لمبة المكينة ولـّعت وش السواة ؟

[سعيد حظ]

السلام عليكم وبعد انا عندي لاند كروزر 2001 قير اوتوماتيك المشكلة انه وانا امشي فجأة بدأ عداد السرعة يلعب يعني مرة فوق ومرة تحت ولا يعطي قراءة صحيحة للسرعة واستمر على هالحال عشر دقائق ثم اصبح لايتحرك نهائيا يعني على الصفر . قلت يمكن فيوز المهم نمت وبكرا شغلت السيارة ولّعت لمبة المكينة برتقالية اللون وصار مؤشر الاوفر درايف يؤشر على طول وش العلة وش الدبرة تكفون.. مع العلم ان عزم الموتر ما تغير ولا حسيت بأي تغير على السيارة بس انا عندي سفر ان شاء الله واخاف السيارة تعوكس .. ملاحظة شيكت على الفيوزات وكلها سليمة ما عدا واحد غيرته وما زالت المشكلة.اصبحت اللمبة ومؤشر الاوفر درايف تولع فترةخمس - عشر دقايق وتطفى فترة خمس - عشر دقايق وش العلة تكفون اللي عنده علم لايبخل علينا لاحرمكم الله الأجر.

[راعي شلهوب]

الوفر درايف مدري وشهو
لكن لمبت المكينه عادي لان العداد مفصول شيك عليه من الوصله الي تحت
ولامن شبك تروح اللمبه الي مولعه

[الفال]

الله يسهل امرك

فيه طريقة
حاول انك تفصل البطرية مدة دقيقة
ثم شبكها مرة اخرى

[الضرغام11]

أتوقع والله أعلم ان سلك العداد الي يوصل من الطبلون الى القير ...

شيك عليه من تحت احتمال يصير طايح ولا ما شبك زين..

قد صارت لي المشكلة في هايلوكس وغير السلك كامل بــ100 وشوي...

والله يسهل أمرك..

أخوك الضرغام11..

[طواش]

:D إعترف فاصل عداد الموتر:confused: هذا يوم تفصل العداد تولع اللمبه البرتقالية ولاعندك مشكله إن شاء الله :cool:

[السيد60]

احسن حل لك
انك تشيك على السيارة بالكمبيوتر لان النور هذا مرتبط بالسيارة كلها تقريبا
لاكن الكمبيوتر هو للي يحدد المشكة بالظبط احسن من اللعب بالسيارة وما تدري بعد تظبط ولا لا

[Magellan]

الحل: هناك حساس مرتبط بالقير مايع من شدة الحرارة ولذلك يلزم تغييره بسعر 50 ريال
وشغل يد بين 50 - 100 ريال
ولو كنت في الرياض رح للعضيب بالصناعية القديمة يصلحونه لك

[علم199]

يا سعيد حظ طال عمرك صارت معي نفس المشكله تقريبا في سيارتي وهي gxrوالقير عايدي فكان الحل تغيير ترس السرعه اللي في القير شغلة بسيطة وماتاخذ وقت في اصلاحها .

[رومل]

يا سعيد حظ طال عمرك صارت معي نفس المشكله تقريبا في سيارتي وهي gxrوالقير عايدي فكان الحل تغيير ترس السرعه اللي في القير شغلة بسيطة وماتاخذ وقت في اصلاحها .
هذا الكلام الصح واللي حصل معي بسيارتي استبدلت ترس السرعة اللي يشبك بالقير وقيمته ماتتجاوز ال70 ريال

[سعيد حظ]

يا سعيد حظ طال عمرك صارت معي نفس المشكله تقريبا في سيارتي وهي gxrوالقير عايدي فكان الحل تغيير ترس السرعه اللي في القير شغلة بسيطة وماتاخذ وقت في اصلاحها .


هذا الكلام الصح واللي حصل معي بسيارتي استبدلت ترس السرعة اللي يشبك بالقير وقيمته ماتتجاوز ال70 ريال
اشكر لكم تفاعلكم مع مشكلتي وما هي غريبة على المكشاتية هالفزعة .. والحقيقة انه مريت على كهربائي وقال لي مثل ما تفضل الأخوين علم ورومل بس ما اقتنعت مع اني اثق في خبرته .قلت خل اعرض المشكلة في المنتدى وأكيد راح احصل حل ...والحين ابي اتوكل على الله واروح له . مشكورين

[ناصر97]

احتمال كبير يكون التماس في عدادات (طبلون)

[التسعاوي]

والله ياخوي انا اقول لاتعدل ولاتبدل وانت منت متأكد ترا خساير فلوس على الفاضي

رح ياطويل العمر لم فحص الكمبيوتر وخله يطلع مشكلتك بالظبط لأن مشكلتك كهربائيه

ولاتهاون به صلح بأقرب وقت لأنه ممكن يطفي عليك مرة وحده وتقعد به.