أرجو المساعدة ياأخوان افضل ورشة لترفيع السييرا الحوض 2007

[ن م ر 470]

السلام عليكم ورحمة الله وبركاته عندي سييرا 2007 الحوض غمارة واحدة والصراحة وجهة طايح ودي ارفعه شئ بسيط من الامام والصراحة لااعرف ورشة متخصصة بهالامور سمعت عن ورش متخصصة بهاالشغلات بالصناعية القديمة طريق الخرج لكن لااعرف اين اجدها تحياتي لكم جميعا...

[وقيان]

وعليكم السلام ورحمة الله وبركاته..كلامك سليم وجهه طايح...لكن تراه أأمن لك و أرسى...يعني لو يضرب بنشر باذن الله مايطب الموتر...بس يبي لك ركادة في البر عشان ماتعدم عليك اللحية والصدام...

[سيف الظفير]

نصحة من محب

انا رفعت وجه جمس 2500 سوبر

تقريباًً 2سم

وتوهقت يوم سافرت وحملت العفش وعند ركوب الركاب

صار نازل مرة من الخلفية

ورفيع جداًً وخطر من الامامية

ما ادري ارفع السيارة من الخلف او ارجع وضع الوكالة !!!!!!

[سرهيد]

السلام عليكم

اخي الكريم اذا تبي الموتر يمشي في الخط فلا تقربه خله على ما هو

اما اذا كان قصدك البر والجروف والتطعيس فهذا شيء ثاني

على العموم ورشه النويصر

وانت داخل للصناعية طريق الامير سلمان من اوله واقصد من عند الصناعية والا اقولك احسن تجي من طريق الدايري الجنوبي وتدخل كنك تبي الصناعية ( طريق الخرج شمال ) يجيك كبري اطلع معه تجي اشاره تعدها بعدها يجي كبري تروح من تحته ومن عند الاشارة تطلع يمين هذا هو شارع الامير سلمان

ثاني او ثالث شارع يمين بعدين تروح يسار اسم الورشه النويصر معروفة

اسأل عنه في الصناعة وفي نفس المكان اللي وصفت لك وبيدلونك عليه

تقبل احترامي

اخوك

ابو عبدالله

[auob]

السلام عليكم ورحمة الله وبركاته عندي سييرا 2007 الحوض غمارة واحدة والصراحة وجهة طايح ودي ارفعه شئ بسيط من الامام والصراحة لااعرف ورشة متخصصة بهالامور سمعت عن ورش متخصصة بهاالشغلات بالصناعية القديمة طريق الخرج لكن لااعرف اين اجدها تحياتي لكم جميعا...

ورشة مرات عند ميزان العضيب اسم المعلم مبارك أبوعلي وهذا رقم تلفونه 0506436883

[عاشق z71]

بالله اخوي بلغنا وش يصير معك لاني متابع للموظوع يمكن يفيدني

والله يوفقك

[Ibrahim.O]

أخوي ن م رترى اغلب الورش اللي ذكروها الشباب شغلهم تلفيق ويتعب ويضر الموترفك اللحية الصغيرة اللي قدام وبسواذا تبي ترفع انا اقول عندك اللفت كت ممتاز جدا وتختار الرفعه اللي تبيها

[خيال السمراء]

عندي واحد 2007 غمارة وهو واحد من اول خمسة دخلت السعودية وبالظبط من عند العيسى لأن الجميح مانزل الى غمارة ونصف المهم انصحك انك تخلي الموتر شد بلده وتفك الحية الصغيرة التي طولها 5 سم وتخلي الحية الكبيرة الي تركب فيها الأكباس ورح اي مكان ملاحظة اذا رحت لورش التلفيق راح يطلع عندك مشاكل اولها الصرصرة في السست الخلفية الهواء بيلعب في وجه الموتر اذا رفعته من قدام بكعكات شد البلد واظرب اي خد والله انه ok ولين مسكت الخط مايردة الى الفاصل عند 195 واذا انت مصر على الترهيم عليك بالنويصر تراه نصوح هذي نصيحتي لك يأخي في الله

