المساعد الشخصي الرقمي

مشاهدة النسخة كاملة : (((( سيارة البر المتكاملة )))) صور


مشغول
14/02/2004, 10:22 AM
السلام عليكم ورحمة الله وبركاته

حي الله الربع
ياحبكم للصور دايم تدورونها .. لكن ابشروا الشباب مو مقصرين معكم بحطون اللي يرضيكم .

شاهدنا في هذا الموقع الرائع كثير من المواضيع المميزة والمتفرقة .. ولكن في هذا الموضوع احب أن نرتب
المواضيع بطريقة اسهل بحيث تكون السيارة كاملة للخروج للبر .
طبعا جميع الاشياء اللي نحتاجها من الألف إلى الياء ... يعني لا تخلون شي :

طبعا في المقدمة

عزبة الطبخ
عزبة الشاهي والقهوة
جركل المويه وتوابعه
الفرشات
الحطب
الخيمة
الرواق ( الذرا)
منفاخ الهواء ( الرقعه التيوبلس - بلف - ... )
واير السحب ( الونش )

طبعا ما خلصت باقي اشياء كثيرة بس بخلي لكم مجال للمشاركة .. وسنواصل معكم .


وهلا بكم
شاهد عيان
14/02/2004, 11:10 AM
- القارمن ...
- الكنود ...
مشغول
14/02/2004, 11:20 AM
يا سلام عليييييك يا شاهد عيان

الله يذكر بالشهادة

أضيف أيضا الدعامة بكامل معداتها ( الفاس - المسحات - معلاق الذبيحة )
كشات
14/02/2004, 11:50 AM
بسم الله الرحمن الرحيم
السلام عليكم ورحمة الله وبركاته

هلا والله بالمشغول

يا زين ماطرحت من موضوع

اذا تبي نكمل الناقص من العده
اجل سجل
وعلى شرط

اقترح عليك انك باخر الموضوع تحط كل شي اضيف للموضوع برد واحد حتى يستفيد منه الجميع مشاركين وزوار
يعني ما عليه الا الله لا يهينه انه يطبع ويحط الوريقه بمخباته ومتى مانوى يكشت طلع الورقه وبدى يحمل الاغراض
وبكذا يضمن انه مانسي شي ان شاء الله

السياره
-سيور احتياط
-لي , هوز بنزين
-عدة مكانيكى
-الكفر الاحتياط(تشييك)
-العفريته ومفتاح العجل(تشييك)


الخيمه-الخيمه والرواقات
-الاطناب
-عمدان الخيمه
-المسحاة ,شيول ,صخّين
-شراع للوقايه من الشمس والمطر(للمكاشيت الطرقيّه)

الضو
-الملقاط
-مركى الضو
-الفحم الابيض او كاز
-فاس ,فاروع , قدّوم
-كبريت ,ولاعه ,قداحه ,زند

الفرش
-فراش النوم
-فرشات الارضيه والجلسه
-بطانيات احتياط للي يمكن انه ناسي فراشه:confused:
-مخده , وساده

الماء
-جحله , جركل,تانكي
-لي ,هوز
-بريق الوضؤ
-صابون
-ليف غسيل المعاميل

الكهرب
-نور (على هواك)فلورسنت ,غازي , ترانس
-بطاريه احتياط
-كشاف يد
-عامود لتعليق النور عليه

عدة الطبخ
والشاهي والقهوه
اترك المجال للشباب يبدعون فيها بالتفصيل

واشكر الاخ مشغول على هالموضوع الجميل
مشغول
14/02/2004, 12:04 PM
هلا أخوي كشات

الله يعطيك العافية ما توقعت هذه الاضافات والله إني ناسيها

وبنسبة لاقتراحك ابشر واقتراح طيب .. طيب الله فالك

وعندي اضافة

الاسعافات الاولية

وهلا بك
بركان
14/02/2004, 12:08 PM
خلاص يا اخوان تكفون وقفوا
الموتر ما عاد يقوى على المشي
لم يبق الا مكان السائق فقط لا غير.

تراني امزح معكم خذوا راحتكم بس لا تأخذون الا الضروري وما قل وزنه وحجمه وعضمت فائدته.


باقي الفري وحافظة الثلج ودبة الغاز والغاز والمشاوي والفحم والاهم الهرفي اللباني حق المشوي
وعدة الذبح. والقائمة تطول.


ارجو من الاخ/ مشغول كاتب المقال
ان يقوم مشكورا باختصار العدد لكي يتوفر حيز اكثر وتقل حمولة السياره وبالتالي يقل صرف الوقود.

