا أقول اليوكون كإستخدام وراحة وقوة والبرادو كقيمة عند البيع لكن نصيحة من أخوك
دوّر راحتك وراحة عائلتك ولو الموضوع يخصني أكيد بختار اليوكون وعسى الله يوفقك

[البرادو]

كنت مثلك محتار واستخره الله وشاوره بعض الذين يملكون البرادو قالي احدهم له معي 6سنوات والله ماعرف الا الزيت والماء ورح وين ماتبي بس فاكه جديد واتكلت علي الله وشريت واحد والحمدلله له اربع شهور معي مرتاح سوا داخل المدينه اوالبر اوللسفر

اسال الله لك التوفيق ولجميع المسلمين

[البرادو]

عليك بالبرادو والله يسر امرك والمسلمين

[الربذي]

البرادو واهم شي التجربه الي جربوه يمدحوه
انا اعرف واحد اخذ يوكن من الزملا بالعمل وكاله وخرب عليه القير وهو مامشى الااثنعشر الف ووظبه تخيل !!!!!!!!!!!!!!!
واخر قال قصته يوكن 2008 عيا يمشى نهائيا وهو مامشى الا بحدود 500كم فقط وهو اخذه حول 170الف دينالي افخم نوع من اليوكن ووداه الوكاله قالو نبي نوظب القير !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!امحق سياره
واخر مسافر لمكة المكرمه وقف يعبي وبالاخير عيا يمشي يعشق ويدوس ولا فيه فايده حتى انه مصوره بالجوال وقد تجده بالانترنت
اشتر راحتك وعليك بالبرادو وانا ناوي واحد باذن الله بعد البحث والتحري ÷÷÷÷÷÷÷÷÷÷÷÷÷ ÷÷÷÷÷÷÷÷÷
والله لو تدفع ايش بس تستانس بجازتك ورحلتك طيب هالرجل وش رايح يسوي وهو مسافر وبعائلته وبنص الطريق خرب عليه !!!!!!!!!!!!!!!!
البرادو وبس واكتب فضائح اليوكن وشف .

واكيد فيه متعصبين لليوكن جدا لكن انت استشرت ومن استشارك دخل ذمتك ............اذكر ان اخونا بنزرت يوكوني بل جنرالي هههههههههه من جنرال موترز
وتجربة شخص ثاني يقول
اليوكون ماعليه كلام في البر والخطوط ماشاء الله
لكن انا خويي معاه يوكن فصل الدبل من نفسه ونشبنا في الطعوس حتى وحنا منسمين
يقول ميب اول مره تحصل معاه
يعني مجرد نصيحه لكن دبل اليوكون يخوف
والله يوفقك ان شاء الله للسيارة اللي تخدمك وتريح بالك

[بنزرت]

سلام اخوي
المقارنه غير متكافئه
انت ظلمت البرادو في هالمقارنه
انت ممكن تقارن البرادو بالباث فايندر او الهيلكس غمارتين او الددسن غمارتين (دفرنسين)
اما انك تقارنه باليوكن؟؟؟؟ والله فرق شاسع مثل الشمس مايحتاج تحتار فيها

[احب البر]

شف يالطيب

اذا أكثر مشاويرك داخل المدينة وطلعاتك للبر نادرة فخذ يوكن : فهو مريح وتحمله وقوة بوديه ومساعداته مناسبة للاسفلت وما هو راعي كرف ومطامر في البران والوديان .

وإذا أكثر مشاويرك في البر وطلعاتك شبه اسبوعية فاليوكن لايصلح لك إطلاقا .. والمناسب هنا هو البرادو بلا منازع قوة وتحمل وما يتفكك مع البر وهزهزته وبطانيجه وحفرياته ووعورته .

والله لو تتأمل مشورتي عليك هذه والله لن تحتار فالسيارتين ماعليهم كلام ولايهموك اللي يعذربون في احد السيارتين كلهن مجربات وحلوات وعمليات لكن اذا وضعتها في المكان المناسب .

