نبي نغير زيت السيارات في البيت وما حك جلدك مثل ظفرك

[ebnjala]

http://www.webs4racers.com/bmw/oil/PL650-main.jpg
هذا شفاط سهل وفعال وممكن نسوي شبيه له في البيت
الثاني و ذف وجميل





http://ecx.images-amazon.com/images/I/31DZB6QQH5L._SS500_.jpg
تم حذف الرابط بواسطة المشرف
بدوي جنوبي

[ebnjala]

59 مشاهد ما أحد علق او تضامن أو جاب فكرة كيف نسوي مثلها؟
لكني بديت العمل:
شريت الزيت اليوم كرتون 24 علبة الترا سفن 245ريال
كرتون 24 علبة قلف 10-30 240ريال من شارع على ابن ابي طالب رضي الله عنه
يعني العلبة 10.20ريال والثاني 10 ريال
مريت مركز قلف بكم الزيت؟ قال اربع علب 75 ذهبيه 65 فضية يعني الفرق في الخدمة(تشييك وكنس..... وخلافه) السيفون بريال يعني مجانا أي علبة اضافية 16 ريال

آمل اني افدتكم والحسبة والفرق عليكم
تقبلو تحياتي

[ابوعبدالهادي]

الف شكر على الموضوع
بس وين نحصل مثل هذه المعدات في السعودية
بعدين لاتزعل مني ترى الموضوع ناقص كثير
المفروض فية شرح وافي عن هذه المعدات وكذلك مفروض انك انتظرت لين سويت التجربة وخصوصاً انك تقول شريت الزيت وبعدين نزلت الموضوع بشكل متكامل
ارجوا انك تتقبل ملاحظاتي بصدر رحب

[الوعب]

السلام عليكم
فيه سيارات مثل البي ام و المرسدس و الرنج
السيارات الجديده هذي زيتها يتبدل كل 25 الف كيلو ,, و يشفطونه شفط من فوق
انا اعتقد ان المعدات الي حطيت صورتها هي الي تشفط الزيت
يعني ماتنفع لكل السيارات ,, هذا الي اتوقعة

[محمد أبو حمد]

في كل الأحوال التشييك على السيارة وعمل الصيانة لها يجب أن يكون متعه

بعض الناس ربما لا يملك الوقت أو الرغبة , فيضع فرق السعر علشان يريح راسه

[أبا مجاهد]

جزاك الله خير اخوي ابن جالا

وتصدق الواحد مايحتاج لاشفاط ولا شي..يروح اقرب مخطط ويفك الصره والسيفون ويغير بنفسه سهله ومايبغالها شطاره

بارك الله فيك عالفائده ويكون وراها توفير كبير

[Magellan]

ههههههههههههه
ياخي هذه المنتجات مخصصة للسوق الأمريكي
تدري ليش؟
لأنه في أمريكا تغيير الزيت ممكن يكلف 400 ريال حق شغل اليد
فهم يشترون هالأجهزة أرخص لهم
ياخي وش الله مكلف عليك
إشتر الزيت والسيفون وغيره بـ15 ريال عند أي بنشري

[ebnjala]

يا الله حيهم جميعا

هذا مثال للاستخدام مع الصالون و في نفس الصفحة روابط لاستخدام مع دبابات حصدات اي شي تفضلوا الرابط




تم حذف الرابط بواسطة المشرف
بدوي جنوبي

[شعيب المسمى]

سياراتنا مايحتاج الا فك الصرة وينزل الزيت .. و الجهاز اللي حطيت صورته ينفع لشفط زيت القير
والسيفون انتبهوا لاتخذونه الا من الوكالة اضمن ولا به سدد وارخص من البناشر ..

[شروكي ربع]

انا أغير بنفسي والله الشغله تافهه من جد ..

واغير عند البيت عندي صطل صغير و فك المسمار وينزل الزيت سكر المسمار وعب من فوق وانتهينا ..

والله الشغله تافهه و بسيطة لابعد حد .

ولا تحتاج معدات ولا شي .

[الوعب]

شروكي ربع

افكر فعليا اني اغير زيت في البيت .. لسببين
الاول اني احب انا انا بنفسي اسوي الشغله و اكيد اكون احرص من الهندي
الش الثاني الاوقات الي المحلات فاتحه فيها اكون مشغول جدا و اذا فاضي افضل اني اقعد مع ربعي ولا اروح اخلص لي شغله اكون ماجلها
ولكن يقف امامي امرين
الاول اني ما اعرف موتري كم لتر يحتاج ,, على ما اعتقد ايضا يوجد فرق اذا غيرت الزيت مع فلتر الزيت (السيفون) و اذا بدون تغيير الفلتر.. موتري نيسان فتك
والامر الثاني هو الفلتر نفسه على ما اعتقد مكانه محشور و يصعب فكه

رغم هذا بحاول اغير الزيت بنفسي

[ebnjala]

اول محاولة تلفيق مضخة تفريغ فشلت لكن لن اتوقف

وديت السيارة لمحل التغيير
كم ؟ قال العلبة 15ريال قلت الزيت معي قال اللي يجي منك قلت ما كان شرط كان سلام
قال فك الصرة وتعبية الزيت بدون شي ثاني قلت نعم قال خمسة سبعة اللي يجي
قلت توكل على الله
ست علب عطيته سبعة عشان يكون راضي
صار المبلغ 67ريال بدل 90ريال

نبي تجاربكم يا اخوان
تقبلوا تحياتي

[المحصل المالي]

انا والله سيارتي شغله

اول شيء تفك الصاج اربع مسامير ( البنشري يجلس دقيقتين الى ثلاث وهو يفك وقبل يحوس على المفتاح) ويبله حفرة لانها منهدله من قدام وبعدين بي والله العجز الله يكفيك شره ( والعمر مايساعد على الشغله)

الا على فكره البترول ونزل من حول ال 145 الى حول ال 42 وعلبة الزيت هي هي ما تغير شيء

[ابوفيصل9]

والله ان مكينة الشفط ممتازه وتريح الواحد في تغيير الزيت بس وين نلقاها تباع؟ وهل تنفع لكل السيارات؟