الباثفندر خبط ياجماعة :(

[HaLaTeK]

السلام عليكم

مساكم الله بالخير جميعا


ياجماعه عندي باثفندر 2003 خبط على كلام اربع مهندسين طبعا مو خبط بمعنى خبط مويه وزيت لا

شنبر بالعربي يدخن ازرق وتصرف مكينته زيت وفيه صوت تكتكة بلوف :(


فياليت تعلموني هل اني اغير المكينه او اوضبه :(


والي يعرف ورشه زينه او حل او اي شي يفيدني


تحياتي

[ابوطاقية]

اذا السرندل سالم يعني مايبي خرط الشغله بسيطه ولاتكلف ان شاء الله
الشغله شنبر وسبيكه وتاخذ الموتر بنفس اليوم لاكن اذا الدعوه فيها خرط سرندل كذا بتكون مكلفه والافضل مكينه من التشليح
تخلي المهندس يفك المكينه ويكشف على السرندل اذا تبي توظيب كامل تقول وقف وتروح للتشليح وتشوفلك مكينه واذا لقيت اتفق معهم مع التركيب والضمان اسبوعين على الاقل وبعدين اشحن موترك على سطحه وبالتوفيق

[أبو فهد11]

أخوي إذا موترك ما يحتاج خرط السرندل وظبه لأن مكينة الباثفيندر مكلفه لأبعد الحدود في التشليح

تقريباً سعر المكينة في التشليح حدودد 11000 أو 12000 ريال سعودي

لكن رح لورشة رشيد في الصناعيه القديمة بالرياض وإن شاء الله بشوفه لك

وهذا هو رقمه

0504423159

[الباترول دمي]

انت تقول فيه صوت بلوف قبل ماتفك المكينة خل الميكانيكي يفك غطى البلوف ويشوف جلد البلوف يمكن وحدة طايحة وتصير الشغلة اسهل

[الإستراتيجي]

أخوي هذه البلوف طال عمرك ،،،



جرب تصلح البلوف وصبابات البلوف قبل ما تفك المكينة ..



بمعنى أن صبابات البلوف الخاصة به فيها خلل من زمن والوكالة تعلم بذلك .


جرب شيك على جلد البلوف عند مهندس يعتمد عليه ما نفع فك الراس وشف البلوف متأثره ولا الصبابات فيها شيء وشف البساتم هي سالمه من البلوف أم لا .


على فكرة إن كنت تستخدمها فترة وفيها الصوت فأظن أنك سرعت في عملية خرابها .


ولو كنت مصر تستخدمها جرب تمشي عليها بالهون بدون دعسات قوية وأنصحك فكها ي أقرب فرصة قبل ما تاكل عليك واجد .

[ابن صقيه]

الله يعينك ..

[HaLaTeK]

اذا السرندل سالم يعني مايبي خرط الشغله بسيطه ولاتكلف ان شاء الله
الشغله شنبر وسبيكه وتاخذ الموتر بنفس اليوم لاكن اذا الدعوه فيها خرط سرندل كذا بتكون مكلفه والافضل مكينه من التشليح
تخلي المهندس يفك المكينه ويكشف على السرندل اذا تبي توظيب كامل تقول وقف وتروح للتشليح وتشوفلك مكينه واذا لقيت اتفق معهم مع التركيب والضمان اسبوعين على الاقل وبعدين اشحن موترك على سطحه وبالتوفيق
كلامك سليم اخوي بس ماتوقع السلندر فيه شي لو فيه كان الحراره فوق والسياره الحمدالله مافيها حراره بس دخان وصوت بلوف

تسلم على مرورك وافادتك لي

[HaLaTeK]

أخوي إذا موترك ما يحتاج خرط السرندل وظبه لأن مكينة الباثفيندر مكلفه لأبعد الحدود في التشليح

تقريباً سعر المكينة في التشليح حدودد 11000 أو 12000 ريال سعودي

لكن رح لورشة رشيد في الصناعيه القديمة بالرياض وإن شاء الله بشوفه لك

وهذا هو رقمه

0504423159


رحت لرشيد الباكستاني وشافها قالي توظيب بس ما اخذت منه تفاصيل كامله هل يقصد الشنبر او خرط السلندر مادري بس ابمره واباخذ منه كل التفاصيل طبعا قال تكلفته 7 الاف بالكثير واتوقع انه سبعه بدون خرط السلندر ولا انا غلطان؟؟

[HaLaTeK]

أخوي هذه البلوف طال عمرك ،،،





جرب تصلح البلوف وصبابات البلوف قبل ما تفك المكينة ..




بمعنى أن صبابات البلوف الخاصة به فيها خلل من زمن والوكالة تعلم بذلك .



جرب شيك على جلد البلوف عند مهندس يعتمد عليه ما نفع فك الراس وشف البلوف متأثره ولا الصبابات فيها شيء وشف البساتم هي سالمه من البلوف أم لا .



على فكرة إن كنت تستخدمها فترة وفيها الصوت فأظن أنك سرعت في عملية خرابها .




ولو كنت مصر تستخدمها جرب تمشي عليها بالهون بدون دعسات قوية وأنصحك فكها ي أقرب فرصة قبل ما تاكل عليك واجد .



صح كلامك بس السياره فيها شنبر متأكد منها وفيها جلد بلوف بعد متاكد من هالحاجتين بس الي تقولون عنه الباقي مادري لا السياره واقفه فترة سنه ونص واستخدمتها على بخط ماشيكت على شي يعني انا الغلطان :(


تسلمون اخواني الي فادوني

[الإستراتيجي]

صح كلامك بس السياره فيها شنبر متأكد منها وفيها جلد بلوف بعد متاكد من هالحاجتين بس الي تقولون عنه الباقي مادري لا السياره واقفه فترة سنه ونص واستخدمتها على بخط ماشيكت على شي يعني انا الغلطان :(


تسلمون اخواني الي فادوني


طيب على كذا إن كانك ما همتك المكينة وتبي تغيرها (( يعني ما تبي توضب )) فشيك على الزيت وإمش يعني لو نقص الزيت غلقه بس .


الأمر الثاني :

يمكن يكون فيها مشكلة طرمبة زيت أو شخال الخاص بالزيت إن كانت من النوع الي يجي لها شخال أقصد مثل النوع القديم .



كان عندي موتر يبون يسووون له توضيب وما وضبته وجالس معي أكثر من سنة .


لكن طلعت المشكلة كمبيوتر (( ألماني :mad: ))

[Bader-M]

فياليت تعلموني هل اني اغير المكينه او اوضبه :(


اذا كنت بتي مكينة من التشليح

فيه تشليح حاير فيه تشليح اسمه هاني المطلق مقابل مكاتب العقار
اذهب هناك ان شاء الله تجد ماتريده ان شاء الله

تحياتي اليك

[HaLaTeK]

اذا كنت بتي مكينة من التشليح

فيه تشليح حاير فيه تشليح اسمه هاني المطلق مقابل مكاتب العقار
اذهب هناك ان شاء الله تجد ماتريده ان شاء الله

تحياتي اليك

الله يجزاك خير انشالله انا مانيب مستعجل ابمر التشاليح وابمر كمن محل وابشوف التسعيرات والي يناسبني بالشغل والكلام الثقه بس افضل شي اشوفه اني اوضبه عند رشيد الباكستاني لان كل الخبيرين بهالسياره امدحوه لي وقالولي لاتدور غيره على قولة واحد من الشباب (رشيد متغدي على باث ومتعشي على باث لاتدور غير):D

يعطيك العافيه اخوي