لا يفوتك . . . ترهيم قز بريموس صور × صور

[موادع 1]

السلام عليكم ورحمة الله وبركاته وبعد
إخواني المكشاتية صبحكم الله بالخير ياللحوات الغانمة
والعشر عليكم مباركة
وحياكم الله في أول موضوع لي بعد طول صمت وترقب
وش عنده أبو الشباب:D :D
مالكم بالطويلة المهم
موضوعي اليوم هو ترهيم قز شديد التحمل لأقصى درجة
طبعا الحمولة هي قدر كاتم كبير 18 لتر او اكبر شوي
مهوب توقف عليه وينعفط ثم تقول والله ما يتحمل هههه
والمهم في الموضوع انه من قطع أصلية 100% بريموس سويدي اصلي
لا ومن القديم المخزن عندي من سنين يعني معتق:good: :good:
يعني ارقد وآمن ان شاء الله
وهذي صورته
http://www.mekshat.com/pix/upload02/images80/mk50546_111.jpg


وللأمانة الفكرة ليست من ابتكاري شاهدته قبل خمس سنوات
مع احد الزملاء شاريه من محل والله مدري وش اسمه بشرق الرياض
ولكنه كان غير عملي بل وشديد الخطورة بسبب انفلات لي الغاز من مكانه بعد ما يسخن مما دعاه إلى الاستغناء عنه وعجزه عن حل مشكلته
والحين جت فرصتي اللي ادورها من زمان تعرفون المفكرين والمبتكرين ينتظرون الفرصة :j
الحقيقة جازت لي الفكرة
وشغلت هالدميجة شوي وأنواع الغبار الله يجيركم:confused: :confused:
اللي حليت مشكلته بترهيم وصلة نحاس في المخرطة توصل بين المفتاح ولي الغاز واللي شريته من عند بادحمان اللي بالسبالة سويدي اصلي
ويتكون من عدة طبقات لعنبوه تقول كفر موتر ومغطى بالغلاف الخارجي الرصاصي
ولكن سعره ناااار الله يجيركم وهذي صورة اللي وصناعته مكتوب سويدي والمعذرة يمكن الصورة مهي واضحة
http://www.mekshat.com/pix/upload02/images80/mk50546_222.jpg


وبعدها رحت للصناعية للمهيدب حق الصواميل
واشتري منه وردتين وحدة كبيرة والثانية صغيرة
واشتري سلمكم الله صواميل ومسامير يوقف عليها القز
وبعدها زرقت لأبو يوسف حداد يحبه قلبك في صناعية الشفاء
لأني اعرفه واجيه في شغلات بسيطة ما يرضون أهل الورش أنهم يشتغلونها
مهوب يقصر يستحي مني ويصلحها لأنها ما تستاهل وتأخذ وقت ويبي لها دقة وانا حرييييييييص بالحيل واقف على راسه لين خلص من التلحيم والتوزين
وانا كل شوي أحط القدر أشوف هو امتواسي ولا لا لين زبط الحمد لله
وبعدها زرقت للمخارط اللي في الصناعية القديمة وأنواع البهذلة لين حصلت لي واحد يصلح طلبي وياني عليته عل
ولكن ما قصر حزني بالسعر خذا علي حول 60 ريال هذا قبل سنتين قبل الغلا
وهذي عدة صور للقز من عدة زوايا مع العلم اني طبخت عليه بقدر كاتم 11 لتر ولا احلى
ولاحظو صورة الراس نوعية قديمة جدا جدا ولونها عليه الصفار شوي تقول نحاس غير الهندي
مع ان جودة الهندي ممتازة من واقع تجربة ولا يستهان فيه
http://www.mekshat.com/pix/upload02/images80/mk50546_3333.jpg







يتبع ارجو عدم الرد حتى اكتمال الموضوع

[موادع 1]

وهذي بعد صورة وهو شايل ابريق تفويح كبير
http://www.mekshat.com/pix/upload02/images80/mk50546_444.jpg


وهذي صورة توضح الحجم مقارنة بالهوائي
http://www.mekshat.com/pix/upload02/images80/mk50546_555.jpg


وهذي صورته منسدح ومنصلة تسبدة
http://www.mekshat.com/pix/upload02/images80/mk50546_666.jpg



