زيارتي لفرع شركة برتا الرئيسي في مدينة ميلان الايطالية

[عليان الليل]

حياكم الله جميعا ..
كنت في زيارة خاصة لمدينة ميلان الايطالية
واثناء تجولي فيها تذكرت ان لشركة برتا الايطالية
فرع رئيسي في مدينة ميلان ... بدون مقدمات بحثت على موقعهم على الانترنت
ولقيت اسم الشارع والحي .. وافل الخريطة واحدده بالضبط لانها حقيقة فرصة
ما تتعوض .. ومن الصبح وانا مسنتر عندهم ..
http://www.mekshat.com/pix/upload02/images88/mk408_alianonbreeta1.jpg
دخلت عندهم وانا مب مصدق .. المهم دخلت وتقابلني عجوز
وتشوفني اتلفت قلت لي وش تبي .. قلت ابي الهنا .. وين البنادق يامودمزيل
قلت تحت يابعد حيي قلت لها تشكرات ,,
نزلت تحت .. وياربي الجنة .. بس مفتح عيوني ما ودي ارمش
بنادق مصطرة شغل عدل والله ..
قلت له صبحك الله بالخير ياحبي .. قالي مثله واخير
قلت شلون البنادق عندكم وكيف السوق ...:) قال تمامات
المهم دخلت في سوالف انا وياه وعلمته اننا نشري الاكستريما بالمبلغ الفلاني
مسك راسه قال الله يعينكم ..
بعد ما اخذت وعطيت معه بالكلام سولفنا باشياء كثيرة وعن مواسم الصيد
وقعدت افرجه على صور بندقي بالجوال وعلى صورة صدينا للضبان .. المهم
قربت لاذنه وقلت له باقولك شي بس تجاوبني بصراحة ...قال اذا بتسألني عن المافيا مادري عنهم قسم بالله
قلت وش مافياه ,, قال وشو اجل .. قلت وش قصة الحذفه اللي في تحفتكم الاكستريما ..
ما دريت الا تغيرت ملامح وجهه :mad: .. وقال ياخي وش سالفتكم مع الحذفة ..
ازعجتونا بالايملات اللي ترسل منكم ..ياخي شككتونا ببنادقنا .. ثم قالي تدري اننا سوينا اكثر من اختبار
بسببكم .. تدري اننا سحبنا عينات من الخليج علشان نتأكد .. وطلعت كل العينات سليمة ..
قلت له انا معك وبندقي ما فيه حذفه وزي الحلاوة , بس الناس ليش تقول كذا .. قال انه يكون عيب مصنعي
شلها من راسك .. لان البندق اخذت اكثر من جائزة ..قلت له والحل قال يمكن الفشق له دور, او سوء التخزين
لان شغل التلفيز ورا البيبان وبالدولايب ما ينفع:no2: . (تلفيز= وضع الشي بغير مكانه الصحيح).
بعد ما هدينا من النقاش قلت له ممكن صورة ... قال انا اسف ..انقهرت حقيقة :mad: كنت مأمل بكم صورة
قلت له تكفى .. قال لا تقولي تكفى الله يرحم والديك ..اسمح لي ما اقدر .. قلت ولا يصير خاطرك الا طيب
طيب ممكن كتلوجات , قالي ولا يهمك كتلوجات على عيني وراسي ..اخذتها منه
وتشكرته على سعة صدره وقلت له سيرنا علينا اذا جيت للسعودية قال ابشر ..ثم قلت له قرسيا .
وانا طالع من المحل قلت مالي الا اصور قدام المحل يمكن تنفع ..
http://www.mekshat.com/pix/upload02/images88/mk408_alianonbreeta.jpg
حبيت انقل لاحبائي في مكشات هذه التجربة .. ودمتم بود

[بـران]

ما شاء الله .

مشكور أخوي عليان على هذا النقل المميز .

