اين اجد الدلال البغداديه والعسافيه في الرياض

[بدر الجديد]

اغلب الموجود كوري هو زين بس نبغى القديم كذلك رسلان الاصلي وليس المقلد
نبغى خبراتكم وتجاربكم في الدلال

[الوايلي...501]

شف ياطويل العمر الدلال البغداديه ممكن تلقى
منها بحراج بن قااسم وقليل بعد لكن اذا بك شده
رح لحايل اذاانت تبي واجد مثلا لتزيين الوجار
فيه مصانع هناك وسوق شعبي للدلال والاشياء
الشعبيه.
اما الرياض فاتوقع مايوجد غير الكوري لكن
فيه سوريين على دينات يبيعون دلال بغداديه
حول محطة خزام بالثمامه....................

[دغيم1]

اغلب الموجود كوري هو زين بس نبغى القديم كذلك رسلان الاصلي وليس المقلد
نبغى خبراتكم وتجاربكم في الدلال

حياك الله أخوي
بالنسبة للأشياء القديمة صعب الحصول عليها
دلة العساف حصلتها في السبالة - الرياض
لكن أشك بأنها أصليه ( الأصليه ختمها الخلفي حفر )
رسلان تحصل الصغيرة في - السبالة .
البغدادية - الموجود أكثره مغشوش - هو بغدادي صناعة دمشقية
والأصلي تحصله لكن بعد جهد وتحصل الوحده الوسط - بقيمة 300 - 400 ريال .
تم نقل الموضوع إلى مكانه الصحيح

[رحال الرياض.]

موجودة الدلادل فى سوق الزل
الرياض
وهي البغدادية ثلاث النواع
الاولى بغدادية يكون الختم فى الجنب والاسفل من الدلة
الثاني حايلية
الثالثة حبش سوريه

[الحاضر الغائب]

رح للنسيم اسواق حجاب تجدها بالمحلات حقت الاوانى المنزليه على 60 70 ولا ازين منها وادعيلى انا اخذت طقم 210 سوريه حبش او قطاش ولا ازين منها

[arrow]

بسم الله

انا شفت دلة العساف الاصلية عدة مقاسات عند برق الحيا ...

بس يمكن انا مااعرف الاصلية لكن انت رح وشف ....

وفقك الله ..

[الدبل الثقيل]

ترى دلال العساف الجديدة صناعه اندنوسيه .... وشوف اللصقه اللي مكتوب عليها ميد ان اندنوسيا في يد الدله اذا قلبتها ....

[rescol]

اذا تبي البغاديد الاصلي على ماقال لك الوايلي بحايل في مصنعها اللي مايصنع غير البغاديد والرسلانيات والقريشيات ..
البغاديد 5 دلال ولاني ذاكر مقاساتهم 5500 الى 6000 ريال
الرسلانيات اربع على مااعتقد وسعرهم من 4500 الى 5000
اما القريشيات بعشرة الاف الخمس دلال منهم
وفيه طلب بالحبة لو بغيتوانت بس حدد المقاسات
هذا غير المشغولات النحاسية الثانية ..

اما العساف وهو اول من طلب تصنيعها خارج المملكة (للتجارة) ودلاله هاللي تشوفونها اليوم برضو من اهل حايل ومحله في حايل وماعندي فكرة والله عن اسعاره ..

اذا حصلت مطلوبك بالرياض الله يبارك لك فيه واذ ماحصلته عطني رسالة خاصة واجيب لك ارقامهم واذا تبي لهن صور وهم يرسلونهن لك ولاتستشك من ناحية الكلافة لاننا فاضين بهالديرة :d

[محلات الكشاتة الرئيسي]

عند أشاره المقبره بطريق الميه بشرق الرياض محل أسمه الكشاته

[ابوخالد2004]

الدلة البغدادية تحصلها سلمك الله في عرعر وأنا وقفت عليها في بنفسي والي يبيعها عراقي وتحصل المحل في سوق بعرعر اسمة (سوق السمن)
وكذاك الي يبغى (فروه) طفيلي من نوع ( موصلي ) يعني مصنوعة بالموصل بالعراق افضل انواع الطفيلي
تجدها بنفس المكان والي يبيعها عراقي
وانا تراي من اهل الرياض يعني ما اسوي دعايه لعرعر لكن عملت في عرعر سنة
وتقبلو مروري

[عبار درب]

في عام 1407 او 1408 كان لنا رحلة الي الدبدبه وكان هناك سوق للفقع خلف محطة وقود المهم جيت عند عراقي معه كرتون فقع و شريته منه قالي ما تشتري مني دلال عراقيه انا والله مامن عرف بالدلال المهم الرجال قالي انه جايبهن لواحد موصيه عليهن و مواعده عند المحطه و من الصبح ما بين ولا جابهن يجلبهن راجي اكراميه من الرجال اكثر من قيمتهن حسب كلامه قلت اشوفهن طلعهن ثلاث كبيره للتفويح ووسط وصغيره وضبو علينا الناس و كلن يسوم وصلن الف ريال طابت نفسي وتركتهم لفيت في السوق و رجعت لسيارتنا والا والله العراقي يضبضب اغراضه يبي يمشي سألته بعت الدلال قال لا والله ما جاء نصيبهن قلت بالف ولا بعت قال يا اخو انا ما جبتهن اتكسب انا جايبهن لواحد خدمه مصنعات بالطلب خاصه له ومكلفات الوحده 500 ريال او اكثر رميت كلمه وقلت ابزود ميه قال لا وانا و هو حدهن 1500 وسمت 1250 يوم جينا نمشي جابهن في الكرتون وقال كانك عند سومك نصيبك شريتهن رميتهن في مشب عندنا و جا واحد رشيدي شايب قبل سنتين و طاحت عينه عليهن و قلبهن قالي تبيعهن قلت سم سامهن ب3000 قلت لا ماني بايع قال الدلال بغداديات اصليه و وراني الختم محفور حفر (بغداد) وقال اذا ماتحتاج قيمتهن لا تبيعهن تراهن غاليات عند الي يعرفونهن