وهذي صورة وصلة النحاس اللي رهمت وهي اهم قطعة لانها حساسة للغاية
http://www.mekshat.com/pix/upload02/images80/mk50546_777.jpg



وهذي صورة للمفتاح اللي بطرف اللي وتراها بريموس اصلي وتنباع لحالها مهيب مع اللي
يعني كل قطعة بسعر
http://www.mekshat.com/pix/upload02/images80/mk50546_20080912348.jpg



وفي الختام
اشكر الجميع واتمنى ارى مشاركاتكم وتفاعلكم الطيب
لان عندي حاجات قديمة من بريموس وبكراتينها جدد
وودي اعرضها ولكن قل الفرغة الله لا يشغلنا عن طاعته


وهذي الصورة هدية متواضعة لاخونا سرهيد ابو عبدالله رئيس نادي بريموس والاخوة الاعضاء
http://www.mekshat.com/pix/upload02/images80/mk50546_1.jpg



تقبلو تحيات اخوكم / ابو نواف
والى اللقاء في مواضيع قادمة

[عاشق الأطلال]

وعليكم السلام ورحمة الله وبركاته

الصراحة عمل يستاهل الاشادة الله يعطيك العافية وتسلم يالذيب

[سرهيد]

السلام عليكم

ما شاء الله تبارك الله

والله انه فيه ناس فعلا اذا فكرت صلحت اللي تبي

لي عودة للرد على موضوعك ، لان اي شخص يذكر البرايمس لازم احضر نفسي في موضوعه

وياليت تضع صورة فيها والقز مشبوب جعلك تسلم

تقبل احترامي والعشر عليك مباركة

اخوك

ابو عبدالله

[موادع 1]

اخوي عاشق الاطلال
حياك الله وشرفني مرورك جعلك تسلم ومداخلتك الطيبة


الاخ العزيز سرهيد
هلا والله وغلا بابو عبدالله
هلا والله برئيس نادي اعضاء بريمس
نبي ملاحظاتك بالتفصيل وننتظر عودتك للموضوع لان الحقيقة مرورك يضيف الشيء الكثير
وملاحظاتك مهمة بحكم خبرتك ورئاستك للنادي وانت كفو وقدها يابو عبدالله
وعساها جازت لك الصورة الاخيرة



وننتظر مداخلات بقية الاخوان



محبكم / ابو نواف

[موادع 1]

سم يابو عبد الله هذي الصور اللي طلبت طال عمرك
مع العلم اني ما طولت على العين على الآخر يعني باقي فيها زيادة حول النص


http://www.mekshat.com/pix/upload02/images80/mk50546_1212.jpg


وهذي بعد صورة ثانية


http://www.mekshat.com/pix/upload02/images80/mk50546_1313.jpg


وهذي بعد صورة ثالثة طال عمرك أنت آمر بس يامدير
هذا ابريق التفويح حق العزبة بيني وبينه عشرة عمر سنيييييين ولا قد عيا يفوح الماء تصدقون ولا مره :no: :confused: :confused:


http://www.mekshat.com/pix/upload02/images80/mk50546_1414.jpg


ملاحظة
اول مرة طبخت بالقز كنت طالع ويا مجموعة من الزملاء لحدا هالشعبان قبل حوالي سنتين في ربيع 1427 كنت مطول على العين على الآخر
وحاط الذراية حوله دار ما دار ويوم جيت ابقصر على الكاتم النار الله يجيرنا وياكم لقيت اللهب ماكل العراوي ما بقا الا الصواميل الله لا يفشلنا
وخذ ياضحك علي وعلى قزي لا وفيه ناس تدور التعليق بس تبي شي تضحك عليه
وآخر مرة كان قدر كبير شوي 18 لتر ومليان من خيرات ربي رز ولحيمات حاشي يحبها قلبك ولا قصر ابو الشباب طبخها وبيض الوجة
والشباب معي يسمونه اللغم


ملاحظة
بالامكان زيادة اللهب للضعف بحركة بسيطة وهي توسيع فتحة المامة ولكن لا احتاج لزيادته مع العلم ان المامة المركبة هي 37 شد بلد لنفس العين


هذا اللي عندي وآآآآسف على الاطالة ادوشتكم شوي


وأي استفسار حاضرين للطيبين



اخوكم / ابو نواف

[ابو مشعل2]

