----------( الطير الوكول ) -------- !؟

[قلب ذيب]

اسعد الله اوقات الجميع بالخير والسعاده والتوفيق .
ماهي الدوافع التي تجعل الطير ياكل الطيور الاخرى ؟
وهل قد مر على أحدكم طير ياكل الطيور ؟
وماهو العلاج الامثل لجعله يترك تلك العاده ؟
لتفاعلكم تقديري .

[وَسَام!]

ياهلا ابو ماجد !
فعلا انا كان عندي طير الطيور وقت الهدد عنده اغلى من الحبارى!!!!!
لكن وقت الربطه بعد مايستصنع افكه طلق مع الطيور وعادي الوضع عنده!
ومن حكم تجربتي في هذا الطير اعتقد ان بعض الطيور وخصوصا مع هيجان الطير وقت
الهدد ان بعض الطيور جوعه حار ولا ينقصر عليه مايتحمل نقص العده! فلذلك مايميز اهم
شي عنده سد النقص في العده!
ومنك نسمع!

[الكعبي7]

سمعت كلام يقون لازم انا الوحد يرفع عدات الطير عشان مايكل الاطيور الثانيه واذي كانت عدات الطير نازله لتخليه مفرع مع الطيور

[قلب ذيب]

ارحب ياوسام !
وين وعدك في القرناس الطيب ! اظنك نسيت؟ هههههههههههه
مداخله من تجربه اشكرك عليها , ونسمع اراء بقية الاخوه .
تحياتي .

[أبو أمين]

الطير الي يجر عليه راعيه اي ينقص من علفه تصير الحاله هذي فيه واكثر المشاكل الي زي كذا تكون في الربط وبسبة الجيرة لان واحد من الربع يعلمني يقول مرة دخلت الربطه وعينت طير ماباقي فيه الا رجليه هذا والله اعلم

[قلب ذيب]

ارحب الكعبي 17
كلامك في محله , لكن هناك طيور تاكل الطيور حتى لو عدتها مرتفعه .
لك تقديري .

[قلب ذيب]

هلا وغلا ابوامين .
صحيح . لكن بعض الطيور تاكل الطيور وهي متعشيه !
للحديث بقيه , اثمن مداخلتك . تسلم .

[المنصوري-قطر]

مساك الله بالخير يابومايد

الحمد الله ماقد صارت لطيوري لاني مقيظي ربط مب هدد واذا ربط اقصر عليهن ولا احطهن قريب عن بعض

وانا سمعت شباب اعرفهم صارت لهم انا طير ماكله طير والسنه جير ماكل فرخ شاهين

تقبل مشاركتي يابومايد والسموحه ع القصور

[الطبشي]

والله هذي مشكله والله لا يطيح في يدي طير ياكل الطيور ....ونا سمعت عنهم واجد واكثر شي في المقيض ........

[صقار البحرين]

بوماجد
الله يحيك ومشكور على السؤال اللي اتمنى انا و الاخوان نستفيد منه

والله بخصوص الطير اللي ياكل الطيور انا اشوف انها ماهي في العده المشكله ان بعض الطيور اذا كل على طير مره وحده يكون مشكله كبيره وفيه بعض الطير ياكل الطيور وهو مبرقع وهذي مشكله اكبروالله يابوماجد الطيور اللي شفتها واجد وصمعت عنها واجد والله يكفينا شر الطيور المغلوثه ..
وانا مثلك والله ابحث عن الحل وان شاء الله الاخوان مايقصرون

[سنجااار]

والله نشوف هالطيور لكنها مثل ماقال اخونا وسام
تقبل تحياتي

[@قرناص@]

,,

والله ما جاني طير آكول والحمدلله..

لاكن الظآهر انه سبق وان جوعه رآعيه وآكل طير ثم خلاص جته ها الحاله!!

ننتظر البقيه

,,

[المزروعي]

يا مرحبا يا بوماجد موضوع جديد من نوعه .
صارت عندي مره فرخ فارسي أكل جير تبع واحد من الربع و الطير ما كان فيه ذا الجوع و أنا أستغربت جدا هذا التصرف . و حلفت أني ما أنقل هذا الفرخ مره ثانيه خفت أنه يفضحني مره ثانيه . و أنا ما أدري هل هذا الفرخ هذا طبعه أو أنه صار هذا الشي بالغلط !!

[خيال الصبحا]

ومنكم نستفيد
وبخصوص الموضوع ماعندي
وشكرًا

[نبع الدموع]

حياك الله يابو ماجد و كان ودي اخدمك بالحل و المشكلة مثل ما قلت ان الطير يعلف طير ثاني و هوا صنيع
عندي شيهانة هدت على شبوط مخلية للنقل في الموتر و يالله جبدتة منها و نفس هالشيهانة راحت في
بطن طير ثاني و الله اني ناسي ياهو وكري او حر هالكلام منذ مبطي :)
و الي متاكد منة اني ما اصوم الطيور وقت المقناص ابد يعني الطيور ما هدت عن جوع.

