فحمات سفاري 2005

[وقاااااد]

السلام عليكم ورحمه الله وبركاته
اود استشارتكم في فحمات السفاري وين افضل ورشه تصلحها في الرياض
لها اصوات مزعجه إذا مسكت فرامل او امشي اشوي اشوي
يطلع الصوت هاذا وز وز وز وز
سببت لي دوخ من هالصوت وش الحل جزاااكم الله خير
ابي مهندس مضبوط
تحيااااااااااااتي

[واحد مغرز]

والله اسمحلي ما فهمتك

و ما اعرف محلات :(

اعذرني
اخوي

[ساري 111]

يطلع الصوت هاذا وز وز وز وز

هذا صورت جرس انذر ان الفحمات خلصت
إلحق عليه غيره قبل تحك باالهوب

وإذا الهوب سليم لاتخرطه

[سوبر VTC]

هذا صورت جرس انذر ان الفحمات خلصت


إلحق عليه غيره قبل تحك باالهوب

وإذا الهوب سليم لاتخرطه







نفس الكلام يمكن مخلصات

×××××××××××××××

بعدين ترى فحمات الباترول تجي 3انواع
و اذا كان مهب اصلي يطلع صوت
بمعنى ان البرادة حقت الفحمات ناشفة مهيب اصليه
××××××××××××
واحد من ربعي راح للوكالة و طلب فحمات امامية طبعا جابوا له الفحمات قال لا:mad: ابي الاصلي و تهاوش مع حق قطع الغيار ثم جابوا له نوع ثاني قال لا:mad:
عطون الاصلي ثم جابوا له النوع الثالث و اخذهن:D


×××××××××××××××××××××××××××××××××××




تحياتي

[سيف الظفير]

السلام عليكم ورحمه الله وبركاته
اود استشارتكم في فحمات السفاري وين افضل ورشه تصلحها في الرياض
لها اصوات مزعجه إذا مسكت فرامل او امشي اشوي اشوي
يطلع الصوت هاذا وز وز وز وز
سببت لي دوخ من هالصوت وش الحل جزاااكم الله خير
ابي مهندس مضبوط
تحيااااااااااااتي



نصيحة من أخوك


مجمع ورش علي بن علي بـ أم الحمام


اسم الورشة الصااااااامل

العمالة من الفلبين ومتميزين

[سفاري نجد]

السلام عليكم ورحمة الله وبركاته

انا طلع عندي صوت ورحت أسال عن الفحمات يوجد بالسوق 3 انواع ونفس كرتون الوكاله بس الرقم يختلف ،،

رحت الوكاله ما عندهم الا نوع واحد فقط ما حصلته بالسوق رقمه VC290 ـ41060 واشتريته منهم بصناعية أم الحمام أقل سعر من محلهم اللي بحي الريان واللي على طريق خريص صراحه الخامه لنوعية البراده تختلف عن اللي بالسوق ، نصيحه اخويه احرص أنك تشتريها من الوكاله والفرامل مهم للغايه ،،،

تحياتي لك

[وقاااااد]

اشكركم جزيل الشكر جميعا
ماقصرتو وبيض الله وجيهكم
سيف الضفير ياليت تعطيني الوصف عن مجمع علي بن علي
ولا عليك امر
لاااااهنت يالغاااالي

[سيف الظفير]

هي داخل المجمع انت اسئل عنها وبتلقاها

لأن المجمع ماهوب كبير يا الذيب

[ابو slma]

ياشباب سيارتي باترول 2008 قطع 60000كم وبدأ صوت بالفحمات عند الفرامل ورحت لمحلات قطع الغيار ولقيت ثلاث انواع الاول بسعر اصلي وسعره 175 ريال والثاني درجة ثانية وسعره 140 والثالث بـ 90 ريال وكلها نفس كرتون الاصلي
والله ياخوان احترت وش اشتري ؟:looney: !!