أهــل الــشــروكـــي

[بـلـيـهـان 1]

بسم الله الرحممن الرحيم

السلام عليكم ورحمه الله وبركاته

مساكم الله بالخير

كيف الحال جميعا ً

عساكم طيبين ..

عندي لا هنتم مشاكل و ودي بآرائكم

1 ـ عندي رجة إذا مشيت 120 و فوق

2 ـ إذا سويت بريك الموتر يرج رجة قويه

3 ـ الموتر كل ما تجي مطبه او نزله او طعس او اي شي يتحرك بقوة

4 ـ كل ما أوقف و اخلي المكيف مفتوح و السياره صار لها عشر دقايق شغاله ترتفع الحراره H



علما بأني خرطت الهوبات و رصصت الكفرات و شيكن على الجنوط و غيرت رديتر جديد اردني ابو رصتين و غيرت كل خراطيش الرديتر و الأهواز بخراطيش و أهواز أصليه


فزعتكم لا هنتم

و شكرا جزيلا

[فارس تميم]

السلام عليكم


اخووي بالنسبه للرجه شيك على العموود الله يستر عليك من بلاويه
انا جان نفس الكلام ورحت عند ميزان العضيبي بالرياض (صلاح الدين)
ووصفلي ورشه ترصص العمود والحمد لله الحيين تمااام



اما الحراره مالك الا مراوح السوبارو والاديتر احررص على الالمونيوم انا اشهد انه علاج الحراره
ماشاء الله ما عمره تعدا الربع عقب ما ركبته وهو رصه وحده


اسف على الاطاله بس حبيت ادلو بدلوي

[kalel88]

قد تكون الرجة من الأذرع

افحصها

[شروكي ربع]

مواصفات الرجه هذي من مساعد الدركسون , وسبق واجهتها .

اما الحرارة غير بلف الحرارة لبلف كابرس يفتح على 160 .

واذا حصل تغير حساس حق المروحة الكهرب ان شاء تضبط ..

واذا بتغير مروحة السير بسوباروا ان شاء الله امورك تصير زينة بس بشرط ان السيارة قير عادي .

بس لا تغير مروحة الكهرب حقت الوكالة لانها اقوى من السوباروا .

[أبو نواف هاشم]

والله الشباب ماقصروا بس شيك على الجوزات كمان

[أبوخالد2008]

السلام عليكم
أخوي أنا كان عندي نفس المشكلة في الشروكي رحت العضيب اللي في الصناعية القديمة
وغيرت الأضرعة كلها وعامود توازن ومسمار توازن وابشرك انحلت المشكلة عندي وعطوني عليها ضمان
شهر وترى شغلهم نظيف بس غالين جداً.. أما الحرارة فأنا عندي نفس المشكلة بالضبط ياليت الأخوان يساعدوننا
عذراً على الإطالة

[فني الشروكيات]

1 ـ عندي رجة إذا مشيت 120 و فوق




2 ـ إذا سويت بريك الموتر يرج رجة قويه


3 ـ الموتر كل ما تجي مطبه او نزله او طعس او اي شي يتحرك بقوة


4 ـ كل ما أوقف و اخلي المكيف مفتوح و السياره صار لها عشر دقايق شغاله ترتفع الحراره H





1/الرجة هذي غالباً ما تكون من عمود الدبل، أو مساعد الدركسون، أو ذراع الدركسون ...
2/ عمود الدبل، أو الهوبات ما خرطت زين ..
3/ المشكلة في جلب المقصات، او الدودة ...
4/ لازم تشيك على دورة الموية كاملة، لو تمام، شف الخرطوش حق الموية لو متجر فالمشكلة عندك بالراس ..



وبالنسبة لحرارة الشروكي دواها موجود عندي باذن الله،، وغير الشروكي يراجع موضوعي عن الحرارة يجد فيه الجواب الشافي باذن الله تعالى ...


وأي استفسار حاظرين ..

[alsarem]

بنسبه للرجه شيك على الصليب حق العامود لأنه انا حصلت معي نفس المشكله وغيرته وظبط والحرارة تأكد من غطاء الرديتروطرمبة الماء

[نفس السحاب]

شيك بعد على كراسي المكينه

[سوبر VTC]

هلابك اخوي
الاخوان ماراح يقصرون معك
و اذا بغيت رقم
ابو تركي الفهيد
وابو علي الثويني
وابو ابراهيم الرشيد
كلهم بالقصيم
او ابو فهد خليفة الهاشل
و او فني الشيروكي
و هذان بالرياض
راح ارسلهن لك على الخاص
تحياتي

[بـلـيـهـان 1]

وافين يالربع الله لا يهينكم و يكثر من أمثالكم

و إلي عنده لاهنتم رقم فني الشروكيات يرسله لي

ماتقصرون يالذيابه و عز الله أنكم وافين