مارأيكم بهذا الدافور ( يوجد صور) :)

[صنقل]

السلام عليكم

هذا سلمكم الله دافوري .. بعد ما غثني بضعفه لأنه امتلى من وصاخة الطبخ .

قررت إني أنظفه وأنظف المامة ..
لكن يوم جيت أفك المامة لقيتها ناشبة في مكانها ولا تتحرك أبدا
مع اني جربت مفك مقاس 6ملم - زي ماهو موضح في الورقة اللي جاية مع البريموس- وما فاد ..
جربت بالزرادية وانعدمت علي المامة صارت بدال ماهي سداسية صارت دائرية :no:

المهم خطرت في بالي فكرة إني أوسع فتحة المامة شوي بدبوس والا مسمار صغير ..
لأن هذا الشيء الوحيد اللي أقدر أسويه لتقوية النار في هذه الحالة على حسب علمي !




وهذي النتيجة :




http://dc104.2shared.com/download/4485265/662c65b6/2_online.PNG?tsid=20081219-004854-d5ca9979


ويلاحظ في الصورة مدى إرتفاع النار وقوتها .. طبعا هذا وهي في أقوى درجاتها ..


السؤال الآن : هل هذا يضر الدافور أو الطبخ ؟ أنا اللي أعرفه إن النار الزرقاء هي الأفضل .
لكن زي ماتشوفون النار هنا صفراء ! فهل هذا يضر ؟
والسؤال الثاني : كيف أقدر أغير المامة الحين بعد ما تآكلت ؟

[azmm2009]

السلام عليكم
اللي اعرفة ان النار الصفراء تسود الاواني(يعني يصير طبقة سوداء على الاواني)

[صنقل]

أخوي : azmm2009 (http://www.mekshat.com/vb/member.php?u=106640)


مشكور على سرعة استجابتك وردك .. أنا معك من ناحية الأواني .. الأواني اللي في عزبتي ما أستخدمها إلا في البر يعني مايهمني مظهرها الخارجي .. لكن السؤال من ناحية الطبخ والأمان وسلامة الدافور .. هذا اللي أبغى أعرف عنه :)

[الحرف 1]

اذاكنت ببريده فذهب لمحل الحماد شارع الصناعة تقاطع شارع الوحدة يغيرلك المامة وقله ابغى تكون النار قويه

[هاي لكزز]

اخوي يمكن الدبه قديمه ومتجمع فيها رواسب انا الي عندي قديمة
و نارها مو لهناك وسبب ان فيها وصخ ودليل اثناء التعبيه يطلع منها زيت اسود
ولمه جربت على دبه ثانيه طلعت النار اصفاء وهذا سبب
وفيه سبب ثاني يمكن عين الادافور فيها رواسب حاول انك تفكها
وترشها ب بخاخ الصداء اسيدلكو او تنقعها بـ قاز
وذا ما عندك قاز او بخاخ الصداء لا تشتريهم وزدها 30 ريال وخذ لك واحد جديد

[صنقل]

مشكورين ياإخوان على ردودكم

لكن هل فيه مشكلة الآن لو أبقيتها على وضعها الحالي ؟ لأني جربت أغلي بها بريق جلس حول 3 دقايق بس :)

[سرهيد]

السلام عليكم

الصورة ما ظهرت عندي للآسف

تقبل احترامي

[شاهين تميم]

ما طلعت الصور

بس عشان تكمل شغلك صح لازم توسع فتحات التهوية اللي تدخل الهوى للماما عشان يسحب هوى اكثر وتصير النار زرقاء

[العاااازف]

السلام عليكم

الصورة ما ظهرت عندي للآسف

تقبل احترامي

سيم سيم نفر فوق

[صنقل]

الصورة ياشباب راحت بسبب مشكلة الكيابل البحرية :(

والآن حاولت أرفعها لكم من جديد

واعذرونا على القصور :

http://dc109.4shared.com/img/76837575/372bdef1/IMG203.jpg (http://www.4shared.com/file/76837575/372bdef1/IMG203.html)
إضغط على الصورة لرؤيتها بشكل أكبر
http://dc109.4shared.com/img/76837574/402cee67/IMG211.jpg (http://www.4shared.com/file/76837574/402cee67/IMG211.html)

[ذاكرة رملية]

اخوي ..

اذا توك معبي الدبة غاز فاحتمال تكون مليانة اكثر من الازم .. وحل المشكلة هذي انك تفتح التهوية وتقلب الدبة وتعد بالثواني الى 10 وبعدها قفل التهوية بعد خروج الغاز الزائد وبكذا تكون تمام .. من واقع تجربة

[صنقل]

ذاكرة رملية : مالك لواء الدبة معبيها من زمان وباقي فيها حول الربع تقريبا

[ابوفهيدان]

اخوي صنقل انت موسع المامايا حيل الله يهديك المفروض اكبر قياس للمامايا يكون 3,5
ودامك وسعتها لازم تركب هواية وسرهيد بيفيدك اكثر بهالخصوص مني ولايهونون الاخوان

[سرهيد]

السلام عليكم

مثل ما قال اخوي الكريم ذاكره رمليه

قد يكون من زيادة الغاز قلل الغاز وجرب

واذا عندك راس ثاني جرب شف اذا نفس الشعله فاكيد من زيادة الغاز

[شاص2007]

حط عل المامه زيت بريك وخله لمدة نص ساعه بعدين جرب تفكها وبتنفك معك ان شاء الله

[الصايخة]

اقرب مخرطة وفك المامة وغيرها او غير المفتاح كله وقيمتة 10 ريالات فقط

[صنقل]

أبو فهيدان : حياك الله .. جربت اليوم وركبت الهواية التي تقول (بخمسة ريال شريتها) وخفت الشعلة نوعا ما .. مشكور الله يبارك فيك

سرهيد : الدافور الله يحفظك مبطي معبيه وتقريبا مابقى فيه من كمية الغاز إلا الربع أو الثلث .. وللأسف ماعندي راس ثاني أجرب عليه . لكني ذكرت سبب قوة النار في أول الموضوع وهو أنني وسعت فتحة المامة . لكن سؤالي هل هذا يضر والا لا ؟

والله يعافيك على متابعتك للموضوع :)



شاص 2007: سوف أجرب الطريقة التي ذكرت .. وجزاك الله خير على الرد


الصايخة (http://www.mekshat.com/vb/member.php?u=35907) : المشكلة إن المفتاح اللي عندي تماتيك .. ولا حصلت زيه .. ما تعرف مكان زين يبيع مفتاح بريموس التماتيك الأصلي بسعر مناسب ؟