ما شاء الله الفكرة جميلة وعملية

[عندك يابعدي]

أخوي الغالي :شيم البروق اشكرك على عرض المميز وكان بخاطري انزل عنه تقرير لكن فيك البركة يابعدهم حقا لم أجد أحسن من هذا الرأس أبدا وانا مسميه اللاحم لقوته والي مصلحهن صديقي أبو أحمد مدر س رياضيات ببريدة وراعي ابتكارات سوى منه أكثر من مائتين واحد لكن المسكين خسر حب يخدم الشباب لكن ما تقدر الشباب يشرون منه الواحد بمائة ويقول أعطيك القروش ويسهجه وباعهن بالرياض جملة والي عندي لو يقال لي بخمسمائة لم أبيعه لندرته وقالي عديلي وهو غالي عندي جب زيه لو بالف قلت ماهمن القروش لكن ابنخى الرجال وسوى اثنين له ولولده وحقا لم أجد أفضل منه وانا مركبه على الدافور على طول

[الدهاس]

اخوي شيم البروق
ما شاء الله تبارك الله عليك ونبي تفصيل عن الراس اكثر اذا امكن واذا كانت الفكرة غير تجاري
اخوي سرهيد
والله انك شقردي وش تحضر نفسك له
واما اخوي عندك يابعدي
ياليت صور للراس اللي عندك شوقتنا نشوف الابداع

[وسم 29]

ما شاء الله
عمل رائع
شكرا لك أخي العزيز على عرض هذه التجربة الناجحة
وتقبل تحيتي

[موادع 1]

ما شاء الله الفكرة جميلة وعملية

حياك الله اخوي ابو مشعل وتسلم يالغالي

[موادع 1]

أخوي الغالي :شيم البروق اشكرك على عرض المميز وكان بخاطري انزل عنه تقرير لكن فيك البركة يابعدهم حقا لم أجد أحسن من هذا الرأس أبدا وانا مسميه اللاحم لقوته والي مصلحهن صديقي أبو أحمد مدر س رياضيات ببريدة وراعي ابتكارات سوى منه أكثر من مائتين واحد لكن المسكين خسر حب يخدم الشباب لكن ما تقدر الشباب يشرون منه الواحد بمائة ويقول أعطيك القروش ويسهجه وباعهن بالرياض جملة والي عندي لو يقال لي بخمسمائة لم أبيعه لندرته وقالي عديلي وهو غالي عندي جب زيه لو بالف قلت ماهمن القروش لكن ابنخى الرجال وسوى اثنين له ولولده وحقا لم أجد أفضل منه وانا مركبه على الدافور على طول



هلا والله وغلا بابو اسامة وحياك الله
ما يمنع نشوف تقريرك واهم شي الصورة لانها تهمني جدا
كلامك سليم انه عملي ولا يفرط فيه ولكن اللي عدلت عليه الفكرة
بغا يشب فينا اكثر من مرة لا هذا غير الروعة يوم ينفلت من مكانه
الله يدفع البلا مع الحرارة مع وجود القفيز ولكن ما نفع
اكرر شكري وتقديري على المعلومات المفيده

ابو نواف

[B.A]

بسم الله ماشاء الله الله لايظرك بس عندي سؤالين بالرمل ماينزل بسبب ان القاعده مسامير ودقيقات يمكن يغوصن بالرمل والثانيه لي الغاز مايتاثر بسبب انه قريب للنار يعني لو حطيت الكاتم ماتاصل الحراره يم لي الغاز وهل فيه عازل يوضع على لي الغاز ............. وشكراً

[موادع 1]

اخوي شيم البروق
ما شاء الله تبارك الله عليك ونبي تفصيل عن الراس اكثر اذا امكن واذا كانت الفكرة غير تجاري


هلا والله بالدهاس
يبدو لي اني فصلت باللي اقدر عليه والدليل 11 صورة توضيحية
اذا كان في بالك اي سؤال او استفسار انا حاضر
والفكرة ياخوي الدهاس بالنسبة لي غير تجارية
لان فيها تعب ومشاوير ومخرطة وحداد وشغلة طويلة
مع العلم ان اسعار القطع تغيرت وزادت
بمعنى راس البريمس الهندي اول كان بـ 45 ريال
كنت اخذه واشلحه علشان اسوي واحد زي اللي بالصورة
والحين بحوالي 65 - 70 ريال
ولكن اي واحد من الاخوان يبي اي استفسار او مساعدة حول الموضوع
اما مستعد افيده باللي اقدر عليه

