تـــعــــالـــــوا شـــوفــــوا الـــهـــايـــلــوكـــس!!

[al-wid]

السلام عليكم
كيفكم ان شاء الله بخير

يا اخوان انا عندي هايلوكس غماره 2008 فيه صوت يطلع اذا ضغطت الكلتش راح وديته مرتين للوكاله وغيروا رمانة الكلتش بس مافيه فايده الصوت يرجع اتمنى احد يفيدني جزاكم الله كل خير

[تركي العتيق]

انا عندي نفس المشكله بس مهوب هايلوكس عندي gx 2007 وديته للوكاله عشرات المرات ولاكن بدون فائده ولقيت المشكله وهي السبرنق حق الكلتش اللي ورى الدعسه
وشكرآ..

[عريدان]

الوكاله أو وكاله وكالاتنا آكلاتنا تعرف تفك قديم وتركب جديدي وانت وحضك تصلح وإلا ما تصلح أهم شي إدفع الفاتوره بعدين نشوف ههههههههههههههه وكالة أجانب في الورش والله الواحد ما قد ساق سياره ويقولون مهندس ، خلوها على الله البلد ضايع من سببنا نعرف ولا نعلم بعض ولا نشتغل يإيدينا نبي ننوم ونكشت كل يوم وإحنا بلانا الهموم .. على العموم زي ما قال أخونا سبرنق يتغير والسلام.

[al-wid]

يعطيكم الف عافيه على التفاعل بس يالغالي(تركي العتيق) اذا غيرتها ان شاء الله مضمون..؟ وكم كلفتك ..؟

[al-wid]

up up up up up

[رجـ الصدى ـع]

توقعي بأن الصوت من فحمة الكلتش؟
وعساها شيء بسيط ولا تشتق وتتخسر الله لا يخسرنا ..
يعينك الله.

[المارينز]

ياشباب كل الهايلكسات الجديده فيها كذا

يطلع صوت صرصره بسيطه ويروح اذا ظغطت على الكلتش واذا صلحته يرجع

مامعي هايلكس بس كل ماركبت مع واحد سمعت هالصوت واسأله عنه يقول عادي كلها كذا

انتم اخبر بسياراتكم

انا قريت موضوع بس مدري بالمنتدى ذا والا واحد ثاني

يقوللك اذا سمعت الصوت طالع .. انزل تحت الموتر وناظر القير

تلقى زي السلك نازل من القير حركه ويختفي الصوت

بس مدري وش السالفة <<< بالعربي لاحد يسألني عن شي ترا ماعندي ماعند جدتي

[لن أمل من العطاء]

عندي هذا االصوت واصوات اخرى كثيره

غيروا الدفرنس الخلفي
غيروا الجيربوكس
غيروا كمبروسر
واشياء كثيره اخرى

هذا حل الوكالة

اما حلي انا

فهو اضرابي عن دفع الاقساط وهي اقساط مو تأجير
الثاني رفض قضية في المحكمة وقبلها القاضي وعندي جلسة بداية شهر 1

وهدفي تغيير السيارة وان شاء الله اغيرها

[صايد البرقا]

عندي هايلكس 2007 ماكملة سنه ونفس المشكله
لاكن خلها تنطق مالي امخسر فيها اريال لين اقرشها

[al-wid]

تسلمون يالغاليين على ردودكم بس الى الحين وش الحل ههههههه

[al-wid]

للرفع للرفع

[ابو نوره 2006]

عادي عندي 2006 له ثلاث سنين والصوت فيها والحمدلله مافيه اي مشكلة لاتهريب ولا شي .

[غديرالشوق]

الهايلكسات الجديده فيها كذا

يطلع صوت صرصره بسيطه ويروح اذا ظغطت على الكلتش واذا صلحته يرجع

المشكلة في الفحمة الكلتش
اخوك: غديرالشوق

[EFI.4500]

الهايوكسات الجدد فيها بعد صوت بالمريات اذا اسرعت لكبر اذانها هههههههه

لاكن الصوت جربت تزيت السبرنق

[بعيدالدار123]

ياشباب المشكله فحمة الكلتش

لاتغيرها ولا شي كل الهايلوكسات والجيب فيها هالصوت
شي عادي واذا غيرتها راح يرجع الصوت كما كان ولا منها ضرررررررر

[aziz2727]

توقعي بأن الصوت من فحمة الكلتش؟
وعساها شيء بسيط ولا تشتق وتتخسر الله لا يخسرنا ..
يعينك الله.
زي ما قال اخوي رجع
شيك على فحمت الكلتش
اتوقع انه منها الصوت

[al-wid]

الله يعطيكم الف عافيه على الردود بس الي يقول غير فحمة الكلتش انا غيرتها مرتين عند الوكاله بس بدون فايده والصوت عندي قوي بزياده لدرجة اني اسمعه وانا امشي 160
والى الآن محد لقى له اي حل حتى الوكاله يقولون انه يطلع في الفورنتشر والبرادوا وانهم رفعوا للشركه اوراق هذه المشكله ولا ادري عنهم

[إعصار]

شحمها وبس ..

صدقني تراها بسيطة ولوتتركها ترى الوضع طبيعي ..