هذا أنت يا عليان ؟

[alasd1man]

ماشاء الله عليك ياعليان

حمد لله على السلامه

[جمعان 22]

رحلة منتااااااااازة يولد

ليه ما قلتله يفتح له فرع قريب عندنا
هههههه

مستحيل .... تجار الاسلحة بتروح بضاعتهم مللللللللح

[دهران]

الأخ الغالي / عليان الليل


http://www.mekshat.com/pix/upload02/images84/mk17809_allahyatekalafiah.gif


والله إنك قطعت تسبدي من الضحك حسبي الله على شيطانك , ذكرتني مبطي يومٍ كنت بأمريكا وبالتحديد في هيوستن كل يوم رايحٍ لمحلات هالأسلحة وأستعرضها وكل ما جا راعي المحل يمي أقول له تصدق أم خمس هذي عندنا بحول الخمسة الآف يشد راسه أول مرة وثاني مرة وعاشر مرة ويوم عاد زودتها عقب حول شهر كرشني وقال تراك دبلت تسبدي بتشتري ولا فارق :no: ما عندهم مجاملات .


تقرير رائع كروعة صاحبه (( وما شاء الله صورتك تقول من هالإيطاليين :j ))

وتقبل أعذب وأرق تحية .

[شمس المغيب]

وتقابلني عجوز
وتشوفني اتلفت قلت لي وش تبي .. قلت ابي الهنا .. وين البنادق يامودمزيل
قلت تحت يابعد حيي قلت لها تشكرات ,,


كلها كوم والعجوز لحالها كوم هههههههههههههههه
تسلم اخوي ولو توافينى بالتقرير الداخلى للمعرض ازين

[omar salman]

الله يبارك فيك
ومن جهتي ما ودك تضيف هواية روائي مع هواية الصيد
وتألف كتب مثل جاك لندن ومارقريت ميتشل أو أجاثا كريستي :)
وبصراحة خليتنا نغير جو , كل يوم ماعندنا الا اسطوانة تشتغل 24 ساعة
وش أفضل ساكتون , وش الخرازة الزينة ,
أنا أبي لي دربيل !!! وش المشكلة يا خي رح اشتر ;)
ولا سوالف بيكال وما بيكال الي تجيب الملل من جد
وتصيب الواحد بتشنجات وانقباضات :mad:
شكراً لك من الأعماق .

[بارود برنو]

http://www.mekshat.com/pix/upload02/images88/mk408_alianonbreeta.jpg


http://www.taz0.com/uploads/images/taz-30cb82a05d.gif




لكن صراحه ماخليت فينا عرق .......................ياعليان الليل


حوار ابداعي......................................... بمعنى الكلمه


وسالفه الضبان هذي لحالها ...................................يبيلها يوم كامل ضحك :D




تحيتي لك

[عععبيد]

تكفيك الصورة من خارج المحل بس
يعطيك العافية

[قناص خليص]

مشكور وماقصرت تقرير رائع من شخص أروع تقبل تحياتي أبو تركي

[أبوالعز2]

عليان بأيطاليا
ابيض وجه وماقصرت

[crash.mad]

الله يعطيك العافية

[عليان الليل]

ما شاء الله .

مشكور أخوي عليان على هذا النقل المميز .

هذا أنت يا عليان ؟
حياك اخوي ..
ايه عليان بشحمه ولحمه :D

[عليان الليل]

رحلة منتااااااااازة يولد





ليه ما قلتله يفتح له فرع قريب عندنا

هههههه


مستحيل .... تجار الاسلحة بتروح بضاعتهم مللللللللح





يا هلا يا هلا ... انت اللي منتاز والله

قلت له والله ليش ما تفتحون عندنا ... قالي ودنا بس ممنوع عندكم

[سعودأبوفهد]

امشاء الله عليك ياعليان
أسمحلي أقول لك أنك من أحسن كتاب هذا المنتدى وقد قلت لك سابقا
أني حريص جدا على قرائة ماتكتب فرجاء لاتبخل علينا

[النداوي HZ2AF]