وتقبل تحياتي

[أبو الحارث 4]

أخوي الغالي :شيم البروق اشكرك على عرض المميز وكان بخاطري انزل عنه تقرير لكن فيك البركة يابعدهم حقا لم أجد أحسن من هذا الرأس أبدا وانا مسميه اللاحم لقوته والي مصلحهن صديقي أبو أحمد مدر س رياضيات ببريدة وراعي ابتكارات سوى منه أكثر من مائتين واحد لكن المسكين خسر حب يخدم الشباب لكن ما تقدر الشباب يشرون منه الواحد بمائة ويقول أعطيك القروش ويسهجه وباعهن بالرياض جملة والي عندي لو يقال لي بخمسمائة لم أبيعه لندرته وقالي عديلي وهو غالي عندي جب زيه لو بالف قلت ماهمن القروش لكن ابنخى الرجال وسوى اثنين له ولولده وحقا لم أجد أفضل منه وانا مركبه على الدافور على طول


بس عديلك يا أبا اسامة هو اللي طلب؟
شكرا أخي شيم البروق على هذا الابتكار.

[موادع 1]

ما شاء الله

عمل رائع
شكرا لك أخي العزيز على عرض هذه التجربة الناجحة

وتقبل تحيتي


هلا اخوي عاج
وحياك الله والف شكر على المرور


ابو نواف

[سيف الظفير]

ماقصرت يالذيب ولكن ننتظر البقية اللي بالكراتين


نبي لها موضوع خاص جديد وحصـــــــــري لمكشات المنتدى الاول والام بهذا التخصص

[موادع 1]

بسم الله ماشاء الله الله لايظرك بس عندي سؤالين بالرمل ماينزل بسبب ان القاعده مسامير ودقيقات يمكن يغوصن بالرمل والثانيه لي الغاز مايتاثر بسبب انه قريب للنار يعني لو حطيت الكاتم ماتاصل الحراره يم لي الغاز وهل فيه عازل يوضع على لي الغاز ............. وشكراً

هلا اخوي B.A بالرمل ينزل ولكن نزول معقول
يعني ما يغوص كله لان فيه لي والقطعة اللي فوق اللي غالبا يغوص لين يوصله
وممكن حل ثاني يحط تحته صحن او صاجه حديد
ولكن انا ما احتجت لهالطريقة

وبالنسبة للي الحقيقة له معي حول السنتين ولا هناك مشاكل ولله الحمد
لان اللي مصمم انه يتحمل الحرارة ولا يحتاج عازل
من واقع تجربه
وهلابك


ابو نواف

[موادع 1]

ماقصرت يالذيب ولكن ننتظر البقية اللي بالكراتين




نبي لها موضوع خاص جديد وحصـــــــــري لمكشات المنتدى الاول والام بهذا التخصص


ابشر بسعدك اخوي
ما طلبت شي
بس خلني اتفرغ شوي لاني هاليومين
مشغول شوي ولكن ابشر


ابو نواف

[عندك يابعدي]

بس عديلك يا أبا اسامة هو اللي طلب؟


شكرا أخي شيم البروق على هذا الابتكار.


طلب مني قبل أن تطلبه يالغالي بخمس سنوات يوم طلبته انت بعدخمس سنوات صار الرجال مشغول ونسي شي اسمه دافور مرهم وقلت له وابى ان يصلح لك ولكن ابشرك الآن فيه شوي أمل ماأدري أوحصة ان يصلح لك لإني صرت أنا واياه زملاء بمدرسة وحدة لعل الحصص تكسر راسه اليابس وش ميبسه ؟؟؟أعتقد مشاغل دنيوية دمت بود يابا الحارث

[اول 111]

جزاك الله خير بصراح ابداع في ابداع

[عجزت القا اسم]

الله يعطيك العافيه مشا الله تبارك الله شغل متعوب عليه مميز ياليت فيه تقييم يستاهل التقييم وقليل في حقه


تستاهل التقييم الشخصي

[بواسامه]