[الرّمااااي]

مشكور علي الموضوع وبغيت اقولكم عن طيري والراي لكم
طيري مايتحمل انك تجوعه مره هديته بعد ربطه علي حمامه نشيطه وماقدر عليها ونزل تعبان ورميتله الملواح الي يموت عليه وماجا عينه علي الحمامه لين قربت عنده وعطيته اللوح ومن جا برقعته وحطيته بالسياره ياجماعه الطير صابته حاله نفسيه وانهيار عصبي قام يكرك ويصيح حتي الشباب جو يسالون عن السالفه من كثر الازعاج عدها الحمامه نفسها مرت علينا طيار اهده ويلحقها لين علقها سما وصار ينتفها وهو نازل مروحه وكان منظر عجيب وجميل جدا ريش ريش ريش كانه العاب ناريه
ومره هديته علي حمامه وزبنت الحمامه السياره ومكتها وطير صاحبي كان مهدود ونازل علي الارض ولما طيري ماشاف الحمامه وافلس منها هد علي طير خوي والطير انحاش وصارت مطارده عنيفه لاحق وملحوق وخوي علي سيارته يحاول يلحق عليهم وطيري كان صامل علي الطير الثاني حتيتعب طيري وغبار السياره خلاه مايشوف الطير الثاني وشكر ا

[صقار شياهين]

الطير ياكل الطير الثاني لعدة اسباب منها :
التجويع الشديد للطير____اختلاف حجم الطيور مثل تحط لك حر بجانب جبلية ماعنده غيرها وهذا قانون الغابة___ان يكون من المفرخات او المهجنات فالطيور هذه مفهومها كل شي للأكل______واخيرا الطير في الاسر يعني مضغوط عليه ومقيدة حريته ولذلك بيسوي اي شي يقدر عليه.اما العلاج فهو انك تخليه في عشه والطيور الثانية في عشه ثانية وغير الحل هذا مايمشي وشكرا

[جارح العين]

قليل تصير هالمشكله
واعتقد من قلت العلف

[سلطان 1]

يالربع المشكله هذي مالها دخل في عده الطير هذي ترجع لنفسية الطير0
وطير ياكل طير شي عادي ونشوفها دايم 0
لكن قد سمعتو بطير يهد علي الرياجيل هذي اللي مالها حل 0
ولو ما صارت معي كان ما صدقت وعليها رياجيل شهود

[عبرود الشمال]

يالربع المشكله هذي مالها دخل في عده الطير هذي ترجع لنفسية الطير0

وطير ياكل طير شي عادي ونشوفها دايم 0
لكن قد سمعتو بطير يهد علي الرياجيل هذي اللي مالها حل 0

ولو ما صارت معي كان ما صدقت وعليها رياجيل شهود

كلامك سليم ومصدق وانا اخوك

[ذراع الذيب]

الله يعطيهم العافيه الاعضاء ماقصرو..السبب الاول الجوع ..والاقوى ياكل الضعيف..وسلامتك..

[قلب ذيب]

الله يحي كل باسمه .
شكرا لمداخلاتكم القيمه المفيده , فعلا هناك اسباب متعدده وكثيره ليقام الطير باكل الطيور الاخرى .
الجوع والشراسه الزايده, ونوع الطير وما الى ذلك .-----------تحياتي .

[مغــادر]

السلام عليكم ورحمة الله وبركاته
كلام اخوي راعي فاروق سليم لاني مره جيت محل لبيع الطيور وحصلت جير شاهين وقلت لراعي المحل وش علوم الجير قال صايد الرياجيل ,,قلت شلون صايد الرياجيل قال شراه واحد وراحوا للدعوا ولا خلا حد في الحزم الا زبنه موتره,,, والحاله هاذي ان الطير ياكل الطيور كثيرها تكون في الجيره واذا الطير جويع حده ومبرقع وجنبه طير وذهب حركته شبطه ونتش لانه يحسبه نسير والله المستعان,,,

[فداع]

:no2:

يالربع المشكله هذي مالها دخل في عده الطير هذي ترجع لنفسية الطير0

وطير ياكل طير شي عادي ونشوفها دايم 0
لكن قد سمعتو بطير يهد علي الرياجيل هذي اللي مالها حل 0

ولو ما صارت معي كان ما صدقت وعليها رياجيل شهود
لاتشتري التفريخ اللاوالعصامعه:j

[أبو أمين]

:no2: لاتشتري التفريخ اللاوالعصامعه:j
ان الحرار انجاس مناكيل

[شنوان]

