سوالف لأهل الباثفندر

[معشوق]

السلام عليكم ورحمة الله وبركاته
كيف حالكم يالربع
من بعد فتره غيااااب طويلة ردينا لهالموقع الطيب
حبيت اشاركم ببعض من مشاكل وحلول الباث فندر

واليوم بقولكم عن مشكلة ( شدات جنزير الصدر ) وهي كثير ما تخرب بالباث فندر فانتبه :no2:
وشولون تعرف ان الخراب اللي عندك هو الشدات ؟
لا سمعت صوت طق طقه بالمكينه تك تك تك تك ويزيد لا عطيت الموتر بنزين تك تك تك تك تك ويصير اسرع
ويكون مصدر الصوت من فوق اي سطح المكينه
طف الموتر وجيك على الدهن ( زيت المحرك) راح تلقاه محروق ونااااااااشف
يكون هنا المشكلة اللي معك هي ان شدات جنزير الصدر خربانه وما عاد يعبر منها الدهن فيجب تبديلها وهي ما تكلف كثير شغل اليد 15 دينار ( 200 ريال) والقطعه ما اذكر سعرها لكنها مو اكثر من ال250 ريال

وانا سألت عن هالمشكلة وقالوا لي انها منتشره في الباثفندر ولتفادى هالمشكلة أن تبدل الدهن كل 3 الاف كيلو
لا تحط زيت 5 الاف او 10 الاف وتقول ان زيت قوي
لأ حط زيت 3500 وامش عليه 3500 وبدل


والسلام عليكم :)

[سوبر VTC]

و عليكم السلام و رحمة الله
الحمدلله على السلامة
من طول الغيبات جاب الغنايم :)
مشكور على تنبيه الاخوان و ماقصرت
اخوي هل الزيت ينقص بموترك لان الباثفندر اذا مشى 1500 الى 2000كيلو ينقص نص علبة من زيت المكينة و احيانا اكثر
و الربع سالوا الوكالة قالوا عيب مصنعي
ايضا ماذا عن سقوط مسامير الثلاجة ببيت السلندر
هل نفس الشيئ؟؟؟
تحياتي

[معشوق]

الله يسلمك
حي الله الفتك :) اخبارك
والله ياخوي انا الحمد لله موتري 2003 وماشي 136 الف والى الان ما جاتني مشكلة مسامير الثلاجة
اما نقص الزيت ما لاحظتها لكن ابشروا ابشوفها :)

[mnhajri]

هلا اخوي معشوق عندي لك استفسار
انا عندي باث 98 قير اتوماتيك
اذا بدل من نمرة الى نمرة اولا يتاخر في التبديل ثانيا في نتعه اذا بدل

[معشوق]

هلا فيك اخوي
نورت الموضوع
شوف اخوي انا ماعندي خبره بالقير التماتيك
لكن جيك على دهن القير (ناقص ؟ محروق ؟ من متى ما بدلته ؟ )
واحتمال انه تكون المشكله من الكمبيوتر وعيارات الكمبيوتر يعني شغل كهربا وسالفة الكهربه هي تأثر كثير بالقير التماتيك

[mnhajri]

هلا فيك اخوي
نورت الموضوع
شوف اخوي انا ماعندي خبره بالقير التماتيك
لكن جيك على دهن القير (ناقص ؟ محروق ؟ من متى ما بدلته ؟ )
واحتمال انه تكون المشكله من الكمبيوتر وعيارات الكمبيوتر يعني شغل كهربا وسالفة الكهربه هي تأثر كثير بالقير التماتيك


يض الله وجهك رحت للورشة وقال ان الشغلة كهرباء لكن قبل كل شي بنغير زيت وفلتر قير اذا ضبطت والا غيرنا قطعه سماها tps

[وكعة]

اتوقع من الفلتر والله اعلم

[معشوق]

حياك الله اخوي
اتمنى اني اكون افدتك :)

[حمد الظفيري]

مرحبتين معشوق ...


السلام عليكم ورحمة الله ..

صارلي أكثر من سنة وانا متابع محترف لهذا المنتدى الرائع واللي بجد مفيد وافادني بكثرة ...والحين جاء الوقت اللي ابلغكم عن خرابات موتري (( باثفندر موديل 2002 ))... وأتمنى أن أجد الحل لديكم :)

1- عندي الله يسلمكم القير (( اوتوماتيكي )) ... فيه حنّة ..وهالحنّة تجي وتروح وأحيانا تجي نادرا ً باليوم .. وأحيانا ً أخرى تجي لفترات متقطعة ..أحد الشباب قال يمكن كهربا القير .. وواحد قال يمكن سوليتير الدعسة .. وأبي نصيحتكم ؟

2- الخراب المزعج ... هذا الله يعافيكم ويسلّم أذانيكم عندي البككس ... طلع له صوت وهالصوت يشبه إلى حد قريب صوت طيّارة ...وما يطلع إلا إذا مشيت فيه . فـشنو الحل ؟ ووين تنصحوني اصلحه ؟

أتمنى أن اجد الحل . . .

ودام إنك من اهل الكويت ... وإذا كنت تعرف ورش للباثفندر تنصح فيها فأرجوا ان تبعث بإيميلك على الخاص

[NRT]

السلام عليكم ورحمة الله وبركاته احب اذكر لكم مشكله صادفتني في باثفندر 2007
قير تماتيك
وهي طقطقه وحسب كلام الورشه انها يا من الحذاف او الطنجره
بكرا راح اكون بالورشه واشوف ايش يصير
طبعا عندي استفسار هل في اختلاف بالحذاف من عدد السنون والمقاسات؟