حياك الله يا عليان
مشكور على التقرير الجميل
يا ليت زينته بكم صورة من صور الإطاليات المزايين
ولو أسكان من الكتلوجات
تقبل مرور أخوك النداوي

[عليان الليل]

الأخ الغالي / عليان الليل



http://www.mekshat.com/pix/upload02/images84/mk17809_allahyatekalafiah.gif



والله إنك قطعت تسبدي من الضحك حسبي الله على شيطانك , ذكرتني مبطي يومٍ كنت بأمريكا وبالتحديد في هيوستن كل يوم رايحٍ لمحلات هالأسلحة وأستعرضها وكل ما جا راعي المحل يمي أقول له تصدق أم خمس هذي عندنا بحول الخمسة الآف يشد راسه أول مرة وثاني مرة وعاشر مرة ويوم عاد زودتها عقب حول شهر كرشني وقال تراك دبلت تسبدي بتشتري ولا فارق :no: ما عندهم مجاملات .



تقرير رائع كروعة صاحبه (( وما شاء الله صورتك تقول من هالإيطاليين :j ))


وتقبل أعذب وأرق تحية .


-----------------------
هلا هلا ... والله الطليان قشران شوي
ولا تكبر راسي عاد ...وتذكر اني برمائي;)

[عليان الليل]

كلها كوم والعجوز لحالها كوم هههههههههههههههه
تسلم اخوي ولو توافينى بالتقرير الداخلى للمعرض ازين
---
هلا هلا ..
وش اقول وش اخلي .. اقول عن الفشق
والا عن البنادق والا العدد اللي اشكال والوان
ما اقول الا :eek:

[ابوفهيدان]

فرضا شافك ابوك وش تسوي ؟

[عليان الليل]

الله يبارك فيك

ومن جهتي ما ودك تضيف هواية روائي مع هواية الصيد
وتألف كتب مثل جاك لندن ومارقريت ميتشل أو أجاثا كريستي :)
وبصراحة خليتنا نغير جو , كل يوم ماعندنا الا اسطوانة تشتغل 24 ساعة
وش أفضل ساكتون , وش الخرازة الزينة ,
أنا أبي لي دربيل !!! وش المشكلة يا خي رح اشتر ;)
ولا سوالف بيكال وما بيكال الي تجيب الملل من جد
وتصيب الواحد بتشنجات وانقباضات :mad:

شكراً لك من الأعماق .

----

كلك ذوق حبيب البي :o .. ايه ذكرتنا باجاثا كرستي
ورواياتها ... (جريمة بلا شهود) والا (رصاصة في الرأس)..
تشكرات كثيرات ..

[المسافر2006]

مشكور اخونا العزيز اتحفتنا بمواضيعك الجميله

[عليان الليل]

http://www.mekshat.com/pix/upload02/images88/mk408_alianonbreeta.jpg



http://www.taz0.com/uploads/images/taz-30cb82a05d.gif




لكن صراحه ماخليت فينا عرق .......................ياعليان الليل


حوار ابداعي......................................... بمعنى الكلمه


وسالفه الضبان هذي لحالها ...................................يبيلها يوم كامل ضحك :D





تحيتي لك


حياك الله يا مشرفنا العزيز ..
ويشرفني مرورك حقيقة ...

[عليان الليل]

امشاء الله عليك ياعليان

أسمحلي أقول لك أنك من أحسن كتاب هذا المنتدى وقد قلت لك سابقا

أني حريص جدا على قرائة ماتكتب فرجاء لاتبخل علينا


حياك الله يابوفهد.. وكلامك شهادة اعتز فيها حقيقة
ودافع لتقديم المزيد والمزيد ..

