المساعد الشخصي الرقمي

مشاهدة النسخة كاملة : الفزعة الفزعة يأصحاب السوبر سفاري


ولد الجنوب1
08/10/2008, 02:05 AM
بسم الله الرحمن الرحيم
السلام عليكم ورحمه الله وبركاته
كل عام وانتم بخيـــــــــــر جميعن
يا أصحاب الباترول الفزعة عندي جيب سوبر سفاري موديل 2006 اوتومتيك و عادي
الريويس صار فجأة ضعيف وكنت أبغى أروح الوكالة بس جت إجازة العيد وخلال فترة الأجازة (4ايام)
فصل الريوس نهائيا و أحيانا يرجع بس عند تشغيل السيارة ويصير ضغط الهواء علي 6
ورحت الوكالة وكشفوا علية بالكمبيوتر وقالوا غير جربوكس مع العلم إنني لم أغير الزيت وتم فحص الزيت في الوكالة وقالوا انه كويس
ملحوظة جميع نمر التعشيق الوتومتيك والعادي سليمة
أفيدوني جزاكم الله خير



http://www.mekshat.com/vb/images/misc/progress.gif
غضنفر
08/10/2008, 02:51 AM
لا تستعجل وتغير القير كامل
اكيد ان الشغلة بسيطة
يا حساس او كتاوت او فيوز
حتى لو ترس الــ R مثلا يحتاج تغيير او توضيب غيره الحاله ولا تغير قير كامل
على العموم دام ان السيارة تشتغل
طلعها من الوكالة
ومر الصناعية
مر اكثر من ورشة
وشف وش يقولون
بس المشكلة ان قير الفتك التبترونك معقد شوي ولا كل يفهم له
طبعي شمالي
08/10/2008, 02:52 AM
غلطتك انك اشتريت جيب اتوماتيك
اهم شي لاتستعجل ممكن تطلع بسيطه السالفه
غشااااام
08/10/2008, 03:08 AM
لالالالالاتهور وتغير القير ترى الدعوى بسيطه ان شاء الله بس اركد والوكاله نصابين اما فيوز ولا سلك حساس كان يلامس ويشبك الريوس وبعده انفصل ولا عاداشتغل وده لأي ورشه بس لا تروح للوكاله
هذي نصيحة مجرب واخوك
سوبر VTC
08/10/2008, 03:39 AM
و عليكم السلام و رحمة لله و بركاته
اخوي المشكلة باذن الله من كتاوت او فيوز
هذه ردود سابقة للاخوان في موضوع سابق
و كانت المكشلة من كتاوت يسار المكينة و سعره ب60
ريال طبعا المشكلة من ان القير يبتل شاد بنمره و لا يريح



ياجماعة الخير لقيت الحل عن طريق احد الاخون في احد المنتديات
وهو عبارة عن كتاوت موجود في الكبوت يسار المكينة في علبة كتاوتات هو الاول منها من جهة السواق يخرب ويصير يلعب في الكهرب الي رايح للقير وغيرته ورجع الموتر مافيه شي ولله الحمد والمنه
رقم القطعة للاستفادة هي Ni-25230-79915




ركبته بيدي ياطويل العمر
وسعره في الوكاله بــــــ 60 ريال
ملاحظة ترى في تقليد كثير بسعر 30 ريال



اخوي وحداني ومبسوط ياطويل العمر اذا كان موترك اذا شغلته وجت في المشكله هنالك لمبة في الطبولون العادة تشتغل اول ماتشغل السيارة 3 ثواني وتطفى صارت تقعد تشر 10ثواني فالحل كالأتي




هنالك كتوات يضبط الكهرب الي يدخل للقير في الكبوت تغيره ويزبط معاك




فصل البطارية 10 دقائق احيانا يعطي نتيجو ايجابية



اولا افصل اصبع السالب الاسود وخل الموجب الاحمر مشبوك




ثم توجه الى علبة الكتاوتات شفها في الكبوت من جهة اليسار وانت راكب قدام السواق خلف فلتر الهواء مثبت في الرفرف من الداخل وافتح الغطاء وتلقى عدد تقريبا عدد 4 كتاوت 3 اصفر و1اسود فصلهن واحد واحد ونفظهن وارجع ركبهن من جديد وركب اصبع السالب من جديد وشغل واذا ضبط

فأن المشكلة في احد الكتاوتات الي سبق وفكيتهن
وانت تفكهن شف على عليهن اثر سواد يعني لاذعاة



على هذا الرابطين



عندي مشكل في قير الفتك auto
http://www.mekshat.com/vb/showthread.php?t=91703 (http://www.mekshat.com/vb/showthread.php?t=91703)
و هذا الرابط
http://www.mekshat.com/vb/showthread.php?t=82233 (http://www.mekshat.com/vb/showthread.php?t=82233)


و هذه رابط مختص بجميع مشاكل الباترول


جميع مشاكل البـــــاتـــــــــــــــــــــــرول وحلولها تجدها تحت سقف واحد (http://mekshat.com/vb/showthread.php?t=95330) ‏(http://mekshat.com/vb/images/misc/multipage.gif 1 (http://mekshat.com/vb/showthread.php?t=95330) 2 (http://mekshat.com/vb/showthread.php?t=95330&page=2))



تحياتي
برونز
08/10/2008, 10:42 PM
للرفــــــــــــــــــــــــــــــــــــــــــــــ ـــــــــــــــــع
المميـز
09/10/2008, 02:10 AM
ماشاء الله اخونا سوبر Vtc ماقصر وجاب لك الحل

اتمنى لك التوفيق والى الامام دائما يا سوبر Vtc
سوبر VTC
16/10/2008, 08:03 AM
عسى المانع خيرا
ان شاء الله
وينك ياولد الجنوب :)
تحياتي