ونسميها (العدة المثاليه)

هاه وش رأيك.
مشغول
14/02/2004, 12:22 PM
هلا وغلا بك يا بركان

المقصود من السيارة المتكاملة ان تكون كاملة وليس شرطا أن نأخذ كل الأغراض لكل كشته لكن على حسب احتياجك وكشتتك تأخذ أغراضك .

ويوجد في هذا المنتدى الرائع مواضيع مرتبه وكامله تقريبا مثل ( طلبات الرحلة الكاملة ) لكن هذه للعزبة واغراضها .. وموضوعي عن السيارة الكاملة للرحلات .

لكن ممكن نختصر الموضوع في نهايته إلى جمع المختصرات مثلا يكون

(عزبة الطبخ - عزبة الشاهي - الخيمة ..... ) الخ .. بدون تفصيل

وهكذا يكون عندنا ( سيارة البر المتكاملة ) .

وشكرا على اضافتك بعض النواقص
وهلا بك ..

وأضيف ... ( اسلحة الصيد وتوابعه ) .
مشغول
14/02/2004, 01:15 PM
هذه المعلومات أخذتها من موضوع ( كيف تجهز الشاص حتى يكون جاهز للبر)

اضاف الأخ الخبير هذه المعلومات وهي نافعة لجميع السيارات :
((( الكبوت:
1- ركب لمبة داخل الكبوت ( قوية ).
2- كمبرسر لنفخ الهواء للكفرات. وهذا الموضوع تكلمنا فيه كثير.
3- غير البطارية و ركب 95 امبير إذا كنت تبي تركب مقوي للاسلكي.

السيارة عموماً:
1- الكفرات: الصراحة انا ما ارتاح على كفراتها الشد بلد، السبب أنه مرتفعه و إذا حملت عليها تلقى السيارة تنطل يمين و يسار، وأيضا تصلح للرمل ولا تصلح للحصى.
2- حط لك رمانه في الخلف عشان لو تبي تسحب لك قلص مثلاً.
3- الصدام ركب له دعامة تلقاها عند المواهب ولا المميز ولا غيرهم يجي معها مسحاة و مطرقة صغيرة و معلاق ذبائح و منشار .
4- ركب ونش ( وهذا الموضوع ابي افرد له موضوع خاص فيه ).
5- الأنوار الأمامية غيرها، وركب نوع هيلا سعرها تقريباً ب 180 )))

وهلا بكم
عاشق الصفاري
14/02/2004, 03:16 PM
جزاكم الله الف خير على المعلومات القيمة.......
قناص*07
04/12/2010, 03:07 AM
وذكر فأن الذكرى تنفع المسلمين


للفأئده
الموضوع قديييييييييييم بس يمكن في احد يبي يستفيد منه
احمد الشمال
04/12/2010, 10:40 AM
وذكر فأن الذكرى تنفع المسلمين


للفأئده
الموضوع قديييييييييييم بس يمكن في احد يبي يستفيد منه




الله يجزاك خير والله اني استفدت من الموضوع

اشكر صاحب الموضوع واشكرك على تحديثك للموضوع
عبدالله27
05/12/2010, 12:24 AM
قبل تجهز السياره والعزبه ولاغراض ( جهز معك الشباب الي تحطهم على يمناك عند الظروف ولمن غدت اليالي سود)
You Like Me
05/12/2010, 12:59 AM
قبل تجهز السياره والعزبه ولاغراض ( جهز معك الشباب الي تحطهم على يمناك عند الظروف ولمن غدت اليالي سود)


:good2:
صدقت يالسمي
المماتوس
05/12/2010, 01:19 AM
قبل تجهز السياره والعزبه ولاغراض ( جهز معك الشباب الي تحطهم على يمناك عند الظروف ولمن غدت اليالي سود)


الله يرحم أيامهم
الباحث_6610
05/12/2010, 01:22 AM
لاتنسون السيارة اللي فيها شد الظهر
ابي أقول ولا أزيد على الربع
عدة رقع الكفرات التيبلس+ لستك أحتياطي
الملقاط
المركابة
ونخلي الباقي للمكشاتييين
أبوغيث 2003
05/12/2010, 03:57 PM
سلك اشتراك
شهراني وأفتخر
05/12/2010, 04:15 PM
ماخليتو شي لباقي الأعضاء اللي شافو الموضوع والله لايهينكم على كل شيء قلتوة
المهاجر انا
05/12/2010, 04:24 PM
باقي لازم تكون الرحله فيها اكثر من سيارة وتنكي بنزيم احتياطي ولاتنسون تعزموني معكم >تري امزح<
اشهب .
05/12/2010, 04:36 PM
ماقصرتو شباب