المساعد الشخصي الرقمي

مشاهدة النسخة كاملة : ما هي الاجراءات الاحتياطيه عند تغيير000 البطاريه 000


ابو مريم
15/10/2008, 02:39 PM
السلام عليكم ورحمة الله وبركاته

والله يسعد ايامكم واوقاتكم بكل خير ونور وسرور

نبي نسئل اهل التجارب السابقه لسيارات اللاند كروزر خصوصا والسيارات عموما

هل في اجراء خاص عن القيام بتغيير بطارية السياره

ارجوا من الاخوان اللي يردون ذكر نوع السياره عند الرد

وذكر تفاصيل الاجراءات لتلافي اي خلل قد يحصل لا سمح الله

وحفظكم الله من كل مكروه وسوء
بدر الزمان
15/10/2008, 02:54 PM
حياك الله أخي أبو مريم ...

سأذكر موقف مر على قبل فترة عند تغيير بطارية السيارة وهو عندما ذهبت لمحل البطاريات لأشتري بطارية جديده فطلب مني العامل في المحل عدم اطفاء السيارة اثناء عمليه التغيير فأستفسرت منه عن سبب ذلك فقال لكي لاتتغير برمجة السيارة من وقت الساعة وأي إعدادات قمت بضبطها مسبقاً . وفعلاً تم تغيير البطارية الجديدة والسيارة شغاله بالبطارية القديمه ولم يتغير شيء من الاعدادات القديمة . والله اعلم
ابراهيم
15/10/2008, 05:24 PM
مهم تنظيف الاصابع من الاملاح و نظف كرسي البطاريه وتسمي بالله وتشبكها

وسلامتك
باوزير
16/10/2008, 12:16 AM
اهم شئ انك تحاسب البطارية ما تطيح على رجلك و سلامتك
ابو مريم
16/10/2008, 01:59 AM
بدر الزمان & ابراهيم & با وزير

شاكر لمروركم

وما نستغني عن اراء الاخوان والطريقة اللي قلت عليه يا بدر احس انه مهمه عافاك الله بس مادري وش نوع سيارتك
قناص خلاوي
16/10/2008, 03:06 AM
وعليكم السلام ورحمة الله وبركاته
على كلام اهل البطاريات الأفضل بعد ما تشتري البطارية جديدة وتعبيها ماء ما تركبها على طول تخليها كم ساعة وان حصل يوم تراه احسن
يقولون إنه افضل لها واطول لعمر البطارية والله أعلم
سوبر VTC
16/10/2008, 05:12 AM
و عليكم السلام و رحمة الله
اعتقد اهم نقطة اذا اردت فك البطارية اطفاء السويتش لكي لا يكون هناك ربما تاثير على الكمبيوتر
طبعا يفضل و يستحسن شحن البطارية الجديدة بنفس المحل لمدة 3 او 5 ساعات
قصة وقعت
احد الربع موتره جيب تدق دقمة السلف لكن السلف ما يدور
و صارت المشكلة من اصبع البطارية الكهرب عليه طبقة كربون و مسوي عزل كامل
بعد تنظيفه بفرشة ناعمة يفضل انك تصب على الاصبع فلاش ثم وضع الشحم

تحياتي
حامى الخبرا
16/10/2008, 06:14 AM
وعليكم السلام ورحمت الله وبركاته : اللى أعرفه بخصوص السيارا ت الأمريكيه وخصوصن الفورد لازم بعد تركيب البطاريه تفتح السوتش بدون تشغيل لمده ربع ساعه الى نصف ساعه ليتمكن الكمبيوتر اللى بسياره من أعادت البرمجه للقير وأمور أخرى.....هذا على حد علمى والله أعلم
ابو مريم
16/10/2008, 02:08 PM
==== قناص خلاوي ====
عافاك الله على هالمعلومات فعلا لازم تخلي البطاريه وقت حتى يطلع الهواء بالكامل منها

0000000000000000000000000000000

==== سوبر vtc ====
اذا طفى الموتر اخاف تتغير البرمجه في السياره
اتوقع تركيب البطاريه والموتر شغال هو احسن حل

0000000000000000000000000000000

==== حامي الخبرا ====
مشكور على هالمعلومات المهمه ويعطيك العافيه

شكرا للاخوان اللي شاركوا كلهم وما نستغني عن اراء باقي الاخوان
ابراهيم
18/10/2008, 01:31 AM
الظاهر اغلب المواتر الجديده اذا فصلت الفيش عن البطاريه على طول يطفى
احلى مزاج
18/10/2008, 02:19 AM
مشكله الكمبيوتر

خويي معه باترول 2008 سفاري

كحت بطاريته وغيرها

عقب ما غيرها اقفال باب الشنطه ما تفتح نهائياً لا بالمفتاح ولا بالريموت والبيبان الي ورا ما تنفتح الا باليد وش السواااات
ابو مريم
18/10/2008, 03:14 AM
الاخ ابراهيم
المعلومه اللي ذكرته جديده صراحه اول مره اسمع به
يعني ما تقدر تغير البطاريه والمتر شغال
بس نبي نجرب ان شالله ونشوف 00 ومشكور على المشاركه

0000000000000000000000000000
الاخ احلى مزاج
شف وانا اخوك نصيحه لوجه الله انصح خويك انه يروح للوكاله
وقله يقول اخوك ابو مريم خلك انت الصح وهم اللي راكبهم الغلط من روسهم لرجلينهم
ترى الاغلبيه يبون يصرفونك ومالهم الا هالطريقه
بدوي جنوبي
18/10/2008, 10:56 PM
اهم نقطة يكون نفس قوة الامبير
وسلامتك
Magellan
18/10/2008, 11:46 PM
سبق وأن عرضت مشكلتي في سيارتي شيفروليه تريل بليزر وأنه واجهتني تذبذب الإضاءة بعد تغيير البطارية والتي كتبت تقرير عنها بالصور في الموضوع المثبت بالأعلى لسبب إتساخ منظم الهواء

كما أعرف ممن يملكون هوندا أنهم يقومون بتغييرها والسيارة تشتغل بسبب تلخبط البرمجة
باوزير
19/10/2008, 12:32 AM
سيارتي لاندكروزر Gx 2004 قير عادي غيرت البطارية شهر 6 طفيت السيارة و فصلت الاصابع و ركبت الجديدة و شغلت السيارة و اشتغلت عادي لا برمجة و لا شئ