الحقيقه يابونواف كلش كوم ومصبعك الكبير كوم
http://www.mekshat.com/pix/upload02/images80/mk50546_222.jpg
وراء ما رجعت شوي عشان مايبين هههههههههه
الحقيقه روعه ماشاء الله
ولكن التجربه خير برهان ويبيلنا يوم تدسم شواربنا
ولي ملاحظه ضغينونه
اذا قصرته عليه شعلته حمراء ولا زرقاء مثل وهو مطول عليه
اذا كانت الاجابه زرقااااااااااااااااء عزالله ان شغلك صح
http://www.mekshat.com/pix/upload02/images80/mk50546_1212.jpg
ثانيا لزوم انك يوم تلف الذرايه عليه انك تبعدها شوي وبالقرب من الصمام تخلي الفتحه للذرايه عشان الربل وسط الصمام ما يخرب وانت ابخص لاشك بس من باب التذكير
وملاحظه B.Aفي محلها في الرمل يبي لك بلاكاش:D

عموما تسلم يابونواف
الشغل روعه وصح
الله لا يضرك
ولا تحرمنا من جديدك

[موادع 1]

جزاك الله خير بصراح ابداع في ابداع

هلابك اخوي اول111
شرفتنا بمرورك وحياك الله


ابو نواف

[موادع 1]

الله يعطيك العافيه مشا الله تبارك الله شغل متعوب عليه مميز ياليت فيه تقييم يستاهل التقييم وقليل في حقه


تستاهل التقييم الشخصي

حياك الله اخوي عجزت القا اسم
هذا بس من ذوقك الله يعطيك العافية ويخليك
شاكر ومقدر لمرورك الطيب ورأيك الجميل


ابو نواف

[موادع 1]

الحقيقه يابونواف كلش كوم ومصبعك الكبير كوم

http://www.mekshat.com/pix/upload02/images80/mk50546_222.jpg
وراء ما رجعت شوي عشان مايبين هههههههههه
الحقيقه روعه ماشاء الله
ولكن التجربه خير برهان ويبيلنا يوم تدسم شواربنا
ولي ملاحظه ضغينونه
اذا قصرته عليه شعلته حمراء ولا زرقاء مثل وهو مطول عليه
اذا كانت الاجابه زرقااااااااااااااااء عزالله ان شغلك صح
http://www.mekshat.com/pix/upload02/images80/mk50546_1212.jpg
ثانيا لزوم انك يوم تلف الذرايه عليه انك تبعدها شوي وبالقرب من الصمام تخلي الفتحه للذرايه عشان الربل وسط الصمام ما يخرب وانت ابخص لاشك بس من باب التذكير
وملاحظه B.Aفي محلها في الرمل يبي لك بلاكاش:D


عموما تسلم يابونواف
الشغل روعه وصح
الله لا يضرك

ولا تحرمنا من جديدك



حياك الله يابو اسامة والعشر عليك مباركة
لا طال عمرك هذا مصبع ولد جيراننا:j
وبالنسبة للتجربة ابشر بسعدك يابو اسامة انا علي القز والباقي عليك ههههههههههه:D :D
واذا قصرت عليه شعلته زرقاء الله يجيرنا من النار
وبالنسبة للذراية الامور من سنتين ماشية زي الحلاوة بعد التجربة
والرمل ولا احلى ما يغوص واجد مع انه يعرف يسبح يعني ما عليه خوف


ابو نواف

[النوخذة الأحسائي]

يامال العافية

[سرهيد]

السلام عليكم

اخي الكريم

كما وعدتك اخي بالعودة ولكي نتسفيد جميعا من اي ابتكار

بلا شك ان الفكرة رائعة جدا ولا يعلى عليها ابدا وخاصة انها من تصميمك وهذا يجعل الانسان يسعد بما قام به

