شعيب الحسي

[عين العقل]

السلام عليكم
ذكر لي واحد من الربع شعيب الحسي او الحيسيه ولا في الخيال للكشتات بس بغيت وصف واضح للي ساكن في الرياض بالضبط في حي الصحافه حول نادي الشباب :d

[طبعي شمالي]

ان شاء الله يفيدونك الاخوان

[الغنادير]

السلام عليكم
ذكر لي واحد من الربع شعيب الحسي او الحيسيه ولا في الخيال للكشتات بس بغيت وصف واضح للي ساكن في الرياض بالضبط في حي الصحافه حول نادي الشباب :d
مع اني ما ادري وش تقصد هل هو شعيب الحسكي او تقصد التيسية
عموما طريقك هو الرياض بريدة الاسياح ابوالورود قبة من قبة اتجه شمالا وتلقى الي تبي مطينات وشعبان وكل خير

[RaMroOoMy]

السلام عليكم
ذكر لي واحد من الربع شعيب الحسي او الحيسيه ولا في الخيال للكشتات بس بغيت وصف واضح للي ساكن في الرياض بالضبط في حي الصحافه حول نادي الشباب :d

وعليكم السلام ، اخوي فيه عندك اكثر من طريق الاول وهوطلع من الصحافه على طريق القصيم في اتجاه الشمال الى مخرج ملهم طبعا اتوقع بعد التفتيش وتطلع معاه يمين بعدها بيجيك تقاطع تطلع معاه
يسار وهذا طريق الحسي او الحيسيه والله اعلم واكيد مو بعيد عن المفرق لاننا مخيمنا في روضة الخفس بعد مخرج الطوقي ب7 كيلو والسودانين يعبون الوايت من هيناك وطبعا الطريق الثاني هو
انك تجي مع طريق الثمامه وتعدي مخرج الطوقي وبعد تقريبا 10-20 كيلو بيجك التقاطع واتذكر هيناك في لوحة بتين لك الطريق ،
بس نصيحة وانت رايح سير على روضة الخفس فيه الفيضه الصغيره والكبيره وبينها العين وباينه الفيضة الصغيره من الخط
ويله رحله سعيدة :)

[عين العقل]

يعيطكم العافيه والله يسعد ايامك يارامرومي

[ابو الهيثم 1]

فيه شعيب الحسي.... وشعيب الحيسيه وهو المشهور ومتنزه اهل الرياض ومن اجمل الشعبان واكبرها ... حدد؟

[القاريء]

شعيب الحيسية


وصف المكان ----------- شعيب



طبيعة المكان -------------- وعر نسبيا



البعد عن الرياض ------------------ 50 كم



حجم المكان -------------- متوسط



وضوح الطريق ------------- واضح



أقرب مدينة أوقرية -------------- العيينة



وقت الزيارة -------------- طوال السنة



نوع السيارة ------------- يفضل جيب



منتزهات قريبة ------------ الخمرة صلبوخ



وصف الشعيب


هذا الشعيب كبير،
ولكن فيه بعض الوعورة،
وهو قريب من الخط العام،
وفيه أشجار طلح كثيرة
والمكان قريب من الرياض وجميل وقت الأمطار،
ولاتوجد فيه أخطار تذكر سوى الحذر من بطن الوادي
لأنه حصباء يسهل الغراز فيه.


وصف الطريق


خذ طريق صلبوخ شمالا عند تقاطعه مع الدائري الشمالي،
صفر العداد ثم استمرعلى طريق صلبوخ شمالا،
عندما يصبح العداد 24و2 يأتيك مخرج (الجبيلة) اتجه معه،
استمر على هذا الخط حتى يصبح العداد 29 تأتيك قرية الجبيل،
استمر على نفس الطريق،
فإذا أصبح العداد 35 ستأتيك بلدة العييينة،
استمر أيضا على نفس الطريق حتى يصبح العداد 50 تقريبا،
سترى شعيب الحيسية على يسارك
وسيكون طريق بوضة على اليسار اتركه،
واستمر على نفس الطريق
سترى الشعيب الأساسي على يسارك،
أدخل إليه من المدخل المناسب.


منقوووووووووووول

[ديم الصغير]

معقوله أحد ما يعرف شعيب الحتستسي

[عين العقل]

والله ياجماعة الخير بعطيكم وصف خويي لهالشعيب المشكلة اهو مومتاكد مرة يقولي الحسي ومرة يقولي الحيسيه على وصفه يقولي اتجه شمال مع طريق القصيم الى يجي مخرج 9 ثم خش يمين مع المخرج ثم اتجه يسار وجهك غرب امش على طول بيجيك الشعيب على يدك اليمين .
اللي عرفته من كلامه يقولي فيه قرى راح تجيك واسمها (البير والصفرات)
اعتقد وضحت لكم الصورة؟؟؟؟؟؟
فتكغون ابي طريق قريب ومختصر؟؟؟

[سوسة حطب]

أخوي كلام القاريء واضح وضوح الشمس

[عين العقل]

سوسة حطب مافهمتك ؟؟؟؟؟؟؟؟؟؟؟؟؟؟؟؟

[لمع السحاب]

يقصد خويك شعيب الحسي اللي عن الرياض 90 كيلو
عموما شعيب عادي ما فيه ربيع واضح بس فيه جلسات اذا مشى الشعيب والا اروع منها و فيه مشجار خفيف
تحياتي

[RaMroOoMy]

أخوي عين العقل الخ سوسة حطب يقصد الخ القاريء ،،
والطريق المختصر بس بشرط انك ما يكون على نهاية الاسبوع وهو امتداد طريق الثمامه بس من رائي اطلع مع كلام خويك على امتداد القصيم والمخرج هو الي انا اقصده بعد التفتيش وعموما المسافه كلها ما تجي ١٠٠ كيلو وانت وش وراك اطلع وتمش وصح اذا جيت من طريق الثمامه لاتنسا تسير علينا وتشوف الروضه لا تفوتك بلا روضة نوره وشعيب الحسي عليك بروضة الخفس :) ترها كانت روضة الملك عبدالعزيز والملك فيصل وانا لي ١٥سنة وانا ما اروح الا هيناك وترها على الطريق والله يحيك والاعضاء اذا احد فيكم جا لروضة الخفس سير علينا في المخيم وابشرو بحليب النياق والمخيم بعد الروضة على اليسار وبالتوفيق

[ساري نجد]

سلااااااااااااام

الحسي انا طلعت له قبل اسبوع

حلو للعائلة نظيف ومافيه زحمة ناس

تمسك الطريع السريع ( سدير - القصيم )

بعد 90 كيلو يجيك مفرق الحسي ( بالمارية يجيك قبله مفرق دقله )

اطلع مع مفرق الحسي وخذ يسار

المناطق على يمينك فيها غدران ماء وزينة للجلسة

وبعدها على اليسار مناطق رمل خفيف رايقة برضه

وجنبك الحسي لو احتجت شي من البقالة :)


وسلاااااااااااااااااام

[ساري نجد]

على فكرة

مر على هالرابط فيه خريطة توضح لك شعيب الحسي وايضا الحيسية

http://www.mekshat.com/vb/showthread.php?t=169378

وسلاااااااااااااااااااااااااام

[عين العقل]

يعطيكم العافيه وماقصرتم وادعو لي بالحلم تدرون ليش (غثا العوايل ) هههههههه