في اكس أر 

[ابوأحمد]

كل عام وأنتم بخير يا مكشات

يالذيابة .. الله وفقني بجيب  في اكس ار قير تماتيك
بس مكدود شوي( إلا كثير)

وشكل راعية الاول ما قد غير فية شي مولية
وودي تعلموني تكفون وش هي الاشياء الي تتغير من مجاميعة
وبارك الله في جهدكم جميع

[هـدد]

ابواحمد حياك الله عضو معنا في مكشات


مبروك السيارة والله يطعمك خيرها ويكفيك شرها


الأفضل أنك توديها لمركزمتخصص في الاندكروزر
في منطقتكم وتطلب منهم تشييك عام من سوائل وفلاتر وفحمات الفرامل
وعساها عوين لك في طاعة الله
تحياتي

[ابوعبدالهادي]

مبروك أفضل فئة في اللاندكروزر 00 وانصح بالذهاب للوكالة وأطلب فحص كامل ويعطونك الفحص بورقة وبعدين صلحة في الورش على كيفك واللي تشوف أنة مايستاهل تصلح أتركة 00 بالتوفيق

[just1love]

مبروك يابو احمد عقبال الدراجة النارية

[شامخ ألهيلا]

ابو احمد الله يعطيك غيره ويكفيك شره
طال عمرك
تبدا بالسيور والبواجي واسلاكها وفلتر الهواء وصفاية البنزين
وغير جميع زيووته

والاديتر غير مويته او سوى غسيل كامل لللاديتر والمكينه

وفحمات واقمشه
واذا خلصت

اقرب محل تليمع يلمعوونه لك

وترا الصيانه الدوريه مايحتاج مراكز لان الموتر مافيه خلل وترا شغلهم قصمت ظهر
انت اشتر القطع ورح على كيفك تشووف الورش وخلك على رووس العمااال

[باوزير]

غير التالي :-
فلتر الهواء
فلتر البترول
بواجي
غير زيت القير مع الفلتر
السيور
شيك زيت الدفرنش
و شحم عامود الكردان
و بس