سؤال لأصحاب الفتك؟

[SE.3500]

السلام عليكم يا جماعة الخير

سؤال لأصحاب الفتك

معي فتك 2009 توي شاريه ومع الدعسة يطلع صوت صرصرة خفييف هل هو طبيعي ولا لا ؟

ردو الله لا بهينكم فأنا ضايق صدري

[باترول للأبد]

وعليكم السلام ورحمة الله وبركاته

أخوي Se.3500 على البركه الموتر الجديد والله يعطيك من خيره ويكفيك من شره

وبالنسبه للصورت اللي تسمعه أن كان من برى فهذا طبيعي وتعود عليه

وانا من زمان من يمر علي فتك من الجدد ويدعس أسمع صوته كذا

[SE.3500]

الله يبارك في أيامك أخوي باترول للأبد
وانتظر الصور في نيسان ارابيا
غريب هالصوت هلل تتوقع ماله حل لأنه يضيق الصدر صراحة..
فيه سؤال ثاني لو سمحت وهو:
أني وأنا ماشي على دعسه خفيفة إذا وصلت السرعة 40 يصير فيه رجه داخل السيارة وبعدين تروح وش المشكلة؟

[بواردي الدلم]

الموتر موب طبيعي ابد

رح به للصيانه وخلهم يشيكونه ان كانه على الضمان وانتبه تروح به لورشه عاديه بعدين يروح عليك الضمان

خاصة الرجه هذي شف لها حل تكفى والله يعطيك خير الموتر ويكفيك شره إن شاء الله

[طبعي شمالي]

اذهب الى الوكاله

وقول لهم على الضمان وصلحوه لي وا طلع

[BBB]

أني وأنا ماشي على دعسه خفيفة إذا وصلت السرعة 40 يصير فيه رجه داخل السيارة وبعدين تروح وش المشكلة؟

تاكد من الكفرات يالغالي
يمكن يبيلهن ترصيص

[باترول للأبد]

أخوي Se.3500 بالنسبه للرجه ترى كفرات الوكاله أحسهم دمار وتحس فيهم بأنك تمشي على الأرض ومو شي ولذالك جرب غيرهم وبتحس بالفرق