[عاشق z71]

اولها الصرصرة في السست الخلفية
اخوي خيال السمرا وش ذا الصوت الي تقصده انا طالع عندي صوت من ورا الارجح انه من السست وهبلبي كانه مسمار محلول

وبصراحه يوم قريت ردك على طول شكيت انه نفس الصوت الي عندي
تكفى اخوي فيدني وش ذا الصوت وكيف اقدر اشيله


عن اذنك ياراعي الموظوع

[ن م ر 470]

شاكر لكم اخواني جميعا علي نصايحكم وجميل ردكم افدتوني كثير بيض الله وجيهكم جميع ..

اخوي ابراهيم اش تقصد باللفت كت ياليت توظحلي اذا قصدك المسمار الي تتحكم فيه بالارتفاع الي مثل موديلات 2000 ل2006 لللأسف غير متوفر في الموديلات الحديثة..


شكرا للجميع..

[Ibrahim.O]

أخوي اللفت كت

هو كت او قطع ترفيع تركبها على الموتر من عند السست ومن قدام من عند الاذرعه

وترفع لك الموتر كامل وهي افضل من ناحيه الاضرار والامان

وهذي صورة توضح الكت ( القطعة اللي تحت الموتر )


http://www.cars-club.com/up/8-2-1/carsclub_79421052.jpg

وياليت تسأل اخوي عاشق Z71 ترى عنده طريقه افضل وترفيع اقل من الكت

[خيال السمراء]

حياك الله اخوي عاشق z71 الصوت الي عندك هو من ترفيع السيارة من وراء من السست لأن محلات الترهيم تحط سستة اضافية وتكسر الكعكات الصغيرة الي بين السست الدائرية ففي هذه الحالة معليك الى تحط قطع استك يعني تقطعها على مقاس 5سم في 15 وتدبلها يعني تصير 5سم في 7.5 وتحطها بين كل سستتين وتحط معهن شوي شحم يعني كم قطعة من قدام ومن وراء لكل الجهتين يمين ويسار ولك مني تروح الأصوات الي في سيارتك نفس الي سولك الترفيع هو يقدر يسويلك الشيء هذا تقبل تحياتي اخيك خيال السمراء

[عاشق z71]

حياك الله اخوي عاشق z71 الصوت الي عندك هو من ترفيع السيارة من وراء من السست لأن محلات الترهيم تحط سستة اضافية وتكسر الكعكات الصغيرة الي بين السست الدائرية ففي هذه الحالة معليك الى تحط قطع استك يعني تقطعها على مقاس 5سم في 15 وتدبلها يعني تصير 5سم في 7.5 وتحطها بين كل سستتين وتحط معهن شوي شحم يعني كم قطعة من قدام ومن وراء لكل الجهتين يمين ويسار ولك مني تروح الأصوات الي في سيارتك نفس الي سولك الترفيع هو يقدر يسويلك الشيء هذا تقبل تحياتي اخيك خيال السمراء



الله يكثر من امثالك ويعطيك الف عافيه يالغالي

انا اشهد انك افدتني بهالموظوع المشكله الصوت ماكنه صوت سست عشان كذا استبعدت انها من السست

بس يوم قريت ردك شكيت فيها على طول

ماقول الا الله يخليك لعين ترجيك يالغالي

واسف ياراعي الموظوع

[سيف الظفير]

والله يا الربع انا يوم رفعت الجمس صار فيه صوت من ورى وبالذات عند المطب وغيره احس ان المساعد يضرب في اقصى مكان له والله اعلم والوكاد برجع الموتر على شغل الوكيل

[ن م ر 470]

بيض الله وجهك وماقصرت يابراهيم بس لو تكمل جميلك جزاك الله خير وتدلني عند مين احصل هالفت كت او فاهم بهالشغلات متخصص فيها اكون لك من الشاكرين يالذيب

[عاشق z71]

اخوي نمر شف انا حطيت موظوع عن ترفيع الحوظ الجمس شفه يمكن الطريقه تعجبك