فعلا الكلام صحيح
انا كان عندي طير جير شاهين اسود
واغليه بالحيل لانه سبوق جدا واخذ
المركز الاول في سباق النعيريه اول
سنه
واكل تغريبا 3حرار وشواهين ثنتين
وفشلني تفشيله مابعدهل
وجاء رجال وطلبه طلب قلتله صحيح الطير صايد
وسبوق بس فيه هلعذروب قال انا قابله
وبعد فتره رجعه علي قلتله عسى ماشر
قال ما اكل طير بس عيبله طير كسر جناحه

[محمد الفهيد]

في رأيي الشخصي ان الطيور الي تاكل طيور
مالها حل.
مافيه الا انها تعزل عن الطيور أو انك تفكه على طير اكبر منه ياكله

تحياتي يابوماجد

[فداع]

ان الحرار انجاس مناكيل
سلامات يابوامين عسى ماشر

[راعي شلهوب]

انا وجهه نظري يمكن الطير مار علية موقف جاه طير ودغفة وهو مبرقع وصارت فيه ذالعاده
لكن اغلب الحالات ذي في الجيرة و لان فيها شراسه اعلى من معدل الوحش
لا كن ان عجزت منه هده على عقاب وشف من ياكل الثاني خله يروعه يمكن يهجد
اما ان كل العقاب انا اشريه لان في ناس دابلين كبدي بهد عليهم هههههههه
تقبل مروري

[أبو أمين]

سلامات يابوامين عسى ماشر

الله يسلمك والشر مايجيك بس حبيت امزح معك لان الشطر الي قلته من قول الشاعر المتنبي
وهو

لاتشتري العبد الا والعصى معه ان العبيد انجاس مناكيل

فانت قلت لاتشتري التفريخ الا والعصى معه وانا قلت ان الحرار انجاس مناكيل

ارجوا انك فهمتني:)

[قنيص غبر]

اذكر مره خذنا شواهين سكوتش اخوان طبق الاصل .. واحد منهم كان مايخلي طير اللا عدا عليه . أكل عندنا طير بيور . وطير ثاني الله سلمه منه .. الطريف ان هذا الطير كانت نهايته على عقاب حول عليه واكله :) ..

اعتقد ان السبب شراسة الطير ونفسيته هي السبب .. ماله دخل العديه او الوزن ...

وشكرا

[كشات قطر]

الله لايهينك يابوماجد
تعددت الأسباب والموت واحد
كل اللي ذكروه الأخوان صحيح أن شاء الله
أعتقد والله أعلم أن بعض الفروخ في العش تاكل بعضها لأن الأم تتأخر بالعشا لين تجيبه(أشبكوها الطواريح) فيقوم واحد من الفروخ ويعدي على أخوه الثاني

وتقبلوا مروري وتحياتي

[بوخالد الكعبي]

بوماجد



الله يحيك ومشكور على السؤال اللي اتمنى انا و الاخوان نستفيد منه


والله بخصوص الطير اللي ياكل الطيور انا اشوف انها ماهي في العده المشكله ان بعض الطيور اذا كل على طير مره وحده يكون مشكله كبيره وفيه بعض الطير ياكل الطيور وهو مبرقع وهذي مشكله اكبروالله يابوماجد الطيور اللي شفتها واجد وصمعت عنها واجد والله يكفينا شر الطيور المغلوثه ..


وانا مثلك والله ابحث عن الحل وان شاء الله الاخوان مايقصرون


كلامك صحيح اخوى صقار البحرين عندي واحد قبل فرخ شاهين اكل طير جنبه و هو مبرقع والله


بس اعتقد انه شي عادي لاانه مايدري بالشي اللى قدامه وهو مبرقع



يا مرحبا يا بوماجد موضوع جديد من نوعه .
صارت عندي مره فرخ فارسي أكل جير تبع واحد من الربع و الطير ما كان فيه ذا الجوع و أنا أستغربت جدا هذا التصرف . و حلفت أني ما أنقل هذا الفرخ مره ثانيه خفت أنه يفضحني مره ثانيه . و أنا ما أدري هل هذا الفرخ هذا طبعه أو أنه صار هذا الشي بالغلط !!

والله كان عندي طير بعد ثاني يالمزروعي شباك غبر من قلب يموت على شبك الطير وفيه سبق مب طبيعي والله العظيم


بس وقت الهدد اذا هديت من بعد طير على الحباره والطير الاول مايبيها اقصد قسم بالله مايعني الطير بشي يحط على نفسه و سبقه لجل يصيد الحباره سبحان استغرب من الشي هذا وكانت نهايتة انه طلع من التكايه طلع على العقاب و تشابك معاه و تاخرنا عليه لاانه القاع كان وعر شووي و كسر جناحه العقاب الله لايبارك فيه


ومن هذا الشي اقتنعت ان الطير السبوق و اللى يبا يتعيش بصيدته مايرد لجل طير ثانيه


وانه يشبك الطيور الثانيه اكثر شي مب وقت الهدد على الصيده اعتقد ذلك


وشكرا على الموضوع