تكفون يا الشقرديه وش الفيااااااض الاى**( شرق الرياض) **# بدون قاااارمن# وصف بدو

[مرحبا الفين]

وش الفياض شرق الرياض واصل اليها وصف بدو @ لاعدمناكم@

[أبا مجاهد]

لو اعرف كان كتبتلك وصف بدو بالعنقليزي :)

لكن لاسف لااعلم

[مرحبا الفين]

واين الشقرديه

[المتعجب]

تبي شمال الرياض أبشر

وبالنسبة لشرق الرياض

والله ما أعرف

[new1]

السلام عليكم

فيه روضة خريم وأعتقد معروفه من طريق الدمام تجيك لوحات ارشاديه من مفرق رماح

أيضا فيه روضة أم القطا وحولها رياض أخرى ، وطريقها من طريق الدمام الين يجيك مفرق سعد تلف معه يسار وتتعدى المصفاة باتجاه الشمال - طرق واضحه والكشاته كثيرين يعني ما تضيّع

هذا ما لدي

[مرحبا الفين]

السلام عليكم

فيه روضة خريم وأعتقد معروفه من طريق الدمام تجيك لوحات ارشاديه من مفرق رماح

أيضا فيه روضة أم القطا وحولها رياض أخرى ، وطريقها من طريق الدمام الين يجيك مفرق سعد تلف معه يسار وتتعدى المصفاة باتجاه الشمال - طرق واضحه والكشاته كثيرين يعني ما تضيّع

هذا ما لدي
ملف سعد وانا جاء من الدمام والاى رايح للدمام

[عنبري]

كانك تبي الشمال ابشر بعزك لاكن الشرق مالي فيه ولله ان شاء الله يفيدونك اهل الشرق

[عبدالعزيز القحطاني]

شف طال عمرك لا جيت سعد وحطيتها على حجاجك اليمين [ بس انتبه تفقع عينك ] تيامن تيامن تيامن يسار .. ثم تيسار غرب .. ثم لا جاك طعس أبو الطعوس [ هذا الطعس يسمونه الأب الروحي للطعوس لانه تزوج له طعسه وجابوا النفود واطراف الدهنا .. ] المهم مالك في الطويله .. اركب على الطعس [ بس بشويش لا تكسر ظهره ] بتجي لك فوق مشراف [ وعلى قولة الشاعر / الضيقه اللي دايمن حزّة عصير ! / وش حيلتي وأردها لا تجيني .. لا حولنا مشراف ولا أقدر أطير / يالله قسمة خير لا تبتليني ! ]

المهم أركب على اللي قذايفها من السلّه .. قصدي أركب على الطعس

وتلفت يمين ويسار وعس المكان عسه عسه عسه عسه

إللين تشوف لك مكان موناسب لك .. أفرش فراشك وتوسد إيدينك واذا ما أعجبتك الجلسه أو الإنسداحه .. نام على ظهرك أو على بطنك .. أو تدري !!

كل واحد ينام على الجنب اللي يريحه

هههههههههههههههههههههههههههههههههههههههههههههههههه هه

الله يشفيكم .. الظاهر اني مانيب طيب بعد البرد هههههههههههههههههههههههه

إنيهاهاهاهاهاي

تهو تهو تهو

[ هذه المشاركة برعاية خيام القاضي وشركة أللبان الطائف وبقالة نعيسان في النعيرية وبوفية السعادة في السعيرة ومزرعة كذيبان بن مشلاخ لزراعة البصل وتربية [ الأرانب ] ونشكر جميع من ساهم في إنجاح هذه المشاركة ]

[القاريء]

روضة أم القطا او روضة المسعودي


اذا ترغب في مكان قريب وجيد انا انصحك بروضة أم القطا او روضة المسعودي

وماحولها من محير الماء في الدهنا .

والطريق سهل وقريب .

كوبري الوسيع طريق الدمام الرياض - تطلع شمال باتجاه محطة الضخ لشركة

أرامكو - حرف تي - خذ يمين -اول تقاطع خذ يمين باتجاه المضخة -

حرف تي - خذ يسار واسلك الطريق المسفلت وين ماتجه -

ينتهي في كسارة قديمة - وشعيب -

اسلك الطريق الترابي - ( في وجه العدو ) - يتفرع الطريق الى يمين ويسار -

خذ الطريق الأيمن -

ياتي تفرع آخر خذ الايسر - ستشاهد ( شحنة - زبارة ) على اليمين واليسار -

اتبع هذة الشحن وسوف توصلك الى الروضة .


منقول

[القاريء]

وصف طريق روضة التنهاة



للقادم من القصيم



والمدينة



وأنت قادم من طريق القصيم ومتجه للرياض-



يأتيك مفرق دقلة الثمامه -



أطلع سيده وتعد التقاطع - (30كم ) -



حتى مفرق الطوقي التنهات -



ينحني الطريق يمين وسوف تشاهد عروق الدهنا -



وقبل مفرق الطوقي التنهاة -



سوف تشاهد على يسارك روظتي الخفس -



خذ يسار مع مفرق الطوقي التنهاة - ( 34 كم ) -



بعد الطلعة خذ يسار -



سوف تستمتع بمشاهدة شعيب الطوقي --



أستمر بالسير ويأتيك دوارالحفنة - الرمحية -



ثم استمر بالسير حتى يأتيك دوار حفر العتش – الصمان – التنهاة



المسار الأيمن يتجه للصمان



ولمسار الأوسط يتجه للتنهاة



والمسار الأيسر يتجه لحفر العتش



طبعا أنت أكيد سوف تتجه مع الأوسط إلى روضة التنهاة



والخط هذا يمر مباشرة بالروضة



ثم يجعلها على يساره والنفود على يمينه



ويمشي قليلا ثم ينتهي المسفلت



منقول

[القاريء]

وصف روضة خريم




طريق الرياض - الدمام وأنت خارج من الرياض




مخرج محافظة رماح أفرق معه يمين




ثم سوف ينحني بك إلى اليسار ويتجه بك إلى طريق رماح




وعندما تتجه معه سوف تجد لوحات إرشادية للروضة




ولكن باب التوضيح سوف يقابلك أو ل شعيب




وسوف يقطعه الخط المسفلت اللي أنت تمشي عليه




ويسمى شعيب الخويش




ثم سوف يأتيك بعده لوحة مكتوب فيها روضة خريم




وفيها يسهم يقول لك أن الروضة على اليمين




ثم تمشي مع هذا المسفلت الفرعي




وسوف ينتهي بك في البوابة الرئيسية للروضة




بعدها أنت مخير بالانعطاف يمينا أو يسارا




وكلها أماكن جيدة ومناسبة