فيني حالة استغراب لشيئ معين

[نووواف]

اخواني انا كنت مجرد زائر واتصفح منتداكم الجميل ولكن بعد تصفح لي كثير اجد اشخاص ومن يعرفون بالصقور عز المعرفه واتم العلم
ولكن لماذا اجد الجميع متفق ان الباشق هو الشبوط؟
انا انسان لي معرفه تامه بالصقور وجميع اجدادي من زمن بعيد لهم نفس الهوايه الشبوط عباره عن صقر حر كالطيور الحره اللتي نراها ونعرفها ولكن الفرق ان مقاسه صغير جدا بحجم الباشق ولونه قريب من الباشق ولكن يختلف بشراسته ويختلف بدقة ريشته ومنقاره انا اذكر مره كنا بالحماد وكنا طارحين نقل باشق واول ماطار النقل سمعنا صوت من بعيد والا النقل نزل الارض وقلب على ظهروالا هو شبوط وهو قوي وجسر وياتي منه الوان البعض منه ابيض وهو حر لكن مثل ماذكرت حجمه كالباشق او اكبر بشوي ولا يميزه الا الصقاره القديمين الشياب وحتى بفراسته وشجاعته يختلف عن الباشق وهذي فقط تصحيح معلومه
واجد ناس بعد تسمي الاسبر باز فالبازهو طير شرس وسريع ولكن عيونه صفر وجناحاه اقصر مايتساون مع ذيله كالطير لحر وراسه صغير جدا
الاسبر طير اسرع من الشاهين وطير جسر وجشع ولا يعرف الخوف ويهد على اكبر فريسه لايهمه لو تهده على قطاه بدون تردد جاها ولو تهده على ارنب جاها وهذا بدون تدريب يعني يو تشوفه تقدر تقنصه لو بدجاجه وانا اتكلم عن خبره لا من فراغ وعن تجربه وطيرانه سريع وجناحاه متساويان كالشاهين والحر ولكن عيونه صفر وله دقه بصدره ناعمه كالشاهين البحري وانعم بعد ويجي منه مقاسات خياليه والوان اجمل
تقبلو مروري
اخوكم نواف:cool:

[alateb]

كلام سليم الشبوط هو ذكر الطير وحجمه اصغر واذا كان راهي قد لا تميزه عن الصقر العادي

[الرّمااااي]

شكرا لك ولكي نستفيد من خبراتك ياليت صور لما ذكرت وشكرا

[نووواف]

والله حاليا ماعندي صور ولا املك له صور ولي حوالي سنه ماقنصت لكن ان حصلت لي ابشرو عيوني لكم مع تحياتي لكم

[جارح العين]

بيض الله وجهك
ولو تقدر تجيبلنا صور حتى نستفيد اكثر

[ابرق آلريش]

جبنا صوره لنستفيد الله يجزاك خير

[خيال الصبحا]

السلام عليكم
الربع بالشمال يسمون
ذكر الحرار شبوط ، واما بنجد
يقولون للباشق شبوط والفرق بالتسميات
مثل ماقلت ، وشكرًا

[نووواف]

الحر غير اللي انت تتكلم عنه وهذا غير الشبوط حر فيه منه انثى وفيه منه ذكر لكن حجمه كالباشق ولونه قريب من الباشق وفيه منه شبه الباشق لكن لا يميزه الا اللي يعرفه رشيته ودقته تختلف شوي ومنقاره يختلف وهو صغير مره مايصير منه احجام كبيره ابد
وانا لو صار لي صور وريتها لكم وشفتو الفرق يمكن بعضكم صاده ويحسبه باشق وهو شبوط اللي انا اتكلم عنه لكن ماانتبه بالفارق اللي بينهم من حيث غمق اللون ودقت الريش والمنقار والخ ... وانشالله غير اجيب لكم عن قريب الصورهوفيه شي اسمه الجلمه وفيه شي اسمه ام طوق وفيه شي اسمه البكه وكلهم حجمهم بحجم الباشق والشبوط لكن تختلف الاشكال والصفات والالوان

[نووواف]

وفيه شي نسيته كانو اول اكثر مايستخدمونه لنشاطه ولجراته في طرد النقل وتنزيله من الحوم يعني لو تنقل اي طير حوله بالحجم اش ماكان ينزله وكانو يحافظون عليه طيل ايام المقناص والبعض يحتفظ به طول الوقت سنتان او اكثر هو طبعه نفس طبع الحر ماتغير بصوته وبحركاته يعني حر بس مسكين مو لاقي من يقوله انت اصلي كككككككككككككك

واللحين انجن من الناس يقولو عنه باشق لو منه احرم انزل بالسعوديه اروح لسوريا عند المناظر الحلوه

[s.a]

الحر غير اللي انت تتكلم عنه وهذا غير الشبوط حر فيه منه انثى وفيه منه ذكر لكن حجمه كالباشق ولونه قريب من الباشق وفيه منه شبه الباشق لكن لا يميزه الا اللي يعرفه رشيته ودقته تختلف شوي ومنقاره يختلف وهو صغير مره مايصير منه احجام كبيره ابد
وانا لو صار لي صور وريتها لكم وشفتو الفرق يمكن بعضكم صاده ويحسبه باشق وهو شبوط اللي انا اتكلم عنه لكن ماانتبه بالفارق اللي بينهم من حيث غمق اللون ودقت الريش والمنقار والخ ... وانشالله غير اجيب لكم عن قريب الصورهوفيه شي اسمه الجلمه وفيه شي اسمه ام طوق وفيه شي اسمه البكه وكلهم حجمهم بحجم الباشق والشبوط لكن تختلف الاشكال والصفات والالوان


ننتظر الصوور على احر من الجمرا يانوااف

لانها عندنا بالباحه بكثره وحنا نسميه الحميميق لانه يصيد الحمااام :D

لكن مانعتبره حر نعتبره طير عادي اكثر شي ممكن يصيده حمامه ههههه وسلامتك