[عليان الليل]

حياك الله يا عليان
مشكور على التقرير الجميل
يا ليت زينته بكم صورة من صور الإطاليات المزايين
ولو أسكان من الكتلوجات
تقبل مرور أخوك النداوي


يا هلا والله يالنداوي ..
ما طلبت شي يا حبي
وهذي كم صورة للكتلوجات ..
http://www.mekshat.com/pix/upload02/images88/mk408_alibreta1.jpg


http://www.mekshat.com/pix/upload02/images88/mk408_alibreta2.jpg


http://www.mekshat.com/pix/upload02/images88/mk408_alibreta3.jpg

[عشه83]

يعطيك الف عافيه اخوي عليان و بيض الله وجهك ,,,,تقرير ممتع فوق العاده بروعه كاتبه ,,ياليتك صورت امهات روحين ,,,,, مشكوررررر وننتظر مواضيعك الجديده

[aaaa73]

مشكور علي الالبوم الرا ئع

[عليان الليل]

فرضا شافك ابوك وش تسوي ؟

حياك الله يابو فهيدان ...
وش دعوة ياخوي .. مسوي جريمة انا:confused:

[gsb]

http://www.mekshat.com/pix/upload02/images88/mk408_alianonbreeta.jpg

وش بالقرطاس الي معك .؟!

لاتكون مسوي دعاية مجانية لشركة

ولونك جايب لك ضب حي معك علشان توريهم عينة من الي ينصاد بنادقهم على شان التطوير مستقبلاً .

[جبال الهملايا]

زيارة على مستوى عال

مشكور ياعليان على هذه المواضيع الرائعه والمشاركات المميزه

بس لو كلمت الخواجه قلت فيه واحد بمنتدى مكشات ماهنا حليله وده ((يصير وكيل لكم في السعودية )) نشوف وش شروطهم ...

وشكراً لك مرة ثانية وتقبل تحياتي .

[عليان الليل]

http://www.mekshat.com/pix/upload02/images88/mk408_alianonbreeta.jpg

وش بالقرطاس الي معك .؟!

لاتكون مسوي دعاية مجانية لشركة

ولونك جايب لك ضب حي معك علشان توريهم عينة من الي ينصاد بنادقهم على شان التطوير مستقبلاً .

حياك والله ... البرتا وانا اخوك ما يحتاج دعاية ..
والكيس فيها الالبومات صعب امشي بصور بنادق
بالشارع ;)
وعلى طاري الضب .. اوريه الصور ابلشني يقول وش ذا
وين يطلع ووش قصته .. ما ادري وشلون اشرح له .. يوم
قلت له ديزرت انمل (حيوان صحراوي) هز راسه وما ادري فهم والا لا

[عاشق الفتك 20]

http://www.mekshat.com/pix/upload03/images114/mk1258_rraahhl11.gif

[عاشق الفتك 20]

مشكوررررررر والله يبيض وجهك وما قصرت

[فوانيس جميلة]

مشكووور اخوي على التقرير المميز

[ولاعة]

بيض الله وجهك ماقصرت

[صمدالهماشي]

عاشت ايدك اخوي عليان على التقرير الرائع اتصدك اني بلعراق اشتريت الاكستريما2 ب3000$ او بشركة ب1900$دولار شوفوا الضلم:

[فارس556]

مشكور يالغالي .. على الموضوع المميز


على هالسالفه اللي تووسع الصدرر هههههههه

[شاهين12]

http://www.mekshat.com/pix/upload02/images88/mk408_alianonbreeta.jpg








مشكور يمال العافيه ....حوار جميل:good2:..
والاجمل هالصوره....
تحياتي لشخصك الكريم:good:...

[عسام الوقت555]

يعطيك العافية

[shabah]

سعيدان وينه ماراح معاك هههههههههههههههههه

يعطيك العافيه على التقرير

لكن ليش ما صورتلنا وحده من الايطاليات وكيف حلوين قصدي الشوازال لا تروح بعيد

[راعي الطافحة]

مشاء الله تبارك الله
يعطيك الف الف الف عافيه

[m.shamsi]

عاشت ايدك اخوي عليان على التقرير الرائع اتصدك اني بلعراق اشتريت الاكستريما2 ب3000$ او بشركة ب1900$دولار شوفوا الضلم:


تعال عندنا في السعودية

ماتحصلها الا ب 6000$ وانت طالع