خدمه من صقارين مكشات لضروره [الأرشيف]

مشاهدة النسخة كاملة : خدمه من صقارين مكشات لضروره

NAWAFQ8

01/12/2008, 06:11 PM

السلام عليكم ورحمة الله وبركاته
يجماعه انا شريت طير شمالي والطير وافي وحلو
وبالعربي انا عليمي :)
بس الطير فيه صيحه ويكوش على العلف
مع اني وديت الطير مستشفى الصقور بالكويت وفحصته فحص كامل ماطلع فيه الى قلاع
وفي ناس شافو الطير قالو الطير مملوع
والحين صارلي 6 ايام اعطيه علاج الملع وعلاج القلاع
وللحين فيه الصيحه والكوشه
ابي حل تروح الصيحه والكوشه
وشاكر لكم

ابو فهيد.

01/12/2008, 06:53 PM

الطير لاحقه جوع اشبعه ولا تعزله عيني عينك

أبوإبراهيم1

01/12/2008, 07:02 PM

تحياتي لك
وسوف ترى من يشفيك في ما أردة بهذا الصرح الشامخ من الاخوان .
فبعتقادي ان الطير نادرا ماتروح الصيحة منه ،اما التكويش فهل هو على العلف او اذا جيت الطير كوش عليك ؟
فإن كانت الاولى فارفع وزن الطير ومحتمل ( تخف ) منه ولا تمزر العلف منه ، واعزل الطير بطريقة المعهودة (طريقة دبلماسية) ههههه اما الصيحة فإن كان يكرك عند الطيران ففيه ملوع وان كان يصيح باستمرار اما تحمل الطير ولا وده السوق
الســـــــــــــــــــــــــلام
.
.
ابو ابراهيم

@قرناص@

01/12/2008, 07:26 PM

bo jara7

01/12/2008, 07:59 PM

السلام عليكم
بالنسبه للصيحه ممكن تخف اما انها تروح ماعتقد وبعض الطيور تجيك فيها صيحه ولف وانا اشوف انها عادي ماهي مزعجه اما اذا كان يصيح بطريقه مزعجه يا انه الطير متروع او انه راعيه الاولي يسحب العلف منه قصب
وبالنسبه للتكويشه فأمرها هين لي صار العلف عند الطير خله يعلف واقعد يمه جم مره ويتعود واذا جيت تعزل اعزل بطريقه ذكيه تخلي الطير فيها ما يشبص وياك وعاندك عالعلف

روووح

01/12/2008, 08:35 PM

اخووي الصيحه انسىا انها ترووح اما الكوشه انقل الطير وعشه على يدك وان شاء الله ترووح واذا دعيته بالشلوو اذا نشيته وخلصت حط النسر في يدك وارفعها خله يوقع عليها علشان يتعود ولا يهابها

Iجبرني_الوقتI

02/12/2008, 01:35 AM

,,

بخصوص الصيحه والكوشه

من رآيي/

ان الطير اخذ منه اللعف بدون عزل وبهاذا الطير بدء فيه صيآح وكوشه

الحلـ/

آكرم الطير وخله يعلف زيين ولاتعزل الا بطريه الصحيحه,, >>رآجع المواضيع المميزه

وبكذآ الطير يتحسن ان شاء الله

,,

مثل ما قال اخوي قرناس
يكوش على العلف يمكن تقدر تعالجه لكن الصيحه صعبه ولا لها علاج نهائيا

والله يوفقك ويشفي الطير

NAWAFQ8

02/12/2008, 10:10 PM

الله يجزاكم خير جميع وماقصرتو