اقتراح بسيط

الا يمكن التحكم في الأرجل بحيث تكون ارسى في القعدة وفي تحمل اي شيء ثقيل بحيث تكون بهذا الشكل

http://www.mekshat.com/pix/upload02/images80/mk40450_trheem.jpg

الشيء الثااني

لاحظ انه لا يوجد اي عاز ما بين رأس القز هذا والمحبس ولي الغاز فقلت

الا يمكنك ان تضع مثل هذه الصاجة التي في الصورة التالية لتعزل المحبس عن شعله النار

http://www.mekshat.com/pix/upload02/images80/mk40450_trheem3.jpg

http://www.mekshat.com/pix/upload02/images80/mk40450_trheem4.jpg


http://www.mekshat.com/pix/upload02/images80/mk40450_trheem2.jpg


هذا ما رأيت وقد لا تحتاجه ولكن مجرد فكره قد تسفيد منها انت او غيرك اخي الكريم

ختاما بيض الله وجهك على هالشغل اللي يجعلنا نسعد بوجود اناس مبتكرين

تقبل محبة اخيك

ابو عبدالله

سرهيد

[أبومنصور]

مبدع يالغالي
ووالله ما ذبحنا وقضى دراهمنا الأ هالبريموس ويستاهل
اشكرك على هالترهيم الفعال :)
وسوف اطرح موضوع مشابه لموضوعك قمت بعمله قبل فتره
وجاري تجربته قبل طرحه

[الجندي2005]

مااااااااااااااااااااااااااااااااااااااشاءالله

[شلاش]

صباح الخير
اخوي شيم البروق بيض الله وجهك وماقصرت على هالمجهود الواضح الي طلعت من وراه بنتيجه فعاله
تسلم يمينك


جاري البحث عن القطع المطلوبه


تحـــــــــــياتي

شــــــــلاش

[بوعلي100]

تسلم يمناك

[بوعلي100]

تسلم اخوي على الموضوع

[::ابو خالد::]

ماشاء الله
يعطيك العافيه

[ماجد h]

ماشاء الله عليك تبارك الله

اخترع رائع اتمناء لك التوفيق والنجاح ومزيد

من التطور وعقبال التصدير للخارج

وحرص من التعتيق

ولك منياجمل تحيه

[موادع 1]

اشكر الاخوان الذين شاركو في الموضوع
اما برأي او مشورة او مرور
شرفتو الموضوع بطلتكم ولكم جزييييييييييل الشكر

محبكم
موادع 1 ( شيم البروق ) سابقا

[iase2000]

ما شاء الله تبارك الله
اخي الكريم ممكن اعرف النحاسة الي مركبها بين الراس و المحبس وين سويتها ؟؟

[موادع 1]

ما شاء الله تبارك الله
اخي الكريم ممكن اعرف النحاسة الي مركبها بين الراس و المحبس وين سويتها ؟؟
هذي طال عمرك سويتها بالمخرطة وكلفت حوالي 40 الى 50 ريال
ما اذكر بالضبط ولكن في هالحدود
واي استفسار حاضر ولو على جوالي تفضل
0503109585
ابو نواف

[iase2000]

الله يعطيك العافية يابو نواف
ممكن تعطيني وصف لمكان المخرطة
انا في الرياض

[ابو الفهدة]

يعطيك العافية

[موادع 1]

الله يعطيك العافية يابو نواف
ممكن تعطيني وصف لمكان المخرطة
انا في الرياض
في الصناعية القديمة حول الكبري اللي عند طريق الامير سلمان
واي استفسار حاضرين

[موادع 1]

يعطيك العافية
الله يعافي قلبك

[iase2000]

جزاك الله الف خير

[موادع 1]

جزاك الله الف خير
ومن يقول
شاكر لمرورك الكريم

[الصقر2009]

وفقك الله يا أخي الكريم

[محمد أبو حمد]

الأخ / أبو نواف

ما شاء الله تبارك الله . جميلة جدا


أنا أخاف من الأشياء اللي فيها تلحيم تحت النار , وقوة النار أيضا يبي لها ذرا , أو صاجة


ولك الشكر

[موادع 1]

وفقك الله يا أخي الكريم

هلا وغلا والله باخوي ابو سعد
اسفرت وانورت والله
شرفتني بمرورك يالغالي

[موادع 1]

الأخ / أبو نواف

ما شاء الله تبارك الله . جميلة جدا


أنا أخاف من الأشياء اللي فيها تلحيم تحت النار , وقوة النار أيضا يبي لها ذرا , أو صاجة


ولك الشكر

هلا بابو حمد
لا تخاف ولا شي طال عمرك
وبعدين هذا لي ثلاث سنين استخدمه ولا فيه الا العافية
شرفتني يالغالي