امبير الزيت لليوكن مايشتغل

[برونز]

السالفة ان امبير الزيت لليوكن 2003 بداْ يلعب كم يوم وبعدين علق ماعاد يشتغل ( طرمبة الزيت سليمه والحساس مظبوط 100x100)

وين الورشه المظبوطة الي تصلحه في الرياض وكم السعر
ارجو من الأخوه الي مرت عليهم مثل هذه المشكله ان يشاركو بما لديهم من خبرات وتجارب

وجزاكم الله خيرا

[عاشق z71]

في اذكر واحد صارتله نفس مشكلتك

وعرظو عليه بالمنتدى انه يصلح اعادة ظبط كمبويتر السياره

واذكر الاخ ماجلان افاد احد فيها وظبطت معه عموما انت جربها يمكن تصيب

وهذا نقلا عن طيب الذكر العظ ماجلان :

وطبقت طريقة ضبط المصنع هذي وضبطت الأمور معاي
وهي كالتالي
1-فصل إصبع البطارية السالب فقط .
2- يتم وضع السويتش على وضع On (بدون تشغيل) لمدة 10 ثواني ثم Off لمدة 10 ثواني
3- يتم تشغيل السيارة لمدة 5 دقائق ومن ثم إطفاؤها.
4- يتم تشغيلها مرة أخرى والتحرك فيها لمدة 10 دقايق بدون إشعال المكيف ، ثم بعد ذلك تقوم بإشعال المكيف، وبعدها إن شاء الله نقول رجعت السيارة لضبط المصنع.


بلغنا وش يصير معك

شاكر لك

[Magellan]

بارك الله فيك أخوي عاشق z71
أنا مره قد علّق معي إمبير الحرارة وكان على c مع إنه معروف على النص سويت حركة إعادة البرمجة وضبطت
طبعا فيه إضافة بالخطوة رقم واحد كالتالي:
1-فصل إصبع البطارية السالب فقط لمدة نصف ساعه ثم إعادة تركيبه في البطارية
والباقي يكمله
طبعاٌ لو رفض يتعدل فيه كلام ثاني ويكون الإنبير داخل الطبلون متعطل
وأنا راح أسأل واحد عن ورشة فيه فني سعودي يمدحه بالصناعيه القديمة بالرياض إن كان يعرف الإنبيرات
وإلا البيان الجديد والجابري يصلحونه بس أسعارهم نار

[برونز]

شكرا لكل من رد على الموضوع
وننتظر المزيد

[مضارب100]

سلام أخوي انا صارت معي في عداد السرعة تاهو 2004وصلحت عند ورشة القحطاني فيه سودني اسمه مالك في صناعية بن علي في ام الحمام الورشة خلف محلات قطع الغيار كلف 400وتقبل تحياتي

[Dead]

أخي الكريم الخلل يكون دائما في موتور العداد وهذا العيب موجود من موديل 2003 إلى 2006 وتم حل المشكلة في 2008 وأسعارهم بحدود 40 ريال للموتور الواحد لكن وين يتوفر في المملكة ؟... لا أعلم ... دور عليهم عند محلات قطع الغيار الكبيره أو الوكيل واذا ما لقيته تقدر تطلب من الإنترنت من بعض المواقع و التركيب سهل جدا ولكن يحتاج إلى كهربائي فاهم بالتلحيم .

رقم القطعة السابق كثير التعطل : # X C5 168

رقم القطعة الجديد ويأتي بكفالة مدى الحياة : # X 25 168

وهذي صورة الموتور .


http://i18.ebayimg.com/06/i/000/88/76/fd28_1.JPG

[الوانيت1]

أدخل :

http://www.mekshat.com/vb/showthread.php?t=153129