حدد احتياجك واختر

[abuziyad3]

حسب استخدامك
وحسب عدد افراد الاسرة

اليوكون رحب ووسيع ومريييييييييح وقوي

البرادو حجمه أصغر وقوته أقل من اليوكون بس ميزته انه يمسك سعره عند البيع


وبالتوفيق

[ابوعقل]

اشكرك يا خوي على نصيحتك بس انا ناوي اكده لين يصدي يعني ما ابيه كم شهر وبس
ومقصرت يا خوي


اجل توكل على الله وخذ يوكن او تاهو

ومن ناحية القير

ابشرك لا تشيل هم

غيرو قير اليوكن والتاهو مديل 2009

صار 6 تعشيقات وفيه تحكم بالقير

[ابوقاسم]

انا يخوك بشور عليك شور يريح بالك
وقف عند اي اشارة في الشارع
وعد كم سيارة يوكن الشكل الجديد تمر عليك خلال ساعة او نص ساعة وكم سيارة برادو الشكل الجديد خلال نفس الوقت
مع العلم ان البرادو من 2004 الظاهر تغير شكله واليوكن من 2007 تغير شكله وراح تشوف الفرق لصالح اليوكن والامريكي بشكل عام
وانت الحكم
تحياتي

[بدوي جنوبي]

اضف استفتاء في نفس الموضوع
ونشوف النسبة كم؟ :D

[call9k2shr]

والله ياخوي ( عبدالله بن راشد ) ... أني مثلك محتار بين اليوكن ولا البرادو

وماتوصلت لحل ؟؟!!

وقريت موضوعك وردود الشباب وهي متفاوته بين اليوكن والبرادو ... ومثل ماقالو الشباب

أنت لازم تقرر وش تبي من السياره تبيها للبر أكثر ولا للمدينه والسفر على الطريق ؟

وأنا أسمع من الشباب أن اليوكن مرات يكون موديله جديد وتكون فيه خلالات من المصنع او اعطال ... بس

ماعمرى سمعة أحد أشتكى من البرادو الا عقب ماتطيح كفالته او لا قدر الله يعمل حادث ... ماهو مدح في

البراد ولكنى مثلك محتار وش أشترى لغاية الحين ... ولكن حصلت لى برادو ليمتد ادشن وعليه زوايد والبودي عريض وفيه

شاشه وكامل المواصفات وبستخير ربي واحتمال اشتريه والله يوفق

[راعي البحري]

والله لو قارنت بين اليوكن واللاندكروزر لاختار يوكن وأنا مغمض سعر أرخص قوة مكينة راحة خيالية فخامة
وشلون عاد البرادو قطع غيار نار واللي يقول اليوكن مايسوى عند البيع يروح للمعارض يدورعليه ويشوف بكم ولا ينسى قيمته جديد وقيمة غيره جديد

أما ما قاله الأخ الربذي فهو خارج عن المعقول والمنطق ويكفي أنه صاحب مقولة (يوم عشق الدبل في الدينالي) مع أن الدبل في الدينالي مثل اللكزس والرنج روفر مشبوك ما يحتاج تعشيق
اضافة إلى ان كل سيارة ربما تجد في احدها عيب مصنعي أجل ليش الضمان!!!! من كثر الإنتاج ,,,,وطب في النت وشف اللاند كروزر كم واحد خبط وهو جديد ونعتبره أمر عادي عيب مصنعي
باختصار البرادو يقارن بالسيارات الأصغر من اليوكن ابحث عن أي سيارة غيره حتى لو هوانداي أرحملك من قطع الغيار ما خاب من استشار


http://up1.mlfnt.net/images/q1tocp6mwpl93tcsaax.gif

[التاهو]

السلام عليكم ورحمة الله وبركاته

أخي الكريم

بما أنك قمت بحصر الإختيار بين اليوكون والبرادو أقول لك إن كنت تريد الوسع والراحة والقوة عليك باليوكن وان كنت ستبيع بعد مدة من الاستعمال فعليك بالبرادو

وقبل ذلك عليك بصلاة الاستخارة


محبك